ARYNews.tv | Urdu – Har Lamha Bakhabar

Tag: Lahore Police

  • لاہور میں گرلز کالج سے گیارہویں جماعت کی طالبہ اغواء

    لاہور میں گرلز کالج سے گیارہویں جماعت کی طالبہ اغواء

    لاہور : تھانہ مسلم ٹاؤن کی حدود میں نجی کالج سے طالبہ کو مبینہ طور پر اغواء کرلیا گیا، پولیس نے واقعے کی ایف آئی آر درج کرلی۔

    پولیس کے مطابق طالبہ فرسٹ ائیر کا امتحان دینے آئی تھی، والد کا کہنا ہے کہ بیٹی کالج گئی لیکن واپسی پر گھر نہیں پہنچی۔

    فرسٹ ایئر کی طالبہ کے اغواء کا مقدمہ تھانہ مسلم ٹاؤن میں درج کرلیا گیا، طالبہ کے والد کا کہنا ہے کہ میری بیٹی25جون کو امتحان دینے کالج گئی لیکن تاحال واپس نہ لوٹی۔

    والد کے بیان کے مطابقصبح 11بجےامتحان کا وقت ختم ہوا اس کے بعد بچی کالج میں موجود نہ تھی، شبہ ہے کہ میری بیٹی کو نامعلوم افراد نےاغواء کیا ہے۔

    طالبہ کے والد نے پولیس کے اعلیٰ حکام سےاپیل کی ہے کہ میری بیٹی کو فوری طور بازیاب کروایا جائے، دوسری جانب آئی جی پنجاب نے واقعہ کا سختی سے نوٹس لے کر انوسٹی گیشن پولیس سے رپورٹ طلب کرلی ہے۔

  • پولیس نے پنجاب اسمبلی کو کیوں گھیرے میں لیا، اے آر وائی نیوز نے پتا لگا لیا

    پولیس نے پنجاب اسمبلی کو کیوں گھیرے میں لیا، اے آر وائی نیوز نے پتا لگا لیا

    لاہور: پولیس نے پنجاب اسمبلی کو کیوں گھیرے میں لیا، اے آر وائی نیوز نے پتا لگا لیا۔

    تفصیلات کے مطابق لاہور پولیس نے ارکان کو حلف لینے سے روکنے کے لیے صوبائی اسمبلی کے دروازے بند کر دیے ہیں۔

    ذرائع کے مطابق وفاقی وزیر قانون نےگزشتہ شب وزیر اعظم اور وزیر اعلیٰ پنجاب کو صوبائی اسمبلی پر بریف کیا تھا، ذرائع اعظم تارڑ کا کہنا ہے کہ پنجاب اسمبلی میں ابھی وزیر اعلی ٰ پنجاب حمزہ شہباز کی اکثریت قائم ہے، جب کہ ذرائع وفاقی وزیر قانون کا کہنا ہے کہ قانونی طور پر ضمنی انتخاب تک 4 مخصوص نشستیں کوئی نہیں لے سکتا۔

    پولیس نے پنجاب اسمبلی کا کنٹرول سنبھال لیا

    الیکشن کمیشن نے بھی کسی نئے رکن کا نوٹیفکیشن جاری نہیں کیا، ذرائع وزیر قانون کے مطابق 20 سیٹوں کا ضمنی انتخاب کون سی جماعت جیتے گی، یہ کسی کو نہیں معلوم، اسپیکر پنجاب اسمبلی کسی ممبر سے اپنے طور حلف نہیں لے سکتے۔

    واضح رہے کہ پنجاب میں ایک بار پھر پولیس گردی کا واقعہ رونما ہو گیا ہے، اسمبلی اجلاس سے پہلے پنجاب پولیس نے اسمبلی کا کنٹرول سنبھال لیا، اور اسمبلی ملازمین کو بھی اسمبلی سیکریٹریٹ میں جانے سے روک دیا ہے۔

    پولیس نے ڈی جی پارلیمانی امور رائے ممتاز حسین کو حراست میں لے لیا، ان کی اہلیہ نے الزام عائد کیا کہ رات ساڑھے تین بجے پولیس دیوار پھلانگ کر گھر میں داخل ہوئی، سیکریٹری پنجاب اسمبلی محمد خان بھٹی اور ڈی جی کوآرڈینیشن عنایت اللہ لک کے گھروں پر بھی چھاپے مارے گئے۔

