ARYNews.tv | Urdu – Har Lamha Bakhabar

Tag: LOC

  • پاک فوج ایل او سی پر بے گناہ شہریوں کا تحفظ یقینی بنائے گی، آرمی چیف

    پاک فوج ایل او سی پر بے گناہ شہریوں کا تحفظ یقینی بنائے گی، آرمی چیف

    راولپنڈی: آرمی چیف جنرل قمر جاوید باجوہ کا کہنا ہے کہ پاک فوج ایل او سی پر بے گناہ شہریوں کا تحفظ یقینی بنائے گی۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے لائن آف کنٹرول کا دورہ کیا، آرمی چیف کو ایل او سی کی صورتحال اور بھارتی اشتعال انگیزیوں پر بریفنگ دی گئی، اس موقع پر کور کمانڈر راولپنڈی لیفٹیننٹ جنرل اظہر عباس بھی آرمی چیف کے ہمراہ تھے۔

    آرمی چیف نے پاک فوج کے جوانوں کے بلند حوصلے اور تیاریوں کو سراہا، انہوں نے جوانوں اور افسران کی بہادری اور پیشہ ورانہ مہارت کی تعریف کی۔

    پاک فوج کے سربراہ نے کہا کہ بھارتی اشتعال انگیزیاں خطے کے امن و استحکام کے لیے خطرہ ہیں، قابض بھارتی فوج کا کشمیریوں پر ظلم قبول نہیں، آزاد کشمیر کی شہری آبادی کو جان بوجھ کر نشانہ بنانا برداشت نہیں کرسکتے۔

    آرمی چیف نے کہا کہ پاک فوج ایل او سی پر بے گناہ شہریوں کا تحفظ یقینی بنائے گی، ہر قیمت پر مادر وطن کا دفاع یقینی بنائیں گے۔

    آرمی چیف نے کرونا وبا سے متعلق فارمیشن کی احتیاطی تدابیر کی بھی تعریف کی، جنرل قمر جاوید باجوہ نے کہا کہ پاک فوج کرونا وبا پر قابو پانے کے لیے قومی کوششوں کو سپورٹ کرتی رہے گی۔

    واضح رہے کہ دو روز قبل بھارتی فوج نے جندروٹ، کھوئی رٹہ سیکٹر پر بلااشتعال فائرنگ کی تھی جس کے نتیجے میں 36 سالہ یاسمین بی بی شہید اور 8 سالہ بچی عطیہ ظہیر زخمی ہوگئی تھی۔

    ڈی جی آئی ایس پی آر کا کہنا تھا کہ مودی کو اقتدار ملنے سے ہندو توا، سیفران دہشتگردی بھارت میں انتہا پر پہنچ گئی ہے، مودی نے آر ایس ایس کے انتہا پسند نظریے، تشدد کی پالیسی کو سرحد پار تک پھیلا دیا۔

  • ایل او سی پر بھارتی فوج کی مسلسل سیزفائر کی خلاف ورزی، سفارتکار دفترخارجہ طلب

    ایل او سی پر بھارتی فوج کی مسلسل سیزفائر کی خلاف ورزی، سفارتکار دفترخارجہ طلب

    اسلام آباد: لائن آف کنٹرول(ایل او سی) پر سیز فائر کی مسلسل خلاف ورزی پر پاکستان نے سینئربھارتی سفارت کار کو دفترخارجہ طلب کرکے شدید احتجاج ریکارڈ کرایا۔

    ترجمان دفترخارجہ عائشہ فاروق کا کہنا ہے کہ سینئربھارتی سفارت کار کی طلبی کے بعد پاکستان نے سیز فائر کی خلاف ورزی پر شدید احتجاج کیا۔ گزشتہ روز ایل اوسی پر بھاری فائرنگ سے پاکستانی شہری زخمی ہوئے تھے۔

    ایل او سی پر بلااشتعال فائرنگ، بھارتی ناظم الامور کی دفتر خارجہ طلبی

    دفترخارجہ کے مطابق بھارتی فورسز مسلسل سول آبادی کو نشانہ بنارہی ہے، اس سال 913 بارسیز فائر کی خلاف وزری کی گئی، بھارت کا سول آبادی کو نشانہ بنانا قابل مذمت ہے۔

