ARYNews.tv | Urdu – Har Lamha Bakhabar

Tag: Lahore

لاہور پاکستان کا دوسرا بڑا شہر اور صوبہ پنجاب کا دارالحکومت ہے۔ یہ تاریخی اور ثقافتی لحاظ سے ایک بہت اہم شہر ہے۔ اسے اکثر "پاکستان کا دل” بھی کہا جاتا ہے۔ لاہور اپنی شاندار تاریخی عمارات، جیسے بادشاہی مسجد، لاہور قلعہ، اور شالامار باغ کے لیے مشہور ہے۔ یہ شہر علم و ادب، فنون لطیفہ، اور ذائقہ دار کھانوں کا بھی مرکز ہے۔ لاہور ایک زندہ دل اور پررونق شہر ہے جو اپنی مہمان نوازی اور ثقافتی روایات کے لیے جانا جاتا ہے۔

  • لاہور: ڈاکٹروں کی مبینہ غفلت سے خاتون جاں بحق

    لاہور: ڈاکٹروں کی مبینہ غفلت سے خاتون جاں بحق

    لاہور:  نجی اسپتال میں ڈاکٹروں کی مبینہ غفلت کے باعث زیرِعلاج خاتون جان کی بازی ہارگئی۔

    لاہور بند روڈ کے رہائشی محنت کش محمد سرور کی پینتیس سالہ بیوی ریحانہ بچے کی پیدائش کے لئے لیڈی ایچی سن اسپتال میں زیرِ علاج تھی، لواحقین کے مطابق طبی عملہ مریضہ کی طبیعت خراب ہونے کے باوجود پانچ گھنٹے نظر انداز کرتا رہا، جس سے مریضہ چل بسی جبکہ اسپتال کا عملہ لواحقین کو میت دینے کی بجائے ٹال مٹول سے کام لیتا رہا۔

    ورثاء کے احتجاج پر اسپتال انتظامیہ نے پولیس اور میڈیا کی مداخلت کے بعد لاش ورثاء کے حوالے کی، ورثاء نے الزام لگایا ہے کہ پینتیس سالہ ریحانہ ڈاکڑوں کی مبینہ غفلت سے ہلاک ہوئی ہے، ورثاء نے اعلی حکام سے انصاف کی اپیل کی ہے۔

  • پی سی بی کافٹنس پرعدم توجہ دینے والے 11 کھلاڑیوں پرجامانہ عائد

    پی سی بی کافٹنس پرعدم توجہ دینے والے 11 کھلاڑیوں پرجامانہ عائد

    لاہور: پاکستان کرکٹ بورڈ نے فٹنس پر عدم توجہ دینے کے باعث گیارہ کھلاڑیوں پر جرمانہ عائد کردیا، بہترین فٹنس پر پانچ کھلاڑیوں کو بونس دیا جائے گا۔

    پاکستان کرکٹ بورڈ نے سینٹرل کنٹریکٹ میں شامل کھلاڑیوں کا گذشتہ روز فٹنس ٹیسٹ لیا، جس میں گیارہ کھلاڑی معیار پر پورا نہ اترسکے، پی سی بی نے ان گیارہ کھلاڑیوں پر تنخواہ کا پچیس فیصد جرمانہ عائد کردیا۔ شاہد آفریدی، عبد الرحمان، عمرا کمل اور رضا حسن پر فٹنس پر توجہ نہ دینے کی وجہ سے تنخواہ کا پچیس فیصد جرمانہ عائد کردیا ہے۔

    پاکستان کرکٹ بورڈ نے رواں سال سنڑل کنڑیکٹ میں شامل پانچ کھلاڑیوں کو بہترین فٹنس پر بونس دینے کا اعلان بھی کیا، سپرفٹ مصباح الحق، احمد شہزاد اور بلاول بھٹی کو دس فیصد اضافی بونس دیا جائے گا، عمرامین اور شام مسعود کی فٹنس سب کھلاڑیوں سے بہتر ہونے کی وجہ سے سترہ اعشاریہ پانچ فیصد انعامی بونس ملے گا۔

