ARYNews.tv | Urdu – Har Lamha Bakhabar

Tag: launching ceremony

  • سنگل ونڈو نظام، ‘پاکستان اور امریکا کے درمیان شراکت داری میں ایک اور اہم سنگ میل عبور’

    سنگل ونڈو نظام، ‘پاکستان اور امریکا کے درمیان شراکت داری میں ایک اور اہم سنگ میل عبور’

    اسلام آباد:یو ایس ایڈ ڈپٹی مشن ڈائریکٹر ڈیوڈ ینگ کا کہنا ہے کہ سنگل ونڈو نظام سے پاکستان اور امریکا کے درمیان شراکت داری میں ایک اور اہم سنگ میل عبور ہوا، امریکا پاکستان کی تجارتی امورمیں بہتری اور معاونت کیلئے پرعزم ہے۔

    تفصیلات کے مطابق پاکستان سنگل ونڈو نظام لانچنگ سے متعلق تقریب کا انعقاد کیا گیا ، تقریب سے یو ایس ایڈ ڈپٹی مشن ڈائریکٹر ڈیوڈ ینگ نے خطاب کرتے ہوئے کہا پاکستان اور امریکا میں شراکت داری میں ایک اور اہم سنگ میل عبور ہوا، امریکا پاکستان کی تجارتی امورمیں بہتری اور معاونت کیلئے پرعزم ہے۔

    ڈیوڈینگ کا کہنا تھا کہ نیا نظام پاکستانی تجارت کو وسعت دینے میں مدد دے گا، مستحکم اور ترقی کرتا ہوا پاکستان چاہتے ہیں۔

    دوسری جانب تقریب سے ایگزیکٹو ڈائریکٹراسٹیٹ بینک سلیم اللہ نے خطاب کرتے ہوئے کہا اس نظام سے کراس بارڈر تجارت آسان ہوکر بڑھ جائے گی ، اسٹیٹ بینک تجارتی اورکاروباری آسانیوں کیلئے کوشاں ہے۔

    سلیم اللہ کا کہنا تھا کہ ادائیگیوں اورٹیکسزسمیت دیگرامورمیں آسانی ہوسکےگی، ٹیکس گزاروں اورتاجروں کیلئےبینکاری امورآسان کردیے، آٹومیشن کی وجہ سے تجارتی تنازعات کم سے کم ہوگئے ہیں۔

    یاد رہے صدر مملکت نے پاکستان سنگل ونڈو ایکٹ 2021 پر دستخط کئے تھے ، پاکستان سنگل ونڈو ایکٹ کے تحت تجارت میں آسانی کے لیے خود مختار ادارہ قائم کیا جائے گا، جس کے بعد درآمدات، برآمدات، اور ٹرانزٹ ٹریڈ کے لیے سہولتیں ایک ہی نظام میں میسر ہوں گی۔

    ایکٹ کے تحت اس ادارے کے قیام سے کاروباری اخراجات میں کمی ہوگی، سرحد پار تجارت آسان بنانے اور سامان کی تیز تر ترسیل میں مدد ملے گی، ڈیٹا کی بر وقت پراسیسنگ، اور معیاری خدمات میں بہتری آئے گی۔

  • پاک بحریہ کیلئے بنائے جانے والے 2300 ٹن وزنی جنگی جہاز (کارویٹ) کی رومانیہ میں لانچنگ

    پاک بحریہ کیلئے بنائے جانے والے 2300 ٹن وزنی جنگی جہاز (کارویٹ) کی رومانیہ میں لانچنگ

    اسلام آباد : پاک بحریہ کےلئے بنائے جانے والے 2300 ٹن وزنی جنگی جہاز (کارویٹ) کی رومانیہ میں لانچنگ کی گئی ، پاک بحریہ کے جنگی بیڑے میں  پہلے جہاز کی شمولیت رواں سال کے آخر تک ،دوسرا جہاز 2020 کے وسط تک متوقع ہے۔

    تفصیلات کے مطابق پاک بحریہ کےلئے بنائے جانے والے 2300 ٹن وزنی جنگی جہاز (کارویٹ) کی رومانیہ میں لانچنگ کر دی گئی ، تقریب کے مہمان خصوصی پاک بحریہ کے چیف آف سٹاف ( پرسنیل) وائس ایڈمرل عبدالعلیم تھے۔

