واشنگٹن:امریکی صدربراک اوباما لاطین امریکی صدورسے ملاقات میں تارکین وطن پروگرام کی منظوری کے لیے پرامیدہیں۔
وائٹ ہاؤس کے ترجمان جوش ارنسٹ نےپریس بریفنگ دیتےہوئےکہا کہ صدر براک اوباما وائٹ ہاؤس میں تین لاطین امریکی ممالک کےسربراہان سےملاقات کریں گے۔
ملاقات میں امریکا میں پناہ حاصل کرنے کی پالیسی اورتارکین وطن پروگرام میں اصلاحات کی منظوری کے لیےبات چیت کی جائےگی۔
امریکا میں غیر قانونی تارکین وطن کےبحران کے حل کے لیے بارڈرسیکیورٹی حکام کی جانب سے لاطینی ممالک میں مہم شروع کی گئی ہے جس کا مقصدامریکا میں پناہ کےخواہشمند افراد کی حوصلہ شکنی کرنا ہے۔