ARYNews.tv | Urdu – Har Lamha Bakhabar

Tag: Landslide

  • نیپال میں آبی ریلوں سے ہلاکتیں 209 ہو گئیں، لینڈ سلائیڈنگ کی ویڈیو نے دل دہلا دیے

    نیپال میں آبی ریلوں سے ہلاکتیں 209 ہو گئیں، لینڈ سلائیڈنگ کی ویڈیو نے دل دہلا دیے

    کٹھمنڈو: نیپال میں سیلاب اور لینڈسلائیڈنگ سے ہلاکتیں 209 ہو گئیں، 4 ہزار سے زائد افراد کو ریسکیو کر لیا گیا۔

    تفصیلات کے مطابق نیپال میں مون سون کی طوفانی بارشوں کے بعد آبی ریلوں نے تباہی مچا دی ہے، سیلاب اور لینڈ سلائیڈنگ سے ہونے والی وسیع تباہی کے دوران ہلاکتوں کی تعداد دو سو سے بڑح گئی، دارالحکومت کٹھمنڈو میں بعض مقامات پر 300 ملی میٹرز سے زائد بارش ریکارڈ کی گئی۔

    مشرقی اور وسطی نیپال کا بڑا حصہ سیلاب کے باعث زیر آب آ چکا ہے، کٹھمنڈو میں ٹریفک اور معمول کی سرگرمیاں معطل ہو کر رہ گئی ہیں، متاثرہ علاقوں میں 3 دن کے لیے اسکولوں کو بند کر دیا گیا ہے، ایئرپورٹس کا نظام درہم برہم ہے، دوسری طرف امدادی سرگرمیاں بھی زور و شور سے جاری ہیں۔

    4 ہزار افراد کو ہیلی کاپٹر اور کشتیوں کی مدد سے ریسکیو کیا گیا، تاہم درجنوں افراد تاحال لاپتا ہیں، صورت حال کو دیکھ کر حکام نے ہلاکتوں میں اضافے کا خدشہ ظاہر کیا ہے۔

  • دیربالا میں مکان پر تودہ گرنے سے 12 افراد جاں بحق

    دیربالا میں مکان پر تودہ گرنے سے 12 افراد جاں بحق

    دیربالا میں پاتراک کے قریب میدان میں مکان پر تودہ گرنے سے 12 افراد لقمہ اجل بن گئے۔

    اے آر وائی نیوز کے مطابق مکان پر تودہ کرنے سے دب کر جاں بحق ہونے والے 12 فراد کی لاشوں کو نکال لیا گیا ہے۔ مٹی کا تودہ محمد علی نامی شخص کے گھر پر گرا۔

    پولیس کا کہنا ہے کہ افسوسناک واقعے میں جاں بحق ہونے والوں میں ایک مرد، 9 بچے اور 2 خواتین شامل ہیں۔ انتظامیہ نے بتایا کہ رات بارش اور اندھیرے کے باعث ریسکیو آپریشن میں مشکلات کا سامنا کرنا پڑا۔

    دوسری جانب سمندری طوفان سے متعلق محکمہ موسمیات نے دوسرا الرٹ جاری کر دیا۔

    الرٹ کے مطابق ڈیپ ڈپریشن کراچی سے تقریباً 250 کلومیٹر جنوب مشرق کے فاصلے پر ہے سمندری طوفان 60 سے 70 کلومیٹر فی گھنٹہ کی رفتار سے آگے بڑھنے کا امکان ہے۔

    سمندری طوفان مزیدجنوب مغرب کی جانب بڑھیگا۔ صبح تک سندھ کے ساحل کے ساتھ شمال مشرقی بحیرہ عرب میں ابھرے گا۔

    ڈیپ ڈپریشن سازگار ماحولیاتی حالات کے باعث سمندری طوفان میں تبدیل ہو سکتا ہے۔ سائیکلون کے زیراثر کراچی، تھرپارکر، بدین،ٹھٹھہ، سجاول،حیدرآباد ہوں گے۔

    الرٹ کے مٹیاری، عمرکوٹ، میرپورخاص، اور سانگھڑ میں گرج چمک کے ساتھ بارش کا امکان ہے جامشورو، دادو اور شہید بینظیر آباد میں 31 اگست تک موسلادھاربارشیں متوقع ہیں۔

    حیدرآباد ڈوب گیا!

