Tag: LBE

ٹھٹھہ، سجاول اور ٹنڈو محمد خان کے بلدیاتی انتخابات کے مکمل غیر سرکاری وغیر حتمی نتائج آگئے جس کے مطابق پی پی نے مخالفین پر جھاڑو پھیر دیا۔

ٹھٹھہ ضلع میں پاکستان پیپلز پارٹی نے تنہا پرواز کرتے ہوئے یونین کونسل کی 40 نشستوں میں سے 38 نشستیں اڑا لیں۔ غیر سرکاری اور غیر حتمی نتائج کے مطابق ٹھٹھہ ضلع کی مجموعی طور پر 40 یونین کونسلوں میں سے صرف دو پر آزاد امیدوار فتح یاب ہونے میں کامیاب ہوئے باقی 38 یوسیز کے عوام نے تیر پر ٹھپہ لگا کر پی پی پر اعتماد کا اظہار کیا۔

ٹھٹھہ کی 5 ٹاؤن کمیٹیوں کے 23 وارڈز میں سے 21 پر فتح پیپلز پارٹی کے نام رہی۔ ٹاؤن کمیٹیوں کے 2 وارڈز پر آزاد امیدواروں نے کامیابی سمیٹی جب کہ ایک میونسپل کمیٹی میں سندھ کی حکمران جماعت نے کلین سوئپ کرتے ہوئے تمام 9 وارڈز میں کامیابی کو گلے لگایا۔

ضلع سجاول کی تمام 37 یونین کونسل کے بھی غیر سرکاری غیر حتمی نتائج آگئے۔ پیپلز پارٹی نے ضلع سجاول میں بھی اپنی فتح کے جھنڈے گاڑھے اور 35 یونین کونسلیں جیتنے میں کامیاب رہی۔ جمعیت علمائے اسلام اور آزاد امیدوار کو ایک ایک نشست ملی۔

سجاول کی 5 ٹاؤن کمیٹیوں کے 31 وارڈز میں سے 27 پیپلز پارٹی کے نام رہے۔ دو دو وارڈز پر جے یو آئی اور آزاد امیدواروں نے کامیابی سمیٹی۔

ضلع ٹنڈو محمد خان کی تمام یونین کونسلوں کے غیر سرکاری اور غیر حتمی نتائج کے مطابق 28 یوسیز میں سے 26 پر پیپلز پارٹی کامیاب رہی جب کہ جی ڈی اے اور پی ٹی آئی صرف ایک ایک نشست حاصل کر پائیں۔

ٹنڈو محمد خان کی 2 ٹاؤن کمیٹی کے 9 وارڈز میں سے 8 پر پی پی اور ایک پر آزاد امیدوار کامیاب رہا۔ ایک میونسپل کمیٹی کے 19 وارڈز میں سے 15 پی پی کے نام رہے جبکہ دو وارڈز پر آزاد امیدوار کامیاب ہوئے جب کہ ایس ٹی پی اور جی ڈی اے نے ایک ایک نشست پائی۔

ضلع بدین کی 64 میں سے 38 ٹاؤن کمیٹی میں سے30 پر پیپلز پارٹی کامیاب رہی ہے۔ 6 پر آزاد امیدوار جب کہ جی ڈی اے 2 نشستیں حاصل کرنے میں کامیاب رہی ہے۔

ضلع دادو کی 66 یونین کونسل میں سے 59 پر پیپلز پارٹی کامیاب ہوچکی ہے۔ 4 ٹاؤن کمیٹیوں کے 26 وارڈز میں سے 24 پر پیپلز پارٹی اور2 پر پی ٹی آئی کامیاب رہی ہے۔ چار میونسپل کمیٹیوں کے 57 وارڈز میں سے 50 کے موصولہ غیر سرکاری اور غیر حتمی نتائج کے مطابق پی پی 34 پر کامیاب ہوکر پہلے نمبر پر ہے۔ پی ٹی آئی نے 14 پر فتح حاصل کی ہے جب کہ دو وارڈز پر آزاد امیدوار کامیاب ہوئے ہیں۔

ضلع جامشورو کی 30 میں سے 26 ٹاؤن کمیٹی کے نتائج سامنے آگئے۔ 18 نشستوں پر پی پی نے فتح حاصل کی جب کہ تین پر آزاد امیدوار کامیاب ہوئے ہیں۔

