ARYNews.tv | Urdu – Har Lamha Bakhabar

Tag: Launches

  • پروٹیکٹڈ ایریا‘‘منصوبے کا آغاز ، کورونا کے باعث بیروزگار نوجوانوں کیلئے بڑی خبر

    پروٹیکٹڈ ایریا‘‘منصوبے کا آغاز ، کورونا کے باعث بیروزگار نوجوانوں کیلئے بڑی خبر

    اسلام آباد : وزیراعظم عمران خان آج ’’پروٹیکٹڈ ایریا‘‘منصوبے کا آغاز کریں گے، جس کے تحت 65000 نوجوانوں کو ملازمتیں فراہم کی جائیں گی اور کوروناوائرس کے باعث بیروزگار افراد سے شجرکاری مہم میں مدد لی جائے گی۔

    تفصیلات کے مطابق حکومت کی جانب سے ماحولیات کے تحفظ کے ساتھ ساتھ روزگار کی فراہمی کا منصوبہ تیار ہے، وزیراعظم عمران خان آج ’’پروٹیکٹڈ ایریا‘‘منصوبے کا آغاز کریں گے۔

    وزیراعظم ہاؤس میں مرکزی تقریب میں وزیراعظم خطاب کریں گے اور ملک بھر میں 15 نیشنل پارکس کے قیام کا اعلان کریں گے

    وزیراعظم کے مشیر ماحولیات ملک امین اسلم نے پروگرام ڈیزائن کیا، منصوبے سے ملک کےمحفوظ گرین ایریا کا رقبہ 13سےبڑھاکر15فیصد کیا جائے گا اور نیشنل پارکس کو ایکولوجیکل مینجمنٹ اینڈ گرننس سسٹم کے ذریعے مانیٹر کیا جائے گا۔

    یاد رہے گذشتہ ماہ کے آغاز میں وزیراعظم عمران خان نے گرین پاکستان پروگرام کے تحت ’’پروٹیکٹڈ ایریا‘‘کے آغاز کی منظوری دی تھی، جس کے تحت 65000 نوجوانوں کو ملازمتیں فراہم کی جائیں گی اور کوروناوائرس کے باعث بیروزگار افراد سے شجرکاری مہم میں مدد لی جائے گی۔

    مزید پڑھیں : وزیراعظم عمران خان نے ’’پروٹیکٹڈ ایریا‘‘کے آغاز کی منظوری دے دی

    وزیر اعظم عمران خان نے تمام صوبوں کو اعلیٰ سطح پر آن بورڈلینے کی ہدایت کرتے ہوئے کہا تمام وزرائے اعلیٰ کو مشاورتی عمل میں شامل رکھا جائے۔

    عمران خان کا کہنا تھا کہ ایسےاقدامات وبائی صورتحال کے تناظرمیں روزگار کےمواقع فراہم کریں گے، ملک کے قدرتی وسائل کےتحفظ میں بھی مدد ملے گی۔

    اس سے قبل اپریل میں وزیراعظم عمران خان نے ’گرین اسٹیمولس‘ پیکیج کی منظوری دی تھی ، پیکیج 10 بلین ٹری منصوبے کا حصہ ہے اور فیصلہ کیا گیا تھا کہ ملک میں قدرتی جنگلات، نرسریاں، شجرکاری مہم کو فروغ دیا جائے گا، شہد کی پیداوار بڑھانے سے اولو پلانٹیشن شروع کی جائے گی، بے روزگار افراد کو منصوبے میں ترجیحی بنیادوں پر شامل کیا جائے گا۔

  • وزیراعظم کا شہریوں کو گھر بیٹھے سہولیات کی فراہمی کیلئے بڑا اقدام

    وزیراعظم کا شہریوں کو گھر بیٹھے سہولیات کی فراہمی کیلئے بڑا اقدام

    اسلام آباد: وزیراعظم عمران خان نے سہولتوں کی آن لائن فراہمی کیلئے جدید ایپ کا اجراء کر دیا ،  جس کے تحت شہریوں کو 43 مختلف سہولتوں کی آن لائن فراہمی حاصل ہوگی۔