    ترجمان پاک بحریہ نے کہا کارویٹ درمیانے سائز اور وزن کے جہاز ہیں جو مختلف مقاصد کیلئے استعمال ہوتے ہیں، پاک بحریہ کے جنگی بیڑے میں پہلے جہاز کی شمولیت اس سال کے آخر تک جبکہ دوسرا جہاز 2020 کے وسط تک متوقع ہے۔

    ترجمان پاک کا کہنا تھا ان جہازوں کے پاک بحریہ کا حصہ بننے سےپاک بحریہ کی بحری سرحدوں کے دفاع کی صلاحیتوں میں مزید اضافہ ہوگا۔

    وائس ایڈمرل عبدالعلیم نے کہا کہ ان جہازوں کی شمولیت سے بحر ہند میں سکیورٹی کو یقینی بنانے کیلئے پاک بحریہ کے ریجنل میری ٹائم سکیورٹی پٹرول کے اقدام کو بھی تقویت حاصل ہوگی۔

    مہمان خصوصی نے جہازوں کی تیاری میں ڈامن شپ یارڈ کے تعاون اور پیشہ ورانہ صلاحیتوں کی تعریف کی۔

  • ملکی تاریخ میں پہلی بارغربت میں کمی کا پروگرام لارہے ہیں، وزیراعظم عمران خان

    ملکی تاریخ میں پہلی بارغربت میں کمی کا پروگرام لارہے ہیں، وزیراعظم عمران خان

    اسلام آباد :وزیراعظم عمران خان کا کہنا ہے کہ صحت کارڈ کے اجرا کا مقصد بھی غربت میں کمی ہے، ہماری ہرپالیسی کامحورغربت ختم کرنا ہوگا چاہے جو بھی پالیسی ہو، ملکی تاریخ میں پہلی بارغربت میں کمی کا پروگرام لارہےہیں۔

    تفصیلات کے مطابق وزیراعظم عمران خان نے صحت انصاف کارڈکے پہلے مرحلے کا آغاز کردیا اور مستحقین میں صحت انصاف کارڈ تقسیم کئے گئے ، پہلےمرحلےمیں اسلام آباد کے85 ہزار مستحقین میں کارڈ تقسیم کیے جائیں گے۔

    تقریب سے خطاب کرتے ہوئے وزیراعظم عمران خان نے کہا صحت کارڈ سے پسماندہ طبقے کا 7 لاکھ 20 ہزار تک مفت علاج ہوگا، کے پی میں آدھے سے زائد غریب گھرانوں کو کارڈ دیے، ایک غریب مشکل سےگھر کا خرچ پورا کرتا ہے، صرف علاج کی وجہ سے بہت سے لوگ غربت میں چلے جاتے ہیں۔

    وزیراعظم کا کہنا تھا کہ خاندان کےکسی فردکوکینسرمیں دیکھناکسی اذیت سےکم نہیں ہوتاتھا، غریب افراد کے لئےعلاج معالجہ بہت مشکل ہوتا ہے، لوگ  اپنے پیاروں کے علاج کے لیے اپنی جمع پونجی لگا دیتے تھے، ایک سہولت موجود ہے کہ کارڈ ہے میں جاؤں گاعلاج ہوگا۔

    ہماری ہرپالیسی کامحورغربت ختم کرناہوگاچاہےجوبھی پالیسی ہو

    عمران خان نے کہا میں اپنوں کی تکلیف اور درد اچھی طرح سمجھتا ہوں، جب میری والدہ کوکینسرہواتواسپتال نہیں تھاباہرلیناجاناپڑا، کچھ لوگوں کے پاس تو علاج کے لیے پیسےہی نہیں ہوتے، ہماری ہرپالیسی کامحورغربت ختم کرناہوگاچاہےجوبھی پالیسی ہو۔

    ان کا کہنا تھا کہ قبائلی اضلاع میں پہلےصحت کارڈ دیں گےتاکہ انہیں علاج کی سہولت پہلےملے، عوام کو آج کل مشکلات کاسامناکرناپڑرہاہے، روپے کی قیمت 35 فیصدگری تومہنگائی تو آنا تھی، مشکل وقت آناتھا۔

    ہمیں احساس ہے مشکل میں گھرے طبقے کیلئے آسانی پیدا کرناچاہتے ہیں

    وزیراعظم نے کہا گیس اوربجلی کی قیمت بڑھ گئی ہے،کوشش ہے غریبوں کے لیے آسانی کریں، ہمیں احساس ہےکہ لوگ مشکل سےگزررہےہیں، مشکل میں گھرے طبقے کیلئے آسانی پیدا کرناچاہتے ہیں۔