  یہ بھی پڑھیں: کراچی کے 4 اضلاع کے غیر سرکاری غیر حتمی نتائج، پی پی سب سے آگے

ٹنڈوالہیار کی 5 ٹاؤن کمیٹی کے 27 وارڈز میں سے 24 پر پی پی اور تین پر آزاد امیدوار جیتے ہیں۔ ایک میونسپل کمیٹی کے 22 وارڈز میں سے 15 پر پی پی پی نے فتح کی مہر لگائی۔ تین وارڈز پر پی ٹی آئی کامیاب رہی جب کہ ٹی ایل پی اور آزاد امیدوار کے ہاتھ دو دو نشسیں آئی ہیں۔

کراچی کے بلدیاتی انتخابات میں اب تک جاری غیر سرکاری اور غیر حتمی نتائج کے مطابق پی پی سب سے آگے ہے لیکن صوبائی وزیر سعید غنی کے بھائی کو کامیابی نہ مل سکی۔

اے آر وائی نیوز کے مطابق سندھ میں بلدیاتی انتخابات کے دوسرے مرحلے میں گزشتہ روز ہونے والے الیکشن کے غیر سرکاری اور غیر حتمی نتائج آنے کا سلسلہ جاری ہے۔ اب تک کے موصولہ نتائج کے مطابق پیپلز پارٹی سب سے آگے ہے تاہم اسی جماعت سے تعلق رکھنے والے صوبائی وزیر سعید غنی کے بھائی فرحان غنی کامیابی اپنے نام نہ کرسکے۔

فرحان غنی ضلع شرقی ٹاؤن میونسپل کارپوریشن چنیسر کی یوسی 3 سے پیپلز پارٹی کے امیدوار تھے جہاں سے جماعت اسلامی نے کامیابی سمیٹی، پی ٹی آئی دوسرے نمبر پر رہی جب کہ صوبائی وزیر کی تمام تر الیکشن مہم کے باوجود پی پی یہاں تیسرے نمبر پر آئی۔

یہ بھی پڑھیں: بلدیاتی الیکشن، لیاری میں پیپلز پارٹی کا کم بیک

چنیسر یوسی 3 کے غیر سرکاری اور غیر حمتی نتیجے کے مطابق جماعت اسلامی کے شاہد فرمان اور محمد فراز پر مشتمل چیئرمین اور وائس چیئرمین کے پینل نے 4155 ووٹ حاصل کرکے کامیابی حاصل کی۔ پی ٹی آئی کے امیدوار 2233 ووٹ لے کر دوسرے نمبر پر رہے۔

حیدرآباد سمیت اندرون سندھ کے اضلاع میں بلدیاتی انتخابات کے اب تک سامنے آنے والے غیر سرکاری اور غیر حتمی نتائج کے مطابق پاکستان پیپلز پارٹی سب سے آگے ہے۔

اے آر وائی نیوز کے مطابق سندھ میں بلدیاتی انتخابات کے دوسرے مرحلے میں حیدرآباد ضلع کی مجموعی طور پر 160 یونین کونسلوں میں سے اب تک 94 یونین کونسلوں کے غیر سرکاری اور غیر حتمی نتائج کا اعلان کیا جا چکا ہے جب کہ 66 یوسیز کے نتائج موصول ہونا باقی ہیں۔

اب تک موصولہ غیر سرکاری اور غیر حتمی نتائج کے مطابق حیدرآباد میں پیپلز پارٹی نے 160 میں سے 55 یونین کونسلیں جیت کر سب سے آگے ہے۔ پی ٹی آئی 20 یوسیز پر کامیابی کے ساتھ دوسرے نمبر پر ہے۔ تین یونین کونسلوں پر آزاد امیدوار کامیاب ہوئے ہیں جب کہ جماعت اسلامی کے ہاتھ صرف ایک نشست آئی ہے۔

واضح رہے  کہ حیدرآباد ضلع کی 31 یونین کونسلوں پر پیپلز پارٹی کے امیدوار پہلے ہی بلامقابلہ کامیابی حاصل کرچکے تھے جب کہ ٹنڈوالہیار کی گیارہ یونین کونسل پر جیالے امیدوار بلامقابلہ کامیاب ہوئے۔

