لاہور : لاہورہائی کورٹ نے لاہور میں ماحولیاتی آلودگی پر گہری تشویش کا اظہار کرتے ہوئے 27 دسمبر تک واٹر کمیشن سے رپورٹ طلب کر لی اور کہا لاہورمیں آلودگی خطرناک حدتک پہنچ چکی ہے، لگ رہاہے آئندہ دنوں آلودگی بدترین شکل اختیار کر جائے گی۔
تفصیلات کے مطابق لاہور ہائی کورٹ میں جسٹس شاہدکریم نے لاہور میں بڑھتی ماحولیاتی آلودگی کے خلاف درخواست پر سماعت کی اور تحریری فیصلہ جاری کیا، جس میں واٹر کمیشن کو ماحولیاتی آلودگی پر 27 دسمبر کو رپورٹ پیش کرنے کا حکم دیا۔
تحریری فیصلے میں کہا گیا لاہور میں ماحولیاتی آلودگی حالیہ دنوں خطرناک حدتک پہنچ چکی ہے، ایسالگ رہا ہے آئندہ دنوں ماحولیاتی آلودگی بدترین شکل اختیار کر جائے گی، ماحولیاتی آلودگی پر قابو پانے کیلئے ہنگامی بنیادوں پر کام کی ضرورت ہے۔
فیصلے میں کہا گیا بتایا گیا تھا اینٹوں کے بھٹوں کو یکم نومبر سے بند کرنے کا فیصلہ کیا گیا تھا، ایک عالمی ایجنسی نے لاہور کو آلودہ ترین شہر قرار دے دیا، ڈی جی ماحولیات نے فصلوں کو جلانے کے اقدام کو سموگ کی وجہ اور فیکٹریوں کو بھی ماحولیاتی آلودگی کا سبب قرار دیا۔
مزید پڑھیں : لاہور میں آلودگی کی بڑی وجہ کیا ؟ فواد چوہدری نے بتادیا
عدالت کا کہنا ہے ڈی جی ماحولیات نےتسلیم کیاآلودگی پراٹھائےگئےاقدامات ناکافی ہیں، فصلوں کونہ جلانےکےحکم پرعمل کرانامحکمہ زراعت کی ذمہ داری ہے۔
خیال رہے دنیا میں فضائی آلودگی کے اعتبار سے لاہور دوسرے نمبر پر آگیا، امریکی ائیر کوالٹی انڈیکس کے مطابق فضاء میں گرد کے ذرات (پی ایم 2.5) کی تعداد 35 مائیکرو گرام فی مکعب میٹرسے زیادہ نہیں ہونی چاہیے جبکہ 28ایک موقع پر اکتوبر کو لاہور کی فضاء میں ان ذرات کی تعداد 10 گنا زیادہ پائی گئی۔
یاد رہے موسم سرما میں پنجاب میں گرد آلود دھند کا سلسلہ جاری رہتا ہے ، ماہر ماحولیات کا کہنا تھا گرد آلود دھند کی بڑی وجہ بھارتی پنجاب بڑی مقدار میں فصلوں کا جلانا اور صنعتوں میں اضافہ ہے۔