ARYNews.tv | Urdu – Har Lamha Bakhabar

Tag: landhi

  • لانڈھی بوائلر دھماکہ، چھ مزدور دم توڑ گئے، وزیر اعلیٰ نے نوٹس لے لیا

    لانڈھی بوائلر دھماکہ، چھ مزدور دم توڑ گئے، وزیر اعلیٰ نے نوٹس لے لیا

    کراچی : لانڈھی میں فیکٹری کا بوائلر پھٹنے سے زخمی ہونے والے چھ مزدور دوران علاج دم توڑ گئے، ایک زخمی کی حالت تشویشناک ہے، وزیر اعلیٰ سندھ نے واقعے کی رپورٹ طلب کرلی۔

    تفصیلات کے مطابق لانڈھی منزل پیٹرول پمپ پر نجی کمپنی کا بوائلر پھٹنے سے جھلس کر زخمی ہونے والے چھ افراد دم توڑ گئے، وزیر اعلیٰ سندھ سید مراد علی شاہ نے واقعے کا نوٹس لے کر کمشنر اور سیکرٹری لیبر سے رپورٹ طلب کرلی ہے۔

    ان کا کہنا ہے زخمی شخص کی جان بچانے کی ہر ممکن کوشش کی جائے اور جاں بحق ہونے والے مزدوروں کی تفصیلات بتائی جائیں۔ وزیراعلیٰ سندھ کا مزید کہنا تھا کہ بتایا جائے کہ فیکٹری کا آخری معائنہ کب ہوا تھا اور بوائلر پھٹنے کی وجہ کیا ہے؟

    انہوں نے کمشنر کراچی اورسیکریٹری لیبر کو متاثرہ ورثاء کی ہر قسم کی مدد کرنے کی ہدایت بھی کی۔ پولیس کے مطابق حادثے میں7افراد زخمی ہوئے تھے، فیکٹری میں 3بھٹیاں موجود تھیں،3میں سے ایک بھٹی میں گیس پریشر سے دھماکے کے بعد آگ لگی تھی۔

    جاں بحق افراد میں عامر، سلیم، شادمان، عمران، خالد اور عنایت شامل ہیں،کمپنی میں تین ہزار کے قریب ملازمین کام کرتے ہیں، کمپنی کی بھٹیوں میں پارٹس تیار کرکے رنگ کیا جارہا تھا۔

  • لانڈھی مقابلے میں ہلاک ملزم سنگین وارداتوں میں ملوث تھا، پولیس

    لانڈھی مقابلے میں ہلاک ملزم سنگین وارداتوں میں ملوث تھا، پولیس

    کراچی : لانڈھی کربلا گراؤنڈ میں ہلاک ہونے والے ملزم سے متعلق تحقیقات میں پیشرفت ہوئی ہے، گزشتہ روز مقابلے میں مارا جانے والا عادی مجرم نکلا۔

    تفصیلات کے مطابق لانڈھی کے علاقے میں گزشتہ روز پولیس مقابلے میں ہلاک ہونے والا ملزم عادی مجرم ہے، اس حوالے سے ایس ایس پی کورنگی نے صحافیوں کو بتایا ہے کہ ہلاک ڈکیت کی شناخت عمران عرف دنبہ کے نام سے ہوئی ہے۔

    ملزم عمران کا تعلق سیاسی جماعت سے ہے، ملزم ڈکیتیوں سمیت متعدد وارداتوں میں ملوث تھا۔

    ایس ایس پی کا مزید کہنا تھا کہ ملزم بینک سے نکلنے والوں کو دو ساتھیوں کی مدد سے لوٹتا تھا، ملزم پرمتعدد تھانوں میں انسداد دہشت گردی سمیت دیگر مقدمات درج ہیں، ہلاک ملزم کےگینگ کے2 ساتھی فرارہیں۔

  • بلدیاتی امیدواران اور کارکنان پر تشدد کیا جارہا ہے، ایم کیو ایم

    بلدیاتی امیدواران اور کارکنان پر تشدد کیا جارہا ہے، ایم کیو ایم

    کراچی: ایم کیو ایم رابطہ کمیٹی پاکستان کا کہنا ہے کہ متحدہ کے خلاف شرپسند عناصر اور پاک سرزمین پارٹی کے کارکنان مشترکہ اتحاد کر کے کارکنان اور نو منتخب بلدیاتی امیدواران کو تشدد کا نشانہ بنا رہے ہیں۔

