Tag: LOC

  • ایل او سی کشیدگی، سرتاج عزیز کا بانکی مون سے ٹیلی فونک رابطہ

    ایل او سی کشیدگی، سرتاج عزیز کا بانکی مون سے ٹیلی فونک رابطہ

    اسلام آباد: پاکستان کے قومی سلامتی اور خارجہ امور کے مشیرسرتاج عزیزنے اقوامِ متحدہ کےسیکرٹری جنرل بان کی مون کو بھارت کی جانب سے لائن آف کنٹرول پر بلا اشتعال فائرنگ کے متعلق فون کیا اور ان کو فائرنگ سے ہو نے والے نقصانات کے بارے میں آگاہ کیا۔

    تفصیلات کے مطابق پاکستان کی قومی سلامتی اور خارجہ امور کے مشیر سرتاج عزیز نے اقوام متحدہ کے جنرل سیکرٹری بان کی مون سے ٹیلی فونک رابطہ کیا جس میں انھوں نے بان کی مون کو لائن آف کنٹرول اورورکنگ باؤنڈری کی صورتحال سے آگاہ کیا۔ سرتاج عزیزنے بان کی مون کو بھارت کی جانب سے ورکنگ باونڈری پر بلااشتعال فائرنگ اوراس سے ہونے والے نقصانات سے بھی آگاہ کیا۔

    سرتاج عزیزکا کہنا تھا کہ بھارت کو اشتعال انگیزاقدامات سے روکا جائے۔ پاکستان کسی بھی جارحیت کا بھرپورجواب دینے کی صلاحیت رکھتا ہے تاہم عالمی امن کو قائم رکھنے کے لئے عالمی برادری کو زور دینگے کے وہ بھارت کو روکے۔ انہوں نے کہا کہ پاکستان مسئلہ کشمیرسمیت تمام مسائل کا حل چاہتا ہے۔

    سیکرٹری جنرل بان کی مون نےلائن آف کنٹرول کی موجودہ صورتحال پرتشویش کا اظہارکرتے ہوئے کہا کہ دونوں ملکوں کو مسائل مذاکرات کے ذریعے حل کرنے چاہیے۔ مشیرِخارجہ نے اس سے پہلے گیارہ اکتوبرکو سیکرٹری جنرل کومعاملے پرخط بھی تحریرکیا تھا۔

  • بھارتی جارحیت پردفترخارجہ کی غیرملکی سفیروں کو بریفنگ

    بھارتی جارحیت پردفترخارجہ کی غیرملکی سفیروں کو بریفنگ

    اسلام آباد: پاکستانی دفترخارجہ کی جانب سے غیرملکی سفیروں کو بھارتی جارحیت، ایل اوسی اورورکنگ باؤنڈری کی صورتحال پربریفنگ دی گئی ۔اسلام آباد میں غیرملکی سفارت کاروں کو عسکری حکام ،سیکریٹری خارجہ اور وزیرِاعظم کے مشیر برائِے خارجہ امور طارق فاطمی نے بریفنگ دی۔

    عسکری حکام نے سفارت کاروں کو بتایا کہ فائرنگ کی بندش پربھارت نےمنفی ردعمل کامظاہرہ کیا ہے دفتر خارجہ نے سفارت کاروں سےدرخواست کی کہ وہ اپنے اپنے ملکوں کو بھارتی جارحیت پر پاکستان کےمؤقف اور تشویش سے آگاہ کریں اور بھارت پرمذاکرات کےلئےسفارتی دباؤڈالاجائے۔

    دفترخارجہ کا کہنا تھا کہ پاکستان مسئلہ کشمیرسمیت تمام مسائل کاحل مذاکرات کے ذریعے چاہتا ہے۔

  • پاکستان اور بھارت کے عسکری حکام کے درمیان ہاٹ لائن پررابطہ

    پاکستان اور بھارت کے عسکری حکام کے درمیان ہاٹ لائن پررابطہ

    راولپنڈی :پاکستان اور بھارت کے عسکری حکام کے درمیان ہاٹ لائن پر رابطے میں دونوں ممالک کے ڈائریکٹرملٹری آپریشنز نے سیز فائر پر بات چیت کی، پاکستان کے ڈائریکٹرملٹری آپریشن نے سرحدی حدود کی خلاف ورزی پر شدید تحفظات سے آگاہ کیا۔

