ARYNews.tv | Urdu – Har Lamha Bakhabar

Tag: LOC firing

  • بھارتی جارحیت: مشیر خارجہ سینیٹ کے اجلاس میں‌ طلب

    بھارتی جارحیت: مشیر خارجہ سینیٹ کے اجلاس میں‌ طلب

    اسلام آباد: چئیرمین سینیٹ رضا ربانی نے لائن آف کنٹرول پر بھارتی جارحیت ہونے پر مشیر خارجہ سرتاج عزیز کو طلب کرلیا ،سرتاج عزیز ایوان میں آکر اراکین کو بھارتی جارحیت پر آگاہی دیں گے۔


    اجلاس کے دوران رضاربانی نے کہا وزارت خارجہ نے بھارتی اشتعال انگیزیوں سے ابھی تک او آئی سی کو آگاہ کیوں نہیں کیا۔

    پیپلز پارٹی کے سینیٹر اعتزاز احسن نے کہا کہ گرفتار شدہ بھارتی ایجنٹ کلبھوشن یادیو جیسا افسر حراست میں آیا مگر وزیر اعظم نواز شریف کی زبان پر کلبھوشن کا نام تک نہیں آیا ۔

    اعتزاز احسن کا کہنا تھا کہ جس دن نواز شریف نے کلبھوشن کا نام لیا وہ بلائنڈ ایسوسی ایشن کو 50 ہزار روپے عطیہ دیں گے، خدانخواستہ بھارت ہمارا کوئی کرنل بھارت پکڑ لیتا تو پنجرے میں بند کرکے 15 اگست کو تقریر کی جاتی۔

    پی پی کی رہنما شیری رحمان نے کہا کہ ابھی تک مستقل وزیر خارجہ کیوں تعینات نہیں کیا جاسکا، بھارتی جارحیت یہاں تک پہنچ گئ کہ اب بسوں پر فائرنگ ہورہی ہے۔

    سینیٹر کامل علی آغا نے بھی وزیر اعظم کی خاموشی پر تنقید کی ۔ان کا کہنا تھا بھارتی جارحیت پر وزیراعظم کیوں خاموش ہیں ۔

  • بھارتی فوج کی فائرنگ، وادی نیلم کے جنگلات میں آتشزدگی

    بھارتی فوج کی فائرنگ، وادی نیلم کے جنگلات میں آتشزدگی

    مظفر آباد: بھارتی فوج کی جانب سے لائن آف کنٹرول کی خلا ف ورزی کا سلسلہ جاری ہے ، گولہ باری سے وادی نیلم کے جنگلات میں آگ لگ گئی، فوج نے بھارتی جارحیت کا بھرپور جواب دیا۔

    یہ بھی پڑھیں: ایل او سی: بھارتی فوج کی بلا اشتعال فائرنگ سے 4 بچے شہید، متعدد زخمی

    نمائندہ مظفر آباد سردار رضا کے مطابق بھارتی فوج کی جانب سے لائن آف کنٹرول پر سیز فائر کی مسلسل خلاف ورزی جاری ہے، وادی نیلم کے دودنھیاں، کیل اور تیجیاں سیکٹرز پر وقفے وقفے سے چھوٹے اور بڑے ہتھیاروں سے فائرنگ اور گولہ باری کا سلسلہ جاری ہے جس کا پاکستانی فوج موثر جواب دے رہی ہٰں۔

    رپورٹر کے مطابق بھارتی گولہ باری سے وادی نیلم کے جنگلا ت میں آگ لگ گئی ہے جس سے درختوں کو کافی نقصان پہنچا ہے۔

    رپورٹر نے مزید بتایا کہ بھارتی فوج نے ایل او سی کی رہائشی آبادی پر بھی فائرنگ کی تاہم جانی نقصان کی اطلاع موصول نہیں ہوئی۔