    تفصیلات کے مطابق اسلام آباد کے شہریوں کو دہلیز پر سہولتوں کی فراہمی یقینی بنانے کی کوشش کامیاب ہوگئی ، وزیراعظم عمران خان نے سہولتوں کی آن لائن فراہمی کیلئےجدید ایپ  لانچ کر دی۔

    ایپ ضلعی انتظامیہ،نیشنل انفارمیشن ٹیکنالوجی بورڈ ،نادرا نے ملکرتیار کی۔ جس کے تحت شہریوں کو 43 مختلف سہولتوں کی آن لائن فراہمی حاصل ہوگی۔

    ایپ سے اسلام آبادکےشہریوں کو لمبی قطاروں،طویل انتظارکی زحمت سے بھی چھٹکارا مل گیا ہے، شہری گھر بیٹھے ای پولیسنگ، ایمرجنسی سروسز، ضروری سرٹیفکیٹس لے سکیں گے۔

    جدید ایپ کی مدد سے ڈومیسائل، شناختی کارڈ، اراضی فرد،اسلحہ لائسنسز بھی آن لائن ملیں گے جبکہ گاڑیوں کی رجسٹریشن، ٹوکن ٹیکسزکی ادائیگی کی سہولت بھی حاصل ہوگی اور شہریوں کوپیدائش،ڈیتھ سرٹیفکیٹس کےلئے بھی دفاتر نہیں جانا پڑے گا۔

    بالخصوص کرونا وائرس سے بچاؤ سے متعلق اگر کسی فارمیسی پر ماسک موجود نہیں ہیں تو شہری اس ایپ کے ذریعے اس فارمیسی کی تصویر کھینچ کر اس ایپ پر بھیج سکتے ہیں جس سے انتظامیہ بروقت کاروائی کر سکے گی،  اس کےعلاوہ یہ ایپ فارمیسی کے مالکان کے خلاف کارروائی میں بھی نہایت مدد گار ثابت ہو گی جو شہریوں کو مہنگے ماسک بیچ رہے ہیں۔

    اس موقع پر وزیراعظم عمران خان نے کہا کہ کورونا کے پیش نظر یہ ایپ کافی مدد گار ثابت ہو گی، ایسی ایپ کا لانچ ہونا پاکستان میں انقلاب کے برابر ہے۔

    عمران خان کا کہنا تھا کہ دفاتر کے چکر لگانےوالےعام آدمی کی زندگی متاثر ہوتی ہے، یہ ایپ اسلام آباد میں کامیاب ہوئی تو دیگرشہروں میں بھی لیکر جائیں  گے، یہ معاملات پاکستان کو21صدی کےتقاضےپورےکرنے میں مدد دیں گے۔

    اس سے قبل وزیراعظم عمران خان نے اسلام آباد میں پچاس بستروں پر مشتمل آئسولیشن اسپتال اورمتعدی امراض کی علاج گاہ کا سنگ بنیاد رکھا تھا۔

    کورونا آئسولیشن مرکز پر وزیراعظم عمران خان کو چیئرمین این ڈی ایم اے اوردیگرافسران نےبریفنگ دی، بریفنگ کےبعد وزیراعظم نے کورونا آئسولیشن مرکزکا دورہ کیا اور سہولیات اورانتظامات کاجائزہ لیا، اس موقع پرمعاون خصوصی براہ صحت ڈاکٹرظفرمرزااورچینی سفیر بھی موجود تھے۔

  • آسٹریلوی درسگاہوں میں چینی اثر و رسوخ کا پتہ چلانے کے لیے ٹیم کی تشکیل

    آسٹریلوی درسگاہوں میں چینی اثر و رسوخ کا پتہ چلانے کے لیے ٹیم کی تشکیل

    سڈنی : آسٹریلیا نے اپنے ہاں اعلیٰ تعلیمی اداروں میں غیر ملکی اثر و رسوخ کی چھان بین کے لیے ایک تحقیقاتی ٹیم تشکیل دے دی ہےجو خاص طورپر یہ معلوم کرے گی کہ آیا ملکی درسگاہیں چینی قوتوں کے زیر اثر ہیں۔