  • پی ٹی آئی نے مینارِپاکستان پرجلسے کی اجازت طلب کرلی

    پی ٹی آئی نے مینارِپاکستان پرجلسے کی اجازت طلب کرلی

    لاہور: پاکستان تحریکِ انصاف نے مینارِ پاکستان گراؤنڈ میں جلسے کیلئے ڈی سی او کودرخواست دیدی، پی ٹی آئی کے رہنماء میاں اسلم اقبال نے کہا ہے کہ حکومت نے اجازت نہ دی تو پھرجاتی عمرہ میں جلسہ کریں گے۔

    پاکستان تحریکِ انصاف نے 28 ستمبر کومینارِ پاکستان گراؤنڈ میں جلسے کیلئے ڈی سی او لاہور کے دفتر میں درخواست جمع کرادی ہے، جو کہ ڈی سی اوکے سٹاف افسر طارق زمان نے وصول کی، درخواست جمع کرانے کے بعد میڈیا سے گفتگو کرتے ہوئے پی ٹی آئی کے ایم پی اے میاں اسلم اقبال نے کہا کہ اگر حکومت نے مینارِ پاکستان پر جلسے کی اجازت نہ دی تو جاتی عمرہ میں جلسہ کیا جائے گا۔

    ان کا کہنا تھا کہ کراچی سے بڑا جلسہ کرکے ریکارڈ توڑیں گے،انہوں نے توقع ظاہر کی کہ ڈی سی اولاہورکل تک جلسے کی اجازت دے دیں گے، میاں اسلم اقبال نے کہا کہ جلسےکی سکیورٹی کی ذمہ داری حکومت کی ہے، کسی بھی نقصان کی صورت میں نتائج بھی اسے ہی بھگتنا ہوں گے۔ انہوں نے کہا کہ حکومت اسلام آباد میں بھی دہشتگردی سے ڈراتی رہی، اب لاہور میں بھی ڈراکردیکھ لے۔

  • لاہورلائنز کےعدنان رسول کا بولنگ ایکشن بھی مشکوک قرار

    لاہورلائنز کےعدنان رسول کا بولنگ ایکشن بھی مشکوک قرار

    حیدرآباد دکن: پاکستانی کرکٹ ٹیم کے اسٹار اسپنر سعید اجمل کے بعد لاہور لائنز کےآف اسپنر عدنان رسول کا بولنگ ایکشن بھی مشکوک قرار دے دیا گیا۔

    تفصیلات کے مطابق سعید اجمل کے بعد ایک اور پاکستانی اسپنر کا ایکشن رپورٹ ہوگیا۔ چیمپیئنز لیگ میں شرکت کرنے والی قومی ڈومیسٹک ٹیم لاہور لائنز کے اسپنر عدنان رسول کا بولنگ ایکشن مشکوک قرار دے دیا گیا ہے۔

    عدنان رسول کا ایکشن کولکتہ نائٹ رائیڈرز کے خلاف میچ میں چیمپیئنز لیگ انتظامیہ نے رپورٹ کیا، عدنان رسول نے کولکتہ کیخلاف میچ میں چار اوورز میں اٹھائیس رنز دیکر ایک کھلاڑی کو آؤٹ کیا تھا،ایونٹ انتظامیہ نے عدنان رسول کو چنئی سپر کنگز کے خلاف میچ کھیلنے کی اجازت دے دی ہے۔

  • اسلام آباد ہائیکورٹ نے دفعہ ایک سو چوالیس کو معطل کردیا

    اسلام آباد ہائیکورٹ نے دفعہ ایک سو چوالیس کو معطل کردیا

    اسلام آباد: ہائیکورٹ نے دفعہ ایک سو چوالیس کو معطل کر دیا،پی ٹی آئی کی جانب سے دفعہ ایک سو چوالیس کو چیلنج کر نے کی درخواست کی سماعت پیر تک ملتوی کردی گئی۔

    اسلام آباد ہائی کورٹ نے دفعہ ایک سو چوالیس معطل کرتے ہوئے عدالتی حکم عدولی پر سیکریٹری داخلہ اور آ ئی جی اسلا م آباد کو شوکاز نو ٹس جا ری کردیا اور وفاق تین روز میں جواب طلب کرلیا ہے،عدالت نے سیکریٹری داخلہ اور آئی جی کو آئندہ سماعت پر بذات خود پیش ہونے کا حکم دیا ہے۔