    عسکری حکام کے مطابق پاکستان اور بھارت کی بری فوج کے ملٹری آپریشنز ونگ کے ڈائریکٹرز کے درمیان ہاٹ لائن پر رابطہ کیا گیا، یہ معمول کا ہفتہ وار رابطہ تھا، جس میں لائن آف کنٹرول اور ورکنگ باﺅنڈری کی صورتحال پر تبادلہ خیال ہوا۔

    حکام کے مطابق پاک فوج کے ڈائریکٹر ملٹری آپریشنز نے بھارت کی لائن آف کنٹرول اور ورکنگ باﺅنڈری پر مسلسل اشتعال انگیزی اور فائرنگ سے سول آبادی کی جان و مال کو پہنچنے والے نقصانات پر شدید تشویش کا اظہار کیا۔

    گزشتہ دوہفتے سے بھارت کی ورکنگ باؤنڈری اور لائن آٖ کنٹرول پر فائرنگ اور گولہ باری سے خواتین اور بچوں سمیت ایک درجن سے زیادہ پاکستانی شہید اور پچاس کے قریب افراد زخمی ہوچکے ہیں۔

    بھارتی جارحیت میں کئی مکانات تباہ اور سیکڑوں مویشی بھی ہلاک ہوئے۔

  • بھارتی فورسزکی ورکنگ باؤنڈری پرفائرنگ،گولہ باری جاری

    بھارتی فورسزکی ورکنگ باؤنڈری پرفائرنگ،گولہ باری جاری

    سیالکوٹ: بھارتی فوج کی سیالکوٹ ورکنگ باؤنڈری پربلااشتعال فائرنگ اور گولہ باری کا سلسلہ نہ رک سکا،چناب رینجرز نے بھی بھرپور کارروائی کرتے ہوئے بھارت کو منہ توڑ جواب دیا۔

    بھارتی افواج بازنہیں آئی ۔سیالکوٹ کے چارواہ اور ہڑپال سیکٹر پر بھارتی فورسز کی بلااشتعال فائرنگ اور گولہ باری بدستور جاری ہے ،بھارتی فورسز کی رات سے جاری فائرنگ کا چناب رینجرز نے کرارا جواب دیا اوربھرپورکارروائی کی ۔

    چناب رینجرز کے بھارت کو منہ توڑ جواب میں بھارتی توپوں کو خاموش کردیا۔ ورکنگ باؤنڈری لائن پربھارتی فورسز کی فائرنگ اور گولہ باری سے چناب رینجرز کی چیک پوسٹوں کو نشانہ بنانے کی کوشش کی گئی۔

    رہائشی سرحدی علاقوں سمیت مقامی آبادی پر بھی مارٹر گولے برسائے گئے،جس سے لوگوں میں خوف و ہراس پھیل گیا۔بھارتی جارحیت سے اب تک درجنوں افراد شہید ہوچکے ہیں۔

  • بھارتی فوج کی جارحیت کا منہ توڑ جواب دیا جائیگا،آئی ایس پی آر

    بھارتی فوج کی جارحیت کا منہ توڑ جواب دیا جائیگا،آئی ایس پی آر

    راولپنڈی: بھارت کی جانب سے یکم اکتوبر کے بعد سےکنٹرول لائن پرجنگ بندی کی خلاف ورزی کا جو سلسلہ شروع ہوا تھا اُس میں اضافہ ہوتا جارہا ہے۔

    پاک فوج کے شعبہ تعلقات عامہ کی جانب سے جاری کئے جانے والے بیان میں بھارت کو ایک بار پھر سخت الفاظ میں متنبہ کیا گیا ہے کہ کنٹرول لائن اور ورکنگ باؤنڈری پر اشتعال انگیزی برداشت نہیں کی جائے گی اور اس کا منہ توڑ جواب دیا جائے گا۔