    گزشتہ روز بھارتی فوج کی راکھ چھیکری سیکٹر پر بلااشتعال فائرنگ کے نتیجے میں 2 خواتین شدید زخمی ہوگئی تھیں، جنہیں مقامی اسپتال میں طبی امداد فراہم کی جارہی ہے۔

    خیال رہے کہ 27 اپریل کو پاکستان نے بھارتی فوج کی جانب سے ایل او سی پر شہری آبادی کو نشانہ بنانے پر بھارتی ناظم الامور کو دفتر خارجہ طلب کیا تھا۔

  • ایل او سی پر اشتعال انگیزی، پاکستان کا بھارت کے خلاف شدید احتجاج

    ایل او سی پر اشتعال انگیزی، پاکستان کا بھارت کے خلاف شدید احتجاج

    اسلام آباد: لائن آف کنٹرول پر بھارتی فوج کی جانب سے ایک بار سیزفائر کی خلاف ورزی کی گئی، بلااشتعال فائرنگ کے نتیجے میں 47 سالہ شہری عالم دین شدید زخی ہوگیا۔

    تفصیلات کے مطابق ایل او سی معاہدے کی خلاف ورزی پر پاکستان نے بھارتی سینئرسفارتکار کو دفترخارجہ طلب کیا۔ پاکستان نے کنٹرول لائن پر بھارت کی بلااشتعال فائرنگ پر شدید احتجاج کیا۔

    ترجمان دفترخارجہ کا کہنا ہے کہ بھارتی فائرنگ سے 47سالہ شہری عالم دین شدید زخمی ہوا، بھارت ایل اوسی پر بھاری ہتھیاروں سے شہری آبادی کو نشانہ بنا رہا ہے، اس سال بھارت نے 765دفعہ سیزفائر کی خلاف ورزی کی۔

    ’شہری آبادی کو نشانہ بنانا قابل مذمت ہے، 2003 کے سیز فائر معاہدے کی خلاف ورزی ہے‘۔

    ایل او سی پر بلااشتعال فائرنگ: بھارتی ناظم الامور کی دفترخارجہ طلبی

    خیال رہے کہ گزشتہ روز بھی بھارتی فوج کی بلا اشتعال فائرنگ کے نتیجے میں 2 سالہ بچہ شہید اور خاتون سمیت 4 افراد زخمی ہوگئے تھے۔ بعد ازاں ساؤتھ ایشیا اور سارک کے ڈائریکٹر جنرل زاہد حفیظ چوہدری نے بھارتی ناظم الامور گورو اہلو والیا کو طلب کر کے شید احتجاج کیا تھا۔

    ڈائریکٹر جنرل سارک اور جنوبی ایشیا نے معصوم شہریوں پر بھارتی فوج کی جانب سے فائرنگ کی مذمت کرتے ہوئے کہا تھا کہ بھارت 2003 کی جنگ بندی مفاہمت کا احترام کرے، بھارت کی طرف سے جنگ بندی کی خلاف ورزی علاقائی امن وسلامتی کے لیے خطرہ ہے۔

  • بھارتی اشتعال انگیزی، پاکستان کا عالمی اداروں سے نوٹس لینے کا مطالبہ

    بھارتی اشتعال انگیزی، پاکستان کا عالمی اداروں سے نوٹس لینے کا مطالبہ

    اسلام آباد: بھارتی فوج کی جانب سے لائن آف کنٹرول پر مسلسل سیز فائر کی خلاف ورزی پر پاکستان نے عالمی اداروں سے ایک بار پھر نوٹس لینے کا مطالبہ کردیا۔

    تفصیلات کے مطابق وزیرخارجہ شاہ محمود قریشی نے کہا ہے کہ دنیا کو بھارت کے جارحانہ رویے کا نوٹس لینا چاہیے، بھارت کے رویے میں ذرہ برابر تبدیلی دیکھنے میں نہیں آرہی۔