    محکمہ موسمیات کا کہنا ہے کہ حب، لسبیلہ، آواران، کیچ،گوادر میں یکم ستمبر کے دوران تیز بارش کا امکان ہے سندھ اوربلوچستان کے ماہی گیر31 اگست سے یکم ستمبر تک سمندر میں نہ جائیں۔

  • لینڈ سلائیڈنگ میں دفن ہونے والے گاؤں میں اموات 670 ہو گئیں

    لینڈ سلائیڈنگ میں دفن ہونے والے گاؤں میں اموات 670 ہو گئیں

    جنوبی بحرالکاہل کے ملک پاپوا نیو گنی کے پہاڑی علاقوں میں بڑے پیمانے پر لینڈ سلائیڈنگ کے نتیجے میں‌ ہونے والی ہلاکتیں تین سو سے بڑھ کر 670 ہو گئی ہیں۔

    غیر ملکی میڈیا رپورٹس کے مطابق پاپوا نیو گنی کے پہاڑی علاقوں میں چند روز قبل ہونے والی شدید لینڈ سلائیڈنگ نے بڑے پیمانے پر تباہی مچا دی ہے، چھ سو ستر افراد جان سے گئے، جب کہ سیکڑوں افراد تاحال ملبے تلے دبے ہوئے ہیں۔

    مقامی حکام نے خدشہ ظاہر کیا ہے کہ مٹی کے تودوں میں دبے ہونے کی وجہ سے مزید ہلاکتیں ہو سکتی ہیں، امدادی کارروائیاں جاری ہیں تاہم ملبے تلے دبے افراد کے زندہ ہونے کے امکانات کم ہیں۔

    اس قیامت خیز واقعے میں 11 سو گھر ملبے کا ڈھیر بن چکے ہیں، حکام کا کہنا ہے کہ 20 سے 25 فٹ ملبہ گھروں کے اوپر جمع ہے، متاثرہ علاقے میں اس وقت بھی صورت حال خطرناک قرار دی جا رہی ہے، جس کی وجہ سے امدادی کاموں میں بھی رکاوٹ سامنے آ رہی ہے۔

    تاحال لینڈ سلائیڈنگ سے ہونے والی تباہی کا تخمینہ بھی نہیں لگایا جا سکا ہے۔

  • لینڈسلائیڈ نے پورے گاؤں کو دفن کر دیا، قیامت خیز واقعے میں 300 ہلاک

    لینڈسلائیڈ نے پورے گاؤں کو دفن کر دیا، قیامت خیز واقعے میں 300 ہلاک

    پاپوا نیو گنی میں قیامت خیز لینڈ سلائیڈنگ کے نتیجے میں ایک پورا گاؤں دفن ہو گیا ہے، جس سے 300 سے زائد افراد ہلاک ہو گئے۔

    غیر ملکی میڈیا رپورٹس کے مطابق جنوبی بحرالکاہل کے ملک پاپوا نیو گنی کے پہاڑی علاقوں میں بڑے پیمانے پر لینڈ سلائیڈنگ نے تباہی مچا دی ہے۔

    دفن ہونے والے یمبالی گاؤں کے تین سو سے زیادہ افراد جان سے گئے جب کہ سینکڑوں ملبے تلے دبے ہوئے ہیں، حادثے میں 11 سو گھر ملبے کا ڈھیر بن گئے ہیں، متاثرہ افراد کا کہنا ہے کہ تودہ اس وقت اچانک گرا جب لوگ سو رہے تھے۔

