ARYNews.tv | Urdu – Har Lamha Bakhabar

Tag: load shedding

  • شہراندھیروں میں ڈوب جائے گا، کےالیکٹرک کی تنبیہہ

    شہراندھیروں میں ڈوب جائے گا، کےالیکٹرک کی تنبیہہ

    کراچی: کے الیکٹرک نے متنبہ کیا ہے کہ کراچی کو فراہم کی جانے والی چھ سوپچاس میگاواٹ بجلی کی کٹوتی شہرکو اندھیرے میں ڈبودے گی۔

    ترجمان کے الیکٹرک کا کہنا ہے کہ سندھ ہائی کورٹ نے چھ پچاس میگاواٹ بجلی کی کٹوتی پرحکم امتناعی جاری کیا ہواہے۔

    ترجمان کے مطابق نیشل گرڈ سے بجلی منقطع کرنے کا وفاقی حکومت کااقدام ناصرف توہین عدالت کے زمرے میں آئے گا بلکہ کراچی سمیت حب کے صنعتی علاقے بھی شدید متاثرہونگے۔

    ترجمان کا کہناتھا کہ کے الیکٹرک پربے جاتنقید سے غیرملکی سرمایہ کاروں کو منفی تاثرمل رہا ہے۔

    وفاقی حکومت اورکے الیکٹرک کے درمیان 650 میگاواٹ بجلی کی فراہمی کا معاہدہ گزشتہ ماہ جنوری کے اواخرمیں ختم ہوگیا جس کے بعد وفاقی حکومت کے الیکٹرک کے ساتھ پرانی شرائط پرمعاہدہ کرنے پرراضی نہیں ہے۔

    کے الیکٹرک کودرپیش 650 میگاواٹ کی کمی کے باعث سردیوں میں بھی شہرکو سنگین لوڈ شیڈنگ کا سامان کرنا پڑرہاہے۔ لوڈ شیڈنگ کے باعث شہرکے متعدد پمپمنگ اسٹیشن بھی کام نہیں کرپارہے جس کے سبب شہرمیں پانی کی قلت بھی پیدا ہوگئی ہے۔

  • پانچ بڑے پمپنگ اسٹشینز کو لوڈ شیڈ نگ سے مستثنیٰ کیا جائے

    پانچ بڑے پمپنگ اسٹشینز کو لوڈ شیڈ نگ سے مستثنیٰ کیا جائے

    کراچی: واٹر بورڈ کے مینجنگ ڈائریکٹر نے کےالیکٹرک سے مطالبہ کیا ہے کہ شہر میں پانی کا بحران ہے، پانچ بڑے پمپنگ اسٹشینز کو لوڈ شیڈ نگ سے مستثنی قرار دیا جائے۔

    نماز عید کے بعد اےآر وائی نیوز سے گفتگوکرتے ہوئے ایم ڈی واٹر بورڈ نےکہا کہ کراچی کی آبادی دو سے ڈھائی کروڑ کے درمیان ہے، کے الیکٹرک کی مشکلات کا احساس ہے لیکن وہ بھی شہریوں کا احساس کرے۔

    ایم ڈی واٹر بورڈ کا کہنا تھا کہ شہر کے دو سو پمپنگ اسٹیشنز پر لوڈ شیڈنگ ایڈجسٹ کرنے سے مسائل حل ہوسکتے ہیں۔

    حب ڈیم کے مکمل فعال ہونے تک لوڈشیڈنگ کوکنٹرول کرنا ہوگا۔دوسری جانب کےالیکٹرک کے دعوؤں کے باوجود کراچی کے مختلف علاقوں میں آج عید کے دن بھی بجلی کی بند ش جاری ہے، جس کے باعث شہریوں کو شدیدمشکلات کا سامنا ہے

  • کراچی سمیت سندھ کے متعدد علاقوں میں اٹھارہ گھنٹے بعد بھی بجلی بحال نہ ہوسکی

    کراچی سمیت سندھ کے متعدد علاقوں میں اٹھارہ گھنٹے بعد بھی بجلی بحال نہ ہوسکی

    کراچی: جامشورو ٹرانسمشن لائن میں گذشتہ روز آتشزدگی کے نتیجے میں چار سو پچاس کے وی ای کا پاور ٹرانسفارمر جلنے کی وجہ سے کراچی سمیت سندھ کے چود اضلاع میں اٹھارہ گھنٹے سے زائدبجلی کی فراہمی معطل ہے۔

    گزشتہ روز جامشورو ٹرانسمشن میں لگنے والی آگ کے باعث چار سو پچاس کے وی ای کا پاور ٹرانسفارمر مکمل طور پر جل گیا ،ایگزیکٹو انجینئر کا کہنا ہے کہ سندھ کے گرڈ اسٹیشن ریجنل کنٹرول سینٹر کے ذریعے تمام پاور پلانٹس کو بجلی فراہم کو یقینی بنایا جارہا ہے۔

