Tag: lilly

للی : ڈیوس کپ ورلڈ گروپ کے فائنل میں سوئٹزرلینڈ نے فرانس کو ڈبلز میچ میں تین صفر سے شکست دیکر دو ایک کی سبقت حاصل کرلی ہے۔فرانسیسی شہر للی میں کھیلے جارہے ڈیوس کپ فائنل میں فرانس اور سوئٹزرلینڈ کے درمیان مقابلہ ایک ایک سے برابر تھا۔

ڈبلز میچ میں سوئس ٹینس اسٹار راجر فیڈرر اور اسٹین وارینکا کی ٹیم نے شاندار کارکردگی کا مظاہرہ کرتے ہوئے میزبان ٹیم کو یک طرفہ مقابلے کے بعد تین صفر سے زیر کیا۔

فائنل میں سوئٹرزلینڈ کو فرانس پر دو ایک کی سبقت حاصل ہے۔ پہلی مرتبہ ڈیوس کپ ٹائٹل جیتنے کیلئے سوئٹرزلینڈ کو ریوس سنگلز مقابلے جیتنے ہیں۔

للے: فرانس کے گیل مونفلس نے سوئٹزرلینڈ کے راجر فیڈرر کو شکست دے کر ڈیوس کپ ٹینس فائنلز میں مقابلہ ایک ایک سے برابر کردیا۔

سوئٹزرلینڈ نے اسٹینلاس واورینکا کی جیت کی بدولت ڈیوس کپ ٹینس کا فاتحانہ آغاز کیا۔واورینکا نے چار سیٹ کے مقابلے کے بعد فرانس کے جوولفریڈ سونگا کو زیرکیا۔

ابتدائی دو سیٹس تک مقابلہ ایک ایک سے برابر تھا۔ جس کے بعد سوئس کھلاڑی نے غیر معمولی کھیل پیش کرتے ہوئے دونوں سیٹس جیت کر کامیابی حاصل کرلی۔

واورینکا کی فتح کا اسکور چھ ایک، تین چھ، چھ تین اور چھ دو رہا۔ دوسرے میچ میں فرانس کے گیل مونفلس نے حساب چکادیا۔

مونفلس نے عالمی نمبر دو سوئٹزرلینڈ کے راجر فیڈرر کو اسٹریٹ سیٹس میں زیر کیا۔ فرانسیسی کھلاڑی کی فتح کا اسکور چھ ایک، چھ چار اور چھ تین رہا۔