    یہ قیامت خیز واقعہ پاپوا نیو گنی کے الگ تھلگ صوبے اینگا میں پیش آیا، لینڈ سلائیڈنگ سے متاثرہ دیہاتوں میں ریسکیو کا کام شروع ہو چکا ہے، انسانی ہمدردی کی ایجنسی کیئر آسٹریلیا کے مطابق ایک تیز رفتار رسپانس ٹیم لینڈ سلائیڈنگ کے الگ تھلگ مقام تک پہنچنے میں کامیاب ہو گئی ہے۔

    رپورٹس کے مطابق علاقہ دشوار گزار ہے اور مرکزی سڑکوں کو بھی نقصان پہنچا ہے، جس کی وجہ سے بچاؤ کی کوششوں میں بہت دشواری پیش آ رہی ہے، کچھ مقامات تک رسائی صرف ہیلی کاپٹر کے ذریعے ہی ممکن ہے۔

    اے پی نیوز ایجنسی سے بات کرتے ہوئے اقوام متحدہ کے اہلکار نے کہا کہ لینڈ سلائیڈنگ سے متاثرہ علاقہ تین سے چار فٹبال گراؤنڈز جتنا ہے، ان کا کہنا تھا کہ یمبالی گاؤں میں 3,895 لوگ رہائش پذیر ہیں، گاؤں کے کچھ گھر تودے گرنے سے خوش قسمتی سے بچ گئے ہیں۔

    جائے وقوعہ سے ملنے والی فوٹیجز میں دکھایا گیا ہے کہ مقامی لوگ ملبے اور درختوں کے نیچے سے لاشیں نکال رہے ہیں، جب کہ پورا علاقہ بڑے بڑے پتھروں اور ٹوٹے درختوں سے ڈھکا ہوا ہے۔

  • لینڈ سلائیڈنگ کے بعد ایف ڈبلیو او ٹیم ایک اور لینڈ سلائیڈ کی زد میں آ گئی، نائب صوبیدار شہید

    لینڈ سلائیڈنگ کے بعد ایف ڈبلیو او ٹیم ایک اور لینڈ سلائیڈ کی زد میں آ گئی، نائب صوبیدار شہید

    شاہراہ قراقرم پر چلاس کے قریب گونر فارم کے مقام پر لینڈ سلائیڈنگ کے بعد متاثرہ ٹریفک اور پھنسے ہوئے لوگوں کی مدد کے لیے مصروف ایف ڈبلیو او کی ٹیم کلیئرنس کے عمل کے دوران ایک اور لینڈ سلائیڈ کی زد میں آ گئی۔

    لینڈ سلائیڈ کے نتیجے میں نائب صوبیدار خالد شدید زخموں کی تاب نہ لاتے ہوئے شہید ہو گئے، جب کہ 2 اہلکار شدید زخمی ہو گئے ہیں۔

    آئی ایس پی آر کے مطابق شاہراہ قراقرم پر چلاس کے قریب گونر فارم کے مقام پر لینڈ سلائیڈنگ کے نتیجے میں شاہراہ پر ہر قسم کی ٹریفک کی آمد و رفت بند ہو گئی تھی، متاثرہ ٹریفک اور پھنسے ہوئے لوگوں کی مدد کے لیے فرنٹیئر ورکس آرگنائزیشن (ایف ڈبلیو او) کی ٹیم نائب صوبیدار خالد کی سربراہی میں بھیجی گئی۔

    ضلع پنجگور میں آپریشن، مطلوب دہشت گرد اسد عرف حسرت سمیت 2 ہلاک

    اہلکاروں نے فوری طور پر جائے وقوعہ پر پہنچ کر کلیئرنس کا کام شروع کر دیا، کلیئرنس کے عمل کے دوران ہی ایک اور لینڈ سلائیڈ گرنے سے ٹیم زد میں آئی اور کام کرنے والے اہلکار زخمی ہوئے، جن میں نائب صوبیدار خالد شدید زخموں کی تاب نہ لاتے ہوئے شہید ہو گئے، جب کہ سیپر (Sapper) وسیم اور لانس نائیک عظمت شدید زخمی ہوئے، جن کو علاج کے لیے اسپتال منتقل کر دیا گیا ہے۔

