اسلام آباد : وفاقی وزیر علی زیدی احساس مراکز کے باہر حملے پر اظہار افسوس کرتے ہوئے کہا کہ لاڑکانہ، گھوٹکی میں حملوں کے پیچھے پاکستان مخالف گٹھ جوڑ ہے۔
وفاقی وزیر بحری امور علی زیدی نے ان خیالات کا اظہار لاڑکانہ اور گھوٹکی میں احساس مراکز کے باہر ہونے والے حملوں پر کیا، انہوں نے کہ احساس کیش سینٹرز پر حملے افسوسناک ہیں، رینجرز پر دہشت گردوں کے حملوں میں جانوں کے نقصان پر شدید دکھ ہوا۔
علی زیدی کا کہنا تھا کہ شہید ہونے والوں کے سوگواران کے غم میں برابر کے شریک ہیں۔
انہوں نے کہا کہ لاڑکانہ، گھوٹکی میں حملوں کے پیچھے پاکستان مخالف گٹھ جوڑ ہے، رینجرز کو سندھ حکومت نے صرف کراچی میں پولیسنگ کے اختیارات دیئے، کیا چھوٹے شہروں، دیہات میں رہنے والوں کی جانیں قیمتی نہیں ہیں؟
Anti Pakistan nexus behind attacks in Karachi/Larkana/Ghotki.
Rangers has only been allowed policing powers in KHI by Sindh Govt!
Why? Are those living in smaller towns/villages children of a lesser God?
Sindh Govt must extend policing powers of Rangers throughout the province.— Ali Haider Zaidi (@AliHZaidiPTI) June 19, 2020
وفاقی وزیر بحری امور کا کہنا تھا کہ حکومت سندھ کو صوبہ بھر میں رینجرز کے اختیارات میں توسیع کرنی چاہیے، ملک دشمن عناصر کو حکومت کا عوام کیلئے ریلیف ہضم نہیں ہورہا۔
علی زیدی کا کہنا تھا کہ حملے کرونا سے پریشان عوام کے حوصلے پست کرنے کی ناکام کوشش ہے، انشا اللہ! تمام ملک دشمن عناصر اپنے منصوبوں میں ناکام ہوں گے۔
