اسلام آباد : ایل این جی ٹرمینل کیلئے3کروڑ ڈالر قرض کی منظوری۔اے ڈی بی بجلی کی پیداوار کیلئے فرنس آئل پر انحصار بھی کم کرنا ہوگا، ٹرمینل سالانہ 30 لاکھ ٹن مائع گیس کو گیس میں تبدیل کرے گا ۔
حکومت کودرآمدی بل کی مد میں1ارب ڈالر سالانہ کی بچت ہوگی، تفصیلات کے مطابق ایشائی ترقیاتی بینک نے پاکستان میں ایل این جی ٹرمینل کیلئے تین کروڑ ڈالر قرضے کی منظوری دے دی ہے۔
اے ڈی بی کی جانب سے جاری اعلامیہ کے مطابق پاکستان کو بجلی کی پیداوار کیلئے مہنگے فرنس آئل پر انحصار بھی کم کرنا ہوگا۔
ایل این جی ٹرمینل میں سالانہ تیس لاکھ ٹن مائع گیس کو گیس میں تبدیل کرنے کی صلاحیت ہے۔ٹرمینل اینگرو ایل این جی نامی کمپنی تعمیر کر رہی ہے۔
ایل این جی سے پاکستانی حکومت کوفرنس آئل کےدرآمدی بل کی مد میں ایک ارب ڈالر سالانہ کی بچت ہوگی۔انٹرنیشنل فنانشل کارپوریشن کی جانب سے بھی اس منصوبے کیلئے دوکروڑ ڈالر قرض کی فراہمی متوقع ہے۔