    ملکی تاریخ میں پہلی بارغربت میں کمی کا پروگرام لارہےہیں

    عمران خان خان کا کہنا تھا کہ ملکی تاریخ میں پہلی بارغربت میں کمی کا پروگرام لارہےہیں، بیت المال سمیت تمام اداروں کوایک چھتری تلے لے کرآئیں گے،  کوئی معاشرہ ترقی نہیں کرتاجب تک وہ اپنےلوگوں پرپیسہ خرچ نہ کرے۔

    انھوں نے کہا بھارت ہم سےپیچھےتھاوہ ہم سےآگےنکل گیا، بنگلادیش بھی ہم سے پیچھے تھا وہ بھی آگے نکل گیا، جیسےجیسےوقت گزرےگا سرمایہ کار آئیں گے، ایک رپورٹ کے مطابق سیاحت کی مدمیں 40 فیصدترقی کی گنجائش ہے۔

    ہماراہدف ہےکہ پاکستان کوفلاحی ریاست بناناہے

    وزیراعظم کا کہنا تھا کہ ہماراہدف ہے کہ پاکستان کو فلاحی ریاست بناناہے، جو غریب وکیل نہیں کرسکتا اسے بھی وکیل کی سہولت دینا چاہتے ہیں، صحت کارڈ کے اجرا کا مقصد بھی غربت میں کمی ہے، پاکستان میں صرف سیاحت سے40 ارب ڈالر کمائے جاسکتے ہیں۔

  • سلمان اقبال اور باکسر عامر خان کی کاوش، پاکستان میں‌ سپر باکسنگ لیگ کا انعقاد

    سلمان اقبال اور باکسر عامر خان کی کاوش، پاکستان میں‌ سپر باکسنگ لیگ کا انعقاد

    کراچی: سی ای او اے آر وائی ڈیجیٹل نیٹ ورک سلمان اقبال اور ممتاز باکسر عامر خان کی مشترکہ کاوشوں سے ہونے والی پہلی سپر باکسنگ لیگ کی شان دار افتتاحی تقریب کراچی میں منعقد ہوئی۔

    تفصیلات کے مطابق پاکستان سپر باکسنگ لیگ کی لانچنگ تقریب میں کئی ستاروں نے شرکت کی، اس موقع پر باکسر عامر خان نے کہا کہ پاکستان میرا ملک ہے اس کے لیے کچھ کرنا چاہتا ہوں، پاکستان میں باکسنگ لیگ کرانے کے لیے پرجوش ہوں۔

    یاد رہے کہ باکسر عامر خان پاکستان سپر باکسنگ لیگ کے چیئرمین اور سی ای او اے آر وائی ڈیجیٹل نیٹ ورک سلمان اقبال شریک چیئرمین ہیں۔

    [bs-quote quote=”پاکستان سپر باکسنگ لیگ 28 ستمبر سے 3 نومبر تک کھیلی جائے گی، سپر باکسنگ لیگ میں 8 ٹیمیں شرکت کریں گی،” style=”style-2″ align=”left”][/bs-quote]

    باکسر عامر خان کا کہنا تھا کہ پاکستان میں باکسنگ لیگ کے انعقاد پر پرجوش ہوں، پاکستان میں باکسنگ کا بے پناہ ٹیلنٹ ہے، محمد وسیم اور حسین شاہ پروفیشنل باکسنگ کے لیے آگے بڑھے۔

    انہوں نے کہا کہ پاکستان میں پروفیشنل باکسنگ لارہے ہیں، ورلڈ باکسنگ کونسل سب سے بڑا باکسنگ کا ادارہ ہے، ہر کوئی کرکٹ کو فروغ دیتا ہے باکسنگ کو آگے بڑھانے والے کم ہیں۔

    اسٹار آل راؤنڈر شاہد آفریدی نے کہا کہ پاکستان ٹیم کے بہترین کھلاڑی پی ایس ایل سے ملے، پاکستان میں بہترین باکسر ہیں مگر سہولتیں نہیں، اکیڈمیز کے قیام سے ٹیلنٹ کو فروغ ملے گا۔

    پاکستان سپر باکسنگ لیگ میں پختونز واریئرز کے مالک شاہد آفریدی نے کہا کہ ہم سب کو مل کر باکسنگ کے فروغ کے لیے کام کرنا ہے، سپر باکسنگ لیگ بہترین باکسرز پاکستان کو فراہم کرے گی۔