    کے الیکٹرک کے تمام پاور پلانٹ بند ہونے سے کراچی شہر کو بجلی کی فراہمی معطل ہے۔جامشورو، حیدرآباد، ٹنڈومحمدخان،دادو،میرپورخاص اور دیگر اضلاع میں اٹھارہ گھنٹے گزرنے کے باوجود بجلی بحال نہ ہوسکی جبکہ کراچی کے علاقے شادمان ٹاؤن،ناظم آباد، ایف بی ایریا،نارتھ کراچی،ابو الحسن اصفہانی روڈ، بلدیہ ،گلبائی،گلستان جوہر،اسکیم تینتیس، گلزار ہجری،گلشن معمار،شاہ فیصل کالونی،لیاری،گارڈن،کورنگی،لانڈھی،ملیر،کھوکھراپار سمیت بہت سے علاقوں میں بجلی بند ہے۔

  • کراچی :کے الیکٹرک کے دعوے بھی بارش کے ساتھ بہہ گئے

    کراچی :کے الیکٹرک کے دعوے بھی بارش کے ساتھ بہہ گئے

    کراچی : افطار سے کچھ دیر قبل بجلی کی آمد پر کراچی کے عوام نےسکون کا سانس لیا ہی تھا کہ رم جھم میگھا پڑتے ہی شہر پھر اندھیروں میں ڈوب گیا۔
    کراچی میں جمعے کی سحری کے اوقات میں بند ی جانے والی بجلی افطار کے وقت آئی تو لوگوں نے سکون کا سانس لیا، لیکن افطار ختم ہوتے ھی  بجلی پھر غائب ہوگئی ۔

    دس سے بارہ گھنٹے کے بجلی کے تعطل کے بعد لوگوں کو چین نصیب ہوا تھا کہ روزہ کھولتے ہی ابر کرم برسنے لگا، ابھی بارش کی بوندیں زمین تک بھی نہ پہنچیں تھیں  کہ بجلی پھر چلی گئی  اور کیوں نہ جاتی ،بجلی کے کھمبے زمین سے اوپر جو ہوتے ہیں،

    اس طرح کراچی کے شہریوں کو ایک دن میں بجلی کے دو بڑے بریک ڈائونز کا سامنا کرناپڑا،پہلا سحری سے افطار تک اور دوسرا افطار سے شب قدر کی عبادات تک ، پہلا بریک ڈائون جامشورو میں پانچ سو کلو واٹ کا ٹرانسفارمر جلنے سے ہوا تھا ۔ دوسرا شاید کسی کا دل جلنے سے ہو گیا۔

    اور رہ گئے وہ لوگ جو رات کو شاپنگ کیلئے نکلنا چاہتے تھے۔ ان کے نئے کپڑوں اور جوتوں کے خواب ادھورے رہ گئے ،بجلی چلی گئی  یہ تو سب جانتےہیں۔۔ لیکن آئے گی کب،کسی کو نہیں معلوم  شاید بجلی والوں کو بھی نہیں۔

  • کے الیکٹرک سے پاک اسٹیل کو خطرہ ہے،سی ای او ظہیراحمد خان

    کے الیکٹرک سے پاک اسٹیل کو خطرہ ہے،سی ای او ظہیراحمد خان

     کراچی :پاکستان اسٹیل ملز کےسی ای او میجرجنرل ریٹائرڈ ظہیراحمد خان نے کہا ہے کہ کے الیکٹرک کسی کی بات نہیں سنتی۔گھارو پمپنگ اسٹیشن پربجلی کی بندش سے پاکستان اسٹیل کو خطرہ ہے۔

    کراچی میں پریس کانفرنس سے خطاب میں میجر جنرل ریٹائرڈ ظہیر احمد خان کا کہنا تھا کہ گھارو پمپنگ اسٹیشن پر فروری سے اب تک 44 مرتبہ ٹرپنگ ہوئی ہے ، جس سے پانی کا ذخیرہ 110 ملین گیلن سے کم ہوکر 25 ملین گیلن رہ گیا ہے ،انہوں نے کہا کہ پانی کی کمی کی وجہ سے رواں ماہ 20 فیصد پیداواری ہدف حاصل کرنا مشکل ہوگیا ہے ،

    انہوں نے کہا کہ کے الیکٹرک کی لوڈ شیڈنگ کی وجہ سے پانی کے ریزروائیر کا لیول پندرہ گیلن کی کم ترین سطح پر آگیا ہے،جس کی وجہ سے اسٹیل ٹاؤن اور گلشن حدید کو پانی کی فراہمی بند ہوچکی ہے ، ظہیر احمد خان نے کہا کہ بجلی کی بندش اور پانی کی قلت سے اسٹیل ملز کے کچھ پلانٹس کو بند کیا گیا ہے اور اس وقت صرف دو پلانٹس کام کررہے ہیں۔ انہوں نے کہا کہ وفاقی وزارت پیدوار حکومت سندھ اور گورنر سندھ پانی اور بجلی کے مسلے کو حل کریں