  • ہلاک بھارتی فوجیوں‌ کی تعداد ہمارے شہدا سے 3 گنا زائد ہے، عاصم باجوہ

    ہلاک بھارتی فوجیوں‌ کی تعداد ہمارے شہدا سے 3 گنا زائد ہے، عاصم باجوہ

    اسلام آباد: ڈی جی آئی ایس پی آر عاصم باجوہ نے کہا ہے کہ بھارتی جارحیت پر خاموش نہیں رہتے بھرپور جواب دیتے ہیں،سرحدوں پر پاک فوج کی جوابی کارروائی میں مارے گئے بھارتی فوجیوں کی ہلاکتوں کی تعداد ہمارے شہید فوجیوں سے 3 گنا زائد ہے، بھارت ہلاکتیں چھپاتا ہے لیکن ہم اپنی شہادتیں نہیں چھپاتے۔

     اے آر وائی نیوز کے پروگرام پاور پلے میں میزبان ارشد شریف سے ٹیلی فونک گفتگو کرتے ہوئے پاک فوج کے شعبہ تعلقات عامہ کے ڈائریکٹر جنرل میجر جنرل عاصم باجوہ نے کہا ہے کہ ہمارے 7 جوان لائن آف کنٹرول پر بھارتی فوجیوں کی فائرنگ سے شہید ہوئے، یہ بہت افسوس ناک واقعہ ہے، ایل او سی اور ورکنگ بائونڈری پر بھارتی جارحیت ستمبر میں شروع ہوئی جو تاحال جاری ہے، قبل ازیں بھی ہمارے دو فوجی جوان شہید ہوئے تھے۔

    یہ پڑھیں: بھمبر میں بھارتی فائرنگ سے 7 فوجی جوان شہید، دفتر خارجہ کا احتجاج

    ڈی جی آئی ایس پی آر نے کہا کہ لائن آف کنٹرول کی خلاف ورزی پر ہم نے ہمیشہ جواب دیا اور کبھی خاموش نہیں رہے، سال 2016ء میں بھارت نے اب تک ایل او سی پر 199 بار اور ورکنگ بائونڈری پر 38 بار فائرنگ کی، جارحیت میں ستمبر کے بعد انتہائی تیزی آئی، ورکنگ بائونڈ پر اکتوبر سے قبل صرف ایک بار لیکن اکتوبر سے اب تک 37 بار فائرنگ ہوئی۔

     یہ پڑھیں: بھارتی جارحیت کا منہ توڑ جواب دیا جائے گا، آرمی چیف راحیل شریف

    انہوں نے بتایا کہ نیویارک میں اقوام متحدہ کی جنرل اسمبلی کے اجلاس کے دوران وزیراعظم پاکستان نواز شریف نے مقبوضہ کشمیر کے معاملے پر زبردست خطاب کیا جس کے بعد سے ایل او سی اور ورکنگ بائونڈری پر فائرنگ کے واقعات میں تیزی آئی ہے ساتھ ہی کشمیر میں تحریک آزادی زوروں پر ہے جو کہ بھارت سے اب کنٹرول نہیں ہورہی۔

    اسی سے متعلق: پاکستان کسی بھی جارحیت کا بھرپور جواب دینے کی صلاحیت رکھتا ہے، وزیراعظم

    انہوں نے کہا کہ جب بھی کشمیر میں تحریک آزادی زور پکڑتی ہے تو سرحدوں پر بھارتی فائرنگ کا سلسلہ شروع ہوجاتا ہے، بھارت نے سرجیکل اسٹرائیکس کا ڈرامہ رچایا جس پر پوری دنیا نے یقین نہیں کیا اور سوالات کیے۔

    یہ بھی پڑھیں: دفترخارجہ کی بھمبرسیکٹر پر بھارتی اشتعال انگیزی کی شدید مذمت

    عاصم باجوہ نے کہا کہ بھارتی جارحیت کے نتیجے میں فائرنگ اور جوابی فائرنگ کے دوران مارے گئے بھارتی فوجیوں کی تعداد ہمارے شہید فوجیوں کی تعداد سے تین گنا زائد ہے لیکن بھارتی ہلاکتیں چھپاتا ہے اور ہم اپنے فوجیوں کی شہادتیں نہیں چھپاتے جب کہ بھارتی ہلاکتوں کی تعداد کم کرکے بتاتے ہیں۔

    انہوں نے بتایا کہ 13 برس کے بعد پہلی بار بھارتی فوجیوں نے جارحیت کے دوران آرٹلری بھی فائر کیا، جب بھی یہ فائرنگ کرتے ہیں تو شروعات گاؤں سے کرتے ہیں ۔