    ترجمان کے مطابق پاک فوج تمام تر مشکلات کے باوجود قوم کی خدمت کے لیے پرعزم ہے۔

  • افغانستان میں شدید برفباری اور بارشیں، 25 افراد ہلاک

    افغانستان میں شدید برفباری اور بارشیں، 25 افراد ہلاک

    افغانستان میں شدید برفباری اور بارشوں کا سلسلہ جاری ہے، نورستان میں لینڈ سلائیڈنگ سے 25 افراد ہلاک ہوگئے۔

    غیر ملکی ذرائع ابلاغ کے مطابق افغانستان کے مشرقی علاقوں میں شدید برفباری اور بارش ہوئی۔ برفباری اور بارشوں سے افغانستان کے مشرقی صوبے نورستان اور پنجشیر زیادہ متاثر ہوئے۔

    حکام کے مطابق نورستان میں برفباری کے بعد لینڈ سلائیڈنگ کے نتیجے میں 25 افراد لقمہ اجل بن گئے جبکہ 8 شدید زخمی ہوگئے۔

    افغان حکام کا اس حوالے سے کہنا ہے کہ صوبے نورستان میں برف باری اور بارش جاری ہے، لینڈ سلائیڈنگ سے 20 مکانات تباہ ہوگئے۔ خراب موسم کے باعث امدادی سرگرمیوں میں مشکلات درپیش ہیں۔

    دوسری جانب موسمیات کے عالمی ماہرین نے انکشاف کیا ہے کہ رواں ماہ فروری میں اتنی شدید گرمی ہوگی کہ ماضی کے تمام ریکارڈ ٹوٹ جائیں گے۔

    اس حوالے سے برطانوی ماہرین موسمیات کا کہنا ہے کہ فروری میں گرمی ریکارڈ توڑنے کو تیار ہے کیونکہ انسانی ساختہ گلوبل وارمنگ اور قدرتی ایل نینو موسمیاتی پیٹرن دنیا بھر میں خشکی اور سمندروں کے درجہ حرارت کو بڑھا رہے ہے۔

    رپورٹ کے مطابق سال کے مختصر ترین مہینے میں نصف سے زیادہ مدت کے دوران درجہ حرارت میں اضافہ اس قدر واضح ہو گیا ہے کہ موسمیاتی چارٹ نئے انداز سے سامنے آرہے ہیں۔

    غزہ: 3 روز قبل شادی کے بندھن میں بندھنے والا جوڑا اسرائیلی بمباری سے شہید

    خاص طور پر سطح سمندر کے درجہ حرارت پر جو اس وقت اس حد تک بڑھ گیا ہے کہ ماہرین موسمیات تحقیق کر رہے کہ اس قدر تبدیلی کیوں ہو رہی ہے۔

  • مٹی کا تودہ گرنے سے 3 مزدور ملبے تلے دب گئے، 15 گھنٹے بعد لاشیں برآمد

    مٹی کا تودہ گرنے سے 3 مزدور ملبے تلے دب گئے، 15 گھنٹے بعد لاشیں برآمد

    لاہور: صوبہ پنجاب کے شہر میلسی میں مٹی کا تودہ گرنے سے 3 مزدور ملبے تلے دب گئے جن کی لاشیں 15 گھنٹے بعد نکالی جاسکیں۔

    تفصیلات کے مطابق جنوبی پنجاب کے شہر میلسی میں مٹی کا تودہ گرنے سے 3 مزدور ملبے تلے دب گئے۔

    واقعے کے 15 گھنٹے گزرنے کے بعد بھی امدادی کارروائیاں جاری رہیں اور مزدوروں کو نہیں نکالا جاسکا، تینوں مزدور دم گھٹنے سے اندر ہی دم توڑ گئے۔