    غیرملکی خبررساں ادارے کے مطابق حکام نے گزشتہ روز جاری کیے گئے ایک بیان میں کہاکہ یہ ٹیم خاص طور پر یہ معلوم کرے گی کہ آیا ملکی درسگاہیں چینی قوتوں کے زیر اثر ہیں، اس ٹیم میں خفیہ اداروں کے اہلکار بھی شامل ہیں۔

    غیر ملکی خبر رساں ادارے کا کہنا تھا کہ گزشتہ دنوں ہانگ کانگ میں ہونے والے مظاہروں کی وجہ سے آسٹریلیا کی کئی یونیورسٹیوں میں ہنگامہ آرائی اور سائبر حملوں کے واقعات رونما ہو چکے ہیں۔

    میڈیا ذرائع کا کہنا تھا کہ اس کے بعد ہی ان معاملات کی تہہ تک جانے کا فیصلہ کیا گیا، آسٹریلیا میں زیر تعلیم غیر ملکی طلبہ میں سے ایک تہائی کا تعلق چین سے ہے۔

    غیر ملکی خبررساں ادارے کا کہنا تھا کہ یہ ٹاسک فورس ٹیم یونیورسٹی کے تمام کیمپسز میں سیکیورٹی کے معاملات کا جائزہ لیں گے کیونکہ گزشتہ ماہ یونیورسٹی آف کوئنز لینڈ میں طلبہ کے درمیان ہونے والے جھگڑے کے دوران لاتوں، مکّوں اور گھوسوں کا آزادانہ استعمال ہوا تھا۔

    غیر ملکی خبر رساں ادارے کا کہنا تھا کہ آپ میں گتم گھتا ہونے والے طلبہ کے دونوں گروہ کا تعلق چین اور ریاست ہانگ کانگ سے تھا۔

  • روس نے انسان نما روبوٹ خلا میں بھیج دیا

    روس نے انسان نما روبوٹ خلا میں بھیج دیا

    ماسکو : روس نے انسان نما روبوٹ فیڈور کو خلاف میں بھیج دیاجو 10روز تک بین الاقوامی خلائی اسٹیشن پر موجود رہے گا، جس سے خلا بازوں کو تحقیق میں مدد ملے گی۔

    تفصیلات کے مطابق انسان نما روبوٹ ایک ایسے راکٹ کے ذریعے بھیجا گیا ہے جس میں کوئی انسان سوار نہیں جبکہ روبوٹ 10روز تک بین الاقوامی خلائی اسٹیشن پر موجود رہے گا،روبوٹ سے خلا بازوں کو تحقیق میں مدد ملے گی۔

    اس روبوٹ کو یفیڈوری کا نام دیا گیا ہے جو فائنل ایکسپیریمنٹ ڈیمانسٹریشن آبجیکٹ ریسرچ کے الفاظ کا مخفف ہے،یہ پہلا موقع ہے کہ جب روس نے انسان نما روبوٹ خلا میں روانہ کیا ہے۔

    روسی خلائی ایجنسی کے ڈائریکٹر ایلگزینڈر بلاسفینکو نے راکٹ کی لانچنگ کے وقت ہونے والی تقریب کے دوران ٹی وی انٹرویو میں بتایا کہ روبوٹ کو بجلی کی تاروں سے کنکٹ بھی کیا جاسکتا ہے اور بغیر کنکشن کے بھی اسے استعمال کیا جاسکتا ہے۔

    خلائی ایجنسی کے ڈائریکٹر کا کہنا تھا کہ فیڈر کا قد ایک انسان کی مانند 5 فٹ 11 انچ اور وزن 160 کلو ہے۔

    غیر ملکی خبر رساں ادارے کا کہنا تھا کہ امید کی جارہی ہے کہ فیڈر بالآخر اسپیس واکس جیسے مزید خطرناک کام انجام دے گا۔

