ARYNews.tv | Urdu – Har Lamha Bakhabar

Tag: LOC

  • ایل اوسی پر بسنے والے مسلح افواج کے شانہ بشانہ کھڑے ہیں: فردوس عاشق

    ایل اوسی پر بسنے والے مسلح افواج کے شانہ بشانہ کھڑے ہیں: فردوس عاشق

    اسلام آباد: وزیراعظم کی معاون خصوصی برائے اطلاعات فردوس عاشق اعوان کا کہنا ہے کہ ایل اوسی پر بسنے والے مسلح افواج کے ساتھ شانہ بشانہ سینہ سپر ہیں، ان بہادر عوام کو خراج تحسین پیش کرتے ہیں۔

    تفصیلات کے مطابق سماجی رابطے کی ویب سائٹ ٹوئٹر پر فردوس عاشق اعوان نے ٹوئٹ کیا کہ ایل اوسی پر بسنے والوں کی قربانیوں کو سلام پیش کرتے ہیں، ایل اوسی پر شہریوں کو نشانہ بنانا بھارتی فوج کی سفاکی ظاہر کرتا ہے۔

    انہوں نے کہا کہ متاثرہ افراد کے زخموں پر مرہم رکھنا وزیراعظم کے احساس کا مظاہرہ ہے، کابینہ نے ایل او سی پر بسنے والوں کے لیے خصوصی پیکج منظور کیا، خصوصی پیکیج خاندانوں کی فلاح و بہبود میں معاون ثابت ہوگا۔

    ان کا کہنا تھا کہ احساس پروگرام کے تحت راشن اسکیم کے ذریعے معاونت کی جائے گی، 33 ہزار498 خاندانوں میں ہر شادی شدہ خاتون کی سہ ماہی مدد کی جائے گی، جبکہ ہرسہ ماہی خاتون کو 5ہزار روپے دیے جائیں گے، رقم کی ادائیگی 4 سہ ماہی تک جاری رہے گی۔

    ایل او سی پر فائرنگ سے 2 جوان شہید، پاک فوج کا منہ توڑ جواب، 3 بھارتی فوجی ہلاک

    خیال رہے کہ لائن آف کنٹرول پر بھارتی اشتعال انگیزی کے سبب پاک فوج کے 2 جوان شہید ہوگئے جب کہ جوابی کارروائی میں پاک فوج نے 3 بھارتی فوجی مار دیے۔

    واضح رہے کہ بھارتی فوج کی جانب سے ایل او سی پر اشتعال انگیزیاں بڑھتی جا رہی ہیں، ڈی جی آئی ایس پی آر نے کہا ہے کہ بھارتی فورسز نے حاجی پیر سیکٹر پر بلا اشتعال فائرنگ کی ہے جس کا بھرپور جواب دیا گیا۔

  • اقوام متحدہ ایل او سی پر بلا اشتعال بھارتی فائرنگ کا نوٹس لے: ملیحہ لودھی

    اقوام متحدہ ایل او سی پر بلا اشتعال بھارتی فائرنگ کا نوٹس لے: ملیحہ لودھی

    نیویارک: ڈاکٹر ملیحہ لودھی کا کہنا ہے کہ پاکستان ہمیشہ اقوام متحدہ کی امن ساز سرگرمیوں میں پیش پیش رہا ہے، پاکستان امن دستوں نے عالمی امن کے لیے بہت خدمات سرانجام دیں۔

    تفصیلات کے مطابق ان خیالات کا اظہار ملیحہ لودھی نے امن مشن آپریشنز کے نائب سیکرٹری جنرل ژان لا کرا سے الوداعی ملاقات کے موقع پر کیا۔

    انہوں نے کہا کہ اقوام متحدہ ایل او سی پر بلا اشتعال بھارتی فائرنگ کا نوٹس لے، ایل او سی پر بڑھتی بھارتی اشتعال انگیزی صورت حال مزید خطرناک کررہی ہے۔