    عدالت نے اپنے ریمارکس میں کہا کہ عدالتی حکم کی مسلسل خلاف ورزی کی جا رہی ہے، وزیر اعظم نے اگر دھرنوں کی اجا زت دی ہے تو دفعہ ایک سو چوالیس کے تحت کسی کو گر فتار نہیں کیا جا سکتا،جسٹس اطہر نے ریمارکس میں کہا کہ قانون کے مطابق وزارت داخلہ اور وزیر اعظم مجسٹریٹ کوڈکٹیٹ نہیں کرسکتے۔ عدالت میں پاکستان تحریک انصاف کے رہنما شاہ محمود قریشی کاکہنا تھا جب ڈسٹر کٹ کچہر ی میں خود کش حملہ ہوا تو اس واقعہ کے بعد بھی دفعہ ایک سو چوالیس نافذ نہیں کی گئی۔

  • وزیراعظم کے حلقے کے عوام کا نعرہ گونوازگو

    وزیراعظم کے حلقے کے عوام کا نعرہ گونوازگو

    لاہور: وزیراعظم نواز شریف کے حلقہ این اے ایک سو بیس لاہورمیں شہری بجلی کی اووربلنگ کے خلاف سڑکوں پر آ گئے،اور حکومت کے خلاف شدید  فضاء ”گو نواز گو ”کے نعروں سے گونجتی رہی۔تفصیلات کے مطابق  وزیراعظم نوازشریف کے حلقہ این اے 120 میں موہنی روڈ پر شہریوں نے اوور بلنگ کے خلاف احتجاج کیا۔

    جس میں خواتین اور بچوں کی بڑی تعداد شریک تھی، مظاہرین نے ٹائرجلاکرٹریفک بند کر دی اور گو نواز گو کے نعرے لگاتے رہے، اس موقع پر مظاہرین نے بجلی کے بل بھی نذر آتش کئے۔

    ان کا کہنا تھا کہ ایک پنکھے اور ایک بلب کا بل 10 سے 12 ہزار روپے آ رہا ہے، مہنگائی کے اس دور میں وہ بجلی کے بل ادا کریں یا بچے پالیں، حکمرانوں کی نااہلی سے ان کی زندگی اجیرن ہو گئی ہے۔

  • کولکتہ نائٹ رائیڈرز نے لاہورلائنزکو شکست دیدی

    کولکتہ نائٹ رائیڈرز نے لاہورلائنزکو شکست دیدی

    حیدرآباد دکن: چیمپیئنز لیگ ٹی ٹوئنٹی میں آئی پی ایل چیمپیئن کولکتہ نائٹ رائیڈرز نے پاکستانی کی ڈومیسٹک چیمپئن لاہور لائنز کو سخت مقابلے کے بعدچار وکٹ سے ہرادیا۔

    تفصیلات کے مطابق حیدر آباد دکن کے میدان میں بھارت کی چیمپیئن کولکتہ نائٹ رائیڈرز اور پاکستانی کی ڈومیسٹک چیمپیئن لاہور لائنز کے درمیان گھمسان کی جنگ دیکھنے کو ملی۔ کھلاڑیوں کی جانب سے جارحانہ انداز نے پاک بھارت روایتی میچز کی یادیں تازہ کردیں۔

    گوتھم گھمبیر نے ٹاس جیت کر فیلڈنگ کا فیصلہ کیا، احمد شہزاد اور ناصر جمشید نے طوفانی بیٹنگ کرتے ہوئے پاور پلے کا بھرپور فائدہ اٹھایا۔ ابتدائی چھ اوورز ختم ہونے کے بعد قومی بلے بازوں نے اپنا رنگ دکھانا شروع کردیا۔

    نرائن کی گھومتی گیندوں نے رہی سہی کسر پوری کردی، عمراکمل کے چالیس رنز نے لاہور لائنز کے اسکور کو ایک سو اکاون تک پہنچایا، ہدف کے تعاقب میں گوتھم گھمبیر اور روبن اوتھپا نے بولرزکی جم کر پٹائی کی۔

