بالی ووڈ انڈسٹری کی لیجنڈ گلوکارہ آشا بھوسلے نے مرنے سے قبل اپنی آخری خواہش کا اظہار کر دیا۔
بھارت کی معروف گلوکارہ آشا بھوسلے نے حال ہی میں ایک پوڈ کاسٹ میں شرکت کی جہاں انہوں نے مرنے سے پہلے اپنی آخری خواہش کا اظہار کیا ہے۔
آشا بھوسلے اپنے انجہانی شوہر اور لیجنڈری میوزک کمپوزر آر ڈی برمن کو یاد کرتے ہوئے کہا کہ وہ غیر معمولی انسان تھے، مشہور میوزک ڈائریکٹر ہونے کے باوجود ان میں کوئی غرور نہیں تھا۔
گلوکارہ نے اپنی زندگی کی آخری خواہش کے حوالے سے کہا کہ ایک ماں کی خواہش ہوتی ہے کہ اس کے بچے خوش رہیں، ایک نانی یا دادی کی خواہش ہوتی ہے اس کے پوتا پوتی یا نواسا نواسی خوش رہیں لیکن میں اپنی آخری سانس تک گانا چاہتی ہوں۔
View this post on Instagram
لیجنڈ گلوکارہ آشا بھوسلے کا کہنا تھا کہ میری اب صرف یہی خواہش ہے کہ میں گاتے ہوئے مر جاؤں، میرے لیے سیکھنے کے لیے کچھ بچا نہیں ہے۔
آشا بھونسلے نے کہا کہ میں نے 3 سال کی عمر میں کلاسیکل موسیقی سیکھنا شروع کی اور 82 سال سے پلے بیک گلوکارہ ہوں، اب یہی خواہش ہے کہ گاتے ہوئے میری سانس نکل جائے اور یہ ہی مجھے سب سے زیادہ خوشی دے گی۔
آشا بھوسلے ایک ایسی گلوکارہ رہی ہیں جنھوں نے ہندوستانی فلموں میں موسیقی کا سنہرا دور دیکھا ہے اور مغرب کی نقل کے ساتھ ساتھ شور و غل بھرے فلمی موسیقی اور آج کے آٹو ٹیون، ری مکس اور فیوژن کا دور بھی۔ ان کی آواز ہر دور میں ڈھل گئی اور ہر دور میں کامیاب رہی۔