    پاکستان سپر باکسنگ لیگ 28 ستمبر سے 3 نومبر تک کھیلی جائے گی، سپر باکسنگ لیگ میں 8 ٹیمیں شرکت کریں گی، ہر ٹیم میں 10 مرد اور 2 خواتین باکسر شامل ہیں، ہر ٹیم میں تین غیر ملکی باکسر بھی شامل ہوں گے۔

    پاکستان سپر باکسنگ لیگ میں ایک ٹیم کراچی کوبراز کے مالک سلمان اقبال اور فہد مصطفی ہیں، اسٹار آل راؤنڈر شاہد خان آفریدی پختون واریئرز کے مالک ہیں، سابق فاسٹ بولر وسیم اکرم ملتان نوابز کے مالک ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پی ایس ایل کی افتتاحی تقریب‘ حریم فاروق میزبان ہوں گی

    پی ایس ایل کی افتتاحی تقریب‘ حریم فاروق میزبان ہوں گی

     پاکستان سپر لیگ کے تیسرے ایڈیشن کی دبئی میں منعقد ہونے والی افتتاحی تقریب کی میزبانی حریم فاروق کریں گی‘ پی ایس ایل کل سے شروع ہورہا ہے جس میں چھ ٹیمیں ٹرافی کے لیے پنجہ لڑائیں گی۔

    تفصیلات کے مطابق 22 فروری 2018 بروز جمعرات سے شروع ہونے والے پاکستان سپر لیگ کے تیسرے ایڈیشن کی افتتاحی تقریب دبئی میں متحدہ عرب امارات کے مقامی وقت کے مطابق شام سات بجے شروع ہوگی۔

    دبئی میں کرکٹ کے دنیا کے اس میگا ایونٹ کی تمام تر تیاریاں مکمل ہوچکی ہیں اور کئی مشہور و معروف شخصیات اس وقت اپنی ٹیم کو سپورٹ کرنے کے لیے یو اے ای کا رخ کررہی ہیں۔ عوام بھی اس ایونٹ کا جوش و خروش سے انتظار کررہے ہیں۔

    اس ایونٹ کی ہوسٹنگ کے حوالے سے گفتگو کرتے ہوئے حریم فاروق کا کہنا تھا کہ ’’ میرے لیے یہ یقیناً فخر کی بات ہے کہ میں اتنے بڑے پلیٹ فارم پر اپنےوطن پاکستان کی نمائندگی کروں گی ‘ وہ بھی ایک انٹرنیشنل گراؤنڈ میں! پی ایس ایل ہماری عظیم قوم کا سب سے بڑا اسپورٹس ایونٹ ہے، جو ہمیں قریب لائے گا اور بطور اداکار اور پروڈیو سر اور اس سے بڑھ کر ایک پاکستانی کی حیثیت سے اس ایونٹ کی میزبانی کسی اعزاز سے کم نہیں ہے۔

    حریم فاروق کے بارے میں

    حریم فاروق متعدد ایوارڈ یافتہ اسٹیج، ٹی وی اور فلم آرٹسٹ ہیں ‘ ساتھ ہی ساتھ وہ فلم جاناں اور پرچی میں پروڈیوسر کے فرائض بھی انجام دے چکی ہیں۔ انہوں نے اپنے کیرئر کا آغاز تھیٹر سے کیا اور انور مقصود کے شہرہ آفاق ڈرامے ’پونے 14 اگست‘ میں فاطمہ جناح کا مرکزی کردار نبھایا جبکہ آنگن ٹیڑھا میں آپ کرن کا کردار ادا کرتی نظرآئیں۔

    سنہ 2013 میں انہوں نے ڈراؤنی فلم ’سیاہ‘ سے اپنے فلمی کیرئر کا آغاز کیا ، اس کے بعد مہرین جبار کی دوبارہ پھر سے اور ابھی حال ہی میں انہوں نے انتہائی کامیاب فلم پرچی میں اداکاری اور پروڈکشن کےفرائض انجام دیے تھے۔ اس کے علاوہ وہ مختلف ٹی وی چینلز سے نشر ہونے والے ڈراموں میں بھی اپنے جوہر منوا چکی ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

  • کوک اسٹوڈیو کے10ویں سیزن کا آغاز ہوگیا

    کوک اسٹوڈیو کے10ویں سیزن کا آغاز ہوگیا

    کراچی : پاکستان کے سب سے بہترین میوزک پلیٹ فارم کوک اسٹوڈیو کے دس ویں سیزن کا اغاز ہوگیا۔