    ریسکیو حکام کا کہنا ہے کہ ہیوی مشینری کے ذریعے کھدائی مشکل ہو گئی تھی، ریسکیو ٹیم نے مینز پاورز سے 40 فٹ تک کھدائی کی اور بعد ازاں لاشوں کو باہر نکالا۔

    ذرائع کا کہنا ہے کہ ملبے تلے دبنے والے تینوں مزدور کم عمر اور ایک ہی خاندان سے ہیں۔

  • سگریٹ نے ایک شخص کو موت سے بچا لیا، مگر کیسے؟

    سگریٹ نے ایک شخص کو موت سے بچا لیا، مگر کیسے؟

    یاؤنڈے: افریقی ملک کیمرون میں ایک شخص کی جان محض ایسے بچی کہ وہ ایک سیکنڈ قبل اس مقام سے اٹھ کر چلا گیا جہاں اگلے لمحے مٹی کے تودے کی صورت میں موت کئی افراد کو ساتھ لے گئی۔

    سگریٹ نوشی سخت مضر صحت ہے، اس میں کوئی شک نہیں، لیکن کیمرون کے دارالحکومت یاؤنڈے میں ایک جشن کی تقریب میں شریک شخص سگریٹ کی طلب میں اٹھ کر گیا تو اگلے لمحے اس مقام پر مٹی کا تودہ آ گرا۔

    روئٹرز کے مطابق یاؤنڈے میں ایک جشن کی تقریب میں شریک افراد پر مٹی کا تودہ گرنے سے 15 افراد ہلاک ہو گئے تھے، اور واقعے سے چند لمحے قبل مکولو ڈوس نامی ایک شخص سگریٹ پینے کے لیے اپنی جگہ سے اٹھ کر چلا گیا تھا۔

    یہ جشن فٹ بال کے ایک میدان میں ہو رہا تھا، جس کے باہر سرخ مٹی کا ایک ٹیلہ تھا، مکولو ڈوس نے بتایا کہ وہ دیگر مہمانوں سے الگ ہو کر سگریٹ پینے جا رہے تھے، جب انھوں نے اچانک مٹی کا تودہ گرنے کی آواز سنی۔

    مکولو ڈوس کے مطابق جب انھوں نے مڑ کر وہاں دیکھا جہاں وہ چند لمحے قبل بیٹھا ہوئے تھے، تو وہاں نہ تو حاضرین نظر آئے نہ ہی کرسیاں، وہ سب مٹی تلے دب چکے تھے۔

    بچ جانے والے ایک اور شخص فوٹوسو کلاڈ مائیکل نے بتایا ’’میرے سر پر ایک پتھر آ لگا، جب میں نے اوپر دیکھا تو مٹی نیچے کی جانب سرکتی ہوئی دکھائی دی، میں اپنی جگہ سے اچھلا، لیکن زمین پر گر گیا، میں دوبارہ اٹھا لیکن دوسری بار بھی گر گیا۔‘‘ مٹی تلے جزوی طور پر دب جانے والے مائیکل ان لوگوں میں شامل تھے جنھیں مقامی لوگوں نے اپنی مدد آپ کے تحت نکالا۔ تاہم اس سانحے میں مائیکل کی والدہ، بھائی اور بہترین دوست مر گئے تھے۔

    خیال کیا جاتا ہے کہ کیمرون میں 2019 کے بعد یہ سب سے مہلک لینڈ سلائیڈنگ تھی۔

  • پیرو میں تباہ کن لینڈ سلائیڈنگ، دل دہلا دینے والی ویڈیوز سامنے آ گئیں

    پیرو میں تباہ کن لینڈ سلائیڈنگ، دل دہلا دینے والی ویڈیوز سامنے آ گئیں

    لیما: جنوبی پیرو میں شدید بارشوں کے درمیان تباہ کن لینڈ سلائیڈنگ سے 8 افراد ہلاک ہو گئے۔