  • بھارتی جارحیت خطے کے امن کیلئے خطرہ ہے، سرتاج عزیز

    بھارتی جارحیت خطے کے امن کیلئے خطرہ ہے، سرتاج عزیز

    اسلام آباد : مشیر خارجہ سرتاج عزیز نے کہا ہے کہ پاکستان کی مسلح افواج بھارتی اشتعال انگیزی کا مؤثر جواب دے رہی ہے، سلامتی کونسل بھارت کو سیز فائر کی خلاف ورزیوں سے روکے, بھارتی اقدامات خطے میں امن کے لیے بڑاخطرہ ہیں۔

    یہ بات انہوں نے بھارتی فوج کی جانب سے کنٹرول لائن پر حالیہ بلا اشتعال فائرنگ اور اس کے نتیجے میں 7 پاکستانی فوجی جوانوں کی شہادت پر اپنے رد عمل میں کہی۔

    مشیر خارجہ سرتاج عزیز نے ایل او سی کی خلاف ورزی کی شدید الفاظ میں مذمت کرتے ہوئے کہا کہ بھارتی اقدامات خطے میں امن کے لیے بڑاخطرہ ہیں۔

    انہوں نے کہا کہ بھارت کی جانب سے اشتعال انگیزیاں اسٹریٹجک غلط فہمی ثابت ہوسکتی ہیں، مشیر خارجہ کا کہنا تھا کہ بھارتی فوج کی فائرنگ سے اس سال خواتین اوربچوں سمیت 26 شہری شہید اور 107 زخمی ہوئے ہیں۔

    علاوہ ازیں ترجمان دفترخارجہ نفیس زکریا نے بھارتی فائرنگ سے بھمبر سیکٹر میں سات جوانوں کی شہادت کی تصدیق کی۔

    مزید پڑھیں : ملکی سلامتی پاکستان کی خارجہ پالیسی کی اہم ترجیح ہے، سرتاج عزیز

    ان کا کہنا تھا کہ بھارت سرحدوں پر مسلسل بلااشتعال فائرنگ کرکے کشمیر سے توجہ ہٹانا چاہتا ہے، انہوں نے بتایا کہ اسلام آباد میں بھارتی ہائی کمشنر کو دفتر خارجہ طلب کرکے بلااشتعال فائرنگ اور سات جوانوں کی شہادت پر شدید احتجاج کیا گیا۔

  • بھارتی فوج کی نکیال سیکٹر پر فائرنگ، 4 شہری شہید، 6 زخمی

    بھارتی فوج کی نکیال سیکٹر پر فائرنگ، 4 شہری شہید، 6 زخمی

    راولپنڈی : بھارتی فوج نے لائن آف کنٹرول کے مختلف مقامات پربلا اشتعال فائرنگ کی جس میں 4 شہری شہید اور 6 افراد زخمی ہوگئے، جواب میں پاک فوج نے بھرپور جواب دیتے ہوئے بھارتی بندوقیں خاموش کرادیں، پاک فوج نے کئی بھارتی چیک پوسٹوں کو نشانہ بنایا۔

    تفصیلات کے مطابق بھارتی فوج اشتعال انگیزی سے باز نہ آئی، بھارتی فوج کی جانب سے لائن آف کنٹرول پر فائر بندی قانون کی خلاف ورزی کا سلسلہ جاری ہے، پاکستان کے احتجاج کے باوجود ایل او سی اور ورکنگ باؤنڈری کی مسلسل خلاف ورزی کا سلسلہ تاحال نہ رک سکا اور بھارتی فوج کی فائرنگ سے چار شہری شہید اور چھ افراد زخمی ہوگئے۔

    پاک فوج کے شعبہ تعلقات عامہ (آئی ایس پی آر) کی جانب سے جاری کردہ اعلامیہ کے مطابق بھارتی سیکیورٹی فورسز نے لائن آف کنٹرول کے مختلف مقامات پربلا اشتعال فائرنگ کی،کیل، نکیال، جندروٹ سیکٹرز میں فائرنگ کا پاک فوج نے دشمن کو بھرپور جواب دیا،پاک فوج نے کئی بھارتی چیک پوسٹوں کو نشانہ بنایا، پاک فوج کی جوابی کارروائی کے بعد دشمن کی بندوقیں خاموش ہوگئیں۔

