Tag: LEADER

  • عوام30 نومبرکواپنے بچوں کیلئے باہر نکلیں، عمران خان

    عوام30 نومبرکواپنے بچوں کیلئے باہر نکلیں، عمران خان

    اسلام آباد: تحریک انصااف کے چئیرمین عمران خان کا کہنا ہے کہ تیس نومبر فیصلے کا دن ہے ،حکومت عوام سے ڈر رہی ہے ،جن کو کچھ نہیں سمجھاوہ آگے آگئے اور باغی پیچھے چلے گئے۔

    عمران خان کا پارٹی عہدیداروں اور ارکان اسمبلی سے خطاب میں کہنا تھا کہ موجودہ نظام سے لوگ تنگ آ چکے ہیں لیکن جب تک ہم اس نظام کے خلاف نہیں کھڑے ہونگے ملک میں تبدیلی نہیں آ سکتی۔

    عمران خان کا کہنا تھا کہ نیا پاکستان اب زیادہ دور نہیں ہے، قوم کی نگاہیں ہماری جدوجہد پر لگی ہوئی ہیں۔موجودہ نظام سے لوگ تنگ آ چکے ہیں کیونکہ وہ جانتے ہیں کہ صوبوں میں 6اور وفاق میں 3 باریاں لینے والے ملک میں بہتری نہیں لا سکے۔

    عمران خان کا کہنا تھا کہ جب جدوجہد شروع ہوتی ہے سب کے چہرے کھل کر سامنے آ جاتے ہیں، جن کو مین باغی سمجھتا تھا وہ نیچے کی طرف آ گئے ہیں۔بڑا آدمی وہی ہوتا ہے جو اپنی ’میں‘ پر قابو پا لیتا ہے۔

    انہوں نے کہا کہ عوام اپنے بچوں کے مستقبل کیلئے تیئس نومبر کو نکلیں، اگر ہم 30 نومبر کو نہ نکلے تو دھاندلی سے قائم کی گئی حکومت 5 سال کھینچ جائے گی، حکمران جو چاہیں کریں ہمارے پاس ان کا توڑ ہوگا، کارکنان بے خوف ہوکر آئیں، جدھر روکا مقابلہ کریں گے۔

  • عمران خان کا 30نومبرکیخلاف لندن پلان بننےکا دعویٰ

    عمران خان کا 30نومبرکیخلاف لندن پلان بننےکا دعویٰ

    اسلام آباد: عمران خان کا کہناہے آصف زرداری اور نواز شریف نے لندن پلان بنایا ہے، لندن کے چرچل ہوٹل میں ملاقات ہوئی، دونوں کو تیس نومبر کی فکر ہے۔

    اسلام آباد میں دھرنے سے خطاب کرتے ہوئے پاکستان تحریک انصاف کے سربراہ عمران خان نے کہا کہ ایف بی آر جب چاہے مجھ سے پیسے سے متعلق پوچھ لے، کیا طاقت ور ملزم کو انصاف کا نظام نہیں پکڑ سکتا، مجھے اشتہاری بنادیا گیا مگر نواز شریف نے سپریم کورٹ پر خود حملہ کروایا۔

    ان کا کہنا ہے کہ آصف زرداری اور نواز شریف کرپشن میں اکٹھے ہیں، ملک میں قانون پر چلنے والے کو سزا ملتی ہے، زرداری اور نواز شریف نے لندن میں پلان بنایا، دونوں کو 30 نومبر کے دھرنے کی فکر لگی ہوئی ہے، زرداری نے حدیبیہ پیپر ملز کا کیس نہیں کھولا، نواز شریف کہتے تھے پیٹ پھاڑ کر پیسہ نکالوں گا۔

  • جو چاہے کرلو لاڑکانہ آرہا ہوں، عمرا ن خان کااعلان

    جو چاہے کرلو لاڑکانہ آرہا ہوں، عمرا ن خان کااعلان

    اسلام آباد: عمران خان نے ایک بار پھر نواز شریف اور آصف زرداری کو آڑے ہاتھوں لے لیا، کہتے ہیں جو چاہے کرلو لاڑکانہ آرہا ہوں۔

    ڈی چوک پر دھرنے کے شرکاء سے خطاب کرتے ہوئے پاکستان تحریک انصاف کے چیئرمین عمران خان کا کہنا تھا کہ ظلم کا نظام ختم ہونے کو ہے،عوام تبدیلی کیلئے تیار ہیں، انہوں نے کہاکہ  مجھے ضدی کہا جاتاہے، ہم نے کرپٹ لوگوں کو تسلیم نہیں کرنا، چوروں کو اسمبلی میں نہیں جانے دینا، اصول کےلئے لچک نہیں دکھائی جاتی، نہ ہی ہم دھاندلی پر لچک دکھائیں گے۔

