لاہور: جماعت اسلامی نے بھی الطاف حسین کی تقاریر کیخلاف قرارداد پنجاب اسمبلی میں جمع کرا دی۔
پنجاب اسمبلی میں جماعت اسلامی کے پارلیمانی لیڈر ڈاکٹر سید وسیم اختر نے الطاف حسین کی تقاریر کیخلاف قرارداد جمع کرائی۔
قرار داد میں مطالبہ کیا گیا ہے کہ وفاقی حکومت الطاف حسین کی ملک اور فوج دشمن تقاریر کا نوٹس لے اور ایم کیو ایم کی فسطائیت کی روک تھام کیلئے اس پر پابندی لگائی جائے۔
قرارداد میں الطاف حسین کو برطانیہ سے پاکستان لا کر آرٹیکل 6 کے تحت مقدمہ چلانے کا بھی مطالبہ کیا گیا ہے۔
اسلام آباد: اہم وفاقی اداروں نے فوج کے خلاف الطاف حسین کے بیان پرقانونی کارروائی کافیصلہ کرلیا۔
سابق ایس ایس پی ملیر راؤ انوار کی پریس کانفرنس کے ردعمل میں ایم کیوایم کےقائد الطاف حسین کا بیان انھیں مہنگا پڑگیا۔
ذرائع کے مطابق اہم وفاقی اداروں نے الطاف حسین کی تقریرپرقانونی چارہ جوئی کرنے کا فیصلہ کرلیاہے۔
ذرائع کا کہنا ہےکہ ایم کیو ایم کے قائد کی تقریرسے پیمرا قوانین کی بھی خلاف ورزی ہوئی۔
وفاقی اداروں کی جانب الطاف حسین کےبراہ راست خطاب پرپابندی لگانےپرغورکرناشروع کردیا گیا ہے۔
وفاقی حکومت نےالطاف حسین کی گذشتہ رات کی تقریرپرپابندی لگانے کے لئے قانونی پہلوؤں سے متعلق پیمرا سے رائےطلب کرلی ہے۔