Tag: Lft.general naveed malik

کراچی: کور کمانڈر کراچی لیفٹننٹ جنرل نو ید مختار نے کہا ہے کہ کراچی کو امن کا گہوارہ بنائیں گے۔

کراچی کی امن عامہ کی صورتحا ل سے مضطرب صنعتکاروں و تاجروں کے نما ئندہ وفد نے کور کمانڈر کراچی لیفٹیننٹ جنرل نو ید مختارسے ملاقات کی اس ملا قات میں صنعتکاروں نے کور کمانڈر کراچی سے امن وامان کی صورتحال پر تبادلہ خیال کیا۔

 اس موقع پر کو ر کما نڈر نے صنعتکاروں کو یقین دہانی کرائی کہ جرائم پیشہ عناصر کے مکمل خاتمے تک شہر میں جاری آپریشن جاری رہے گا ۔

 کو ر کما نڈر کراچی کا یہ بھی کہنا تھا کہ کراچی کو امن کا گہوراہ بنائیں گے، انہوں نے کہا کراچی میں امن ہوگا تو ملک ترقی کرے گا، کور کمانڈر نے صنعتکاروں سے کہا کہ شہر کے ساتوں انڈسٹریل زونز کو امن عامہ کے تناظر میں مدد فراہم کی جائے گی ۔

کراچی: کورکمانڈرکراچی لیفٹیننٹ جنرل نویدمختار نے کراچی میں دہشت گردی کی بڑی وجہ بیڈگورننس اوربدانتظامی کو قرار دیدیا، کہتے ہیں کراچی میں جرائم پیشہ افراد نے اداروں کی حیثیت اختیار کرلی ہے۔

کور کمانڈر کراچی نوید مختار کا کہنا ہے کہ نائن الیون کے بعدپاکستان زیادہ دہشت گردی کاشکار رہا،شہری علاقوں میں دہشت گردی سے معیشت کو شدید نقصان پہنچا، ان کا کہنا تھا کہ شہروں میں دہشت گردی کے واقعات کو ہرگز تنہائی میں نہیں دیکھنا چاہئے، گلوبلائزیشن کے اس دور میں شہروں میں دہشت گردی بڑھی ہے۔

ان کا کہنا تھا کہ کراچی میں دہشت گردی کی بڑی وجہ بیڈگورننس اوربدانتظامی ہے، کراچی میں جرائم پیشہ افراد نے اداروں کی حیثیت اختیار کرلی ہے اور جرائم پیشہ افراد عوام کو بنیادی سہولتیں تک فراہم کررہے ہیں، کورکمانڈر کراچی کا کہنا تھا کہ شہرسے ہرقسم کی بدامنی کا خاتمہ کریں گے۔

 کراچی کی ترقی کرتی معیشت دشمنوں کو ہضم نہیں ہورہی، کراچی میں بلاتفریق آپریشن جاری ہے، دہشت گردی کے ہرواقعے کے تانے بانے کہیں نہ کہیں سے ملتے ہیں،غیرریاستی عناصرشہروں میں سرایت کرگئے ہیں،شہریوں کی مدد سے سوات اورمالاکنڈ میں غیرریاستی عناصر سے چھٹکارہ حاصل کیا،کراچی سے بھی غیرریاستی عناصر کاخاتمہ کیاجائے گا۔