    ان کا کہنا ہے کہ ایل اوسی پر خلاف ورزیوں میں اضافہ ہورہا ہے، بھارت کی جانب سے ایل اوسی پر بلااشتعال فائرنگ کی جاتی ہے، ایل او سی پر جارحانہ خلاف ورزیوں کا سلسلہ بدستور جاری ہے۔

    بھارتی فوج کی ایل اوسی پرجارحیت، 24 گھنٹے کے دوران 2 لڑکیوں سمیت 6شہری زخمی

    شاہ محمودقریشی کا مزید کہنا تھا کہ بھارت مقبوضہ کشمیر میں انسانی حقوق کی خلاف ورزیوں جاری رکھا ہوا ہے۔ بھارت مقبوضہ کشمیر میں آبادیاتی تناسب کی تبدیلی میں مصروف ہے۔

    خیال رہے کہ بھارتی فوج نے ایل او سی کی ایک بار پھر خلاف ورزی کرتے ہوئے نکیال سیکٹرپربلااشتعال فائرنگ کی، فائرنگ کے نتیجے میں مزید 2 شہری زخمی ہوگئے، گزشتہ 24گھنٹے کے دوران بھارتی فوج کی فائرنگ سے 2لڑکیوں سمیت 6شہری زخمی ہوچکے ہیں۔

  • بھارتی فوج کی ایل اوسی پرجارحیت، 24 گھنٹے کے دوران 2 لڑکیوں سمیت 6شہری زخمی

    بھارتی فوج کی ایل اوسی پرجارحیت، 24 گھنٹے کے دوران 2 لڑکیوں سمیت 6شہری زخمی

    راولپنڈی :بھارتی فوج نے ایل او سی کی ایک بار پھر خلاف ورزی کرتے ہوئے نکیال سیکٹرپربلااشتعال فائرنگ کی ، فائرنگ کے نتیجے میں مزید 2 شہری زخمی ہوگئے، گزشتہ 24گھنٹےکے دوران بھارتی فوج کی فائرنگ سے2لڑکیوں سمیت 6شہری زخمی ہوچکےہیں۔

    تفصیلات کے مطابق بھارتی فوج کی مسلسل سیزفائرمعاہدےکی خلاف ورزیاں جاری ہے، پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر کہا بھارتی فوج کی جانب سے نکیال سیکٹرپر بلااشتعال فائرنگ کی گئی ،جس کے نتیجے میں موہڑہ ولیج میں2شہری زخمی ہوئے ، زخمیوں میں18سال کی لڑکی بھی شامل ہیں۔

    ڈی جی آئی ایس پی آر کا کہنا تھا کہ بھارت جان بوجھ کرشہری آبادی کونشانہ بنارہاہے، پاک فوج بھارتی اشتعال انگیزی کامنہ توڑجواب دیتے ہوئے پاکستانی علاقےمیں فائرنگ کرنے والے بھارتی مورچوں کونشانہ بنارہی ہے، گزشتہ 24گھنٹے کےدوران بھارتی فوج کی جانب سے فائرنگ سے 2لڑکیوں سمیت 6 شہری  زخمی ہوچکے ہیں۔

    اس سے قبل بھارتی فورسزنےشاردا،شاہ کوٹ اورڈھڈنیال سیکٹرز پر بھاری گولا باری کی اور جان بوجھ کرایل اوسی پرشہری آبادی کونشانہ بنایا، بھارتی اشتعال انگیزی سے چھری اوربسن والی گاؤں کی پندرہ سالہ بچی سمیت چار شہری زخمی ہوئے تھے۔

    ڈی جی آئی ایس پی آرکےمطابق رواں سال بھارتی فوج ایل اوسی پر708 باراشتعال انگیزیاں کرچکی ہے، بھارتی اشتعال انگیزیوں سے 2 شہری شہید اور 42 زخمی ہوئے۔