ضلع بدین کی 64 یوسیز میں سے 38 کے نتائج سامنے آگئے۔ پی پی 30 نشستوں پر کامیابی کے ساتھ پہلے نمبر پر ہے۔ 6 آزاد امیدوار کامیاب ہوئے ہیں جب کہ دو نشستیں جی ڈی اے کے نام رہی ہیں۔ ضلع سجاول کی 31 میں سے 21 یوسیز کے غیر سرکاری اور غیر حتمی نتائج کا اعلان کردیا گیا ہے۔ پیپلز پارٹی 20 نشستوں کے ساتھ سب کو پیچھے چھوڑ دیا ہے جے یو آئی کے ہاتھ اب تک ایک نشست آئی ہے۔

ضلع دادو کی 26 میں سے 9 ٹاؤن کمیٹی کے غیر سرکاری اور غیر حتمی نتائج سامنے آگئے جس کے مطابق پیپلز پارٹی نے 7 جب کہ آزاد امیدواروں نے دو یوسیز پر کامیابی حاصل کر رکھی ہے۔ ضلع جامشورو کی 30 میں سے 26 یونین کونسلوں میں پی پی 18 نشستوں کے ساتھ سب سے بڑی پارٹی ہے جب کہ تین آزاد امیدواروں نے کامیابی حاصل کی ہے۔

یہ بھی پڑھیں: کراچی بلدیاتی الیکشن، پی پی نے بڑا دعویٰ کر دیا

واضح رہے کہ حیدرآباد ضلع کی 31 یونین کونسلوں پر پیپلز پارٹی کے امیدوار پہلے ہی بلامقابلہ کامیابی حاصل کرچکے تھے جب کہ ٹنڈوالہیار کی گیارہ یونین کونسل پر جیالے امیدوار بلامقابلہ کامیاب ہوئے۔

پاکستان پیپلز پارٹی جو گزشتہ عام انتخابات میں اپنے گڑھ لیاری سے تقریباً آؤٹ ہوگئی تھی بلدیاتی الیکشن میں اس نے کم بیک کرلیا ہے۔

اے آر وائی نیوز کے مطابق پاکستان پیپلز پارٹی نے کراچی میں اپنے گڑھ لیاری میں کم بیک کرلیا ہے اور بلدیاتی انتخابات کے اب تک موصولہ غیر سرکاری اور غیر حتمی نتائج کے مطابق لیاری ٹاؤن کی 13 یونین کونسلوں میں سے 10 یوسیز پر جیالے امیدوار فتح یاب رہے ہیں۔

لیاری کی ایک یوسی پر امیدوار کے انتقال کے باعث الیکشن نہیں ہوسکے جب کہ ایک پر جماعت اسلامی نے کامیابی پائی ہے اور ایک نشست کا نتیجہ آنا باقی ہے۔

یہ بھی پڑھیں: کراچی بلدیاتی الیکشن، پی پی نے بڑا دعویٰ کر دیا

لیاری میں بھاری مارجن سے پی پی امیدواروں کی کامیابی پر پارٹی چیئرمین بلاول بھٹو زرداری نے لیاری کی تنظیم اور ذمے داروں کو مبارک باد پیش کی ہے۔

کراچی اور حیدرآباد ڈویژن میں گزشتہ روز ہونے والے بلدیاتی انتخابات کے نتائج میں تاخیر پر الیکشن کمشنر سندھ کی جانب سے بیان جاری کیا گیا ہے۔

اے آر وائی نیوز کے مطابق سندھ میں بلدیاتی انتخابات کے دوسرے مرحلے میں گزشتہ روز کراچی اور حیدرآباد ڈویژن کے 16 اضلاع میں ہونے والے الیکشن کے نتائج غیر معمولی تاخیر کا شکار ہیں۔

آج صبح تک کراچی کی 246 یوسیز میں سے صرف 20 یوسیز کے مکمل غیر سرکاری اور غیر حتمی نتائج کا اعلان کیا گیا ہے جب کہ حیدرآباد کی بھی 32 یونین کونسلوں سمیت اندرون سندھ کے اضلاع میں بھی کئی یوسیز میں تاحال نتائج کا اعلان نہیں ہوسکا ہے۔

اس صورتحال پر صوبائی الیکشن کمشنر سندھ اعجاز انور چوہان کا کہنا ہے کہ تمام پولنگ اسٹیشنز سے نتائج آر اوز کے دفتر پہنچ رہے ہیں۔ یہ پیچیدہ عمل ہوتا ہے، ایک یوسی کا رزلٹ بنانے میں وقت لگتا ہے۔