  • لاہور : میٹرک کی طالبہ کو بھائی کے سامنے اغواء کرلیا گیا

    لاہور : میٹرک کی طالبہ کو بھائی کے سامنے اغواء کرلیا گیا

    لاہور : شہر میں دن دہاڑے میٹرک کی طالبہ کو اغواء کرلیا گیا، مغویہ دسویں کلاس کا امتحان دینے بھائی کے ساتھ جارہی تھی۔

    اس حوالے سے ذرائع کا کہنا ہے کہ شادباغ کے علاقے سے دسویں جماعت کی طالبہ کے اغواء کا معاملہ سامنے آیا ہے، مسلح ملزمان نے دن دہاڑے کارروائی کی۔

    واقعے کی سی سی ٹی وی فوٹیج اے آر وائی نیوز نے حاصل کرلی، 17 سالہ طالبہ اپنے بھائی کے ساتھ دسویں کا امتحان دینے جا رہی تھی۔

    پولیس کے مطابق امتحانیہ مرکز کے راستے میں کھڑے 4مسلح اغواء کاروں نے اسلحہ کے زور پر مذکورہ طالبہ کواغواء کرکے باآسانی فرار ہوگئے۔

    اس سلسلے میں پولیس حکام نے بتایا کہ لڑکی کو اس کے سابق منگیتر عابد اور ساتھیوں نے مل کر اغواء کیا، اغوا کے ملزم عابد کے والدین کو مقدمے میں نامزد کرکے انہیں گرفتار کرلیا گیا ہے۔

    پولیس کے مطابق اغواء کے دوران استعمال ہوا پستول بھی برآمد کرلیا گیا، طالبہ کے اغواء میں پستول فراہم کرنے والا سہولت کار راشد بھی پکڑا گیا ہے۔

    اس کے علاوہ اغواء میں ملوث سہولت کار سمیت 13 افراد زیرحراست ہیں، ملزمان اغوا کے بعد لڑکی کو قصور لے گئے۔

    پولیس ملزمان کا پیچھا کر رہی ہے جلد گرفتار کر لیا جائے گا، سی سی پی او کی اغواء میں ملوث تمام ملزمان کی فوری گرفتاری کی ہدایت کی ہے۔

  • بدعنوانی میں ملوث سریے کے 3 ہول سیل ڈیلر گرفتار

    بدعنوانی میں ملوث سریے کے 3 ہول سیل ڈیلر گرفتار

    لاہور : پولیس نے ناپ تول میں کمی اور پکڑے جانے پر رشوت کی پیشکش کرنے والے 03 ملزمان کو گرفتار کرلیا۔

    اس حوالے سے ایس پی کینٹ عیسیٰ سکھیرا نے میڈیا کو بتایا کہ گھناؤنے کاروبار میں ملوث معسود عرف بلو، اسلم اور مسکین علی کو گرفتار کرلیا گیا ہے۔

    ایس پی کینٹ کے مطابق گرفتار ملزمان لوہے اور سریے کے ہول سیل ڈیلر تھے اور مال بیچتے ہوئے وزن میں خوفناک حد تک کمی کرتے تھے۔

    پولیس کا کہنا ہے کہ مذکورہ ملزمان منظم طریقے سے ناپ تول میں کمی کیا کرتے تھے، روزانہ کی بنیاد پر گاہکوں کو لاکھوں روپے کا چونا لگا رہے تھے۔

    ملزمان کو چھڑوانے کے لیے ایس ایچ او کو ایک لاکھ روپے کی رشوت کی پیشکش کرنے والا تیسرا ساتھی ملزم اسلم بھی گرفتار کرلیا گیا ہے۔

    ایس پی کینٹ نے بتایا کہ ملزمان سے 5 لاکھ روپے فراڈ کی رقم کے علاوہ ایک لاکھ روپے رشوت کے بھی برآمد کیے گئے ہیں۔

    پولیس کے مطابق شہری کی شکایت پر سی سی پی او لاہور کے حکم پر کارروائی کی گئی، ملزمان کے خلاف مقدمات درج کرکے مزید تحقیقات کے لیے انوسٹی گیشن ڈیپارٹمنٹ کے حوالے کردیا گیا ہے۔