    کراچی میں پاکستان کے سب سے بہترین میوزک پلیٹ فارم کوک اسٹوڈیو کے دس ویں سیزن کی رنگارنگ افتتاحی تقریب کا انعقاد کیا گیا ، تقریب میں صف اول کے گلوکار اور موسیقاروں نے شرکت کی۔

    کوک اسٹوڈیو دنیا کے ایک سو پچاس سے زائد ممالک میں پاکستانی کلچر پھیلانے والا سفیر کا کردار ادا کررہا ہے، کوک اسٹوڈیو کے زریعے نئے اور ابھرتے ٹیلنٹ کو روشناس کرایا جاتا ہے۔

    کوک اسٹوڈیو کے دس ویں ایڈیشن میں سترویں جشن آزادی کی مناسبت سے میوزک انڈسٹری کے نامور شخصیات کو خراج عقیدت پیش کرے گا، جنہوں نے میوزک انڈسٹری کو نمایاں مقام تک پہنچایا۔

    سیزن 10 کی پہلی قسط میں ‘رنجش ہی صحیح ‘گانے میں گلوکار علی سیٹھی نے مہدی حسن کو خراج عقیدت پیش کیا ہے۔ اسی قسط کے دیگر گانوں میں احمد جہانزیب اور شفقت امانت علی خان کی جانب سے ‘اللہ اکبر ‘کے نام سے کلام بھی شامل ہے۔

    اس کے علاوہ حنا نصر اللہ اور امانت علی کی جانب سے ‘چھا رہی ہے کالی گھٹا ‘جبکہ مومنہ مستحسن اور دانیال ظفر کی جانب سے ‘منتظر ‘گانا بھی موجود ہے۔

    تقریب سے خطاب کرتے ہوے کوکا کولا پاکستان کے جنرل منیجر رضوان یو خان نے کہا کہ کوک اسٹوڈیو نے پاکستانی میوزک کی بحالی کی ذمہ داری اس وقت اٹھائی، جب انڈسٹری مشکل حالات سے دوچار تھی، کوک اسٹوڈیو میوزک کلچر کی بحالی کے لئے پر عزم ہے اور نئے دس ویں سیزن میں مزید جدت سامنے آئیں گی۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • پاکستان کا نام روشن کرنیوالے کھلاڑی کراچی کنگز کا حصہ ہیں، سلمان اقبال

    پاکستان کا نام روشن کرنیوالے کھلاڑی کراچی کنگز کا حصہ ہیں، سلمان اقبال

    کراچی: پی ایس ایل میں شامل کراچی کنگز کی رنگا رنگ افتتاحی تقریب نیشنل اسٹیڈیم میں منعقد ہوئی، شائقین کرکٹ کی بڑی تعداد نے ایونٹ میں شرکت کی، کراچی کنگز کے مالک سلمان اقبال نے کہا کہ پاکستان کا نام روشن کرنے والے کھلاڑی کراچی کنگز کا حصہ ہیں،اس بار نہیں لیکن اگلی بار پی ایس ایل کا فائنل کراچی میں کرانے کی پوری کوشش کریں گے۔

    تقریب کا آغاز تلاوت کلام پاک سے ہوا جس میں قاری نے انتہائی خوش الحان آواز میں تلاوت پیش کرکے حاضرین کو مسحور کردیا۔ بعدازاں قومی ترانہ پڑھا گیا جسے سب نے کھڑے ہو کر سنا اور کراچی کنگز کا آفیشل سانگ ’’دلوں کے ہم ہیں بادشاہ‘‘ پر پرفارمنس پیش کی گئی، پروگرام کی میزبانی فہد مصطفی نے کی۔

     

    وزیراعلیٰ سندھ ، ڈی جی رینجرز اور دیگر اہم شخصیات کی شرکت

    تقریب میں وزیراعلیٰٰ سندھ مراد علی شاہ، ڈی جی رینجرز میجر جنرل محمد سعید،پی ایس ایل کراچی کنگز کے مالک اور اے آر وائی نیٹ ورک کے سی ای او سلمان اقبال، میئر کراچی وسیم اختر، ن لیگ کے رہنما نہال ہاشمی، ڈپٹی اسپیکر سندھ اسمبلی شہلا رضا، معروف تاجر عقیل کریم ڈھیڈھی،صوبائی وزیر مکیش کمار چاؤلہ،اے آر وائی نیٹ ورک کے چیئرمین حاجی اقبال، اینکر پرسن وسیم بادامی، اقرار الحسن، جیتو پاکستان کے اینکر فہد مصطفی سمیت دیگر شخصیات نے شرکت کی۔

