ARYNews.tv | Urdu – Har Lamha Bakhabar

Tag: lashes

  • گھنیری پلکیں کیسے حاصل کی جائیں؟

    گھنیری پلکیں کیسے حاصل کی جائیں؟

    گھنی پلکیں اور آئی بروز نہ صرف آنکھوں کو خوبصورت بناتی ہیں بلکہ پورے چہرے کی دلکشی میں اضافہ کرتی ہیں، آج آپ کو پلکیں اور بھنویں گھنی بنانے کے لیے آسان سی ٹپ بتائی جارہی ہے۔

    اے آر وائی ڈیجیٹل کے مارننگ شو گڈ مارننگ پاکستان میں ڈاکٹر بلقیس نے پلکیں اور بھنویں گھنی کرنے کے لیے نہایت آسان ترکیب بتائی۔

    سب سے پہلے آدھا کپ پانی میں ایک الائچی کوٹ کر ڈالیں اور اس میں 20 سے 25 پتے ہرے دھنیے کے شامل کریں۔ اس کو اچھی طرح سے پکائیں اور پانی الگ کرلیں۔

    اس پانی میں 1 چائے کا چمچ شہد اور ایلو ویرا جیل شامل کریں، اب اس آمیزے کو انگلیوں پر لے کر آئی بروز اور پلکوں کے اوپر ہلکے ہاتھ سے مساج کریں۔

    مساج سے دوران خون تیز ہوگا اور بالوں کی نشونما میں اضافہ ہوگا۔

    اگر اس سے کوئی الرجی نہ ہو تو اسے رات بھر لگا کر سوئیں اور باقاعدگی سے 3 ماہ تک جاری رکھیں، 3 ماہ کے عرصے میں فرق واضح طور پر سامنے آنا شروع ہوجائے گا۔

  • سعودی عرب میں شدید بارشوں سے نظام زندگی معطل

    سعودی عرب میں شدید بارشوں سے نظام زندگی معطل

    جدہ : سعودی عرب میں شدید بارشوں نے نظام زندگی معطل کر دی ہیں ، موسلا دھار بارشوں کے باعث سڑکیں اور انڈر پاسز زیر آب آگئیں جبکہ سردی کی شدت میں بھی اضافہ ہو گیا۔

    تفصیلات کے مطابق سعودی عرب کے مختلف شہروں میں گذشتہ دو روز سے موسلا دھاربارشوں نے نظام زندگی مفلوج کردیا، شدید بارشوں سے سڑکیں اور انڈر پاسز جھیل کا منظر پیش کرنے لگے۔

    یہ مکہ کا ایک انڈر پاس بھی بارش میں ڈوب گیا۔

    سعودی ذرائع ابلاغ کے مطابق جدہ میں شدید طوفانی بارشوں کے باعث جدہ مکہ ایکپسریس وے بند کردی گئی، انڈر پاسز میں پانی بھر جانےسے کئی گاڑیاں پھنس گئیں۔

    سعودی محکمہ موسمیات کا کہنا ہے کہ بارشوں کا سلسلہ جمعرات تک جاری رہنے کا امکان ہے، سعودی عرب کے شمالی ، وسطی اور شمال مشرقی علاقوں میں موسم بڑی حد تک سرد ہو جائے گا۔

    جدہ کے وسطی اور شمالی علاقوں میں بارش تھم گئی ہے جبکہ مشرقی اور جنوبی علاقوں میں تیز ہوگی، آج شام کو بھی جدہ میں بارش ہوگی۔

    دوسری جانب مدینہ منورہ میں ہونے والی بارش کے باعث سردی کی شدت میں اضافہ ہوگیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • افغانستان میں جوڑے کو ناجائز تعلقات کے جرم میں 100 کوڑوں کی سزا

    افغانستان میں جوڑے کو ناجائز تعلقات کے جرم میں 100 کوڑوں کی سزا

    کابل: افغانستان میں ایک مرد اورعورت کو جنسی تعلقات کے الزام میں سرعام 100 کوڑوں کی سزا دی گئی ، جس کی مجمع میں کھلے عام ویڈیوز بھی بنائی گئی۔

    مجمع میں کوڑے مارنا اور اسی قسم کی دیگر سزائیں افغانستان میں طالبان کے دورِ حکومت میں عام تھیں لیکن امریکہ اور اس کے اتحادیوں سے جنگ کے بعد اس قسم کے واقعات انتہائی کم دیکھنے میں آتے ہیں۔