    تفصیلات کے مطابق پیرو کے جنوبی علاقے میں پیر کو طوفانی بارشوں کے بعد لینڈ سلائیڈنگ کے واقعات رونما ہوئے، مٹی کے تودے گرنے کے نتیجے میں آٹھ افراد ہلاک اور پانچ لاپتا ہو گئے، جب کہ متعدد زخمی ہو گئے ہیں۔

    پیرو کے پہاڑی قصبے سیکوچا میں لینڈ سلائیڈنگ کے بعد فوج نے علاقے میں ہیلی کاپٹر تعینات کر دیے ہیں، جو لوگوں کو امداد اور پینے کا پانی پہنچا رہے ہیں۔

    پہاڑی قصبہ دریائے اوکونا کے کنارے واقع ہے، محکمہ موسمیات نے خبردار کیا ہے کہ علاقے میں مسلسل بارشوں کی وجہ سے پانی کی سطح بلند ہو رہی ہے، جس سے آبادی شدید متاثر ہو سکتی ہے۔

    کچھ مقامی میڈیا رپورٹس میں مرنے والوں کی تعداد 36 بتائی جا رہی ہے، تاہم وزارت دفاع نے اس کی تردید کرتے ہوئے اسے غلط معلومات قرار دیا، اور کہا کہ صرف سرکاری ذرائع سے معلومات حاصل کی جائیں۔

  • ملائشیا میں قیامت ٹوٹ‌ پڑی، بچوں سمیت 21 فراد ہلاک

    ملائشیا میں قیامت ٹوٹ‌ پڑی، بچوں سمیت 21 فراد ہلاک

    باتانگ کالی : ملائیشیا کے ایک سیاحتی مقام پر لگے کیمپ پر اچانک قیامت ٹوٹ پڑی، مٹی کا تودہ گرنے سے 21 افراد ہلاک ہوگئے، ہلاک شدگان میں بچوں اور خواتین کی بڑی تعداد شامل ہے۔

    تفصیلات کے مطابق ہلاک ہونے والے افراد اپنے خیموں میں سو رہے تھے کہ اچانک تودے تلے دب کر جاں بحق ہوگئے، ملبے سے اب تک 21 لاشیں مل چکی ہیں جبکہ دیگر کی تلاش کاکام جاری ہے۔

    غیر ملکی خبر رساں ادارے روئٹر کی رپورٹ کے مطابق مقامی حکام کا کہنا ہے کہ یہ ہولناک واقعہ دارالحکومت کوالالمپور کی حدود سے باہر واقع ایک فارم ہاؤس صبح 3 بجے پیش آیا۔ حکام کا کہنا ہے کہ مذکورہ کیمپ کو غیرقانونی طور پر چلایا جارہا تھا۔

    مٹی کا تودہ 30 میٹر کی اونچائی سے سڑک کے کنارے سے گِرا۔ ریسکیو کیے گئے کچھ خاندانوں نے قریبی پولیس سٹیشن میں پناہ لی۔ زندہ بچ جانے والوں نے بتایا کہ انہوں نے ’مٹی کا تودہ گرنے سے پہلے دھماکے کی آواز سُنی۔‘

    فائر اینڈ ریسکیو ڈیپارٹمنٹ کے مطابق ہلاک ہونے والوں میں پانچ بچے اور 12 خواتین شامل ہیں جبکہ دیگر افراد لاپتہ ہیں جن کی تلاش کیلئے امدادی کارروائیاں جاری ہیں۔

    ملائیشیا کی نیشنل ڈیزاسٹر مینجمنٹ ایجنسی کے مطابق لینڈ سلائیڈنگ میں 94 افراد پھنس گئے تھے ان میں سے 61محفوظ رہے اور ابھی بھی12 افراد کا علم نہیں کہ وہ کس مقام پر ہیں، حادثے میں حاملہ خاتون سمیت 7 سیاح زخمی ہیں۔