    ان کا کہنا تھا کہ لاڑکانہ میں سندھ کو آزاد کرنے کیلئے آرہاہوں، آصف زرداری لاڑکانہ تمہاری جاگیر نہیں، میں تمہیں سندھ آکر دکھاؤں گا،عمران خان نے کہاکہ خیبرپختونخواہ حکومت ملنے پر سمجھوتا کرسکتا تھا لیکن قوم کیلئے اپنی ذات اہم نہیں ہوتی، ہم ظالم نظام کے سامنے کھڑے ہوئے اور ناانصافی کا خاتمہ چاہتے ہیں۔

    عمران خان کا کہنا تھا کہ کیا الیکشن کمیشن اور عدالتیں ہمیں انصاف دے سکیں گی، 18 مہینے ہوگئے کوئی انصاف نہیں دے رہا، انصاف نہ ملنے کی وجہ سے ہم سڑکوں پر نکلے، ہم بھیڑ بکریاں نہیں، انصاف لینا ہمارا حق ہے، پُرامن احتجاج جمہوریت کی خوبصورتی ہے، ہم نے ناانصافی اور ظلم قبول نہیں کرنا، مینڈیٹ چوروں کو کیوں قبول کریں۔

    انہوں نے کہا کہ آصف زرداری نے کہا کہ سندھ ہمار پنجاب تمھارامیں اب یہ پارٹنر شپ نہیں چلنے دوں گا ان حکمرانوں کے آگے میں کھڑا ہوں، جمہوریت میں اثاثے ظاہر کرنے پڑتے ہیں لیکن ان لوگوں نے اپنے اثاثے ظاہر نہیں کیے ۔میرے اوپر جھوٹی ایف آئی آر درج کی گئیں جھوٹی ایف آئی آر درج کروانا نواز شریف کی پرانی عادت ہے میں یہ پوچھنا چاہتاہوں کہ ضلع وہاڑی کے ڈسٹرکٹ ہسپتال میں 11بچے جاں بحق ہوئے ہیں ان کا مقدمہ کس کے خلاف درج کیا گیا ہے ۔

  • عمران خان کا 30 نومبرکوفیصلہ کن جنگ کا اعلان

    عمران خان کا 30 نومبرکوفیصلہ کن جنگ کا اعلان

    جہلم: پاکستان تحریک انصاف نے جہلم میں سیاسی قوت کامظاہرہ کردیا،عمران خان کہتے ہیں ٹائیگرز تیس نومبرکوفیصلہ کن جنگ کیلئےاسلام آباد پہنچیں۔

    جہلم میں پاکستان تحریک انصاف کے جلسے سے خطاب میں پی ٹی آئی چئرمین کا کہنا تھا کہ تھانہ کچہری کی سیاست سے پیچھاچھڑانے کاوقت آگیا، ہمارے حکمران ہمیں ڈرا دھمکا کر ہم پر حکومت کر رہے ہیں، یہ ہمیں تھانے اور کچہری کے معاملات پربلیک میل کر کے استعمال کرتے ہیں، پولیس سے غلط کام کرواتے ہیں اور انہیں عوام کے خلاف استعمال کرتے ہیں۔

    عمران خان کا کہنا تھا کہ پاکستان کو ٹھیک کرنا مشکل ہے لیکن ناممکن نہیں ہے، اس قوم کو صرف ایماندار لوگ اور نیا پاکستان بنانے کیلئے صرف 200 قابل آدمی چاہیں، اگر پاکستانی قوم نے ٹھان لی کہ ہم نے عظیم قوم بننا ہے تو چند ہی سالوں میں ہم دنیا کو ایک عظیم قوم بن کے دکھا سکتے ہیں لیکن اس کیلئے ہمیں اپنے کردار کو ٹھیک کرنا پڑے گا۔

    عمران خان کاکہناتھا کہ اسٹیٹس کو تبدیلی کاراستہ روکنے کیلئے ہرحربہ استعمال کریں لیکن ہم ڈرنے والےنہیں، دھرناناکام بنانے کیلئےکروڑوں روپے خرچ کرکے ضمیروں کاسودا کیاگیا، نواز شریف نے آئی بی کو تحریک انصاف کا دھرنا ناکام بنانے کیلئے 270 کروڑ روپے کا فنڈ دیا۔

