بالی ووڈ کے معروف اداکار کنگ خان کے بیٹے آریان خان کی ڈیبیو ویب سیریز میں مرکزی کردار کے نام سامنے آگئے۔
حال ہی میں شاہ رخ خان ’نیکسٹ آن نیٹ فلکس’ایونٹ میں اپنی فیملی کے ہمراہ شریک ہوئے، جہاں انہوں نے اپنے بیٹے آریان خان کے پہلے ڈائریکشنل پروجیکٹ ’The BA***DS of Bollywood‘ کا باضابطہ اعلان کیا۔
کنگ خان نے اس دوران پاپارازیوں کے سامنے فیملی فوٹوز بھی بنوائیں جو سوشل میڈیا کی زینت بنی ہوئی ہیں، جبکہ ساتھ ہی اداکار نے اپنے چاہنے والوں سے درخواست کی کہ وہ آریان خان اور ان کی بیٹی سہانا خان کو وہی پیار دیں جو انہیں ملا ہے۔
View this post on Instagram
تاہم اب آریان خان کی بطور ڈائریکٹر ’دی بیڈز آف بالی ووڈ‘ میں مرکزی کردار ادا کرنے والے اداکارہ اور اداکار کا نام سامنے آگیا ہے۔
آریان خان کی بطور ڈائریکٹر ’دی بیڈز آف بالی ووڈ‘ ویب سیریز میں اداکار لکشیا لالوانی اور سحر بمبا مرکزی کردار ادا کرتے نظر آئیں گے، اس کے علاوہ سلمان خان، رنبیر کپور اور کرن جوہر کی خصوصی انٹری بھی شامل ہے۔
کچھ رپورٹس یہ بھی بتاتی ہیں کہ کنگ خان نے اپنے بیٹے کے پہلے ڈیبیو پروجیکٹ میں ایک کیمیو بھی کیا ہے، تاہم ابھی تک اس کی تصدیق نہیں ہو سکی ہے۔
View this post on Instagram
بھارتی میڈیا کا کہنا ہے کہ اگرچہ آریان خان کے پہلے پروجیکٹ سے متعلق زیادہ تفصیلات سامنے نہیں آئی ہیں لیکن اندرونی ذرائع نے اس بات کی تصدیق کی ہے کہ لکشیا اور سحر اس شو میں مرکزی کردار ادا کر رہے ہیں۔
میڈیا رپورٹ کے مطابق اس ویب سیریز کی کہانی ایسے نوجوان فنکاروں کے گرد گھومتی ہیں جنہیں انڈسٹری میں شہرت حاصل کرنے کیلئے مختلف مشکلات کا سامنا کرنا پڑتا ہے۔
واضح رہے کہ ویب سیریز کا اسکرپٹ بھی آریان خان نے بلال صدیقی اور مناو چوہان کے ساتھ خود لکھا ہے جسے اس سال شاہ رخ خان کے پرودکشن ہاؤس ریڈ چلیز کے بینر تلے ریلیز کیا جائے گا۔