  • گریٹر اقبال پارک واقعے کے بعد لاہور میں جنسی ہراسگی کیسز میں 300 فی صد اضافہ

    گریٹر اقبال پارک واقعے کے بعد لاہور میں جنسی ہراسگی کیسز میں 300 فی صد اضافہ

    لاہور: ایک پولیس رپورٹ میں انکشاف کیا گیا ہے کہ لاہور میں‌ 14 اگست کے بعد سے جنسی ہراسگی کے کیسز کے اندراج میں 300 فی صد اضافہ ہو گیا ہے۔

    تفصیلات کے مطابق لاہور پولیس نے شہر میں جنسی ہراسگی پر رپورٹ میں کہا ہے کہ گزشتہ ڈیڑھ ماہ میں شہر میں جنسی ہراسگی کے 642 مقدمات درج ہوئے، جب کہ چودہ اگست کے بعد مجموعی طور پر واقعات میں تین سو فی صد اضافہ ہوا ہے۔

    پولیس رپورٹ میں کہا گیا ہے کہ 14 اگست سے قبل مقدمات کی تعداد 150 سے کم تھی، جنسی ہراسگی کے اگست میں 323، اور رواں ماہ 319 مقدمات درج ہوئے۔

    پولیس حکام کے مطابق مقدمات 354،354 اے، 509 بی کی دفعات کے تحت درج کیے جا رہے ہیں، مقدمات میں شامل یہ دفعات ناقابل ضمانت ہیں۔

    پولیس کا کہنا ہے کہ 110 مقدمات جھوٹے ثابت ہونے پر خارج ہو چکے ہیں۔

    ڈی آئی جی شارق جمال خان نے بتایا کہ جنسی ہراسگی کے واقعات پہلے بھی ہوتے تھے، تاہم خواتین مقدمات سے گریز کرتی تھیں، گریٹر اقبال پارک واقعے نے خواتین کے حوصلے بڑھائے۔

    ڈی آئی جی شارق جمال خان نے تنبیہ کی کہ جنسی ہراسگی کے جھوٹے مقدمات درج کرانے والوں کے خلاف کارروائی ہوگی۔

  • اغواء کار بچوں کو کہاں فروخت کرتے ہیں، ملزم کا ہوشربا انکشاف

    اغواء کار بچوں کو کہاں فروخت کرتے ہیں، ملزم کا ہوشربا انکشاف

    لاہور : پنجاب میں بچوں کے اغواء کی وارداتوں میں ملوث گرفتار ملزمان نے ہولناک انکشاف کیا ہے، بچوں کی فروخت کے حوالے سے دیئے گئےبیان پولیس حکام میں کھلبلی مچ گئی۔

    تفصیلات کے مطابق گزشتہ روز لاہور کے علاقے شاہدرہ مصطفیٰ ٹاؤن میں ایک بچی کے اغوا کا واقعہ پیش آیا تھا جسے پولیس نے 9 گھنٹے بعد بازیاب کرالیا۔

    صحافیوں کو پولیس حکام نے بتایا کہ مقامی شہری سہیل کی بیٹی کو ان کے محلہ کے رہائشی دلاور نامی شخص نے اغوا کیا تھا ملزم کو سی سی ٹی وی فوٹیج کی مدد سے گرفتار کیا گیا۔

    سی سی ٹی وی فوٹیج میں دیکھا جاسکتا ہے کہ شلوار قمیض میں ملبوس ملزم بچی کو چیز دلانے کے بہانے ورغلا کر ساتھ لے جارہا ہے لیکن وہ بچی کو کہاں لے کر جاتا ہے ابھی واضح نہیں ہوا۔

    تفتیش کے دوران پولیس کو ملزم کے موبائل فون کی گیلری سے محلے کے دیگر بچوں کی تصاویر بھی ملی ہوئی، جنہیں بعد میں اغواء کیا جانا تھا۔

    پولیس افسران کا کہنا ہے کہ تفتیش کے دوران یہ انکشاف ہوا کہ اغوا کار بچی کو خواجہ سرا کے ہاتھوں بیچنے لے گیا تھا اور یہ ملزمان بچوں کو اغواء کرکے خواجہ سراؤں کو فروخت کردیتے ہیں۔

    پولیس کے مطابق ملزم سے ابھی تفتیش جاری ہے، محلے داروں کا کہنا ہے کہ اغوا کاروں کا گروہ 3 افراد پر مشتمل ہے جو بچوں کو چیز دلانے کے بہانے اغوا کرتے ہیں۔