    عمران خان نےایک مرتبہ پھرانصاف ملنے تک احتجاج جاری رکھنے کااعلان کیا،عمران خان کاکہناتھا سونامی جمعہ کولاڑکانہ اور اتوار کوگوجرانوالہ جائے گا پومی اور گلو بٹ آجائیں دیکھ لیں گے، حکمرانوں نے اس قوم پر بہت ظلم کیا مگر اب قوم مزید ظلم برداشت نہیں کرے گی۔

    پی ٹی آئی سربراہ نے جلسے سے خطاب کے بعد ڈی ایچ کیو اسپتال میں ریلی پر فائرنگ سے زخمی ہونے والے کارکنوں کی عیادت کی۔

  • تیس نومبر کو اسلام آباد میں تاریخی احتجاج کریں گے، عمران خان

    تیس نومبر کو اسلام آباد میں تاریخی احتجاج کریں گے، عمران خان

    اسلام آباد: پاکستان تحریک انصاف کے سربراہ عمران خان کا کہنا ہے کہ پی ٹی آئی کے کارکنان پی ٹی وی کی عمارت کے قریب بھی نہیں گئے ، حکومت نے انہوں پی ٹی وی حملہ کیس میں اشتہاری قرار دے دیا۔

    دھرنے کے شرکاءسے خطاب کرتے ہوئے عمران خان کا کہنا تھا کہ حکمرانوں نے کرپشن کے ریکارڈ توڑ دیئے، نواز شریف ضمیروں کے سودے کرتے ہیں، الیکشن دھاندلی کی ہر حال میں تفتیش چاہتے ہیں، حکمرانوں نے اربوں روپے کے قرض معاف کرائے، حکمرانوں نے پاکستان میں کرپشن کے ریکارڈ توڑ دیئے ۔ موجودہ انصاف کا نظام طاقتور مجرم کو نہیں پکڑ سکتا۔

    عمران خان نے کہا کہ چیئرمین پی ٹی آئی آج اشتہاری بھی بن گیا ہے جبکہ پرویز خٹک اور شاہ محمود قریشی کو بھی اشتہاری بنایا گیا حالانکہ جب پی ٹی وی کی عمارت پر حملہ ہوا تو میں کنٹینر پر سو رہا تھا اور پی ٹی آئی کا کوئی کارکن پی ٹی وی کی عمارت کے قریب نہیں گیا،چیئرمین تحریک انصاف نے کہا کہ پی ٹی وی پر حملے کے الزام میں ایک کارکن عدیل نے 27دن جیل میں گزارے ۔

    عمران خان کا کہنا تھا کہ مولانا فضل الرحمان کے ہوتے ہوئے یہودیوں کو کسی سازش کی ضرورت نہیں، حکمرانوں نے اربوں روپے کے قرضے معاف کروائے ہیں، نواز شریف اور آصف زرداری کے مفادات مشترکہ ہیں اس لئے جمہوریت کے بچانے کے نام پر دونوں اکھٹے ہوگئے ہیں۔ کرپشن چھپانے کیلئے دونوں نے مک مکا کرلیا ہے۔

  • پی ٹی وی حملے میں ملوث ہونا ثابت کردیں سیاست چھوڑ دوں گا، عمران خان

    پی ٹی وی حملے میں ملوث ہونا ثابت کردیں سیاست چھوڑ دوں گا، عمران خان

    اسلام آباد: پاکستان تحریک انصاف کے سربراہ عمران خان نےکہا ہے کہ ماڈل ٹاون میں سترہ لوگ شہید ہوئے کوئی وارنٹ نہیں نکلا، اگر پی ٹی وی حملے میں ان کا ملوث ہونا ثابت کردیں تو سیاست چھوڑدیں گے، نوازشریف بیرون ملک صرف اپنی سرمایہ کاری کا جائزہ لینے جاتے ہیں۔

    دھرنے کے شرکا سے خطاب کرتے ہوئے پاکستان تحریک انصاف کے سربراہ عمران خان نے کہا کہ حکمرانوں کو 30نومبر تک کے وقت کی تجویز دے چکاہوں، حکومتی وارنٹ کے ٹیکے سے مزید 90دن کے دھرنے کیلئے تیارہوں اگر پی ٹی وی حملے میں میرا ملوث ہونا ثابت کردیں سیاست چھوڑ دونگا، انہوں نے کہاکہ پی ٹی وی پر حملے کا میچ فکسڈ تھا۔

    سربراہ تحریک انصاف نےمزید کہا کہ جعلی جمہوریت کیلئےنوازشریف اور آصف زرداری اکٹھے ہیں ملک میں جمہوریت کے نام پر بندربانٹ ہورہی ہے نوازشریف بیرون ملک دوروں میں صرف اپنی سرمایہ کاری کا جائزہ لینے جاتے ہیں۔عمران خان نے کہا کہ لندن کے مہنگے ترین ہوٹلز میں قوم کے پیسے پر عیاشی کی جارہی ہے۔