    تفصیلات کے مطابق ایم کیو ایم پاکستان کے رہنماء محمد حسین نے پی آئی بی میں واقع گھانچی ہال میں پریس کانفرنس کرتے ہوئے کہا کہ ’’متحدہ قومی موومنٹ کے خلاف جرائم پیشہ افراد اور پاک سرزمین پارٹی کے کارکنان نے گٹھ جوڑ کرلیا ہے اور اب وہ ہمارے کارکنان کو تشدد کا نشانہ بنا رہے ہیں‘‘۔

    رہنماء ایم کیو ایم پاکستان نے الزام عائد کیا کہ ’’جرائم پیشہ عناصر  عناصر لائنز ایریا، شاہ فیصل، ملیر، کورنگی اور لانڈھی میں متحدہ کارکنان اور عوام کو تشدد کا نشانہ بنارہے ہیں، اب تک درجنوں کارکنان اور بلدیاتی نمائندوں پر تشدد کیا جاچکا ہے‘‘۔

    رابطہ کمیٹی کے رکن کا کہنا تھاکہ کراچی کے مختلف علاقوں میں منصوبہ بندی کے تحت ایم کیو ایم کے ذمہ داران و کارکنوں کو تنگ کیا جارہا ہے اور جرائم پیشہ افراد کو اس کا کھلا لائسنس دے دیا گیا ہے۔

    اُن کا کہنا تھا کہ ’’مہاجر قومی موومنٹ (حقیقی) کے کارکنوں نے اسلحے کے زور پر کئی گھروں پر قبضہ کرلیا ہے اور مزید لوگوں کو بے گھر کرنے کا سلسلہ جاری رکھا ہوا ہے، اس ضمن میں متعلقہ پولیس بھی کوئی مدد کررہی‘‘۔

    محمد حسین نے آرمی چیف آف اسٹاف، وزیر اعظم پاکستان میاں محمد نوازشریف، وزیر اعلیٰ سندھ اور ڈی جی رینجرز نے مطالبہ کیا کہ وہ کارکنان پر تشدد کرنے والے جرائم پیشہ افراد اور مخالف جماعت کے کارکنان کے خلاف سخت کارروائی عمل میں لائی جائے اور متحدہ کے کارکنان پر ہونے والے مظالم کا سلسلہ فی الفور بند کروایا جائے۔

  • لانڈھی سے مدفون اسلحہ برآمد، مختلف واقعات میں دو افراد جاں بحق

    لانڈھی سے مدفون اسلحہ برآمد، مختلف واقعات میں دو افراد جاں بحق

    کراچی : رینجرز نے لانڈھی کے علاقے میں کارروائی کرتے ہوئے بھاری تعداد میں اسلحہ برآمد کرلیا۔ کراچی کے مختلف علاقوں میں فائرنگ اور پرتشدد واقعات کے دوران دو افراد جاں بحق ہوگئے۔

    پولیس حکام کے مطابق ناظم آباد نمبر دو کے علاقے میں نامعلوم افراد نے رکشا پر فائرنگ کردی جس کے نتیجے میں ایک شخص جاں بحق ہوگیا۔

    ابتدائی معلومات کے مطابق واقعہ ذاتی دشمنی کا شاخسانہ معلوم ہوتا ہے تاہم واقعے کی مزید تحقیقات جاری ہے۔ دوسری جانب گلشن ا قبال اردو سائنس کالج کے عقب سے ایک شخص کی تشدد زدہ لاش ملی ہے، لاش کو ضابطے کی کارروائی کے لیے اسپتال منتقل کردیا گیا ہے۔

    دوسری جانب پولیس اور حساس ادارے کے اہلکاروں نے منگھوپیر کے مینگل گوٹھ میں ٹارگٹڈ آپریشن کے دوران 34 مشتبہ افراد کو حراست میں لے لیا۔ گرفتار کیے گئے افراد میں ایک مبینہ دہشت گرد اور اس کا سہولت کار بھی شامل ہے۔