  • کے الیکڑک، لیسکو، پیپکو اور واپڈا نے حکومتی احکامات نظر انداز کردیئے

    کے الیکڑک، لیسکو، پیپکو اور واپڈا نے حکومتی احکامات نظر انداز کردیئے

    کراچی:حکومتی ہراحکامات کو کے الیکڑک، لیسکو، پیپکو اور واپڈا نےنظر انداز کرتے ہوئے لوڈ شیڈنگ کے دورانیہ کو مزید اضافہ کر دیا۔ حکومتی ہراحکامات کو کے الیکڑک، لیسکو، پیپکو اور واپڈا نےنظرانداز کرتے ہوئے لوڈ شیڈنگ کے دورانیہ کو مزید اضافہ کر دیا۔

    کراچی کے علاقے شادمان ٹائون، ناگن چورنگی،یوپی سوسائٹی، نیوکراچی میں بجلی کی عدم فراہمی کے خلاف مکینوں نے ٹائر جلاکر احتجاج کیا۔ لاہور کے مختلف علاقوں بجلی کی بندش جاری ہےجبکہ افطاری اورسحری کے وقت وقفے وقفے سے لوڈشیڈنگ کا سلسلہ برقرارہے۔ راولپنڈی کے مختلف علاقوں میں لوڈشیڈنگ کا دورانیہ اٹھارہ گھنٹے سے تجاوز کرگیا۔ ملتان اورمظفرآباد میں لوڈیشڈنگ کا دورانیہ بیس گھنٹے تک پہنچ گیا۔

    سیالکوٹ میں گذشتہ اٹھارہ گھنٹوں سے بجلی معطل ہے،میاں چنو میں غیراعلانیہ لوڈشیڈنگ کے خلاف احتجاجی مظاہرہ کیا گیا۔ حویلی لکھاشہرمیں لوڈشیڈنگ کا دورانیہ بیس گھنٹے سے تجاوز کرگیا۔ میانوالی میں بجلی کی غیراعلانیہ لوڈشیڈنگ کا دورانیہ اٹھارہ گھنٹے تک پہنچ گیا۔

    گوادر اورنوشکی شہر کے مختلف علاقوں میں بجلی کی تئیس گھنٹے لوڈشیڈنگ کا سلسلہ دو روز سے جاری ہے،۔پشاورمیں عوام نے لوڈشیڈنگ کیخلاف احتجاج کیا۔

  • وزیراعلٰی شہباز شریف نے آزادی چوک فلائی اوور کا افتتاح کر دیا

    وزیراعلٰی شہباز شریف نے آزادی چوک فلائی اوور کا افتتاح کر دیا

    لاہور: وزیراعلٰی شہباز شریف نے آزادی چوک فلائی اوور کا افتتاح کر دیا، ان کا کہنا ہے کہ عوام کو کسی لانگ مارچ کی نہیں ترقی مارچ کی ضرورت ہے، چھ ماہ کی قلیل مدت میں مکمل ہونے والے آزادی چوک فلائی اوور کا افتتاح پر وزیراعلٰی پنجاب شہباز شریف نے عوام کو مبارک باد دیتے ہوئے کہا ہے کہ منصوبے سے عوام کو آسان اور بہترین سفری سہولیات میسر ہوں گی، ان کا کہنا تھا کہ عوام کو کسی لانگ مارچ کی نہیں، صرف ترقی مارچ کی ضرورت ہے۔ انہوں نے کہا فلائی اوور کا منصوبہ 6 ماہ کی قلیل مدت میں مکمل ہوا ہے، اب میٹرو بس سمیت شہر میں بڑی ٹریفک بغیر رکاوٹ گزرے گی، آزادی چوک فلائی اوور کی افتتاحی تقریب میں شہریوں کی بڑی تعداد شرکت تھی۔

  • کراچی: بجلی کی بندش سے پریشان شہری سڑکوں پرآگئے

    کراچی: بجلی کی بندش سے پریشان شہری سڑکوں پرآگئے

    K-Electric-01

  • بجلی کی لوڈشیڈنگ دوہزاراٹھارہ تک کم ترین سطح پرلانے کا اعلان

    بجلی کی لوڈشیڈنگ دوہزاراٹھارہ تک کم ترین سطح پرلانے کا اعلان

    Load-Shedding-01

  • تمام سیاستدان جمہوریت اورجمہوری نظام کو مضبوط بنائیں،خورشید شاہ

    تمام سیاستدان جمہوریت اورجمہوری نظام کو مضبوط بنائیں،خورشید شاہ

    khursheed-01