    تحریک انصاف کے سربراہ نے جوڈیشل کمیشن کے حوالے سے اپنی تجویز کا دفاع کرتے ہوئے کہا کہ حکومت نےماناتھاکہ کمیشن میں آئی ایس آئی سمیت تمام ایجنسیاں شامل ہونگی۔ انہوں نے کہاکہ ہمارےپاس دستاویزہےجس میں درج ہےنوازشریف کےاستعفےکےبغیرتمام مطالبات منظورہیں۔

  • نوازشریف نےیوٹرن لیا،یہ ان کی پرانی عادت ہے، عمران خان

    نوازشریف نےیوٹرن لیا،یہ ان کی پرانی عادت ہے، عمران خان

    اسلام آباد: عمران خان کا کہنا ہے نوازشریف نےیوٹرن لیا،یہ ان کی پرانی عادت ہے، تیس نومبر کے بعد حکومت کو چلنے نہیں دیں گے۔

    دھرنے کے شرکاء سے خطاب کرتے ہوئے عمران خان کا کہنا تھا کہ تحریک انصاف کے کارکنوں پر تشدد کیا گیا اس لئے حکومت کے ساتھ مذاکرات سے پیچھے ہٹے تھے، میں نے کل اپنے خطاب میں جو باتیں کہیں وہ سب مذاکرات میں طے تھا۔ حکومت نے تحریک انصاف کیساتھ مذاکرات میں طے کیا تھا کہ دھاندلی کی تحقیقات کیلئے ایک جوڈیشل کمشن بنے گا جس میں آئین کے تحت کسی بھی ادارے سے تفتیشی لیا جا سکتا ہے۔ جوڈیشل کمشن کے پاس اختیار ہوگا کہ دھاندلی کی تفتیش میں کس کو شامل کیا جائے۔ حکومت نے کہا تھا کہ آپ دھرنا ختم کریں اور کمیٹی تحقیقات کرے گی تاہم مسلم لیگ (ن) نے ہمیشہ کی طرح یوٹرن لیا اور پیچھے ہٹ گئی۔

    عمران خان کا کہنا تھا کہ ہمارا مطالبہ ہے کہ جوڈیشل کمشن 6 ہفتوں کے اندر دھاندلی کی تحقیقات کرے۔ اس دوران ہم بھی اپنا دھرنا جاری رکھیں گے اور وزیراعظم بھی حکومت کرتے رہیں لیکن اگر انتخابات 2013ء میں دھاندلی ثابت ہو جائے تو وزیراعظم کو نئے الیکشن کروانا ہونگے۔

     عمران خان نے وزیراعظم کو مخاطب کرتے ہوئے کہا کہ میاں صاحب! آپ کا شکریہ کہ ہمارے ارکان کی بولیاں لگ رہی ہیں۔ اسمبلی میں استعفے منظور نہ کرنے کا ڈرامہ چل رہا ہے۔ میاں صاحب جتنی دیر کرینگے ہمیں اتنا ہی فائدہ ہوگا۔ میاں صاحب 30 تک نومبر تک فیصلہ کریں، نہیں تو مجھے فیصلہ کرنا پڑے گا۔

  • دھرنے سےمہنگائی کم ہورہی ہے، عمران خان

    دھرنے سےمہنگائی کم ہورہی ہے، عمران خان

    اسلام آباد: پی ٹی آئی کے چیئرمین عمران خان نے کہا ہے کہ اصل دھرنا تیس نومبر کی سونامی کے بعد شروع ہوگا۔

    اسلام آباد میں پی ٹی آئی کے ڈھائی ماہ سے جاری دھرنے سے خطاب کرتے ہوئے چیئرمین عمران خان نے کہا کہ حکمرانوں کی کرپشن کی وجہ سے گیس مہنگی ہونے والی ہے، تیل کی قیمت میں کم از کم 15 روپے کمی کرنی چاہئے تھی، ہماری ذمہ داری 11 کروڑ عوام کو غربت سے نکالنا ہے۔

    ان کاکہناتھاکہ دھرنا اصل اپوزیشن ہے،باقی مک مکا ہے، عمران خان نے کہاکہ کرپٹ حکمرانوں کی وجہ سے لوگ ٹیکس نہیں دیتے،حکمران اپنے اثاثے چھپاتے ہیں تو لوگ ٹیکس کیوں دیں، انہوں نےکہاکہ تیس نومبر کوانسانی سونامی کیلئےپانچ کروڑ روپے جمع ہوگئےہیں، عوام کواعتمادہے،نوازشریف اورآصف زرداری کوعوام کبھی رقم نہیں دیں گے۔