    علاوہ ازیں ذرائع کے مطابق رینجرز نے پہلے سے گرفتار ملزمان کی نشاندہی پر لانڈھی کے انعامی گراؤنڈ میں کارروائی کرتے ہوئے بھاری تعداد میں غیرقانونی مدفون اسلحہ برآمد کرلیا جس میں تین ایس ایم جیز،ایک ایل ایم جی دو ٹرپل ٹو رائفل ، ایک گرنیڈ لانچر ،سیکڑوں گولیاں اور متعدد دستی بم برآمد کرلیے۔

    رینجرز حکام کا کہنا ہے کہ گرفتار ملزمان کی نشاندہی پر مزید کارروائیوں کا سلسلہ جاری رہے گا۔

     

  • لانڈھی میں دو گروپوں میں تصادم، فائرنگ سےدو افراد زخمی

    لانڈھی میں دو گروپوں میں تصادم، فائرنگ سےدو افراد زخمی

    کراچی : لانڈھی میں دو گروپوں میں تصادم اورہوائی فائرنگ سےدو افراد زخمی ہوگئے، علاقے میں کشیدگی برقرار ہے۔

    تفصیلات کے مطابق لانڈھی چھتیس بی میں دو گروپوں میں قبضے کے تنازعہ پر کشیدگی شروع ہوئی ، بعدازاں دونوں گرپوں میں پتھراؤ اور فائرنگ شروع ہوئی جس سے دو افراد زخمی ہوئے۔

    مشتعل افراد کی جانب سے شاہراہ پر ٹائر نذر آتش کرکے روڈ ٹریفک کیلئے بند کردیا گیا ہے، علاقے میں و قفے وقفے سے فائرنگ کا سلسلہ جاری ہے جبکہ پولیس علاقے سے غائب ہے۔

     

  • رینجرز کی کارروائی: لانڈھی سے بھاری تعداد میں اسلحہ برآمد

    رینجرز کی کارروائی: لانڈھی سے بھاری تعداد میں اسلحہ برآمد

    کراچی : لانڈھی میں رینجرز نے کارروائی کرکے چھپایاگیا اسلحے کا ذخیرہ برآمد کرلیا۔

    ترجمان رینجرز کے مطابق رینجرز نے ایک شہری کی اطلاع پرکراچی کے علاقے لانڈھی 6 نمبرمیں کارروائی کی ، جہاں سے بھاری تعداد میں چھپایا گیا اسلحہ کاذخیرہ برآمدکرلیاگیا۔

    ترجمان رینجرز کا کہنا ہے کہبرآمد ہونے والے اسلحہ میں 2رائفل،3اینٹی ایئرکرافٹ گن،1ایس ایم جی اوربھاری مقدارمیں گولیا ں شامل ہیں۔

    ترجمان رینجرز نے بتایا کہ کارروائی میں بڑی تعداد میں چرس بھی برآمد کی گئی ہے اور یہ اسلحہ کراچی میں بد امنی پھیلانے کیلئے چھپایا گیا تھا۔ تاہم کارراوائی کے دوران کوئی گرفتاری عمل میں نہیں آئی۔

    رینجرز نے عوام سے اپیل ہے کہ کوئی بھی مشکوک سرگرمی کی اطلاع رینجرزکی ہیلپ لائن پردیں، واضح رہے کہ کراچی میں رینجرز کی تابڑ توڑ کارروائیاں جاری ہیں۔

     

  • لانڈھی کے عوام کو دہشتگردوں کے چنگل سے آزاد کرایا جائے، متحدہ اراکین اسمبلی

    لانڈھی کے عوام کو دہشتگردوں کے چنگل سے آزاد کرایا جائے، متحدہ اراکین اسمبلی

    کراچی : متحدہ قومی موومنٹ کے حق پرست اراکین سندھ اسمبلی خالد افتخار ، عامرمعین اور وقار حسین شاہ نے لانڈھی میں جرائم پیشہ حقیقی دہشت گردوں کی کھلی غنڈہ گردی اور عوام کو پانی اور بجلی کی فراہمی اسلحہ کے زور پر روکنے کی شدید مذمت کرتے ہوئے کہا ہے کہ لانڈھی کے عوام کو کھلی دہشت گردی کانشانہ بنانے کے بعد اب عوام کو قائد تحریک سے محبت اور عقیدت رکھنے کی پاداش میں پانی اور بجلی کی فراہمی تک روک دی گئی ہے اور اس پر حکومت اور انتظامیہ حقیقی دہشت گردوں کے آگے مکمل طور پر بے بس دکھائی دیتی ہے ۔

