Tag: Lahore

رائیونڈ (28 جولائی 2025): لاہور میں رائیونڈ پر پولیس نے رکشہ سے 50 کلو سے زائد بھنگ برآمد کرکے رکشہ ڈرائیور کو گرفتار کرلیا۔

تفصیلات کے مطابق لاہور میں رائیونڈ پر پولیس نے مانگا روڈ پر کارروائی کرتے ہوئے رکشہ سے 56 کلو بھنگ برآمد کرکے رکشہ ڈرائیور کو گرفتار کرلیا۔

پولیس کے مطابق مانگا روڈ رائیونڈ پر ملزم کو تلاشی کے لئے روکا گیا، تلاشی لینے پر رکشہ میں موجود سامان سے منشیات برآمد ہوئی، رائیونڈ پولیس کا مزید کہنا ہے کہ ملزم منظور احمد کے خلاف مقدمہ درج کرکے تفتیشی پولیس کے حوالے کر دیا گیا۔

دوسری جانب راولپنڈی میں اے این ایف کا تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف کریک ڈاؤن کارروائیوں کے دوران 3 خواتین سمیت 12 ملزمان گرفتار، 2 کروڑ 51 لاکھ روپے سے زائد مالیت کی 245.56 کلوگرام منشیات قبضے میں لے لی۔

ترجمان اے این ایف ہیڈ کوارٹر کے مطابق تعلیمی اداروں میں مختلف کارروائیوں میں مانسہرہ، قراقرم ہائی وے روڈ پر کالج کے قریب کارروائی، 700 گرام چرس برآمد کر کے ملزم کو گرفتار کر لیا گیا۔

جامشورو سندھ میں یونیورسٹی کے قریب مسافر بس میں سوار مسافر کے قبضے سے 2 کلو آئس برآمد کرکے ملزم گرفتار کرلیا گیا، گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کر لیا۔

لاہور: پنجاب کے صوبائی دارالحکومت میں طوفانی بارش برس گئی ہے، جس پر ریسکیو پنجاب ہائی الرٹ ہو گیا ہے، دوسری طرف جڑواں شہروں میں بھی موسلادھار بارش جاری ہے۔

ترجمان ریسکیو پنجاب نے کہا ہے کہ لاہور میں بارش کے پیش نظر ریسکیو ٹیموں کو ہنگامی الرٹ پر رکھا گیا ہے، عوام نشیبی علاقوں میں جانے سے گریز کریں، اور الیکٹرک پولز، کھلے بورڈز اور سوئچز کو ہاتھ نہ لگائیں، بارش کے باعث پھسلن سے حادثات کا خدشہ ہے اس لیے شہری احتیاط کریں، اور کسی بھی ایمرجنسی میں فوری طور پر 1122 پر رابطہ کریں۔

ترجمان موٹر وے پولیس نے بھی ایک بیان میں کہا ہے کہ سینٹرل ریجن کے مختلف مقامات پر موسلا دھار بارش جاری ہے، موٹر وے ایم 2 پر لاہور سے کوٹ مومن تک بارش ہوئی، لاہور سیالکوٹ موٹر وے، موٹر وے ایم 3 پر فیض پور سے سمندری تک بارش ہوئی۔

ترجمان سید عمران احمد نے کہا موٹر وے پولیس سفر کو محفوظ بنانے کے لیے ہر وقت موجود ہے، بارش کے دوران محتاط ڈرائیونگ کریں، رفتار کم رکھیں، اگلی گاڑی سے مناسب فاصلہ رکھیں، وائیپر، لائٹس اور بریکس کو چیک کریں، اور سفر سے قبل گاڑی کی مکمل جانچ کریں، نیز غیر ضروری سفر سے بھی گریز کریں، خاص طور پر شدید بارش میں، اور معلومات یا مدد کے لیے ہیلپ لائن 130 پر رابطہ کریں۔

25 جولائی تک مون سون بارشوں سے کیا ممکنہ خطرات ہیں؟ نشان دہی کر دی گئی

لاہور شہر میں موسلادھار بارش کے بعد نکاسی آب کے لیے بھی ہنگامی اقدامات کیے جا رہے ہیں، کمشنر زید بن مقصود نے تمام اداروں واسا، ایل ڈی اے، سی بی ڈی، ٹریفک پولیس اور ضلعی انتظامیہ کو فوری فیلڈ میں متحرک ہونے کی ہدایت کی ہے، انھوں نے کہا نکاسئ آب پر مامور ایمرجنسی ٹیمیں سورنگ پوائنٹس پر فوری ردعمل دیں، اور شہر کے تمام نشیبی علاقوں اور مین روڈز پر نکاسی آب یقینی بنائی جائے۔