    یاد رہے گزشتہ روز یو این سیکریٹری جنرل نے بھارتی خلاف ورزیوں کا ٹوئٹ میں حوالہ دیا تھا اور بھارتی شہریوں کوجان بوجھ کرنشانہ بنانےپربات کی تھی۔

    واضح رہے ایل او سی پر بچوں، خواتین، طلبا کو نشانہ بنانا بھارت کا وتیرہ ہے، بھارت عالمی کنونشن کی خلاف ورزی کرتےہوئے کلسٹرز بم کا استعمال کر رہا ہے، جبکہ  مودی  کے برسر اقتدار آنے کے بعد 5سال میں سیزفائر خلاف ورزیوں میں اضافہ ہواہے۔

    گزشتہ5سال میں ایل اوسی پر سیزفائر کی خلاف ورزیوں میں مسلسل اضافہ ہوا، 2016 میں بھارت نے382بار ، 2017 میں بھارت نے1881بار، 2018 میں بھارت نے3038بار اور 2019 میں بھارت نے3351 بارجنگ بندی کی خلاف ورزیاں کیں۔

  • بھارتی فوج کی ایل او سی پر اشتعال انگیزی ، 15سالہ بچی سمیت 4شہری زخمی

    بھارتی فوج کی ایل او سی پر اشتعال انگیزی ، 15سالہ بچی سمیت 4شہری زخمی

    راولپنڈی : بھارتی فوج نے ایل او سی کی ایک بار پھر خلاف ورزی کرتے ہوئے مختلف سیکٹرزپربھاری گولہ باری کی ، جس کے نتیجے میں 15سالہ بچی سمیت4شہری زخمی ہوگئے۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر کہا کہ بھارتی فوج نے گزشتہ24گھنٹے میں سیزفائر معاہدے کی متعدد بار خلاف ورزی کیں، بھارتی فورسزنےشاردا،شاہ کوٹ اورڈھڈنیال سیکٹرزپربھاری گولہ باری کی اور جان بوجھ کرایل او سی پرشہری آبادی کونشانہ بنایا۔

    ڈی جی آئی ایس پی آر کا کہنا تھا کہ بھارتی اشتعال انگیزی سے چھری اوربسن والی گاؤں کی15سالہ بچی سمیت4شہری زخمی ہوئے ، پاک فوج کی جانب سے بھارتی اشتعال انگیزی کامنہ توڑجواب دیا گیا اور بھارتی چوکیوں کوموثراندارمیں نشانہ بنایا۔

    پاک فوج کے ترجمان نے مزید کہا کہ امسال بھارتی فوج ایل اوسی پر708 بار اشتعال انگیزیاں کرچکی ہے، بھارتی اشتعال انگیزیوں کے نتیجے میں 2شہری شہیداور40 زخمی ہوئے۔

    گذشتہ روز پاک فوج نے ایل او سی پر ایک بھارتی ڈرون کو مار گرایا تھا، آئی ایس پی آر کا کہنا تھا کہ بھارتی کواڈ کاپٹر پاکستانی علاقے کی نگرانی کے لیے بھیجا گیا تھا، جسے پاک فوج نے مار گرا دیا ہے۔ پاک فوج کے ادارے نے کہا کہ یہ بھارتی اقدام 2003 کے جنگ بندی معاہدے کی کھلی خلاف ورزی ہے۔

    مزید پڑھیں : ایل او سی پر فضائی حدود کی خلاف ورزی، پاک فوج نے بھارتی ڈرون مار گرایا

    اس سے قبل مارچ میں بھارتی فوج نےایل او سی کی ایک بار پھر خلاف ورزی کرتے ہوئے شاہ کوٹ سیکٹر پر بلااشتعال فائرنگ کی تھی، جس کے نتیجے میں 20سالہ سپاہی واجدعلی شہید ہوگیا تھا۔

  • بھارتی فوج کی ایل او سی پر بلااشتعال فائرنگ ، سپاہی واجدعلی شہید

    بھارتی فوج کی ایل او سی پر بلااشتعال فائرنگ ، سپاہی واجدعلی شہید

    راولپنڈی : بھارتی فوج نےایل او سی کی ایک بار پھر خلاف ورزی کرتے ہوئے شاہ کوٹ سیکٹر پر بلااشتعال فائرنگ کی ، جس کے نتیجے میں 20سالہ سپاہی واجدعلی شہید ہوگیا۔