    انہوں نے کہاکہ سندھ حکومت نےآصف زرداری کو دورے کیلئے حکومتی جہاز دیا،آصف علی زرداری کے دورہ چین پر ڈھائی کروڑ روپے قومی خزانے سے خرچ ہوئے،  عمران خان نے کہاکرپشن حکمران کرتے ہیں،قیمت عوام کو چکانا پڑتی ہے، چیئرمین تحریک انصاف کامزید کہناتھاکہ سترہ ماہ سے انہیں انصاف نہیں ملا،وہ انصاف ملنے تک ڈی چوک میں موجود رہیں گے۔

  • دھاندلی ثابت نہ ہوئی تودھرناختم کردیں گے، عمران خان

    دھاندلی ثابت نہ ہوئی تودھرناختم کردیں گے، عمران خان

    اسلام آباد: چیئرمین تحریک انصاف عمران خان نے دھرناختم کرنے کیلئےایک ماہ میں غیرجانبدار ججوں سے عدالتی تحقیقات کامطالبہ کردیا۔

    ڈی چوک پر دھرنے سے خطاب کرتے ہوئے عمران خان نے کہا کہ خود دھاندلی کے ذریعے اقتدار تک پہنچنے والے شفاف انکوائری نہیں کرا سکتے۔ تحقیقات حکومت نہیں بلکہ سپریم کورٹ کرے انکوائری کرنے والے ایسے غیر جانبدار لوگ ہوں جن پر سب کو اعتماد ہو۔

    ان کا کہنا ہے کہ دھرنے والے قوم کے حقوق کی جنگ لڑرہے ہیں،ظالم تبدیلی کے خلاف اکٹھے ہوگئے، نواز شریف اقتدار میں آکر ارب پتی بن گئے ہیں، چھوٹا سا طبقہ امیر اور قوم غریب ہورہی ہے، تھر میں بچے مر رہے ہیں اور وزیراعلیٰ کو کچھ پتا نہیں، ہر کسی کو آج نیا صوبہ چاہئے، سندھ کے لوگوں کو تقدیر بدلنے کا موقع دیں گے، 21 نومبر کو لاڑکانہ میں جلسہ اور سندھیوں کو آزاد کرنے آرہا ہوں۔

    عمران خان نے کہا کہ  بھارتی وزیر اعظم نریندر مودی کا پاکستان اور مسلمانوں کی طرف رویہ ناقابل برداشت ہے مگر ایک بات تسلیم کرنی چاہئے کہ وہ ایک ایماندار شخص ہیں ، باریاں لینے والوں نے ملک تباہی کے دھانے پر پہنچا دیا جو مرضی کہہ لیں بھارتی وزیراعظم ایماندار شخص ہیں جو لوٹی ہوئی دولت واپس لا رہے ہیں ہمارے حکمرانوں کو بھی ان سے سیکھنا چاہیے۔

  • عمران خان نے پیٹرول کی قیمتوں کمی کا سہرا اپنے سر لے لیا

    عمران خان نے پیٹرول کی قیمتوں کمی کا سہرا اپنے سر لے لیا

    اسلام آباد: عمران خان نے دھرنے کے پچاسی دن ہونے پر شرکا کو مبارک باد دیتےہوئے کہا ہے کہ قوم کبھی قربانیوں کےبغیر نہیں بنتی،سونامی اتوار کو رحیم یار خان جا رہا ہے۔

    اسلام آباد میں دھرنے کے شرکاء سے خطاب کرتے ہوئے پاکستان تحریک انصاف کے سربراہ عمران خان نے کہا کہ 21 نومبر کو سونامی لاڑکانہ پہنچے گا، 30 نومبر کو اسلام آباد میں پاکستان کی تاریخ کا سب سے بڑا مجمع اکھٹا ہوگا، حکومت 30 تاریخ سے پہلے بجلی اور پیٹرول کی قیمتوں میں کمی کرے، پیٹرول کی قیمت میں 8 روپے کی مزید کمی کی جائے۔

    انہوں نے کہا کہ اسپیکر قومی اسمبلی ایاز صادق اسٹے آرڈر کے پیچھے نہ چھپیں، دو روز بعد این اے 122 کا کیس عدالت میں چلے گا، ہم انتظار کر رہے ہیں کہ حلقہ کھلے، قوم نے حق پر کھڑے رہنے کا فیصلہ کرلیا، ہمیں ہار بھی نہیں ہراسکتی، قربانیوں کے بغیر کوئی قوم نہیں بنتی۔