Tag: last day of election campaign

کراچی: آئی جی سندھ کہتے ہیں نئے سال کے موقع پر سیکیورٹی کے فول پروف انتظامات کئے جارہے ہیں، ہوائی فائرنگ ، آتش بازی ، بغیر سائلنسر موٹر سائیکل چلانےپر دفعہ ایک سو چوالیس کے تحت پابندی پر سختی سے عمل درآمد کرایا جائے گا۔ بصورت دیگر سخت قانونی کاروائی عمل میں لائی جائیگی۔

سندھ پولیس نے نئے سال کے موقع پر سیکورٹی پلان تیار کرلیا، آئی جی سندھ غلام حیدر جمالی نے سال نو کی آمد پر پولیس کو خصوصی سیکیورٹی اقدامات کرنے کی ہدایات جاری کی ہیں۔

پارکس ، ساحل سمندر ، شاپنگ سینٹرز ، فاسٹ فوڈ چینز ، ڈپارٹمنٹل اسٹورز و دیگر پبلک اور تفریحی مقامات پر ڈپلائمنٹ کے ساتھ ساتھ گشت ، پکٹنگ ، اسنیپ چیکنگ کو انتہائی موثر بنایا جائے گا۔

اہم سرکاری و نجی املاک اور حساس تنصیبات پر تمام تر سیکیورٹی اقدامات کو مزید ٹھوس بنائےجانے کی بھی ہدایت کی گئی ۔

ترجمان سندھ پولیس کے مطابق نئے سال کے موقع پر سیکیورٹی اقدامات کے پیش نظر کلفٹن اور اس سے ملحقہ علاقوں میں تقریبا تین ہزار چار سو افسران اور جوانوں کو تعینات کیا جارہا ہے۔

کراچی ‌: سندھ اور پنجاب کے بلدیاتی الیکشن کے تمام انتظامات مکمل کرلئے گئے ہیں، سیکیورٹی کا فول پروف پلان بھی ترتیب دے دیا گیا، دونوں صوبوں میں انتخابی مہم کا بھی ٓآج آخری روز ہے۔

سندھ اور پنجاب میں انتخابی مہم کا آج آخری روز ہے، دونوں صوبوں میں پولنگ کا دورانیہ بھی ایک گھنٹہ بڑھا دیا گیا، پہلے مرحلے کی پولنگ دس گھنٹے صبح ساڑھے سات بجے سے شام ساڑھے پانچ بجے تک جاری رہے گی.

سندھ اور پنجاب کے الیکشن والے اضلاع میں عام تعطیل کا اعلان کیا گیا ہے، سیکیورٹی پلان بھی ترتیب دے دیا گیا ہے۔

اکتیس اکتوبر کو سکیورٹی فوج کے سُپرد ہوگی، پولیس کی معاونت کیلئے رینجرز جوان بھی ڈیوٹی دیں گے، تمام اضلاع میں دفعہ ایک سو چوالیس نافذ ہوگی۔

بلدیاتی انتخابات کے پہلے مرحلے میں سکھر، خیرپور، گھوٹکی، جیکب آباد، کشمور، قمبر، لاڑکانہ اور شکار پورمیں پولنگ ہوگی، چھالیس لاکھ سے زائد ووٹرز ووٹ کاسٹ کرنے کے اہل ہیں، اب تک سات سو سے زائد امیدوار بلامقابلہ میدان مار چکے ہیں.

پنجاب میں بلدیاتی انتخابات کے پہلے مرحلے میں لاہور،فیصل آباد، گجرات، قصور، اوکاڑہ، ننکانہ، بہاولنگر، بھکر، لودھراں، وہاڑی، چکوال اور پاکپتن میں پولنگ ہوگی، دو کروڑ پچاسی ہزار سے زائد افراد ووٹ کاسٹ کرنے کے اہل ہیں، اب تک سولہ ن لیگی امیدوار بلامقابلہ کامیاب ہوچکے ہیں.