    خیال رہے کہ خلاء میں بھیجا جانے والا فیڈر پہلا روبوٹ نہیں، اس سے قبل سنہ2013 میں جاپان نے بھی خلاء میں روبوٹ بھیجا تھا اور 2011 میں امریکا نے خلا میں روبوٹ بھیجا جسےگزشتہ برس فنی خرابی کے باعث واپس بلایا تھا۔

  • اوبر نے نیویارک میں ہیلی کاپٹر سروس شروع کردی

    اوبر نے نیویارک میں ہیلی کاپٹر سروس شروع کردی

    واشنگٹن :دنیا بھر میں آن لائن ٹیکسی سروس فراہم کرنے والی کمپنی اوبر نے اپنے پلاٹینیم اور ڈائمنڈ صارفین کیلئے شروع سہولت کا کرایہ 200 سے 225 ڈالرز تک رکھاہے۔

    تفصیلات کے مطابق آن لائن ٹیکسی سروس فراہم کرنے والی کمپنی اوبر نے شاہراؤں پر چلنے والی گاڑی کے بعد اب اپنے صارفین کےلیے امریکی ریاست نیویارک میں ہیلی کاپٹر سروس متعارف کرا دی ہے۔

    غیر ملکی خبر رساں ادارے کا کہنا تھا کہ دنیا بھر میں آن لائن ٹیکسی سروس فراہم کرنے والی اوبر کمپنی نے ایک بار پھر اپنی روایات کو برقرار رکھتے ہوئے صارفین کے لیے ہیلی کاپٹر سروس کا آغاز کیا ہے، ہیلی کاپٹر ابھی صرف نیویارک میں اپنی سروس فراہم کرے گا۔

    غیر ملکی خبر رساں ادارے کا کہنا تھا کہ نیویارک سے شروع ہونے والی اس ہیلی کاپٹر سروس کی پہلی رائیڈ مین ہٹن سے اڑی اور کوئنز میں واقع جان ایف کینیڈی ایئر پورٹ پراتری، اسے بھی عام ایپلیکشن کے ذریعے آسانی سے بک کیا جائے گا تاہم جیسے عام گاڑی سواری اٹھانے کے لیے دروازے یا گلی تک نہیں آئے گی۔

    غیر ملکی خبر رساں ادارے کا کہنا تھا کہ اوبر نے اپنے پلاٹینیم اور ڈائمنڈ صارفین کیلئے شروع کی گئی اس سہولت کا کرایہ 200 سے 225 ڈالرز تک رکھا ہے، ہوائی اڈے تک رائیڈ تقریباً 8 منٹ کی ہوگی۔

    چیف ایگزیکٹو آفیسر کا کہنا تھا کہ ہماری خواہش ہے صارفین کو بہتر سے بہتر سروس فراہم کی جائے تاکہ وہ آسانی کے ساتھ سفر کریں اور جلد از جلد اپنی منزل مقصود تک پہنچ سکیں۔

    غیر ملکی خبر رساں ادارے کا کہنا تھا کہ اوبر کی نئی ایئر سروس سے صارفین کو ٹریفک میں پھنسنے سے بھی نجات ملے گی۔

  • سعودی عرب میں فائیو جی سروس شروع

    سعودی عرب میں فائیو جی سروس شروع

    ریاض : سعودی حکام نے نیوم سٹی ہوائی ڈے پرفائیوجی سروس کا آغاز کردیا،وزارت ٹیلی کام نے فائیو جی سروس سے متعلق ٹویٹ میں کہا کہ ولی عہد کے جملے نقل کیے کہ ’مستقبل میں منفرد مقام دلانے کی سعی جاری رکھیں گے‘۔

    تفصیلات کے مطابق سعودی عرب کی وزارت ٹیلی کام کی طرف سے کہاگیا ہے نیوم سٹی کے ہوائی اڈے کا افتتاح کردیا گیا ہے اور یہ ہوائی اڈہ اس اعتبارسے بھی منفرد حیثیت رکھتا ہے کہ پورے خطے میں پہلی بار اس ہوائی اڈے پرفائیوجی سروس استعمال کی جا رہی ہے۔