    تفصیلات کے مطابق بھارتی فوج کی لائن کنٹرول پر سیز فائر کی خلاف ورزیوں اور بلااشتعال فائرنگ کا سلسلہ بدستور جاری ہے ، پاک فوج کے شعبہ تعلقات عامہ آئی ایس پی آر کا کہنا ہے کہ بھارتی فوج کی جانب سے ایل اوسی کے شاہ کوٹ سیکٹر پر بلااشتعال فائرنگ کی گئی، اس دوران بھاری ہتھیاروں کااستعمال کیا گیا۔

    آئی ایس پی آر نے کہا بھارتی فوج کی فائرنگ سے 20سالہ سپاہی واجدعلی شہید ہوگیا، ضلع دادو کے واجد علی نے بھارتی اشتعال انگیزی کا مردانہ وارجواب دیا۔

    آئی ایس پی آر کے مطابق پاک فوج کی جانب سے بھر پور جوابی کارروائی کی گئی ،جوابی کارروائی سے بھارتی فوج کو بھاری جانی نقصان کی اطلاعات ہیں۔

    مزید پڑھیں : بھارتی فورسز کی ایل او سی پر اشتعال انگیزی، جوابی کارروائی میں بھارتی فوجی ہلاک

    یاد رہے گذشتہ ماہ بھارتی فوج نے جندروٹ، نکیال سیکٹر پر بلااشتعال فائرنگ کی تھی ، بھارتی فوج کی فائرنگ سے 2 خواتین، 2 بچوں سمیت 10 شہری زخمی ہوئے تھے ۔

    پاک فوج کی بھرپور جوابی کارروائی کے نتیجے میں ایک بھارتی فوجی ہلاک اور بھارتی فوج کے میجر سمیت 3 اہلکار زخمی بھی ہوئے تھے۔

    اس سے قبل 4 فروری کو بھارتی فورسز نے لیپا ویلی میں ایل او سی پر شہری آبادی کو مارٹر گولوں سے نشانہ بنایا تھا،  جس کے نتیجے میں 2 خواتین اور بچے سمیت 4 شہری زخمی ہوگئے تھے۔

    ترجمان دفتر خارجہ کی جانب سے بھارتی سینئر سفارت کار کو دفتر خارجہ طلب کرکے سیز فائر کی خلاف ورزی پر احتجاج ریکارڈ کرایا گیا تھا۔

  • ہم ایل او سی پر تمہارا انتظار کررہے ہیں، وزیراعظم کشمیر کی بھارتی فوج کو للکار

    ہم ایل او سی پر تمہارا انتظار کررہے ہیں، وزیراعظم کشمیر کی بھارتی فوج کو للکار

    اسلام آباد : وزیراعظم آزاد کشمیر راجہ فاروق حیدر نے بھارتی آف چیف کو للکارتے ہوئے کہا ہے کہ جنرل منوج ہم لائن آف کنٹرول پر تمہارا انتظار کررہے ہیں، ہمت ہے تو آگے آکر دکھاؤ۔

    یہ بات انہوں نے بھارتی آرمی چیف کی جانب سے آزاد کشمیر لینے کے بیان پر اپنے ردعمل میں کہی، انہوں نے کہا کہ بھارتی فوج آزاد کشمیر کی جانب ایک انچ بھی آگے بڑھی تو ہم اپنی فوج کے شانہ بشانہ لڑیں گے۔

    اپنے ایک بیان میں انہوں نے کہا کہ اگر غلطی سے ایسی کوشش بھی کی تو پھر لڑائی ایل اوسی کی دوسری جانب لڑی جائے گی۔

    وزیراعظم آزاد کشمیر نے کہا کہ جنرل منوج ہم لائن آف کنٹرول پر تمہارا انتظار کررہے ہیں، تم پاک سرزمین کی جانب بڑھ کرتو دیکھو۔

