Tag: LB election

کراچی: بلدیاتی انتخاب کا دوسرا معرکہ سر کرنے کیلئے کپتان نے جارحانہ انداز میں ایک ہی دن میں سندھ کے کئی شہروں کا دورہ کیا۔

بلدیاتی انتخاب کے پہلے مرحلے میں شکست فاش کے بعد عمران خان کھلاڑیوں کا حوصلہ بڑھانے سندھ پہنچ گئے عمران خان حیدر آباد ٹول پلازہ پر پہنچے تو کارکنان نے اُن کا پُرتپاک استقبال کیا۔

کپتان نے بھی گاڑی سے باہر آکر کارکنان کے جوش و جذبے جا جواب دیا عمران خان کا قافلہ حیدر آباد سے ہوتا ہوا ٹنڈو جام پہنچا،اس موقع پر پاکستان تحریک انصاف کے چیئرمین عمران خان نے کہا کہ سندھ کو آزاد کرائیں گے،پچھلے تیس سال میں پیپلز پارٹی نے چھ بار سندھ میں حکومت کی لیکن عوام کے مسائل حل نہیں ہوئے۔

عمران خان نے کہا کہ نئے پاکستان میں میٹرو بعد میں لیکن عوام کو صاف پانی اور صحت کی سہولتیں پہلے دیں گے ،ہسپتالوں کو ٹھیک کرنے میں کچھ لوگ رکاوٹ بنے ہوئے ہیں۔

چیئرمین تحریک انصاف نے کہا کہ میں پورا زور لگاﺅں گا کہ جیسے کے پی کے میں تبدیلی آ رہی ہے ایسے ہی سندھ اور پنجاب میں بھی تبدیلی لانے کی کوشش کروں گا۔

پشاور: پاکستان تحریک انصاف کے چیئرمین عمران خان نے کہا کہ  کسی کی ذاتی زندگی میں دخل اندازی ہرگز نہیں کرنی چاہیئے۔

وزیر اعلیٰ ہاوس میں پریس کانفرنس کرتے ہوئے چیئرمین تحریک انصاف صحافیوں پر برس پڑے عمران خان نے کہا کہ کسی کی ذاتی زندگی میں دخل اندازی ہرگز نہیں کرنی چاہیئے، کسی کی ذاتی زندگی سے متعلق سوال پوچھتے ہوئے خود شرم آنی چاہیئے۔

تاہم عمران خان نے پشاور میں اسپتالوں کی صورتحال پر توجہ دینے کا اعلان کیا  اور کہا کہ اسپتالوں کو خود مختار بورڈکے ماتحت کرنےکافیصلہ کیا ہے۔

کپتان  نے کہا کہ سرکاری ڈاکٹرز پرائیویٹ اسپتالوں میں بیٹھ کرپیسہ بنارہے ہیں مافیا بننے والے افراد کے گھروں کا گھیراو کریں گے، عمران خان نے کہا سرکاری اسپتالوں پرتوجہ کےبعد یونیورسٹیز پربھی توجہ دیں گے ۔

بلدیاتی انتخابات کے حوالے سے عمران خان نے کہا ہے کہ تحریک انصاف کے دباؤ کے باعث پنجاب اور سندھ میں بلدیاتی انتخابات کروائے گئے، ن لیگ اور پیپلز پارٹی نے چھ چھ باریاں لیں لیکن بلدیاتی الیکشن نہیں کروائے، ملک میں حکومتی نظام بیٹھ چکا ہے۔