    واضح رہے کہ پاکستانی فورسز کی بھرپور جوابی کارروائیوں سے بوکھلائی بھارتی بی ایس ایف نے اس بار دیوالی پر رینجرز کو مٹھائی بھی نہیں بھجوائی۔

    مقبوضہ کشمیر میں فریڈم فائٹر برہان وانی کی شہادت کے بعد پاکستان اور بھارت کے درمیا ن تنازعات بڑھ گئے ہیں اوربھارتی فوج لائن آف کنٹرول اور ورکنگ باؤنڈری کے مختلف سیکٹروں پر اکثر بلا اشتعال فائرنگ کرتی رہی ہے جس سے اب تک کئی پاکستانی شہری شہید اور متعدد زخمی ہو چکے ہیں۔

  • ایل او سی پر فائرنگ: پاک فوج کا بھرپور جواب،5 بھارتی فوجی ہلاک،4 چوکیاں تباہ

    ایل او سی پر فائرنگ: پاک فوج کا بھرپور جواب،5 بھارتی فوجی ہلاک،4 چوکیاں تباہ

    بھمبر: بھارت کی جانب سے بلااشتعال فائرنگ کا پاک فوج نے بھرپور جواب دیا ہے نتیجے میں بھارتی فوجیوں کی چار چیک پوسٹیں تباہ اور پانچ فوجی ہلاک ہوگئے۔

    بھارتی فوجیوں‌ کی جانب سے لائن آف کنٹرول کی خلاف ورزی کرتے ہوئے فائرنگ کے واقعات مسلسل جاری ہیں، فائرنگ بلااشتعال کی جاتی ہے جس میں معصوم افراد کی ہلاکتوں اور زخمی ہونے کا سلسلہ جاری ہے۔

    عسکری ذرائع کے مطابق آج بدھ کو ہونے والی بلااشتعال فائرنگ کا پاک فوج نے بھرپور جواب دیا، ایل او سی اور ورکنگ بائونڈری پر پاک فوج نے جوابی فائرنگ کی۔

    عسکری ذرائع کا کہنا ہے کہ پاک فوج نے بھارتی فوجیوں کی چیک پوسٹوں کو کامیابی سے نشانہ بنایا جس کے نتیجے میں بھمبر سیکٹر میں بھارتی فوج کی چار چیک پوسٹیں مکمل طور پر تباہ ہوگئیں اور پانچ بھارتی فوجی ہلاک ہوگئے۔

    یہ پڑھیں: بھارتی فوج کی بلا اشتعال فائرنگ، 2 شہری شہید، 9 زخمی

    قبل ازیں بھارتی فوج کی چپڑاڑ سیکٹر اور ایل اوی سی پر فائرنگ سے دو شہری شہید اور نو شہری زخمی ہوگئے۔
  • بھارتی ہائی کمشنر کی دفتر خارجہ طلبی، فائرنگ پر احتجاج

    بھارتی ہائی کمشنر کی دفتر خارجہ طلبی، فائرنگ پر احتجاج

    اسلام آباد: دفتر خارجہ نے بھارتی ہائی کمشنر کو طلب کرکے لائن آف کنٹرول پرفائرنگ اور فوجی جوانوں کی شہادت پر شدید احتجاج کرتے ہوئے سرجیکل اسٹرائیکس کے دعوے کو بھی مسترد کردیا۔

    تفصیلات کے مطابق لائن آف کنٹرول پر بھارتی فوج کی فائرنگ اور دو فوجی جوانوں کی شہادت پر سیکریٹری خارجہ اعراز چوہدری نے بھارتی ہائی کمشنر گوتم بمبا والا کو طلب کرکے احتجاجی مراسلے ان کے حوالے کیا۔

    مراسلے میں ایل او سی کی خلاف ورزی پر شدید احتجاج کیا گیا ساتھ ہی بھارتی فوج کی جانب سے پاکستان میں سرجیکل اسٹرائیکس کے دعوے کو یکسر مسترد کردیا گیا ہے۔

