لبنان : سرحد پر فوج اور عسکریت پسندوں میں چوبیس گھنٹے کے لیے جنگ بندی پر عمل درآمد شروع کر دیا گیا ہے۔
جنگ بندی سرحدی قصبے ارسل پر قبضے کے لیے کئی دن سے جاری لڑائی کے بعد ہوئی ہے، لبنان کے اس سرحدی قصبے پر النصرہ فرنٹ نامی شدت پسند تنظیم نے قبضہ کر لیا تھا، یہ تنظیم داعش کا حصہ بتائی جاتی ہے۔
حالیہ دنوں میں عراق اور شام سے باہر یہ عسکری تنظیم کی بڑی کارروائی تصور کی جا رہی ہے، اس لڑائی میں لبنان کے سولہ فوجی ہلاک ہو چکے ہیں جبکہ بائیس کے قریب فوجی ابھی بھی لاپتہ ہیں۔
لبنان : شامی باغیوں اور لبنان کی سکیورٹی فورسز میں جاری لڑائی میں تیرہ فوجیوں سمیت پچاس سے زائد افرد لقمہ اجل بن چکے ہیں۔
لبنان کے سرحدی شہر آرسل میں گذشتہ کئی روز سے شامی باغیوں اور سیکیورٹی فورسز کے درمیان لڑائی جاری ہے، لبنانی فوجیوں کی جانب سے اسلام پسند شامی گروہ النصرہ فرنٹ کے ایک رکن کو حراست میں لینے کے بعد شروع ہونے والی لڑائی میں تیر ہ لبنانی فوجیوں سمیت پچاس سے زائد افراد مارے جاچکے ہیں ۔
لبنانی حکام کا کہنا ہے کہ اس کے کئی فوجی لاپتہ ہیں، کشیدگی کی وجہ سے آرسل شہر سے ہزاروں افراد نقل مکانی کرگئے ہیں۔