    سعودی وزارت ٹیلی کام کا کہنا تھا کہ نیوم سٹی میں فائیو جی سروس کے آغاز کے بعد سعودی عرب پورے خطے میں فائیو جنریشن انٹرنیٹ سروس استعمال کرنے والا پہلا ملک بن گیا ہے۔

    غیر ملکی خبر رساں اداے کے مطابق مائیکروبلاگنگ ویب سائیٹ ٹویٹر پر پوسٹ کردہ ایک ٹویٹ میں کہا گیاکہ سعودی عرب پورے خطے میں ہوائی اڈوں پرفائیوجی سروس استعمال کرنے والا پہلا ملک ۔

    اس ٹویٹ کےساتھ سعودی ولی عہد شہزادہ محمد بن سلمان کے وہ الفاظ بھی درج کیے جن میں انہوں نے کہا تھاکہ ہم اپنے ملک کو مستقبل میں ایک منفرد مقام دلانے کی سعی جاری رکھیں گے۔

    حکام کا کہنا تھا کہ نیوم سٹی ہوائی اڈے پرانٹرنیٹ انتہائی تیز رفتاری کےساتھ چلایا جارہا ہے اور صارفین اس سے بھرپورطریقے سے مستفید ہو رہے ہیں۔

    یاد رہے کہ سعودی حکومت وژن 2030 کے تحت مسلسل ترقی اور روشن خیالی کی طرف گامزن ہے، اس ضمن میں خواتین کو نہ صرف خود مختار بنایا جارہا ہے بلکہ انہیں ملازمتوں کے مواقع بھی فراہم کیے جارہے ہیں۔

  • ترک فورسز کرد جنگجوؤں پر عراقی سرزمین بھی تنگ کردی، آپریشن کا آغاز

    ترک فورسز کرد جنگجوؤں پر عراقی سرزمین بھی تنگ کردی، آپریشن کا آغاز

    انقرہ : ترک فورسز نے عراقی حدود میں کارروائی کرتے ہوئے کہا ہے کہ کارروائی کا مقصد دہشت گرد تنظیموں اور ہرکوک میں موجود دہشت گردوں کے اثر کو ختم کرنا ہے۔

    تفصیلات کے مطابق ترک فوج نے کرد جنگجووں کے خلاف کارروائی کے لیے عراق کی شمالی سرحد پر واقع پہاڑیوں میں فوجیوں کو اتار لیا جہاں فضائی کارروائی کے دوران دہشت گردوں کی پناہ گاہوں اور اسلحہ خانے کو تباہ کردیا گیا۔

    ترک وزارت دفاع کا کہنا تھا کہ فوجیوں کو عراق کی شمالی سرحد پر کرد جنگجووں کے خلاف کارروائی کے لیے اتارا گیا ہے۔وزارت دفاع کے بیان کے مطابق کارروائی کا آغاز دو روز قبل آرٹلری اور فضائی کارروائی سے ہوا تھا اور اس کے ساتھ فوجی کمانڈوز نے بھی کارروائی شروع کی تھی۔

    بیان میں کہا گیا ہے کہ یہ آپریشن ترک سرحد سے ملحق عراق کے علاقے ہرکوک میں کیا گیا جہاں سے ایران کی سرحد بھی ملتی ہے جبکہ کردش ورکرز پارٹی کے دہشت گردوں کا عراق کے شمالی علاقے میں مرکز ہے۔

    ترک حکام کے مطابق کارروائی کا مقصد دہشت گرد تنظیموں اور ہرکوک میں موجود دہشت گردوں کے اثر کو ختم کرنا ہے۔اس حوالے سے جاری ایک ویڈیو میں ترک کمانڈوز کو پہاڑی علاقے میں ہیلی کاپٹروں سے اترتے ہوئے دکھایا گیا ہے اور اس کے ساتھ ساتھ شیل فائرنگ کی تصاویر بھی جاری کردی گئی ہیں۔

    ترک وزارت دفاع کے بیان میں کہا گیا ہے کہ ہماری کارروائی ہیلی کاپٹروں کے تعاون سے منصوبے کے مطابق جاری ہے۔

