چنیوٹ: زمیندار نے سرکاری زمین سے گزرنے پر غریب ہاری پر کتے چھوڑ دیے،تین کتے ہاری کو نوچتے رہے،ہاری کو زخمی حالت میں اسپتال منتقل کردیا گیا۔
چنیوٹ: بااثر زمینداروں نے ذہنی معذور خاتون پر کتے چھوڑ دئیے
تفصیلات کے مطابق چنیوٹ میں تھانہ رجوعہ کے علاقہ ہرسہ بلہ میں ایک زمیندارنے ظلم کی انتہا کردی، محض اپنی زمین پر گزرنے پر زمیندار مشتعل ہوگیا اور اس نے انسانی جان کی پروا نہ کرتے ہوئے غریب ہاری پر کتے چھوڑ دیے۔
یہ پڑھیں: زمیندار کی نجی جیل پر چھاپہ، 17 معصوم بچوں سمیت 37 ہاری بازیاب
غریب ہاری نے اپنا 5 سالہ بچہ بھی گود میں اٹھایا ہوا تھا جو گر کر زخمی ہوگیا،زمیندار کے تین کتے ہاری شیر محمد کو نوچتے رہے جس سے اس بے چارے کی دائیں ٹانگ زخمی ہوگئی۔
یہ بھی پڑھیں: چنیوٹ: زمیندار نے 13 سالہ لڑکی سے اجتماعی زیادتی کے بعد آگ لگادی
اطلاعات کے مطابق غریب ہاری کو زخمی حالت میں اسپتال منتقل کردیا گیا جہاں اسے طبی امداد دی گئی جب کہ پولیس نے واقعے کی اطلاع ملتے دو ملزمان کو گرفتار کر کے تفتیش شروع کر دی ہے۔