    اپنے مشترکہ بیان میں انہوں نے کہا کہ لانڈھی میں حقیقی دہشت گردوں کی سرکاری سرپرستی میں مجرمامہ سرگرمیوں کے باعث امن و امان کی صورتحال انتہائی مخدوش ہوچکی ہے. جرائم پیشہ حقیقی دہشت گردوں نے لانڈھی میں عوام کو بجلی اور پانی کی سپلائی روکنے کیلئے ان اداروں کی سرکاری عمارتوں پر اسلحہ کے زور پرقبضہ کررکھا ہے جس کی جتنی بھی مذمت کی جائے کم ہے ۔

    انہوں نے کہا کہ جرائم پیشہ حقیقی دہشت گرد وں کی سرکاری سرپرستی میں کھلی دہشت گردی ، ایم کیوایم کے کارکنان کے گھروں پر حملے ، انہیں تشدد کا نشانہ بنانے اور سنگین نتائج کی دھمکیاں دینے کے اوچھے ہتھکنڈے کامیاب نہیں ہوئے تو ایم کیو ایم قائد اور لانڈھی کے عوام کے درمیان محبتیں ختم کرنے کیلئے حقیقی دہشت گردوں نے یزیدی دور کے مظالم کو اپنا لیا ہے اور اس کھلے ظلم و بربریت پر حکومت سندھ او ر ضلعی انتظامیہ خاموش تماشائی بنی بیٹھی ہے جس سے ثابت ہوتا ہے کہ حکومت سندھ اور ضلعی انتظامیہ نے ایم کیو ایم قائد کا ساتھ دینے کی پاداش میں لانڈھی کے عوام کوجرائم پیشہ حقیقی دہشت گردوں کے سپرد کردیا ہے ۔

    انہوں نے کہا کہ جرائم پیشہ حقیقی دہشت گردوں کی کھلی دہشت گردیوں اور غنڈہ گردی کے واقعات کی ایف آئی آر درج کرانے کے باوجود ایک جانب عوام کی کوئی سنوائی نہیں ہورہی ہے اور دوسری جانب حقیقی دہشت گردوں کو کھلی غنڈہ گردی کا لائسنس دیدیا گیا ہے ۔

    انہوں نے کہاکہ لانڈھی میں پانی اور بجلی کے بحران کے اصل ذمہ دار حقیقی دہشت گرد ہی ہیں اور بجلی اور پانی کی عمارتوں پر اسلحہ کے زور پر قبضہ کرکے حقیقی دہشت گردوں نے واضح کردیا ہے کہ انہیں مکمل طور پر سرکاری سرپرستی حاصل ہے ۔

    انہوں نے کہاکہ کراچی آپریشن کے نام پر ایم کیوایم کے بے گناہ کارکنان کو گھروں سے سوئی ہوئی حالت میں گرفتار کیاجارہا ہے جبکہ جرائم پیشہ حقیقی دہشت کھلی دہشت گردی اور غندہ گردی کے باوجود قانون کی گرفت سے محفوظ ہیں ۔

    خالد افتخار ، عامر معین اور وقار حسین شاہ نے وزیراعظم نواز شریف اور وزیراعلیٰ سندھ قائم علی شاہ سے مطالبہ کیا کہ جرائم پیشہ حقیقی دہشت گردوں کو حاصل سرکاری سرپرستی کا سلسلہ بند کرایاجائے.

    لانڈھی کے عوام کو اسلحہ کے زور پر پانی اور بجلی کی فراہمی روکنے میں ملوث حقیقی دہشت گرودں کو گرفتار کیاجائے اور سرکاری عمارتوں سے حقیقی دہشت گردوں کا قبضہ فی الفور ختم کرایاجائے.