    سیکریٹری خارجہ اعزاز چوہدری نے کہا ہے کہ ہائی کمشنر سے ملاقات میں فوجی شہادتوں کی مذمت کی گئی اور مقبوضہ کشمیر کی صورتحال پربات کی گئی جب کہ سرجیکل اسٹرائیکس کو مسترد کیا گیا۔

    انہوں نے کہا کہ بھارت جان بوجھ کر سرحدی حدود کی خلاف وزری کررہا ہے تاکہ کشمیر کاز کو دبایا جاسکے، پاکستان اپنے ہمسائے سے تعلقات خراب کرنا نہیں چاہتا۔

  • بھارتی ہائی کمشنر کو طلب کرکے احتجاج کرنے کا فیصلہ

    بھارتی ہائی کمشنر کو طلب کرکے احتجاج کرنے کا فیصلہ

    اسلام آباد: لائن آف کنٹرول پر فائرنگ اور دو فوجی جوانوں کی شہادت کے واقعے پر بھارتی ہائی کمشنر کو دفتر خارجہ طلب کرکے باضابطہ احتجاج کا فیصلہ کرلیا گیا۔

    اے آر وائی نیوز کے بیورو چیف صابر شاکر کے مطابق امکان ہے کہ احتجاج آج ہی کیا جائے گا اور بھارت کو سخت پیغام دیا جائے گا کہ ایسے واقعات دوبارہ ہوئے تو اعلان جنگ تصور کرتے ہوئے بھرپور جواب دیا جائے گا۔

    دوسری جانب لائن آف کنٹرول پر بلا اشتعال فائرنگ کے بعد بھارتی ہندو انتہا پسند جماعت کے جنونی رہنماؤں نے پاکستانی ہائی کمشنر عبد الباسط کو تین بار دھمکی آمیز کالیں کی ہیں اور فوری طور پر بھارت چھوڑنے کی دھمکی دیتے ہوئے کہا ہے کہ اگر پاکستانی سفارتخانے نے بھارت نہیں چھوڑا تو خطرناک نتائج کا سامنا کرنا پڑے گا۔

    بھارت پاکستانی عملے کو تحفظ فراہم کرے، عبدالباسط

    یاد رہے بھارت کی جانب سے عالمی میڈیا میں یہ دعویٰ سامنے آیا تھا کہ پاکستانی چوکیوں پر سرجیکل اسٹرائیک کی گئی تھی تاہم پاک فوج کے تعلقات عامہ نے بھارتی دعوے کو مسترد کرتے ہوئے کہا تھا کہ ’’اگر بھارت کی جانب سے اس طرح کا حملہ کیا گیا تو بھرپور جواب دیا جائے گا اور مادرِ وطن کی حفاظت کے لیے کوئی کسر نہیں چھوڑی جائے گی‘‘۔

  • بھارتی فوج کی بلااشتعال فائرنگ، 2 فوجی اہلکار شہید، وزیراعظم کی شدید مذمت

    بھارتی فوج کی بلااشتعال فائرنگ، 2 فوجی اہلکار شہید، وزیراعظم کی شدید مذمت

    راولاکوٹ: بھارتی فوج نے ایک بار پھر ایل او سی اور ورکنگ باؤنڈری پر بلااشتعال فائرنگ اورگولہ باری شروع کر دی، جس کے نتیجے میں دو فوجی جوان شہید ہوگئے، پاک فوج کی جوابی کارروائی نے دشمن کو خاموش ہونے پر مجبور کردیا۔

    تفصیلات کے مطابق بھارتی جنگی جنون کم ہونے میں نہیں آرہا ہے ، ایل او سی پر بھارتی فوج نے ایک بار پھر روایتی ہٹ دھرمی کا مظاہرہ کرتے ہوئے بلااشتعال فائرنگ کا سلسلہ شروع کردیا۔

    آئی ایس پی آر کے مطابق بھارتی فوج نے بھمبھر، تتہ پانی، کیل، لیپہ سیکٹروں پر فائرنگ کی ، فائرنگ کا سلسلہ رات ڈھائی بجے شروع ہوا، جو صبح آٹھ بجے تک جاری رہی، بھارتی فائرنگ کے نتیجے میں دوجوان شہید ہوگئے۔

    بھارت کی فائرنگ کا پاک فوج نے بھرپور انداز میں جواب دیا، جسکے بعد دشمن کیجانب سے مکمل خاموشی چھاگئی۔

