ماناما: بحرین کی حکومت نے کرونا کے حوالے سے عائد ہونے والی پابندیاں 6 اگست سے ختم کرنے کا اعلان کردیا۔
گلف نیوز کی رپورٹ کے مطابق بحرین حکومت نے جمعہ 24 جولائی کو اعلان کیا کہ ملک بھر کے سوئمنگ پول، باڈی بلڈنگ کلپ اور گراؤنڈ اگلے ماہ کی 6 تاریخ سے کھول دیے جائیں گے۔
حکومت نے فیصلہ کیا ہے کہ معمولاتِ زندگی کو احتیاطی تدابیر کے ساتھ بحال کیا جائے تاکہ کوئی متاثر نہ ہو اور کرونا کی روک تھام کو بھی یقینی بنایا جاسکے۔
مزید پڑھیں: بحرین نے کرونا وائرس کو ختم کرنے کے لیے روبوٹ تیار کرلیا
بحرین کے ولی عہد سلمان بن حمد الخلیفہ کی قومی اقتصادی کمیٹی کے معاون کا کہنا تھا کہ ’6 اگست سے لاک ڈاؤن میں نرمی کی جارہی ہے، یہ فیصلہ نیشنل میڈیکل کی ٹیم کے بعد کیا‘۔
اُن کا کہنا تھا کہ صحت کے حوالے سے مشاہدے کے بعد مختلف اقدامات کیے ہیں جن کا اعلان بعد میں کیا جائے گا۔
یاد رہے کہ بحرین میں اب تک کرونا کے 37 ہزار 996 مصدقہ کیسز رپورٹ ہوئے جبکہ 136 شہریوں کی اموات ہوئیں۔
یہ بھی پڑھیں: نجی ملازمین کے لیے بحرین حکومت کا بڑا اعلان
بحرین کے ولی عہد کی اقتصادی ٹیم برائے کرونا نے شہریوں سے اپیل کی ہے کہ وہ احتیاطی تدابیر پر عمل کریں، عیدالاضحیٰ کے دنوں میں رش والے مقامات پر جانے سے گریز کریں اور اپنے گھروں تک محدود رہیں، اگر آپسی میل جول کا سلسلہ ترک نہ کیا گیا تو صورت حال خراب ہوسکتی ہے۔