    خیال رہے کہ ترک فوج عراق کے شمالی علاقوں میں فضائی کارروائیاں ماضی میں کرتی رہی ہے تاہم زمینی آپریشن بہت کم دیکھنے میں آیا ہے بعد ازاں کارروائی کے حوالے سے آگاہ کرتے ہوئے ایک بیان میں کہا گیا کہ ہلاکتیں اور زخمیوں کے علاوہ گرفتاریاں بھی ہوئی ہیں اور 9 دہشت گردوں کو غیر موثر کردیا گیا ہے۔

  • سعودی عرب میں اذان اور تلاوت قرآن کے عالمی مقابلے کا اعلان

    سعودی عرب میں اذان اور تلاوت قرآن کے عالمی مقابلے کا اعلان

    ریاض : حکام کی جانب سے حسن تلاوت قرآن کریم کے عالمی مقابلوں میں کامیابی حاصل کرنے والے خوش نصیبوں میں 12 ملین ریال کے انعامات تقسیم کیے جائیں گے۔

    تفصیلات کے مطابق سعودی عرب کی جنرل انٹرٹینمنٹ اتھارٹی کے زیراہتمام اذان اور حُسنِ تِلاوت قرآن کریم کے بین الاقوامی مقابلے کا اعلان کیا گیا ہے۔ اس مقابلے میں پوری مُسلم دنیا کے موذن اور قراءحضرات شرکت کرسکتے ہیں۔

    عرب خبر رساں ادارے کا کہنا تھا کہ مقابلہ جیتنے والے خوش نصیبوں میں ایک کروڑ 20 لاکھ ریال کے نقد انعامات تقسیم کیے جائیں گے۔

    امریکی کرنسی میں انعامی رقم کی مالیت 32 لاکھ ڈالرسےزیادہ ہے۔ خیال رہے کہ سعودی انٹرٹینمنٹ اتھارٹی کی طرف سے رواں سال جنوری میں اس مقابلے کا اعلان کیا گیا تھا۔

    عرب ٹی وی کے مطابق تفریحی ادارے کے سربراہ ترکی آل الشیخ نے حسن تلاوت و اذان مقابلے کے بارے میں بات کرتے ہوئے کہا کہ اس پروگرام کا مقصد پوری دنیا میں تلاوت کلام پاک کے کلچر کوعام کرنا ہے کیونکہ قرآن پاک اپنے صوتی حسن، اپنے معنوی اور روحانی اثرات اور سامع پر پڑنے والے اثرات کی وجہ سے اپنی امتیازی خصوصیت رکھتا ہے۔

    غیر ملکی خبر رساں ادارے کا کہنا تھا کہ اس مقابلے کے انعقاد سےعالمی سطح پر قرآن پاک، علوم قرآن اور اس کتاب اللہ کی رشد وہدایت پرمبنی تعلیمات کو فروغ دینے میں مدد ملے گی۔

    میڈیا رپورٹس کے مطابق مقابلے میں پہلا انعام حاصل کرنے والے خوش نصیب کو 50 لاکھ ریال، دوسرے کو 20 لاکھ اور تیسرے کو 10 لاکھ ریال کی رقم جب کہ چوتھے نمبر پر آنے والے کو پانچ لاکھ ریال کی رقم بہ طور انعام دی جائےگی۔

    تلاوت کلام پاک کے ساتھ ساتھ اذان کے مقابلے کا مقصد دُنیا بھر میں اذان کی اہمیت اور حرم نبوی الشریف میں میں بلند ہونے والی اذان کی آواز کو دور دور تک پہنچانا ہے۔

    اذان کے مقابلے میں پہلے پوزیشن حاصل کرنے والے کو 20 لاکھ ریال، دوسرے کو 10 لاکھ، تیسرے کو نصف ملین اور چوتھے درجے پرآنے والے موذن کو اڑھائی لاکھ ریال کی رقم بہ طور انعام دی جائے گی۔

    عرب خبر رساں ادارے کا کہنا تھا کہ تلاوت قرآن اور اذان کے عالمی مقابلے میں حصہ لینے کے لیے آن لائن رجسٹریشن کی سہولت موجود ہے۔ دلچسپی رکھنے والے قراءحضرات (قرآن احسن ایوارڈ) پر اپنی رجسٹریشن کراسکتے ہیں۔

