ARYNews.tv | Urdu – Har Lamha Bakhabar

Tag: lightning strikes

  • بھارت میں آسمانی بجلی نے قہر ڈھادیا، 61 افراد ہلاک

    بھارت میں آسمانی بجلی نے قہر ڈھادیا، 61 افراد ہلاک

    نئی دہلی: بھارت میں مون سون بارشوں کے دوران آسمانی بجلی کے قہر سے ساٹھ سے زائد افراد ہلاک ہوگئے ہیں۔

    بھارتی میڈیا رپورٹ کے مطابق بھارت کی مختلف ریاستوں میں موسلا دھار بارشوں کا سلسل جاری ہے، جس کے باعث نظام زندگی مفلوج ہوگیا ہے جبکہ اتر پردیش اور راجستھان میں آسمانی بجلی گرنے اور دیگر واقعات میں سات بچوں سمیت ساٹھ افراد ہلاک ہوگئے۔

    بھارتی میڈیا رپورٹ کے مطابق سب سے زیادہ اکتالیس ہلاکتیں اترپردیش میں ہوئی ، صرف پریاگ راج میں آسمانی بجلی گرنے سے گیارہ افراد لقمہ اجل بنے جبکہ سیکڑوں مویشی بھی مارے گئے۔

    یہ بھی پڑھیں: مقبوضہ کشمیر: بھارتی فوجی پر آسمانی بجلی گر پڑی

    جے پور میں بارش میں سیلفیاں بنانے کے دوران بارہ افراد جان سے گئے۔

    شدید بارشوں کے باعث کیرالہ میں سیلابی صورت حال پیدا ہوچکی ہے، مقامی انتظامیہ نے سیلاب کی وارننگ جاری کرتے ہوئے نشیبی علاقوں میں رہنے والے افراد کو فوری طور پر محفوظ علاقوں کی جانب منتقل ہونے کی ہدایت کی ہے۔

  • آسمانی بجلی گرنے سے 13 افراد ہلاک، متعد زخمی

    آسمانی بجلی گرنے سے 13 افراد ہلاک، متعد زخمی

    نئی دہلی : بھارت میں آسمانی بجلی گرنے کے نتیجے میں13افراد ہلاک اور متعدد کے زخمی ہو نے اطلاعات ہیں، سیلاب کی وجہ سے 28 دیہات بھی شدید متاثر ہوئے۔

    تفصیلات کے مطابق بھارتی ریاست اترپردیش کے مختلف علاقوں میں بارش اور گرج چمک کے دوران آسمانی بجلی گرنے سے الگ الگ واقعات میں 13 افراد لقمہ اجل بن گئے۔

    ریلیف کمشنر سنجے گوئل نے اس سلسلہ میں ایک بیان جاری کرتے ہوئے کہا ہے کہ آسمانی بجلی گرنے سے غازی پور میں چار ، کوشامبی میں تین ، کوشی نگر اور چترکوٹ میں دو ، جون پور میں ایک اور چندؤلی میں ایک شخص کی ہلاکت کی اطلاع ملی ہے۔

    ریاست کے وزیر اعلیٰ یوگی آدتیہ ناتھ نے متعلقہ ضلعی عہدیداروں کو ہدایت دی ہے کہ وہ ہلاک ہونے والوں کے لواحقین کو چار لاکھ روپے کی مالی امداد فراہم کریں۔

    بھارتی میڈیا کے مطابق ملک کے مختلف علاقوں میں بھی شدید بارشوں کے دوران مختلف علاقوں میں آسمانی بجلی گرنے کے واقعات پیش آئے ہیں زخمی ہونے والوں کو مقامی اسپتال میں طبی امداد فراہم کی گئی۔

    خیال رہے کہ جون میں ریاست میں آسمانی بجلی گرنے سے 24 افراد جبکہ صوبہ بہار میں جولائی 2019 میں بھی آسمانی بجلی گرنے کے نتیجے میں 39 افراد ہلاک ہو گئے تھے۔

  • بھارت میں آسمانی بجلی گرنے سے 23 افراد ہلاک

    بھارت میں آسمانی بجلی گرنے سے 23 افراد ہلاک

    نئی دہلی : بھارت میں آسمانی بجلی گرنے سے 23 افراد ہلاک ہوگئے ، محکمہ موسمیات نے آسمانی بجلی سے محفوظ رہنے کے لیے معلوماتی پمفلٹ کی تقسیم شروع کردی ہے۔