  • صوبائی رکن اسمبلی نذیر چوہان کو گرفتار کر لیا گیا

    صوبائی رکن اسمبلی نذیر چوہان کو گرفتار کر لیا گیا

    لاہور: پولیس نے صوبائی رکن اسمبلی نذیر چوہان کو گرفتار کر لیا، نذیر چوہان کے خلاف مشیر داخلہ شہزاد اکبر کی درخواست پرمقدمہ درج ہے۔

    تفصیلات کے مطابق لاہور پولیس کی جانب سے صوبائی رکن اسمبلی نذیر چوہان کو گرفتار کر لیا گیا، پولیس نے نذیرچوہان کو ایل ڈی اے پلازہ کے قریب سے شہزاد اکبر کی درخواست پردرج مقدمے میں حراست میں لیا۔

    ذرائع کا کہنا ہے کہ نذیر چوہان کی ایف آئی اے سے وائس میچ کرائی جائےگی۔

    یاد رہے رواں ماہ مئی میں مشیر داخلہ شہزاد اکبر نے جہانگیر ترین گروپ کے ایم پی اے نذیر چوہان کے خلاف مقدمہ درج کرایا تھا ،مقدمےمیں دھمکیاں دینا اور کار سرکار میں مداخلت کی دفعات شامل کی گئیں تھیں۔

    ایف آئی آر کے مطابق ایک مسلمان شخص پر کفر کی تہمت لگانا جرم ہے، افسوس یہ جرم نذیر چوہان نےسرزد کیا، شہزاداکبر نے کہا تھا کچھ نادان دوست ابھی بھی سوشل میڈیاپرگمراہ کن باتیں پھیلا رہے ہیں۔

    بعد ازاں وفاقی وزیر فوادچوہدری نے اپنے بیان میں کہا تھا کہ ذاتی انتقام کےلیے مذہبی کارڈ استعمال کرنا گھناؤنا فعل ہے، نذیرچوہان شہزاداکبرکےخلاف تھرڈکلاس حربے استعمال کر رہا ہے، لاہورپولیس ایم پی اےنذیرچوہان کے خلاف سخت کارروائی کرے۔

  • لاہور میں کریک ڈاؤن، 77 پتنگ باز گرفتار، مقدمات درج

    لاہور میں کریک ڈاؤن، 77 پتنگ باز گرفتار، مقدمات درج

    لاہور: پنجاب کے دارالخلافہ لاہور میں پتنگ بازوں کے خلاف کریک ڈاؤن کیا گیا ہے جس کے دوران 77 افراد کو گرفتار کر کے سینکڑوں پتنگیں اور چرخیاں برآمد کر لی گئیں۔

    لاہور میں پتنگ کی ڈور سے شہریوں کے زخمی ہونے کے واقعات میں اضافے کے بعد صوبائی انتظامیہ حرکت میں آگئی، شہر کے مختلف علاقوں میں تابڑ توڑ کارروائیاں کرتے ہوئے 77افراد کو گرفتار کرکے مقدمات درج کرلیے گئے۔

    پولیس ذرائع کا کہنا ہے کہ گزشتہ24گھنٹوں کے دوران ماڈل ٹاؤن ڈویژن سے52 پتنگ باز لاہور کے تھانہ نشترکالونی کی حدود سے14، کوٹ لکھپت3اور کاہنہ سے8پتنگ بازوں کو گرفتار کیا گیا ہے۔

    ذرائع کے مطابق تھانہ اچھرہ میں5،لیاقت آباد11،نصیرآباد میں 4، تھانہ فیصل ٹاؤن میں4،تھانہ غالب مارکیٹ 2اورشادمان میں بھی گرفتار ملزمان کیخلاف مقدمات درج کیے گئے ہیں۔

    ملزمان کے قبضےسے درجنوں کی تعداد میں پتنگیں اور مانجھے چرخیاں برآمد ہوئی ہیں جنہیں پولیس نے اپنے قبضے میں لے لیا۔

    اس حوالے سے پولیس حکام کا کہنا ہے کہ کسی شہری کو پتنگ بازی جیسے خطرناک کھیل کی اجازت نہیں دی جائے گی، تمام ایس ایچ اوز کو اپنے علاقوں میں ٹیمیں تشکیل دینے کا حکم بھی دیا گیا ہے۔