    تقریب میں شرکت کے لیے چوہدری عبدالجلیل المعروف چاچا کرکٹ بھی خاص طور سے کراچی تشریف لائے اور انہوں نے اے آر وائی نیوز سے گفتگو کرتے ہوئے کراچی کنگز کی فتح اوراس کے لیے نیک خواہشات کا اظہار کیا۔

     

    اگلے سال پی ایس ایل کا فائنل کراچی میں کرائیں گے، مراد علی شاہ

    تقریب میں اظہار خیال کرتے ہوئے وزیراعلیٰ سندھ سید مرادعلی شاہ نے کہا کہ آئندہ سال پی ایس ایل کا فائنل کراچی میں کرائیں گے،مجھے اس کے لیے کراچی کے عوام اور قانون نافذ کرنے والےاداروں کا ساتھ درکار ہے۔

    میئر کراچی وسیم اختر نے کہا کہ عوام پرجوش ہیں، کراچی کنگز ضرور جیتے گی،ایسے ایونٹس دیکھ کر خوشی ہوتی ہے، کراچی کی رونقیں اورخوشیاں بحال ہورہی ہیں، اس اسٹیڈیم میں بہت جلد میچز بھی ہوں گے۔

    ڈپٹی اسپیکر سندھ اسمبلی شہلا رضا نے کہا کہ ٹی وی پرکراچی کنگز کی تقریب دیکھی تو جوش آیا اور اسٹیڈیم آگئی۔ تقریب میں سید مرادعلی شاہ، میئر کراچی وسیم اختراور دیگر شرکا کو’’کراچی کنگز‘‘کی شرٹس پیش کی گئیں۔

    چیئرمین اے آر وائی نیٹ ورک حاجی اقبال نے کہا کہ کراچی کی بہتری کے لیے اور بھی بہت کچھ سوچا ہے، کراچی میرا شہر ہے، چاہتا ہوں یہ ترقی کرتا رہے۔

    وائس چیئرمین اے آر وائی نیٹ ورک حاجی رؤف نے کہا کہ فاسٹ بولر محمد عامر میرا پسندیدہ کھلاڑی ہے، آئندہ سال انٹرنیشنل ٹیمیں پاکستان میں کھیلیں گی، جنید جمشید کے بیٹے تیمور جنید نے کہا کہ کراچی کنگز کی ٹیم لانچنگ دیکھ کربہت خوشی ہورہی ہے۔

    سلمان اقبال نے کراچی کنگز کی ٹیم متعارف کرادی

    اے آر وائی گروپ کے سی ای او سلمان اقبال نے اپنے خطاب میں کہا کہ یہ ایونٹ کراچی والوں کا ایونٹ ہے اور ٹیم صرف اے آر وائی کی نہیں پوری کراچی کی ٹیم ہے۔

    مالک کراچی کنگزسلمان اقبال نے کہا کہ لوگ کہتے تھے کوئی پی ایس ایل دیکھنے نہیں آئے گا،گزشتہ سال کی طرح کراچی آج پھر چمک رہا ہے،کوشش ہوگی اس سال کاکپ ہماراہو، کراچی کو کراچی بنانے کا سہرا اوزیر اعلیٰ اور میئر کراچی کوجاتا ہے۔

    کراچی کنگز کے مالک سلمان اقبال نے کہا کہ کراچی والوں یہ شہر ہمارا ہے، ہمیں اسے اجاگر کرنا ہے۔ بعد ازاں سلمان اقبال نے کراچی کنگز کی ٹیم میں شامل کھلاڑیوں کے ناموں کا اعلان کیا۔

     

     کراچی کنگز میں شعیب ملک، محمد عامر، بابراعظم، عماد وسیم، سہیل خان، شاہ زیب حسن، سیف اللہ بنگش، راحت علی، حسن محسن، خرم منظور،اسامہ میر کرس گیل، کمارا سنگا کارا، روی بوپارہ، مہیلاجے وردھنے اور رائن میکلارن اور پولارڈ کراچی کنگز کی ٹیم میں شامل ہیں۔ ٹیم کاتعارف کرانے پر شائقین نے کراچی کنگز کاشانداراستقبال کیا۔