    راولاکوٹ میں بھی بھارتی فوج نے کنٹرول لائن کی خلاف ورزی کی، پونچھ بٹل سیکٹر میں بھارتی فوج کی بلااشتعال فائرنگ اور گولہ باری سے شہری آبادی کی املاک کو نقصان پہنچا۔

    گذشتہ روز وادی نیلم دودھیال سیکٹرمیں بھارتی فوج نےبلااشتعال فائرنگ کی، بھارت کی فائرنگ کا پاک فوج نے بھرپور انداز میں جواب دیا، جسکے بعد دشمن کیجانب سے مکمل خاموشی چھا گئی، فائرنگ سے کسی قسم کے جانی یا مالی نقصان کی اطلاع نہیں ملی۔

    بھارت کی فورسز کی فائرنگ سے سرحدی دیہاتوں کے مکینوں میں شدید خوف ہراس پیدا ہوگیا ہے۔

    واضح رہے کہ گزشتہ برس بھارت میں نریندر مودی کی انتہاء پسند حکومت آنے کے بعد سے بھارتی فورسز کی جانب سے سرحد پر بلااشتعال فائرنگ اورگولا باری کی گئی، جس کے نتیجے میں شہریوں سمیت کئی سیکیورٹی اہلکار شہید اور زخمی ہوئے۔

    بھارتی فوج کی بلااشتعال فائرنگ، وزیراعظم کی شدید مذمت

    وزیراعظم نے بھارتی فوج کی جانب سے بلااشتعال فائرنگ کی شدید مذمت کرتے ہوئے وزیراعظم نے دفاع وطن کیلئے جان دینے والے جوانوں کو شاندار خراج عقیدت پیش کیا۔

    وزیراعظم کا کہنا ہے کہ پرامن ہمسائیگی کے وژن کو ہماری کمزوری نہ سمجھی جائے، ہماری پرامن ہمسائیگی کی پالیسی کا غلط مطلب نہ نکالا جائے، خودمختاری کیخلاف کسی بھی کوشش کا بھرپور جواب دینا جانتے ہیں۔

  • بھارتی فوج کی بٹل سیکٹر پر بلا اشتعال فائرنگ، ایک شہری شدید زخمی

    بھارتی فوج کی بٹل سیکٹر پر بلا اشتعال فائرنگ، ایک شہری شدید زخمی

    سیالکوٹ : بھارت کی جانب سے لائن آف کنٹرول اور ورکنگ باؤنڈری پر اشتعال انگیزیوں کا سلسلہ مسلسل جاری ہے اور بٹل سیکٹر کے گاؤں عالم کا رہائشی غلام نبی بھارتی فوجیوں کی فائرنگ سے شدید زخمی ہوگیا۔

    تفصیلات کے مطابق بھارت کی جانب سے مسلسل تیسرے روز بھی لائن آف کنٹرول پر سیز فائر کی خلاف ورزیاں کی گئیں ، بھارتی فوج نے ایک بار پھر سیز فائر معاہدے خلاف ورزی کرتے ہوئے بٹل سیکٹر میں بلااشتعال فائرنگ کردی، جس سے ایک پاکستانی شہری زخمی ہوگیا۔

    عسکری ذرائع کے مطابق بٹل سیکٹر پر بھارتی فوجیوں کی بلا اشتعال فائرنگ کے نتیجے میں عالم گاؤں کا رہائشی غلام نبی شدید زخمی ہوگیا ، پاک فوج کی جوابی کارروائی سےدشمن کا توپخانہ خاموش ہوگیا۔

    یاد رہے کہ گزشتہ روز بھارتی فوج کی فائرنگ سے پاک فوج کا سپاہی شمس شہید ہوگیا۔

    واضح رہے کہ نوستمبر کو پاکستان رینجرز کے وفد نے بھارت کا دورہ کیا تھا، جس میں بھارتی وزیرِ داخلہ نے یقین دلایا تھا کہ ایل او سی اورورکنگ باؤنڈری پر فائرنگ اور گولہ باری نہ کرنے کا یقین دلایا تھا تاہم اگلے ہی روز بھارتی فورسزکی جانب سےایل اوسی کی خلاف ورزی کی گئی۔