    دوسری جانب عوامی حلقوں کا کہنا ہے کہ پتنگ بازی بالخصوص اتوار کو بھر پور پتنگ بازی پولیس کی کارکردگی پر سوالیہ نشان ہے۔

  • لاہور سے مبینہ بھارتی جاسوس گرفتار

    لاہور سے مبینہ بھارتی جاسوس گرفتار

    لاہور: پولیس نے لاہور سے مبینہ بھارتی جاسوس گرفتار کرلیا ، مشکوک شخص سے 3 بھارتی اخبار،ماچس اور کپڑے برآمد ہوئے، جس کے بعد تفتیش کے لیے سی ٹی ڈی کے حوالے کردیا گیا۔

    تفصیلات کے مطابق لاہور کے علاقے نشتر کالونی سےمبینہ بھارتی جاسوس گرفتار کرلیا گیا ، پولیس کا کہنا ہے کہ مشکوک شخص سےتفتیش کی تواس نے اپنا نام ندیم ولدجن مند بتایا، مشکوک شخص نےبتایااحمدپورشرقیہ سےآیا،بھارت کارہائشی ہے اور گھریلوجھگڑےکی وجہ بارڈرکراس کر کےپاکستان آیا۔

    پولیس نے کہا مشکوک شخص سے3بھارتی اخبار،ماچس،کپڑے برآمدہوئے، بعد ازاں ندیم کوتفتیش کےلیےسی ٹی ڈی کےحوالےکردیاگیا ہے۔

    یاد رہے گذشتہ سال سیکیورٹی فورسز نے گلگت بلتستان سے 2 بھارتی جاسوسوں کو گرفتار کیا تھا ، جن کی شناخت نور محمد وانی اور فیروز احمد لون کے ناموں سے ہوئی اور گرفتار بھارتی جاسوسوں کا تعلق مقبوضہ کشمیر سے تھا۔

    جاسوسوں نے اعتراف کیا تھا کہ وہ پاکستان میں جاسوسی کے لیے داخل ہوئے تھے اور انہیں بھارت نے ڈرا دھمکا کر پاکستان میں جاسوسی کے لیے بھیجا تھا۔

  • لاہور : پُرتشدد واقعات میں ملوث افراد کو گرفتار کرنے کی حکمت عملی تیار

    لاہور : پُرتشدد واقعات میں ملوث افراد کو گرفتار کرنے کی حکمت عملی تیار

    لاہور: پولیس نے پرتشدد واقعات میں ملوث افراد کو گرفتار کرنے کی حکمت عملی تیار کرتے ہوئے شرپسندوں کو گرفتار کرنے کا ٹاسک سی آئی اے پولیس کو دے دیا۔

    تفصیلات کے مطابق لاہور پولیس کی جانب سے پرتشددواقعات میں ملوث افرادکوگرفتارکرنےکی حکمت عملی تیار کرلی گئی، سی آئی اے پولیس کو شرپسندوں کو گرفتارکرنے کا ٹاسک سونپ دیا گیا ہے۔

    سی آئی اے پولیس شرپسندوں کی نشاندہی کیلئےویڈیوزکررہی ہے ، گرفتاری کے خوف سے سیکڑوں شرپسند روپوش ہو گئے ہیں۔

    ہنگاموں کےدوران 2پولیس اہلکارشہیداور500کےقریب زخمی ہو ئے تھے ، پولیس نےہنگامہ آرائی، توڑپھوڑ و دیگر دفعات کے تحت مقدمات درج کررکھے ہیں۔

    یاد رہے پنجاب حکومت نے دھرنے پر بیٹھے پرتشدد مظاہرین کے خلاف ایکشن شروع کرنے کا اعلان کرتے ہوئے کہا تھا کہ احتجاج کی وجہ سے بند راستے کھولنے کے لیے حکمت عملی طے کرلی گئی اور ضلعی انتظامیہ کو اپنے اپنے علاقے میں بند سڑکیں کھلوانے کی ہدایت کی گئی ہے۔

    خیال رہے کہ ایک مذہبی تنظیم کی جانب سے ملک بھر میں احتجاج اور دھرنے جاری ہیں جبکہ متعدد شہروں میں پولیس اور مظاہرین کے درمیان جھڑپیں بھی ہوئی ہیں جس میں متعدد اہلکار زخمی بھی ہوئے۔