کراچی: پاکستان کرکٹ بورڈ کو بالاخر لیجنڈری کرکٹر حنیف محمد کے علاج و معالجہ کیلئے مالی تعاون کا خیال آہی گیا، دس لاکھ روپے کا چیک جاری کردیا گیا۔
لیجنڈری کرکٹر حنیف محمد کے علاج و معالجے کے لئے پی سی بی نے دس لاکھ روپے کا امدادی چیک جاری کردیا ہے، سابق چیف سلیکٹر اور چیئرمین پی سی بی کے مشیر صلاح الدین صلو نے نجی اسپتال میں حنیف محمد کی عیادت کرتے ہوئے نیک خواہشات کا اظہار کیا اور کرکٹ بورڈ کی جانب سے دس لاکھ روپے کا چیک پیش کیا۔
وفاق اور صوبائی حکومت کیجانب علاج کے اخراجات برداشت کرنے کے کئی دنوں بعد پاکستان کرکٹ بورڈ نے سابق ٹیسٹ کرکٹر کا خیال آیا ہے،اس بات کا شکوہ خود حنیف محمد بھی کرچکے تھے۔
کرکٹرحنیف محمد کا علاج سرکاری خرچ پرکیا جائے گا، وزیراعظم
اس سے قبل وزیر اعلیٰ سندھ مراد علی شاہ نے کینسر کے مرض سے نبرد آزما مایہ ناز بلے بازحنیف محمد کی عیادت کی اور حکومتِ سندھ کی جانب سے ہرممکن علاج کی سہولیات مہیا کرنے کی یقین دہانی کرائی۔
واضح رہے 81 سالہ حنیف محمد نے اپنے کیریئر کا 18 اکتوبر 1952 کو بھارت کے خلاف دہلی میں میچ کھیل کر کیا جب کے اپنا آخری میچ اکتوبر 1969 میں نیوزی لینڈ کے خلاف کراچی میں کھیلا۔
لٹل ماسٹر ’حنیف محمد‘ کی حالت تشویشناک اسپتال میں داخ
ایک روزہ میچ میں تین ہزار سے زائد اور ٹیسٹ میچ میں 17 ہزار زائد رنن بنانے والے حنیف محمد ٹیسٹ میچ میں ٹرپل سینچری جب کہ ون ڈے میچز میں 499 رنز بنانے اعزاز رکھتے ہیں۔