    ہندوستانی فوج کے پاس اتنے تابوت نہیں ہوں گے جتنے تم اپنے فوجیوں کے جنازے اٹھاؤ گے، پتھروں سے ڈرنے والی بھارتی فوج میں اتنی ہمت نہیں کہ آزاد کشمیر کی طرف میلی آنکھ سے بھی دیکھے۔

    مزید پڑھیں : بھارتی آرمی چیف کے بیانات فالس فیلگ آپریشن کی طرف اشارہ کرتے ہیں، ترجمان دفتر خارجہ

    علاوہ ازیں اس سے قبل پاکستان نے بھارتی آرمی چیف کے غیر ذمہ دارانہ بیان کو مسترد کرتے ہوئے کہا ہے کہ بھارتی بیانات فالس فیلگ آپریشن کی طرف اشارہ کرتے ہیں۔

    ترجمان دفتر خارجہ نے بھارتی آرمی چیف کے بیان پر ردعمل دیتے ہوئے کہا ہے کہ لائن آف کنٹرول پر حالات خراب کرنے کے حوالے سے بھارتی فوجی قیادت کے بیانات قابلِ مذمت ہیں۔

    ترجمان نے واضح کیا ہے کہ پاکستان کے عزم اور تیاری کے بارے میں کوئی شک نہیں ہونا چاہیئے، بھارت کے کسی بھی جارحانہ اقدام پر سخت جواب دیا جائے گا۔

  • گزشتہ برس بھارت نے ایل او سی کی 3 ہزار سے زائد بار خلاف ورزی کی: وزارت خارجہ

    گزشتہ برس بھارت نے ایل او سی کی 3 ہزار سے زائد بار خلاف ورزی کی: وزارت خارجہ

    اسلام آباد: وزارت خارجہ حکام نے سینیٹ کی قائمہ کمیٹی برائے امور کشمیر و گلگت بلتستان کے اجلاس میں اپنی بریفنگ میں بتایا کہ سنہ 2019 میں بھارت نے جنگ بندی کی 3 ہزار سے زائد بار خلاف ورزی کی۔

    تفصیلات کے مطابق سینیٹ کی قائمہ کمیٹی برائے امور کشمیر و گلگت بلتستان کا اجلاس چیئرمین ساجد میر کی زیر صدارت ہوا۔ اجلاس میں وزارت خارجہ حکام نے کمیٹی کو لائن آف کنٹرول پر بھارتی جارحیت کے حوالے سے بریفنگ دی۔

    اپنی بریفنگ میں وزارت خارجہ حکام نے بتایا کہ بھارتی خلاف ورزیوں اور نقصانات کی تفصیلات جمع کی جا رہی ہیں، قیام پاکستان سے اب تک کے نقصانات کی رپورٹ کے لیے وقت درکار ہے۔

    حکام کا کہنا تھا کہ چند سال سے خلاف ورزیاں بھارت کا معمول بن گئی ہیں، سنہ 2019 میں بھارت نے جنگ بندی کی 3 ہزار سے زائد بار خلاف ورزی کی۔ جارحیت پر بھارتی ہائی کمشنر کو بلا کر احتجاج کیا جاتا ہے۔

    وزارت خارجہ حکام کا کہنا تھا کہ پاکستان مسئلہ کشمیر سے متعلق تمام آپشنز پر غور کر رہا ہے۔ کشمیر کا معاملہ ٹھنڈا پڑ جانے کا تاثر درست نہیں۔

    سینیٹر صلاح الدین ترمذی نے دریافت کیا کہ مسئلہ کشمیر پر وزیر خارجہ ملتان کےعلاوہ کن ممالک میں گئے؟ سابق ترجمان دفتر خارجہ ڈاکٹر محمد فیصل نے کہا کہ وزیر خارجہ 5 اگست کے بعد 50 ممالک کے وزرائے خارجہ سے ملے۔ سلامتی کونسل کے اجلاس میں 54 وزرائے خارجہ سے ملاقاتیں کیں۔