دوسری طرف راولپنڈی اسلام آباد اور گرد و نواح میں وقفے وقفے سے موسلا دھار بارش کا سلسلہ جاری ہے، جڑواں شہروں میں اب تک مجموعی طور پر 46 ملی میٹر بارش ریکارڈ کی گئی ہے، محکمہ موسمیات کے مطابق سیدپور میں 49، گولڑہ 71، بوکڑہ میں 33 ملی میٹر، پی ایم ڈی گیجنگ اسٹیشن پر 18، شمس آباد 14، کچہری 54، پیر ودھائی 49، گوالمنڈی 32، کٹاریاں 26 ملی میٹر بارش ریکارڈ کی گئی۔

لاہور: وزیر اعلیٰ مریم نواز شریف کی ہدایت پر نو برڈ زون میں آپریشن تیز کر دیا گیا، ایئرپورٹس کے گرد 8 کلومیٹر کا علاقہ کلیئر کرنے کا عمل جاری ہے۔

وائلڈ لائف اور ای پی اے فورسز اور ضلعی انتظامیہ نے نو برڈ زون میں کارروائیاں شروع کر دیں، پرندوں کی موجودگی کو روکنے کے لیے لاہور کنٹونمنٹ، والٹن کنٹونمنٹ اور ایل ڈبلیو ایم سی کے علاقوں میں کچرا ہٹانے کا عمل بھی تیز کر دیا گیا۔

وزیر اعلی مریم نواز شریف نے فضائی سفر کو محفوظ بنانے کے مشن کے تحت انتظامی اداروں کو ایئرپورٹس کے قریب واقع حساس مقامات 30 جولائی تک کلیئر کرنے کی ڈیڈ لائن دی ہے۔

وائلڈ لائف اور ای پی اے فورس نے ضلعی انتظامیہ کے ہمراہ مختلف علاقوں میں مشترکہ آپریشن کیا، چھاپے مارے جن میں درجنوں شہریوں کو جرمانے اور گرفتاریاں کی گئیں، کبوتروں سمیت پرندوں کے ڈبے بھی قبضے میں لے لیے گئے۔

بہار شاہ روڈ اور ضرار شہید روڈ سے کبوتروں کے پنجرے ہٹا دیے گئے، گھونسلے ہٹانے کا سلسلہ بھی جاری ہے، جب کہ شالامار باغ، بھٹہ چوک، جیل روڈ، مغلپورہ، آر اے بازار میں گھونسلے ہٹانے کا آپریشن مکمل کر لیا گیا ہے۔

پرندوں سے ہوائی حادثات کے خدشے کے پیش نظر حساس زونز میں کچرا پھینکنے پر مکمل پابندی عائد ہے، اور صفائی مہم کے لیے خصوصی ٹیمیں سرگرم ہیں، اور مستقل نگرانی و رپورٹنگ کا عمل بھی جاری ہے، کھلی جگہوں پر کوڑا پھینکنے، ڈھکن کے بغیر کوڑا دان رکھنے والوں پر بھی جرمانے کیے جا رہے ہیں۔

الفیصل ٹاؤن میں کبوتروں کے ڈیرے ختم کرنے، پولٹری شاپس کی نگرانی اور گیریژن کلب میں ڈی نیسٹنگ آپریشنز مکمل کیے گئے، مذبح خانوں، پولٹری فارمز، درباروں اور چھتوں پر دانہ ڈالنے پر مکمل پابندی عائد کی گئی ہے، بارکی روڈ، بیدیاں روڈ، ڈی ایچ اے، عسکری، والٹن روڈ، قذافی اسٹیڈیم کی سخت نگرانی جاری ہے۔

واضح رہے کہ مریم نواز کی ہدایت پر ایئرپورٹس کے علاقوں میں کبوتر پالنے اور اڑانے پر مکمل پابندی ہے، اور نو برڈ زون میں زیرو ٹالرنس پالیسی لاگو کر دی گئی ہے، آپریشن میں گیریژن گالف کلب میں 142 گھونسلے، باغِ رحمت اسکول ایریا سے 21 گھونسلے، بھٹہ چوک سے 18، شالامار باغ سے 42 اور جیل روڈ سے 15 گھونسلے ہٹائے گئے ہیں۔