الیکشن کمشنر سندھ نے مزید کہا کہ ہر یوسی کے 4 وارڈز ہیں اوراوسط 20 پولنگ اسٹیشن ہیں۔ ایک بھی پولنگ اسٹیشن کا نتیجہ نہ آئے تو یوسی کا نتیجہ مکمل نہیں ہوتا۔

یہ بھی پڑھیں: بلدیاتی انتخابات کے نتائج تاخیر کا شکار، کراچی کی 246 میں سے صرف 20 یوسیز کے نتائج کا اعلان

ان کا کہنا تھا کہ ہر ریٹرننگ افسر کے پاس تقریباً 5 یوسیز ہیں۔ اسی لیے نتائج میں وقت لگ رہا ہے۔ ان انتخابات میں آر ٹی ایس سسٹم نہیں ہے بلکہ کمپیوٹر پر نتیجہ مرتب کیا جا رہا ہے۔

الیکشن کمیشن آف پاکستان نے کراچی اور حیدرآباد میں بلدیاتی انتخابات کے دوران ضابطہ اخلاق کی خلاف ورزی پر سندھ حکومت کو نوٹس جاری کردیا ہے۔

ترجمان الیکشن کمیشن کے مطابق الیکشن کمیشن نے چیف سیکریٹری کے ذریعے سندھ حکومت کو مراسلہ ارسال کیا ہے جس میں کہا گیا ہے کہ سندھ حکومت کہ پولنگ کے دوران تشہیری مہم قواعد وضوابط کی خلاف ورزی ہے۔

واضح رہے کہ سندھ میں بلدیاتی الیکشن کے دوسرے مرحلے میں کراچی اور حیدرآباد ڈویژن کے 16 اضلاع میں پولنگ جاری ہے اور اس کے ختم ہونے میں ایک گھنٹے کا وقت رہ گیا ہے۔

کراچی سمیت مختلف اضلاع میں پولنگ کا عمل تاخیر سے شروع ہوا جب کہ ووٹر ٹرن آؤٹ کم ہونے کی بھی اطلاعات ہیں۔ دوران پولنگ مختلف پولنگ اسٹیشن پر سیاسی جماعتوں میں جھگڑوں اور بے ضابطگی کے بھی متعدد واقعات رونما ہوئے جن پر الیکشن کمیشن کی جانب سے ایکشن بھی لیا گیا۔

یہ بھی پڑھیں: کراچی وحیدرآباد میں بلدیاتی انتخابات کیلیے پولنگ جاری، بے ضابطگیوں کے واقعات

پاکستان تحریک انصاف نے الیکشن کمیشن سے پولنگ کے وقت میں دو گھنٹے اضافے کا مطالبہ کیا تھا تاہم الیکشن کمیشن نے یہ مطالبہ مسترد کرتے ہوئے پولنگ کے وقت میں اضافہ نہ کرنے کا اعلان کیا ہے۔

سندھ میں بلدیاتی الیکشن کے دوسرے مرحلے میں کراچی اور حیدرآباد ڈویژن کے 16 اضلاع میں پولنگ جاری ہے اس دوران شکایات کے حوالے سے الیکشن کمیشن کا اہم بیان سامنے آیا ہے۔

ترجمان الیکشن کمیشن کے مطابق کراچی اور حیدرآباد ڈویژن کے 16 اضلاع میں ہونے والے بلدیاتی انتخابات کی الیکشن کمیشن کے مرکزی کنٹرول روم اسلام آباد سے مانیٹرنگ جاری ہے۔ اب اتک الیکشن کمیشن کو پولنگ سے متعلق 38 شکایات موصول ہوئیں جن میں سے 34 کا ازالہ کر دیا گیا ہے۔

ترجمان الیکشن کمیشن کا مزید کہنا ہے کہ چار شکایات کے ازالے کے لیے الیکشن کمیشن کی کارروائی جاری ہے۔ شکایات ضابطہ اخلاق کی خلاف ورزی اور لڑائی جھگڑوں سے متعلق ہیں اور ہر شکایت یا مسئلے پر فوری ایکشن لیا جا رہا ہے۔ معمولی نوعیت کی شکایات کو حل کر لیا گیا ہے۔

یہ بھی پڑھیں: کراچی وحیدرآباد میں بلدیاتی انتخابات کیلیے پولنگ جاری، بے ضابطگیوں کے واقعات

ترجمان کے مطابق تمام اضلاع میں پولنگ خوش اسلوبی سے جاری ہے۔ کنٹرول روم کل رات تک مسلسل کام کرتا رہے گا۔