    تفصیلات کے مطابق ھارتی ریاست بہار میں موسلا دھار بارش کے دوران آسمانی بجلی گرنے کے واقعات میں 23 افراد ہلاک ہوگئے، آسمانی بجلی گرنے کے واقعات بھارتی ریاست بہار میں کھیتوں ، پہاڑوں اور میدانی علاقوں میں پیش آئے۔

    چار دنوں میں آسمانی بجلی گرنے کے واقعات میں ہلاکتوں کی تعداد 40 ہوگئی ہے۔

    محکمہ موسمیات نے الرٹ جاری کرتے ہوئے آسمانی بجلی سے محفوظ رہنے کے لیے معلومات پر مبنی پمفلٹ بھی تقسیم کیے

    واضح رہے کہ بہار میں طوفانی بارشوں نے بڑے پیمانے پر تباہی مچادی ہے، جس کے نتیجے میں اب تک50سے زائد افراد ہلاک ہو چکے ہیں۔

    یاد رہے گذشتہ سال مئی میں بھارتی ریاستوں راجستھان اور اتر پردیش میں گرد و غبارکے طوفان، موسلادھار بارش اور آسمانی بجلی نے تباہی مچادی تھی اور ایک سو پچیس افراد ہلاک ہوئے تھے۔

    اس سے قبل بھی بھارت کی جنوبی ریاست آندھرا پردیش میں صرف 13 گھنٹوں کے دوران 36 ہزار سے زائد آسمانی بجلی گرنے کے واقعات ریکارڈ کیے گئے تھے۔

    خیال رہے بھارت میں مون سون بارشوں کے دوران آسمانی بجلی گرنے کے واقعات بہت عام ہیں، نیشنل کرائم ریکارڈز بیورو کے اعداد و شمار کے مطابق بھارت  میں 2005 سے ہر برس ایسے واقعات میں تقریباً دو ہزار افراد ہلاک ہو جاتے ہیں۔

    تاہم سائنسدانوں کا خیال ہے کہ عالمی سطح پر درجۂ حرارت بڑھنے سے آسمانی بجلی گرنے کے وقعات میں مزید اضافہ ہو سکتا ہے۔

  • بھارت میں 13گھنٹے کے دوران بجلی گرنے کے 36 ہزار واقعات

    بھارت میں 13گھنٹے کے دوران بجلی گرنے کے 36 ہزار واقعات

    آندھرا پردیش : بھارتی ریاست آندھرا پردیش میں بجلی کڑکی اور جم کر گری اور تیرہ گھنٹے کے دوران بجلی گرنے کےچھتیس ہزار واقعات پیش آئے۔

    تفصیلات کے مطابق انڈیا کی جنوبی ریاست آندھرا پردیش کے حکام کا کہنا ہے کہ منگل کو 36  ہزار 700  بار آسمانی بجلی گرنے کے واقعات ریکارڈ کیے گئے ہیں، جس میں بچی سمیت نو افراد ہلاک ہوئے ۔

    حکام کا کہنا ہے کہ مون سون میں آسمانی بجلی گرنا عام بات ہے جو جون سے ستمبر تک ہوتا ہے لیکن ایک ہی دن میں اتنی بار بجلی گرنا غیر معمولی بات ہے۔

    انہوں نے کہا  غیر معمولی صورتحال کی وجہ بتاتے ہوئے کہا کہ  عام طور پر بادل 15 سے 16 کلومیٹر کے علاقے پر پھیلے ہوتے ہیں جبکہ یہ  بادل 200 کلومیٹر پر پھیلے ہوئے تھے۔

    بھارت میں مون سون بارشوں کے دوران آسمانی بجلی گرنے کے واقعات بہت عام ہیں۔

    نیشنل کرائم ریکارڈز بیورو کے اعدادوشمار کے مطابق بھارت  میں 2005 سے ہر برس ایسے واقعات میں تقریباً دو ہزار افراد ہلاک ہو جاتے ہیں

    خیال رہے کہ گذشتہ برس پورے مئی کے مہینے میں آسمانی بجلی گرنے کے 30 ہزار واقعات سامنے آئے تھے۔

    سائنسدانوں کا خیال ہے کہ عالمی سطح پر درجۂ حرارت بڑھنے سے آسمانی بجلی گرنے کے وقعات میں مزید اضافہ ہو سکتا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