  • پی ایس ایل : کراچی کنگز کی افتتاحی تقریب آج ہوگی

    پی ایس ایل : کراچی کنگز کی افتتاحی تقریب آج ہوگی

    کراچی : پاکستان سپر لیگ کی سب سے مضبوط ٹیم کراچی کنگزکی افتتتاحی تقریب آج نیشنل اسٹیڈیم کراچی میں ہورہی ہے، جس میں دلوں کے بادشاہ کی دھواں دار انٹری ہوگی اورنامور گلوکار بھی پرفارمنس پیش کریں گے۔

    تفصیلات کے مطابق پاکستان میں کرکٹ کی تاریخ کا سب سے بڑا میلہ ہونے جارہا ہے، پاکستان سپرلیگ کی سب سے مضبوط اور بہترین ٹیم کراچی کنگز کے ستارے جمعے کی شام نیشنل اسٹیڈیم کراچی میں جگمگائیں گے، کراچی والوں نے تمام پاسز ہاتھوں ہاتھ لے لیے۔

    کراچی کنگز کی شاندار لانچنگ تقریب میں علی عظمت ،فاخر، اور علی حیدر، سلیم جاوید ،حسن جہانگیر سمیت دیگر نامور گلوکار بھی پر فارم کریں گے فہد مصطفی اور وسیم بادامی تقریب کی میزبانی کریں گے۔

    دوسری جانب گورنرسندھ محمد زبیر، میئر کراچی وسیم اختر اور ٹیم کے مالک سلمان اقبال نے اپنے پیغامات میں کراچی کنگز کی ٹیم کو خوش آئند قراردیا ہے۔

    کراچی کنگز کے مالک سلمان اقبال نے اپنے پیغام میں کہا ہے کہ کراچی والوں یہ شہر ہمارا ہے، اس کو اجاگر کرنا ہے، کراچی والوں دنیا کو بتانا ہے کراچی کی رونقیں واپس آرہی ہیں اور ہر کراچی والا کپتان ہے۔

    کراچی کنگز کی ٹیم کیلئے دیگر رہنماؤں نے نیک خواہشات کا اظہار کرتے ہوئے کراچی کی ٹیم کی جیت کے یقین کا اظہار کیا ہے۔

  • نیشنل اسٹیڈیم میں کراچی کنگزکی تعارفی تقریب، کھلاڑیوں کا والہانہ استقبال

    نیشنل اسٹیڈیم میں کراچی کنگزکی تعارفی تقریب، کھلاڑیوں کا والہانہ استقبال

    کراچی : نیشنل اسٹیڈیم کراچی میں پی ایس ایل کی کراچی کنگز کی ٹیم کی تعارفی تقریب کا اہتمام کیا گیا، اس موقع پر اہلیان کراچی کا جذبہ قابل دید تھا۔

    تقریب میں شرکت کیلئے چوہدری عبدالجلیل المعروف چاچا کرکٹ بھی خاص طور سے کراچی تشریف لائے، اور انہوں نے اے آر وائی سے گفتگو کرتے ہوئے کراچی کنگز کی فتح اور اس کیلئے نیک خواہشات کا اظہار کیا۔

    اسٹیڈیم شائقین سے کھچا کھچ بھرا ہوا تھا ، جس میں خواتین اور بچوں کی بہت بڑی تعداد موجود تھی، اسٹیڈیم میں اے آر وائی گروپ کے سی ای او سلمان اقبال داخل ہوئے تو اسٹیڈیم میں موجود حاضرین نے ان کا بھرپور استقبال کیا۔

    اس موقع پر گورنرسندھ عشرت العباد، ڈی جی رینجرز میجر بلال اکبر، کراچی کے نامزد میئر ایم کیوایم کے رہنما وسیم اختر، تحریک انصاف کے فیصل واوڈا کے علاوہ دیگر اہم شخصیات بھی موجود تھیں۔

    فیصل واوڈا نے کراچی کنگز کی جرسی زیب تن کی ہوئی تھی، تقریب کا آغاز تلاوت کلام پاک سے کیا گیا۔ تقریب کی کمپیئرنگ کے فرائض معروف اداکار فہد مصطفیٰ نے انجام دیئے۔

    اس کے بعد قومی ترانہ پیش کیا گیا، جسے حاضرین نے عقیدت و احترام کے ساتھ کھڑے ہو کر سنا، معروف گلوکار علی عظمت نے کراچی کنگز کا ترانہ پیش کیا۔