    یہ واقعہ افغانستان کے صوبے غور میں پیش آیا ہے فوٹیج میں واضح دیکھا جاسکتا ہے کہ افغانستان کے روایتی لباس میں ملبوس ایک شخص ایک برقعہ پوش خاتون کو کوڑے ماررہا ہے اور بیشتر کرسی نشین افراد یہ سارا ماجرا دیکھ رہے ہیں۔

    یہاں یہ بات قابلِ ذکر ہے کہ مرد و زن کو سزا دینے کے اس واقعے کو غور کی حکومت کی حمایت حاصل تھی۔

    غور کے گورنر سیما جووندا کے ترجمان کا کہناتھا کہ ’’اس جوڑے کے کئی برس پہلے تعلقات تھے اور انہیں رواں ماہ کے اوائل میں گرفتار کیا گیا تھا۔ ترجمان نے مزید کہاکہ یہ سزا شرعی قوانین پر مبنی ہے اور اس سے اوروں کو سبق ملے گا‘‘۔

    یاد رہے کہ اس ے قبل ماہ مئی میں ایک خاتون کو بھپرے ہوئے مجمع نے کابل میں ایک خاتون کو توہین کے جھوٹے الزام میں جلا کر قتل کردیا تھا۔

  • زید حامد کو سعودی عرب میں آٹھ سال کی سزا

    زید حامد کو سعودی عرب میں آٹھ سال کی سزا

    کراچی: پاکستان کے دفاعی تجزیہ کار زید حامد کو سعودی عرب میں یمن کے تنازعے پرسعودیہ کے خلاف سخت زبان استعمال کرنے پر آٹھ سال کی سزا سنا دی گئی۔

    اطلاعات کے مطابق زید حامد کو سینکڑوں کوڑے بھی لگائیں جائیں گے کچھ ذرائع کا کہنا ہے کہ زید حامد کو 1،200کوڑوں کی سزا ملی ہے۔

    گزشتہ جمعرات کو وفاقی دارالحکومت اسلام آباد میں دفترخارجہ کے ترجمان قاضی خلیل اللہ نے صحافیوں سے گفتگوکرتے ہوئے ایک سوال کے جواب میں دفاعی تجزیہ کارزید حامد کی سعودی عرب میں گرفتاری سے متعلق گردش کرتی خبروں کی تصدیق کی تھی۔

    زیدحامد سعودی عرب میں گرفتار، دفترِخارجہ کی تصدیق

    ان کا کہنا تھا کہ ریاض میں موجود پاکستانی سفارت خانے نے دو ہفتے قبل زید حامد کی گرفتاری کی اطلاع دی تھی جس کے بعد سے سفارتی حکام زید حامد تک سفارتی رسائی حاصل کرنے کے لئے سعودی عرب کے مقامی حکام سے مسلسل رابطے میں ہیں۔

    زید حامد کو سعودی عرب میں آٹھ سال کی سزا

    کراچی: پاکستان کے دفاعی تجزیہ کار زید حامد کو سعودی عرب میں یمن کے تنازعے پرسعودیہ کے خلاف سخت زبان استعمال کرنے پر آٹھ سال کی سزا سنا دی گئی۔

    اطلاعات کے مطابق زید حامد کو سینکڑوں کوڑے بھی لگائیں جائیں گے کچھ ذرائع کا کہنا ہے کہ زید حامد کو 1،200کوڑوں کی سزا ملی ہے۔

    گزشتہ جمعرات کو وفاقی دارالحکومت اسلام آباد میں دفترخارجہ کے ترجمان قاضی خلیل اللہ نے صحافیوں سے گفتگوکرتے ہوئے ایک سوال کے جواب میں دفاعی تجزیہ کارزید حامد کی سعودی عرب میں گرفتاری سے متعلق گردش کرتی خبروں کی تصدیق کی تھی۔

    ان کا کہنا تھا کہ ریاض میں موجود پاکستانی سفارت خانے نے دو ہفتے قبل زید حامد کی گرفتاری کی اطلاع دی تھی جس کے بعد سے سفارتی حکام زید حامد تک سفارتی رسائی حاصل کرنے کے لئے سعودی عرب کے مقامی حکام سے مسلسل رابطے میں ہیں۔

    زاہد حامد کون ہے؟

    ید زید زمان حامد پاکستان کے ایک سیاسی اوردفاعی تجزیہ نگارہیں اوراکثروبیشترٹی وی چینلزمیں بھارتی خفیہ ایجنسی را پاکستان میں دہشت گردی کے خلاف بات کرتے نظرآتے ہیں۔

    پاکستانی صحافی، سول سوسائٹی ممبران، اسلامی اسکالرز کی ایک کثیرتعداد زاہد حامد پرتنقید کرتے رہتے ہیں اور ان کے نظریات کو سازشی  قراردیتے ہیں۔