     

  • کراچی میں فائرنگ، دو افراد قتل دو زخمی

    کراچی میں فائرنگ، دو افراد قتل دو زخمی

    کراچی: شہرقائد کےعلاقے لیاقت آباد الیاس گوٹھ میں فائرنگ کے واقعے میں دوافراد جاں بحق ہوگئے جبکہ لانڈھی میں فائرنگ سے دو افراد زخمی ہوئے۔
    پولیس کے مطابق لیاقت آباد لاسی گوٹھ میں فائرنگ کے واقعے میں دو افراد جان کی بازی ہارگئے، مقتولین کی شناخت دانیال اوراشرف کے ناموں سے ہوئی ہے۔

    دوسری جانب کراچی کے علاقےلانڈھی میں بھی نامعلوم افراد نے فائرنگ کی ہے جس کےنتیجے میں دو افراد زخمی ہوئے ہیں۔

    واضح رہے کہ کراچی میں کل بلدیاتی انتخابات منعقد ہورہے ہیں جس کے سبب شہرمیں سیکیورٹی کی صورتحال کو برقراررکھنے کے لئے پولیس اوردیگر قانون نافذ کرنے والے ادارے اپنی بھرپورتوانائیاں صرف کررہے ہیں۔

    پولیس کاکہنا ہے کہ شہرمیں ہونے والے قتل وغارت کے ان واقعات کی تحقیقات کررہے ہیں۔

  • لانڈھی میں پولیس مقابلہ، تین ڈاکو ہلاک، اسلحہ برآمد

    لانڈھی میں پولیس مقابلہ، تین ڈاکو ہلاک، اسلحہ برآمد

    کراچی : گلشن اقبال میں نامعلوم افراد کی فائرنگ سے ایک شخص جاں بحق اور ایک زخمی ہوگیا، لانڈھی میں پولیس سے مقابلے میں تین ڈاکو مارے گئے۔

    پولیس ذرائع سے ملنے والی تفصیلات کے مطابق گلشن اقبال میں راشد منہاس روڈ پر نامعلوم افراد کی گاڑی پر فائرنگ سے دو افراد شدید زخمی ہوگئے ۔

    اسپتال میں زخموں کی تاب نہ لاتے ہوئے عمار نامی شخص چل بسا، دوسرے شخص عبدالسلیم کی حالت بھی تشویشناک بتائی جاتی ہے ۔

    پولیس کے مطابق لانڈھی کے علاقے لالہ آباد میں مبینہ پولیس مقابلے میں تین ڈاکو ہلاک ہوگئے، ڈاکوؤں کے قبضے سے اسلحہ اورمسروقہ سامان بھی برآمد ہوا ہے۔ پولیس نے گرفتار ملزمان کیخلاف مقدمات درج کرکے تفتیش شروع کردی ہے۔

  • لانڈھی بینک ڈکیتی کا اہم ملزم گرفتار، اسلحہ برآمد

    لانڈھی بینک ڈکیتی کا اہم ملزم گرفتار، اسلحہ برآمد

    کراچی : پولیس نے گزشتہ دنوں لانڈھی کے علاقے میں بینک میں ہونے والی ڈکیتی کے اہم ملزم کو گرفتار کرلیا۔

    تفصیلات کے مطابق لانڈھی میں بینک لوٹنے والا ملزم پکڑا گیا،ملزم کو سی سی ٹی وی فوٹیج کی مدد سےگرفتارکیاگیا، کراچی پولیس کی پھرتیوں میں تیزی آتے ہی چوروں اور ڈکیتوں کی شامت آگئی۔

    صرف سات روز میں بینک ڈکیتی میں ملوث ملزم کاکھوج لگالیا۔پولیس نےلانڈھی سے بینک لوٹنے والےملزم مظہرکو دھرلیا۔ ملزم کی شناخت سی سی ٹی وی کیمروں کومدد سےکی گئی۔

    ملزم کے قبضے سے اسلحہ بھی برآمد ہوا ہے۔پولیس کےمطابق ملزم نے پندرہ مئی کو لانڈھی بابرمارکیٹ میں تین ساتھیوں کےساتھ مل کر بینک ڈکیتی کی تھی، ورادات کے دوران گارڈ کی فائرنگ سےایک ڈاکو موقع پر ہی مارا گیا تھا۔