     اے آر وائی گروپ کے سی ای او سلمان اقبال نے اپنے خطاب میں کہا کہ یہ ایونٹ کراچی والوں کا ایونٹ ہے۔ اور ٹیم صرف اے آر وائی کی نہیں پوری کراچی کی ٹیم ہے۔

    کراچی کنگز کے مالک سلمان اقبال نے کہا کہ کراچی والوں یہ شہر ہمارا ہے، ہمیں اس کو اجاگر کرنا ہے، کراچی والوں دنیا کو بتانا ہے کہ کراچی کی رونقیں واپس آرہی ہیں اور ہر کراچی والا کپتان ہے۔

    انہوں نے کہا کہ مجھے اس شہر کی محبت نے ٹیم خریدنے پر مجبور کیا، اور آج میں بہت  اپنے  خوش ہوں کہ میں نےشہر کیلئے کچھ کیا۔

     انہوں نے سیکیورٹی کے بہترین انتظامات پر گورنر سندھ ڈاکٹر عشرت العباد ، ڈی جی رینجرز ، ایڈیشنل آئی جی کا خصوصی طور پر شکریہ ادا کیا۔

    تقریب سے خطاب کرتے ہوئے گورنرسندھ عشرت العباد نے کہا کہ میں اس ایونٹ پر کراچی کے تمام شہریوں کو مبارک باد پیش کرتا ہوں ۔

    انہوں نے کہا کہ اے آر وائی گروپ کے سی ای او سلمان اقبال کا خصوصی طور پر شکریہ ادا کرتا ہوں کہ انہوں نے اس شاندار تقریب کا اہتمام کیا۔

    اس موقع پر ڈاکٹر عشرت العباد نے گٹٓار پر قومی ترانے کی کوبصورت دھن پیش کرکے سماں باندھ دیا، جسے حاضرین نے بے حد سراہا۔

    کراچی کنگزکی لانچنگ تقریب میں شہری لسانی و مسلکی تفریق سے بالاتر ہوکر سب پاکستانی اور کراچی والے نظر آئے۔

    کراچی کنگز کی لانچنگ تقریب کو سیاست اور شوبز سے تعلق رکھنے والی شخصیات نے شہر قائد کیلئے تحفہ قرار دیا۔

    جنوری کی سرد شام میں ہونے والی پرجوش تقریب نے نیشنل اسٹیڈیم کو جگ مگا دیا۔ ایونٹ میں شریک مختلف سیاسی رہنماؤں نے اے آر وائی اور کراچی کنگز ٹیم کو شاندار الفاظ میں خراج تحسین پیش کیا۔

    نامزد مئیر کراچی وسیم اختر اور کراچی کے نامزد ڈپٹی مئیر ارشد وہرہ کا کہنا تھا کہ کراچی کے شہری اپنی ٹیم کو مکمل سپورٹ کریں گے۔

    مشہور زمانہ کامیڈین عمر شریف نے کہا کہ عوام کا جذبہ دیکھ کر 1980 اور 1990 کاکراچی یاد آ رہا ہے۔

    پی ٹی آئی کے رہنما فیصل واوڈا نے کہا کہ کراچی کنگز کے کھلاڑی اپنے لوگو یعنی شیر معروف شخصیات کا کراچی کنگز اور اے آر وائی کو خراج تحسین پیش کرتا ہوں۔

    بعد ازاں کراچی کنگز کے کھلاڑیوں کو اسٹیج پر مدعو کیا گیا، ٹیم کے کپتان شعیب ملک نے اپنے خیالات کا اظہار کرتے ہوئے کراچی کے شہریوں کا شکریہ ادا کیا، اور پی ایس ایل میں اپنی ٹیم کی بہتر کارکردگی کے عزم کو دہرایا۔

    کراچی کنگز کی شاندار تعارفی تقریب میں علی عظمت ،فاخر، اور علی حیدر، سلیم جاوید ، شازیہ خشک ، حسن جہانگیر سمیت دیگر نامور گلوکاروں نے اپنے فن کا مظاہرہ کیا، جس نے حاضرین کو جھومنے پر مجبور کردیا۔

  • کامن ویلتھ گیمز:میڈلزکی رنگا رنگ تقریب رونمائی

    کامن ویلتھ گیمز:میڈلزکی رنگا رنگ تقریب رونمائی

    common-01