    فیلڈرز نے بھی بولرز کا ساتھ دینے کی بجائے بلے بازوں کا ساتھ دیا۔ ایک یا دو نہیں کئی مواقع ضائع کیے، کولکتہ نائٹ رائیڈرز نے گھمبیر اور اوتھما کی جارحانہ اننگز کی بدولت مطلوبہ ہدف آخری اوور میں چھ وکٹوں پرحاصل کرلیا۔

  • پی آئی اے کے پائلٹ سے قیمتی آئی فون و برطانوی پاؤنڈز برآمد

    پی آئی اے کے پائلٹ سے قیمتی آئی فون و برطانوی پاؤنڈز برآمد

    لاہور: امیگریشن حکام نے لندن سے لاہور آنیوالی پرواز کے کپتان سمیت کرو سے لاکھوں روپے مالیت کےآئی فون اور غیر ملکی کرنسی برآمد کر لی۔

    ذرائع کے مطابق پی آئی اے کی پرواز پی کے سات پانچ آٹھ لندن سے جب لاہور پہنچی تو طیارے کے کپتان و پالپا کے صدر عامر ہاشمی سے ایئرپورٹ پر امیگریشن کے عملے نے پانچ ہزار سے زائد برطانوی پاؤنڈ اور آئی فون برآمد کرلئے ۔

    جبکہ طیارے کے کرو کی بھی تلاشی لی گئی تو ان سے بھی قیمتی آئی فونز برآمد کئے گئے۔ ذرائع کے مطابق امیگریشن اور کسٹم حکام کی جانب سے ان تمام افراد سے پوچھ گچھ جاری ہے۔

    پی آئی اے کے عملے پر مختلف ایئرپورٹس پر فون، سگریٹ اور کرنسی کی اسمگلنگ میں پہلے بھی الزام لگایا جاچکاہے، جس پر بین الاقوامی ایجنسیوں نے قومی ایئرلائن کو متنبہ کیا تھا۔

    پی آئی اے کے ترجمان کا کہنا ہے کہ لندن سے آنے والی پرواز کے کپتان عامر ہاشمی نے کوئی جرم نہیں کیا،اگر غیرملکی کرنسی ملک میں آئے تو فائدہ ہی ہے۔ ترجمان نے دعویٰ کیا کہ پی آئی اے کا اسٹاف اسمگلنگ میں ملوث نہیں بلکہ مسافر ملوث ہیں۔

  • سندھ میں نئے انتظامی یونٹس کےقیام کی مخالفت قابل مذمت ہے، ڈاکٹر فاروق ستار

    سندھ میں نئے انتظامی یونٹس کےقیام کی مخالفت قابل مذمت ہے، ڈاکٹر فاروق ستار

    اسلام آباد: ایم کیو ایم نےپی ٹی آئی رہنماؤں کےبیان پر پارلیمنٹ کےمشترکااجلاس سے بائیکاٹ کردیا، ڈاکٹر فاروق ستار نے نئے صوبوں کیلئے پارلیمانی کمیشن قائم کیے جانے کا مطالبہ کرتے ہوئے کہا کہ پاکستان کی بقا اورسلامتی کے لئے نئے انتظامی یونٹس ناگزیرہیں۔

    ایم کیوایم کے رہنما ڈاکٹر فاروق ستارکا کہنا تھا کہ نئے صوبوں کیلئے پارلیمانی کمیشن قائم کیا جائے،سندھ میں انتظامی یونٹس کے خلاف بات کیوں کی جارہی ہے،انہوں نے کہا کہ سندھ کے شہری علاقوں میں احساس محرومی ہے، کوٹہ سسٹم آئینی طور پر موجود ہی نہیں۔

    ایم کیوایم کے رہنما فاروق ستار کا کہنا تھا کہ ہماری باری آئے تومعاملے کوعلاقائی قرار دے دیا جاتا ہے، ہم ستر فیصد ریونیو دینے والے لوگ ہیں،ان کا کہنا تھا کہ کہ نئے صوبوں کی بات لسانی نہیں، الطاف حسین نے کئی بار توجہ اس مسئلے کی جانب مبذول کرائی۔