  • حکومت کا ملک میں بجلی سے چلنے والی کاریں متعارف کرانے پر غور

    حکومت کا ملک میں بجلی سے چلنے والی کاریں متعارف کرانے پر غور

    اسلام آباد : پاکستان الیکٹرک کاروں کی پیداوار کی دوڑمیں شامل ہونے کو تیار ہے، حکومت ملک میں بجلی سے چلنے والی کاریں متعارف کرانے پر غور کررہی ہے، الیکٹرک کاروں پر پالیسی فریم ورک پر2 ماہ تک پیشرفت کا امکان ہے۔

    تفصیلات کے مطابق وزیراعظم کی زیرصدارت ماحولیاتی تبدیلیوں سےمتعلق اجلاس ہوا ، اجلاس میں مشیرماحولیات،وزیرنیشنل فوڈسیکیورٹی اور وزیر منصوبہ  بندی شریک ہوئے ، وزیرتوانائی،مشیرتجارت اورمعاون خصوصی فردوس عاشق ، وزرائےاعلیٰ کےپی وبلوچستان وجی بی،وزیراعظم آزاد کشمیر ، سینئر  افسران نے بھی شرکت کی۔

    وزیراعظم عمران خان کوالیکٹرک وہیکل پالیسی اور پنجاب میں سموگ کی روک تھام اوراقدامات اور گلگت بلتستان اورآزادکشمیرمیں ماحولیاتی تبدیلیوں سے متعلقہ امورپر پر بریفنگ دی گئی۔

    حکومت نے ملک میں بجلی سے چلنے والی کاریں متعارف کرانے پر غور کرنے کا فیصلہ کرلیا ، وزیراعظم کوالیکٹرک کار منصوبے سے متعلق بریفنگ دی گئی ، الیکٹرک کاروں پر پالیسی فریم ورک پر2 ماہ تک پیشرفت کا امکان ہے۔

    مشیر ماحولیات،وزیرتوانائی،وزیرمنصوبہ بندی نےتجاویزپیش کردیں، الیکٹرک کاروں کی درآمدی ڈیوٹی صفرکرنےاورمراعات پربھی غور کیا جارہا ہے جبکہ الیکٹرک کاروں کےمینوفیکچرنگ یونٹ پاکستان میں لگائےجائیں گے۔

    تجربہ کامیاب رہاتوایکسپورٹ کالائحہ عمل بھی تیارکیاجائےگا، سال2022 تک متعدد کار ساز کمپنیاں الیکٹرک کاروں کی تیاری بڑھا دیں گی۔

    اجلاس میں بتایا گیا حکام نے اسلام آباد میں پلاسٹک بیگ کے استعمال کے خاتمے کے لیے بھی قواعد و ضوابط بنا لیے ہیں جبکہ رواں برس 14 اگست سے پلاسٹک بیگ کے استعمال پر پابندی عائد کرنے کا فیصلہ بھی  کیا ۔

    خیال رہے ماحولیاتی الودگی پر قابو پانے کے لئے کئی ممالک 3سال میں30فیصد تک بجلی پر چلنے والی کاروں کا استعمال شروع کردیا ہے۔

  • باراک اوبامہ کے نائب صدر جو بائڈن بھی 2020 کے صدارتی ڈور انتخابات میں شامل

    باراک اوبامہ کے نائب صدر جو بائڈن بھی 2020 کے صدارتی ڈور انتخابات میں شامل

    واشنگٹن : امریکا کے سابق نائب صدر جو بائڈن بھی صدارتی ڈور میں شامل ہوگئے، اوبامہ کے نائب صدر نے ویڈیو پیغام کے ذریعے صدارتی انتخابات میں حصّہ لینا اعلان کیا۔

    تفصیلات کے مطابق امریکا میں آئندہ برس ہونے والے صدارتی انتخابات میں ڈونلڈ ٹرمپ کو شکست دینے اور بطور صدر صدارتی محل میں زندگی گزارنے کے خواہشمند سیاست دانوں کی تعداد میں اضافہ ہوتا جارہا ہے۔

