ARYNews.tv | Urdu – Har Lamha Bakhabar

Tag: last oneday

  • تیسرا ون ڈے :‌ نیوزی لینڈ نے پاکستان کو 3 وکٹوں سے شکست دے دی

    تیسرا ون ڈے :‌ نیوزی لینڈ نے پاکستان کو 3 وکٹوں سے شکست دے دی

    آکلینڈ: ایڈن پارک میں جاری تیسرے اور آخری ون ڈے میں نیوزی لینڈ نے پاکستا ن کو 3 وکٹوں سے شکست دے کر سریز0-2سے اپنے نام کر لی۔

    آخری ون ڈے میچ بارش کے باعث 43 اوورز تک محدود کر دیا گیاہے اور ڈک ورتھ لوئس میتھڈ کے مطابق نیوزی لینڈ کو جیت کیلئے مقررہ اوورز میں263رنز کا ہدف درکار ہے۔

    اکلینڈ میں کھیلے جانےوالے میچ کا ٹاس پاکستان نے جیت کر پہلے بیٹنگ کرنے کا فیصلہ کیا،ایک بار پھر قومی اوپنرز احمد شہزاد اور اظہر علی ناکام رہے اور صرف بیس رنز پر دونوں پویلین لوٹ کر ٹیم کو مشکلات میں چھوڑ گئے،جس کے بعد محمد حفیظ اور بابر اعظم نے ذمہ درانہ بیٹنگ کرتے ہوئے ایک سو چونتیس رنز کا اضافہ کیا۔

    حفیظ چھیتر اور بابر تیراسی رنز بنا کر آوٹ ہوئے، سرفراز نے اکتالیس رنز کی اننگز کھیلی۔ قومی ٹیم پورے پچاس آورز بھی نہ کھیل سکی اور اڑتالیسویں اوور میں دو سو نوے رنز بناکر پویلین لوٹ گئی۔نیوزی لینڈ کی جانب سے ٹرینٹ بولٹ اور ہینری نے دو دو کھلاڑیوں کو آوٹ کیا۔

    ہدف کے تعاقب میں نیوزی لینڈ کی بیٹنگ جاری ہے، کپتان مککلم بغیر کوئی رنز بنائے عامر کی گیند پر آوٹ ہوگئے، انجری کے بعد آخری میچ میں واپس آنے والے کیوی کپتان برینڈن میککلم کے قدم عامر نے اپنے اوور کی پہلی ہی گیند پر اکھاڑدیئے، میککلم صفر پر آؤٹ ہوئے، ولیم سن چوراسی اور گپٹل بیاسی رنز بناکر اظہر علی کا شکار بنے۔

    malik wicket

    azhar 3rd wicket

    ایک سو اٹھاسی رنز پر عامر نے نیوزی لینڈکی دوسری اہم وکٹ بھی اڑادی، پہلے ون ڈے کے ہیرو نکول کو عامر نے پانچ رنز پر چلتا کردیا، عامر نے آٹھ اوورز کرائے اور صرف ستائیس رنز دے کر دو اہم شکار کئے۔

    واضح رہے کہ تیسرے ون ڈے میں بارش کے باعث میچ کچھ دیر کیلئے روک دیا گیا ہے میچ کچھ دیر میں دوبارہ شروع ہونے کا امکان ہے نیوزی لینڈ کو جیت کیلئے اکیاسی رنز جبکہ پاکستان کو پانچ وکٹیں درکار ہیں ۔

  • پاکستان اور نیوزی لینڈ آخری ون ڈے میں آج مد مقابل

    پاکستان اور نیوزی لینڈ آخری ون ڈے میں آج مد مقابل

    آکلینڈ : پاکستان اور نیوزی لینڈ کے درمیان سیریز کا تیسرا اور آخری ون ڈے آج رات آکلینڈ میں کھیلا جائے گا۔۔ آل راؤنڈر شعیب ملک فٹ ہوگئے اب وہ میچ کے لئے دستیاب ہوں گے۔

    نیپئر کا میچ منسوخ ہونے کے سبب پاکستان نے سیریز جیتنے کا آپشن تو گنوادیا لیکن بچانے کا اب بھی باقی ہے۔ اب سیریز ڈرا ہوگی یا نیوزی لینڈ جیتے گا۔ پاکستان کے لئے صورتحال ڈو اینڈ ڈائی ہے۔

    نیپئر کی طرح آکلینڈ میں بھی بادلوں کے ڈیرے ہیں۔ میچ بارش سے متاثر ہونے کا خدشہ ہے۔ اہم معرکے کے لئے ٹیم میں ایک سے دو تبدیلوں کا امکان ہے۔

    صہیب مقصود کی فارم سلیکٹرز کے لئے تشویش کا باعث بنی ہوئی ہے۔ ادھر آل راؤنڈر شعیب ملک فٹ ہوگئے ہیں اور وہ میچ کے لئے ٹیم کو دستیاب ہوں گے۔

    دوسری جانب نیوزی لینڈ کے کپتان برینڈن میککلم کی ٹیم میں واپسی ہوگی۔ ڈینجر مین مارٹن گپتل کی شرکت فٹنس سے مشروط ہوگی۔ دونوں ٹیموں کے درمیان میچ پاکستانی وقت کے مطابق رات تین بجے شروع ہوگا۔