    بھارتی فوج کی جانب سے جنگ بندی کی تازہ خلاف ورزی راولاکوٹ میں کی گئی ہے ،فائرنگ سے موری گاؤں کا ایک رہائشی سترسالہ ولی محمد زخمی ہوگیا۔ راولا کوٹ میں بھارتی فوج کی بلااشتعال فائرنگ کا فوری اورموثرجواب دیا گیا۔

  • میرپور:شہریوں کابھارتی فوج کی بربریت کیخلاف یوم سیاہ

    میرپور:شہریوں کابھارتی فوج کی بربریت کیخلاف یوم سیاہ

    میرپور: ورکنگ باؤنڈری اورلائن آف کنٹرول پربھارتی فوج کی بربریت کے خلاف میرپورآزاد کشمیر میں یوم سیاہ منایا جا رہا ہے،گزشتہ کئی روز سے لائن آف کنٹرول اور ورکنگ باؤنڈری پر بھارتی فوج کی بلا اشتعال گولہ باری اور سیز فائرکی خلاف ورزی سے ہونے والے جانی نقصانات کے خلاف وزیراعظم آزاد کشمیرکی کال پر شہری یوم سیا ہ منارہے ہیں۔

    ا س موقع پرمیرپور آزاد کشمیر اور کوٹلی میں احتجاجی ریلیاں نکالی گئیں جس میں مختلف سیاسی جماعتوں، انجمن تاجران، سرکاری ملازمین، سول سوسائٹی اور طلباء سمیت تمام مکاتب فکر سے تعلق رکھنے والے افراد نےشرکت کی اوربھارتی جارحیت کےخلاف شدید نعرےبازی کی۔

    احتجاج میں شریک افراد نےاقوام متحدہ سےمطالبہ کیا کہ بھارتی اشتعال انگیزی کا فوری نوٹس لیا جائے۔

  • بھارتی جارحیت، پیپلز پارٹی کی قومی اسمبلی میں تحریک التواء جمع

    بھارتی جارحیت، پیپلز پارٹی کی قومی اسمبلی میں تحریک التواء جمع

    اسلام آباد: ورکنگ لائن آف کنٹرول پر بھارتی جارحیت کیخلاف قومی اسمبلی میں پیپلز پارٹی نے تحریک التواء جمع کرادی ہیں ۔

    پیپلز پارٹی کے اراکین نے لائن آف کنٹرول پر بھارتی جارحیت کے خلاف قومی اسمبلی میں تحریک التواء جمع کرادی، تحریک التواء کے مطابق بھارتی جارحیت قابلِ مذمت اور نا قابلِ برداشت ہے۔

    اراکین نے مطالبہ کیا کہ قومی اسمبلی کی کاروائی روک کر بھارتی جارحیت پر بحث کی جائے، پیپلز پارٹی کے اراکین کی جانب سے جمع کرائی گئی تحر یک التوا میں کہا گیا ہے کہ بھارتی اشتعال انگیز سے بے گناہ جانوں کا نقصان ہوا ہے، حکومت معاملے کو فوری طور پر عالمی سطح پر اٹھائے ۔

  • بھارتی جارحیت کسی بڑی لڑائی کا پیش خیمہ بن سکتی ہے،عسکری ذرائع

    بھارتی جارحیت کسی بڑی لڑائی کا پیش خیمہ بن سکتی ہے،عسکری ذرائع

    اسلام آباد: عسکری ذرائع نے خدشہ ظاہر کیاہےایل اوسی اور ورکنگ باؤنڈری پر جاری جھڑپیں کسی بڑی لڑائی کا پیش خیمہ بن سکتی ہے،دشمن کو بھرپور جواب دیاجا ئے گا۔

    مودی کے برسراقتدار آتے ہی بھارت کی جانب سے کشمیر پر طےشدہ مذاکرات سے انکاراورلائن آف کنٹرول اور ورکنگ باؤنڈری پر بلااشتعال جارحیت پاکستان کو دباؤ میں لینے کی کوشش ہے۔

    عسکری ذرائع کا کہنا ہے کہ بھارت امریکہ کا حلیف ہے یہی وجہ ہے کہ افغان جنگ کے دوران بھارت نے ایل اوسی اور ورکنگ باؤنڈری پر جارحیت سے گریزکیا۔