    ڈاکٹر محمد فیصل کا کہنا تھا کہ عالمی میڈیا اب کشمیر کے معاملے پر آواز اٹھا رہا ہے۔ ان کیمرہ اجلاس میں کمیٹی کو زیادہ تفصیل سے آگاہ کر سکتے ہیں۔

    وفاقی وزیر برائے کشمیر امور علی امین گنڈا پور نے کہا کہ بہت سے ممالک مسئلہ کشمیر پر ہمارا ساتھ دینے کو تیار ہیں۔

    سینیٹر سراج الحق نے کہا کہ انتظار کرو اور دیکھو کی پالیسی پر عمل افسوسناک ہے، مسئلہ کشمیر پر او آئی سی کا اجلاس اسلام آباد میں بلایا جائے۔

    انہوں نے آزاد کشمیر کے کیمپوں کی حالت زار پر اظہار تشویش کرتے ہوئے کہا کہ آزاد کشمیر کے کیمپوں کے خود متعدد دورے کیے ہیں۔ وزارت خارجہ حکام کی جانب سے کہا گیا کہ کیمپوں میں سہولتیں بہتر بنانے کے منصوبے جاری ہیں۔

  • بھارت کا مکروہ چہرہ بے نقاب ہوگیا، سردار مسعود خان، فاروق حیدر

    بھارت کا مکروہ چہرہ بے نقاب ہوگیا، سردار مسعود خان، فاروق حیدر

    اسلام آباد : صدر اور وزیراعظم آزاد کشمیر نے بھارتی فوج کی سیز فائرخلاف ورزی کی شدید مذمت کرتے ہوئے کہا ہے کہ بھارتی فوج شہری آبادی کو نشانہ بنارہی ہے، بھارت کا مکروہ چہرہ بے نقاب ہوگیا ہے۔

    تفصیلات کے مطابق کنٹرول لائن پر بھارتی فوج کی جانب سے بلااشتعال فائرنگ کی صدر آزاد کشمیر مسعود خان اور وزیراعظم آزاد کشمیر فاروق حیدر نے شدید مذمت کی ہے۔

    اس حوالے سے فاروق حیدر کا کہنا ہے کہ بھارت ایل او سی کی سول آبادی پر بلااشتعال فائرنگ کررہا ہے، بھارتی فائرنگ سے شہید جوانوں کو خراج عقیدت پیش کرتے ہیں، پاک فوج نے دفاع وطن کیلئےغیر معمولی قربانیاں دی ہیں.

    شہید صوبیدار،سپاہی احسان کے اہلخانہ سے تعزیت کرتے ہیں، بھارتی فوج شہری آبادی کو نشانہ بنارہی ہے، پاک فوج کے بھرپور جواب نے بھارت بندوقوں کو خاموش کرادیا، کنٹرول لائن پر بسنے والے شہریوں کے حوصلے بلند ہیں۔

    دوسری جانب صدرآزاد کشمیر سردار مسعود خان نےحریت کانفرنس کے دفتر کا دورہ کیا، کنونیر حریت کانفرنس فیض نقشبندی، عبداللہ گیلانی نے استقبال کیا.

    اس موقع پر سردار مسعود خان نے کہا کہ علی گیلانی سمیت تمام حریت قائدین کی جدوجہد کو سلام پیش کرتا ہوں، کشمیری گزشتہ72سال سےظلم کی چکی میں پس رہے ہیں،5اگست کے بعد بھارت نے کھل کر ظلم کرناشروع کردیا ہے.

    بھارت نے یو این قراردادوں اور بین الاقوامی قوانین کی دھجیاں بکھیر دیں، مقبوضہ کشمیر میں حالات بہتر نہیں ہوئے بلکہ ہرروز بگڑرہے ہیں.

    آج ہندوستان کے طول وعرض میں مظاہرے ہورہے ہیں، آج بھارت کا اپنا وجود خطرے سے دوچار ہوگیا ہے، بھارتی اقدامات کے خلاف کشمیری مزاحمت جاری رکھیں گے۔