  • پاکستان کو آخری میچ میں سری لنکا سے 165 رنز سے شکست

    پاکستان کو آخری میچ میں سری لنکا سے 165 رنز سے شکست

    ہمبن ٹوٹا : سری لنکا نے پانچویں اور آخری ون ڈے میچ میں پاکستان کے خلاف ایک سو پینسٹھ رنز سے کامیابی حاصل کرلی۔

    قومی ٹیم تین دو سے سیریز اپنے نام کرنے میں کامیاب رہی۔ پاکستان اور سری لنکا ہمبن ٹوٹا میں پانچویں اور آخری ون ڈے میچ آمنے سامنے آئے۔

    میزبان ٹیم نے ٹاس جیت کر پہلے کھیلنے کا فیصلہ کیا ۔اوپنرز کوشل پریرا اور تلکارتنے دلشان نے ایک سو چونسٹھ رنز کی شراکت قائم کی۔

    دلشان کو باسٹھ رنز پر احمد شہزاد نے رن آؤٹ کیا۔ پریرا ایک سو سولہ رنز بنا کر رن آؤٹ ہوئے، تھریمانے کو تیس اور چندی مل کو انتیس رنز پر راحت علی نے اپنا شکار بنایا، کپتان اینجلو میتھیوز اور سری وردانا نے نصف سنچری اسکور کرتے ہوئے سری لنکا کا اسکور چار وکٹ پر تین سو اڑسٹھ رنز تک پہنچا دیا۔

    پہاڑ جیسے ہدف کے تعاقب میں پاکستانی بلے باز زیادہ تک مزاحمت نہ کرسکے، اور کوئی بھی بیٹسمین نصف سنچری نہ بناسکا۔ سری لنکن بولرز نے اڑتیسویں اوور میں پاکستان کی پوری ٹیم کو دو سو تین رنز پر پویلین پہنچا دیا۔

    آخری میچ میں شکست کے باوجود پاکستان نے سیریز تین دو سے جیت لی۔سری لنکن بیٹسمین کوشل پریرا مین آف دی میچ اور محمد حفیظ سیریز کے بہترین کھلاڑی قرار پائے۔

    سری لنکا نے جیت کیلئے 369 رنز کا ہدف دیا تھا ہمبن ٹوٹا: پریرا 116،میتھیوز70،دلشان62،سری وردانا52 رنز بنائے۔

  • سری لنکا نے پاکستان کو تین سو انہتر رنز کا ہدف دے دیا

    سری لنکا نے پاکستان کو تین سو انہتر رنز کا ہدف دے دیا

    ہمبنٹوٹا :  سری لنکا کھیلے جارہے ون ڈے سیریز کے آخری میچ میں سری لنکا نے پاکستان کو جیت کیلئے تین سو انہتر رنز کا ہدف دے دیا ہے۔

    ون ڈے سیریز کے پانچویں اور آخری میچ میں پاکستانی بولرز نے ذمہ داری نبھانے میں بری طرح ناکام ہوگئے۔ پاکستانی ٹیم کی ہدف کےتعاقب میں بیٹنگ جاری ہے۔

    تفصیلات کے مطابق پاکستان اور سری لنکا پانچویں اور آخری ون ڈے میچ میں مدمقابل ہیں، بیٹنگ وکٹ پر سری لنکن ٹیم نے ٹاس جیت کر پہلے کھیلنے کا فیصلہ کیا اور رنز کے انبار لگا دیئے۔ پہلی وکٹ پر کوشل پریرا اور تلکارتنے دلشان نے ایک سو چونسٹھ رنز کی شاندار شراکت قائم کی۔

    دلشان کو باسٹھ رنز پر احمد شہزاد نے رن آؤٹ کیا۔ پریرا ایک سو سولہ رنز کی شاندار اننگز کھیلنے کے بعد رن آؤٹ ہوئے، تھریمانے کو تیس اور چندی مل کو انتیس رنز بنانے کے بعد راحت علی نے اپنا شکار بنایا ۔

    کپتان اینجلو میتھیوز اور سری وردانا نے پانچویں وکٹ کی شراکت میں ایک سو چودہ رنز جوڑے اور سری لنکا کا اسکور چار وکٹ پر تین سو اڑسٹھ رنز تک پہنچا دیا۔

    دوسری جانب ہمبن ٹوٹا کے میدان میں پاکستانی بولرز بری طرح ناکام ہوگئے ، چار بولرز نے وکٹ تو نہ لی مگر رنز دینے کی نصف سنچری ضرور مکمل کی۔

    راحت علی مہنگے بولر ثابت ہوئے جنھوں نے دو کھلاڑیوں کو آؤٹ کیا لیکن چوہتر رنز دیکر  محمد عرفان اور یاسر شاہ نے سری لنکن بلے بازوں کو رنز بنانے کا بھرپور موقع دیا۔

    بدقسمتی سے کوئی وکٹ ہاتھ نہ آئی، انور علی اور شعیب ملک بھی ناکام ثابت ہوئے ،آخری دس اوورز میں سری لنکن بلے بازوں نے ایک سو انیس رنز کا اسکور بورڈ میں اضافہ کیا اور ایک بڑا ہدف پاکستان کو جیت کیلئے دے دیا ۔