لاہور میں طوفانی بارش کے باعث 3 مسافر بردار طیارے ایئرپورٹ پر فضا میں چکراتے رہے، پروازوں کو لینڈگ میں شدید مشکلات کا سامنا کرنا پڑا۔

تفصیلات کے مطابق لاہور میں مون سون کا تیسرا اسپیل گزشتہ رات سے شروع ہو گیا ہے، جس کے باعث شہر میں موسلا دھار بارش کا سلسلہ شروع ہو گیا ہے، گزشتہ رات شہر آنے والے طیاروں کو لینڈنگ میں سخت مشکل پیش آئی۔

لاہور ایئرپورٹ آنے والی تین پروازوں کو ایئر ٹریفک کنٹرول نے فضا میں چکر لگانے کی ہدایت کی، لاہور آنے والی غیر ملکی ایئر لائن کا طیارہ ایئرپورٹ کی حدود میں تھا کہ طوفانی بارش شروع ہو گئی۔

دبئی سے لاہور آنے والی پی آئی اے کی پرواز کو بھی فضا میں چکر لگانے کی ہدایت کی گئی، اسی طرح جدہ سے لاہور آنے والی غیر ملکی ایئر لائن کی پرواز کو بھی لینڈنگ میں مشکلات پر فضا میں چکر لگانے کی ہدایت کی گئی۔

لاہور میں مون سون کا تیسرا اسپیل رات 9 بجکر 10 منٹ پر شروع، علاقے زیر آب

واضح رہے کہ لاہور میں مون سون کا تیسرا اسپیل رات 9 بجکر 10 منٹ پر شروع ہو گیا ہے، تیسرا سپیل وقفے وقفے سے شدید بارش کا باعث بن رہا ہے، شدید بارش کے باعث متعدد علاقے زیر آب آ گئے ہیں، اور اہم شاہراہیں ڈوب گئی ہیں۔

موسلا دھار بارش کے باعث متعدد افسوس ناک واقعات بھی پیش آئے ہیں، شہر میں بوسیدہ چھتیں گرنے اور کرنٹ لگنے سے 10 افراد جاں بحق ہو گئے ہیں، ہربنس پورہ میں کرنٹ لگنے سے 2 بچے جا ں بحق ہوئے۔ محکمہ موسمیات اور پی ڈی ایم اے کی جانب سے آئندہ 24 گھنٹے میں شدید بارش کی پیشگوئی کی گئی ہے، اور شہریوں کو احتیاطی تدابیر اختیار کرنے کی ہدایت جاری کی گئی ہے۔

لاہور: پنجاب کا شہر لاہور تیز بارشوں کی زد پر ہے، شہر میں مون سون کا تیسرا اسپیل رات 9 بجکر 10 منٹ پر شروع ہو گیا ہے، جس سے کئی علاقے زیر آب آ گئے ہیں۔

تفصیلات کے مطابق لاہور میں مون سون کا تیسرا اسپیل رات 9 بجکر 10 منٹ پر شروع ہو گیا ہے، تیسرا سپیل وقفے وقفے سے شدید بارش کا باعث بن رہا ہے، شدید بارش کے باعث متعدد علاقے زیر آب آ گئے ہیں، اور اہم شاہراہیں ڈوب گئی ہیں۔

موسلا دھار بارش کے باعث متعدد افسوس ناک واقعات بھی پیش آئے ہیں، شہر میں بوسیدہ چھتیں گرنے اور کرنٹ لگنے سے 10 افراد جاں بحق ہو گئے ہیں، ہربنس پورہ میں کرنٹ لگنے سے 2 بچے جا ں بحق ہوئے۔

ٹھوکر نیاز بیگ کے گاؤں مرید وال میں چھت گرنے سے ایک ہی خاندان کے 5 افراد جاں بحق اور 2 زخمی ہوئے، رائیونڈ میں چھت گرنے سے 3 افراد جاں بحق اور متعدد زخمی ہوئے۔

محکمہ موسمیات اور پی ڈی ایم اے کی جانب سے آئندہ 24 گھنٹے میں شدید بارش کی پیشگوئی کی گئی ہے، اور شہریوں کو احتیاطی تدابیر اختیار کرنے کی ہدایت جاری کی گئی ہے۔

پنجاب میں گزشتہ روز سے جاری بارش میں ہلاکتوں کی تعداد 18 ہو گئی ہے، صرف لاہور میں بارش کے دوران حادثات میں دس افراد جان سے گئے۔