    غیر ملکی خبر رساں ادارے کا کہنا تھا کہ جو بائڈن کے صدارتی ڈور میں شامل ہونے سے متعلق کئی ماہ سے قیاس آرائیاں جاری تھیں، تاہم انہوں نے کل ایک ویڈیو پیغام میں کہا کہ ’ہماری جمہوریت، عقائد اور وہ تمام چیزیں کو امریکا کو امریکا بناتی ہے، سب داؤ پر لگی ہوئی ہے۔

    برطانوی میڈیا کا کہنا تھا کہ جا بائڈن کا تعلق ڈیموکریٹک پارٹی سے ہے اور ڈیموکریٹک کی جانب سے اب تک 19 امیدوار صدارتی انتخابات میں شامل ہوچکے ہیں جب 76 سالہ بائڈن کا مقابلہ پہلے اپنی ہی جماعت کے 19 امیدواروں سے ہوگا۔

    خیال رہے کہ سابق امریکی نائب صدر جو بائڈن اس سے قبل دو مرتبہ صدارتی الیکشن میں حصّہ لے چکے ہیں۔

    غیر ملکی میڈیا کا کہنا تھا کہ صدارتی ڈور میں شامل ہونے والے دیگر ڈیموکریٹکس میں سینیٹر الیزبتھ وارن، کمالا ہیرس اور برنی سینڈرز بھی شامل ہیں۔

    واضح رہے کہ بائڈن سابق امریکی صدر باراک اوبامہ کے دونوں ادوار میں ان کے نائب صدر رہے ہیں، انہوں نے ٹرمپ کے بیان کا حوالہ دیتے ہوئے کہا کہ ’ٹرمپ کے 2017 میں شارلٹس ول میں ہونے والے سفید فام مظاہروں یہ کہہ کر ’دونوں طرف اچھے ہیں نفرت پھیلانے اور اس کے خلاف آواز اٹھانے والوں میں اخلاقی برابر قائم کردی‘۔

    جو بائڈن کا کہنا تھا کہ ڈونلڈ ٹرمپ کو چار سال دئیے جو تاریخ میں گمراہ موقع کے اعتبار سے دیکھا جائے گا، اگر ڈونلڈ ٹرمپ کو مزید چار سال دت دئیے تو وہ امریکی اقوام کی بنیادی شخصیت کو ہی تبدیل کردے گا اور میں یہ سب دیکھتا رہو لیکن کچھ نہ کروں یہ نہیں ہوسکتا۔

    غیر ملکی میڈیا کے مطابق سابق امریکی صدر باراک اوبامہ کے ایک ترجمان نے کہا کہ بائڈن کو نائب صدر بنانا اوبامہ کے بہترین فیصلوں میں ایک تھا۔

    غیر ملکی خبر رساں ادارے کا کہنا تھا کہ جو بائڈن ڈیموکریٹک پارٹی کے سب سے زیادہ تجربہ کار امیدوار ہیں، جو چھ مرتبہ سینیٹر رہ چکے ہیں جبکہ دو مرتبہ 1988 اور 2008 میں ملکی سربراہی انتخابات میں حصّہ لے چکے ہیں۔

    میڈیا ذرائع کا کہنا تھا کہ جو بائڈن نے 2016 بھی صدارتی انتخابات میں ٹرمپ کے خلاف شامل ہونا تھا لیکن وہ اپنے 46 سالہ بیٹے کی موت کے باعث شامل نہیں ہوسکے اور ڈونلڈ ٹرمپ امریکا کے صدر منتخب ہوگئے۔

    غیر ملکی میڈیا کا کہنا تھا کہ بائڈن کے بیٹے باؤ بائڈن کا انتقال دماغ کے کینسر کے باعث ہوا تھا۔

    برطانوی خبر رساں ادارے کا کہنا تھا کہ عوامی رائے شماری کے مطابق جو بائڈن ڈیموکریٹ کے سب سے مقبول امیدوار ہیں۔