    شمالی وزیرستان آپریشن اورافغانستان سے امریکی واپسی کے دوران سرحدی کشیدگی کا مقصد بھارت کا افغانستان میں اپنا کردار مزید بڑھانا ہے۔ لیکن بھارت نواز کرزئی حکومت کے برعکس اب اسے رکاوٹوں کا سامنا ہے۔

    اسی لئے وہ جھنجھلاہٹ کاشکار ہے ۔بھارتی ہٹ دھرمی نے خوشگوار مراسم اور کاروبار بڑھانے کی خواہش مند نوازشریف حکومت کو بھی اپنے مؤقف پرنظرثانی پرمجبورکردیاہے۔

  • بھارتی بلااشتعال فائرنگ سےدس افرادشہید،درجنوں زخمی

    بھارتی بلااشتعال فائرنگ سےدس افرادشہید،درجنوں زخمی

    سیالکوٹ :عید پر بھی بھارتی فوج کی ایل اوسی اور ورکنگ باؤنڈری سے متصل آبادیوں پر فائرنگ اور گولہ باری کا سلسلہ جاری ہے، بھارتی جارحیت سےاب تک شہید افراد کی تعداد دس ہوگئی۔

    بھارتی فورسز نے سیالکوٹ کے چارواہ اور ہڑپال سمیت سرحدی علاقوں میں شہریوں پر گولے برسائے، جس کے نتیجےمیں کئی شہری جان سے گئےاور متعدد زخمی ہوئے۔

    پاکستان نے بھارت کی جانب سے جنگ بندی کی خلاف ورزی پرشدید تشویش کا اظہار کرتے ہوئے اقوام متحدہ کے فوجی مبصر کے سامنےاحتجاج کیا، مشیرخارجہ سرتاج عزیز کا کہنا تھا کہ بھارت سات روز سے ایل اوسی اور سرحد سے متصل آبادیوں پر فائرنگ کررہا ہے۔

    ایل او سی پر تعینات سیکٹرکمانڈر نے کہا کہ کوئی بھی خوشی کا تہوار ہو بھارت جارحیت سے باز نہیں آتا، بھارت نے رواں برس سیز فائر کی اکتیس مرتبہ خلاف ورزی کی اور کئی آبادیوں کونشانہ بنایا۔

    اقوام متحدہ میں پاکستان کےمستقل مندوب مسعود خان نے مطالبہ کیا کہ بھارت کوبلااشتعال فائرنگ سے روکا جائے، انہوں نے یہ بھی بتایا کہ پاکستان فائرنگ سے متاثرہ افراد کی اقوام متحدہ کے مبصرین سے ملاقات بھی کرائے گا۔

  • بھارت کی ورکنگ باؤنڈری پرفائرنگ، چارافراد شہید تین زخمی

    بھارت کی ورکنگ باؤنڈری پرفائرنگ، چارافراد شہید تین زخمی

    سیالکوٹ: بھارتی فوج کی ورکنگ باؤنڈری پربلا اشتعال فائرنگ کے نتیجے میں خاتون اوردو بچوں سمیت چارافراد شہیداورتین زخمی ہوگئےہیں اوربھارت کی جانب سے وقفےوقفے سے فائرنگ کا سلسلہ جاری ہے۔

    جنگی جنون میں مبتلا بھارتی فوج نے ایک بارپھرلائن آف کنٹرول پرجنگ بندی کے معاہدے کی خلاف ورزی کرتے ہوئے سیالکوٹ ورکنگ باؤنڈری پربلا اشتعال فائرنگ اورگولہ باری کی۔

    آئی ایس پی آرکے مطابق بھارت کی نارائن پوسٹ سے پاکستانی اعوان پوسٹ کو نشانہ بنایا گیا، بھارتی فوج کی جانب سے مارٹرگولوں سمیت بھاری ہتھیاروں کا استعمال کیا گیا۔

    بھارتی فورسز کی جانب سے نکھال، کیریلا، کہٹ کنٹیرہ، حاٹ سپریگز، اند جندروت کے مقام پربھی فائرنگ کی گئی۔