تہران : ارجنٹینا کے معروف فٹبالر لیونل میسی کو کون نہیں جانتا لیکن مشابہت کا یہ عالم ہے کہ آپ بھی دیکھ کر حیران رہ جائیں، ایرانی طالب علم رضا پرستیش کو کوئی بھی دیکھتے ہی میسی سمجھنے لگے گا۔
ارجنٹائنی فٹبالر لیونل میسی کا ہوبہو ایرانی پرستار رضا پرستیش کی ان دنوں سوشل میڈیا پردھوم مچی ہوئی ہے، رضا پرستیش کا چہرہ اور قد قامت بالکل ہو بہو میسی جیسا ہیں، جس کے باعث میسی کے مداح اکثر رضا کو ہی میسی سمجھ بیٹھتے ہیں۔
کچھ دنوں قبل ایران کے شہر حمدان میں لوگوں نے رضا پرستیش کو لیونل میسی سمجھ کر گھیر لیا اور ساتھ سیلفی بنوانے کیلئے جم غفیر امڈ آیا، جس کے باعث ٹریفک کا نظام درہم برہم ہوگیا اور پیچارے ایرانی میسی کو ایک رات حوالات میں بھی گزارنا پڑی۔
یہ معاملہ چند ماہ قبل اس وقت شروع ہوا جب رضا پرستش کے والد نے رضا کی تصویر بارسلونا کی 10 نمبر والی قمیص میں تصویر ٹوئٹر پر شیئر کر دی۔
لیونل میسی کے پرستاروں کا سوشل میڈیا پر کہنا ہے کہ رضا پرستیش میسی سے بے حد مشابہت رکھتے ہیں، پرستاروں نے رضا پرستیش کو ایرانی میسی کا خطاب دے دیا ہے۔
خبر رساں ادارے کو انٹرویو میں ستائیس سالہ رضا پرتیش کہنا ہے کہ میرے لئے فخر کی بات ہے کہ آپ کا ہم شکل دنیا کا ایک بہت بڑا ہیرو ہے اور لوگ کبھی کبھی اسے آپ ہی سمجھ لیتے ہیں، مجھے میسی جیسی شکل، حلیے اور بالوں کے اسٹائل کو اپنا کر اچھا لگتا ہے۔
مزید پڑھیں : معروف سیاستدانوں کے ہم شکل
رضا پرتیش نے بتایا اب لوگ مجھے ایرانی میسی سمجھتے ہیں جب میں کہیں جاتا ہوں تو لوگ مجھے دیکھ کر دنگ رہ جاتے ہیں۔ مجھے اچھا ہے کہ میری وجہ سے لوگوں کو خوشی ملتی ہے اور یہ خوشی مجھے بہت زیادہ توانائی بخشتی ہے۔