    ان کا کہنا تھا کہ کشمیر میں تعینات مبصر مشن مزید متحرک کرنے کی ضرورت ہے، رواں سال بھارت 2608 مرتبہ ایل اوسی کی خلاف ورزی کرچکا ہے، عالمی برادری معاملے کا نوٹس لے۔

    ملیحہ لودھی نے بتایا کہ رواں سال بھارتی فائرنگ سے 44 پاکستانی شہید ہوچکے ہیں، لائن آف کنٹرول پر بلااشتعال فائرنگ سے معاملات مزید خطرے کی طرف جاسکتے ہیں۔

    ایل او سی پر بھارتی جارحیت، پاکستان کا منہ توڑ جواب، 9 بھارتی فوجی ہلاک

    یاد رہے کہ 20 اکتوبر کو لائن آف کنٹرول پر سیزفائر کی خلاف ورزی کرنے پر پاکستان نے ایک بار پھر بھارت کو منہ توڑ جواب دیا تھا، جس کے نتیجے میں 9 بھارتی فوجی مارے گئے تھے۔

    ڈی جی آئی ایس پی آر کا کہنا تھا کہ بھارتی فوج نے شاہ کوٹ، نوسیری اور جوڑا سیکٹر پر شہری آبادی کو نشانہ بنایا، جس پر پاک فوج نے جوابی کارروائی کرتے ہوئے 9 بھارتی فوجی اہلکار ہلاک کردیے۔

  • بھارت کے ایل او سی پر بھاری ہتھیاروں کے استعمال کا انکشاف

    بھارت کے ایل او سی پر بھاری ہتھیاروں کے استعمال کا انکشاف

    راولپنڈی : بھارت کے لائن آف کنٹرول پر بھاری ہتھیاروں کے استعمال کا انکشاف ہوا جبکہ شہری آبادی پر 122اور 155ایم ایم کے بھاری گولے داغے گئے، بھارتی اشتعال انگیزی میں پاک فوج کے لانس نائیک سمیت 5 شہری شہید ہوگئے تھے۔

    تفصیلات کے مطابق بھارت کی جانب سے ایل او سی پر جورا، شاہ کوٹ،نوسیری سیکٹر میں حالیہ سیز فائر خلاف ورزیوں میں بھاری ہتھیاروں کے استعمال کا انکشاف ہوا ہے بتایا گیا بھارت  نے شہری آبادی پر 122اور155 ایم ایم کے بھاری گولے داغے۔

    اس سے قبل غیرملکی سفارتکاروں اور میڈیا نمائندہ گان نے ایل او سی جورا سیکٹر کا دورہ کیا تھا، سفارتکاروں نے مقامی بازار میں دکانداروں اور شہریوں سے بات چیت کی اور خود بھارتی اشتعال انگیزیوں سے متاثرہ گھر دیکھے جبکہ مقامی آبادی نے بھارتی اشتعال انگیزیوں سے متعلق آگاہ کیا اور بعض سفارتکاروں نے متاثرہ دکانداروں سے اشیا بھی خریدیں۔

    غیرملکی سفارتکاروں اور میڈیا کو بھارتی آرٹلری کے گولے دکھائے گئے، بھارتی فوج کے پھینکے گئے گولے آزاد کشمیر کی شہری آبادی پر گرے تھے۔

    مزید پڑھیں : غیرملکی سفارتکاروں اورمیڈیا کا ایل اوسی جورا سیکٹر کا دورہ

    ڈی جی آئی ایس پی آر نے غیرملکی سفارتکاروں اور میڈیا کو بریفنگ دیتے ہوئے کہا تھا پاکستان دنیا سے کچھ نہیں چھپارہا، پاکستان کے پاس چھپانے کو کچھ نہیں، کیا بھارت بھی سفارتکاروں کوایسی اجازت دے گا ؟ غیرملکی سفارتکاروں اورمیڈیا کو کسی بھی جگہ جانے کی مکمل آزادی ہے اور کھلی پیشکش ہے کہ خود صورتحال کا جائزہ لیں۔

    گذشتہ روز ترجمان پاک فوج نے کل سفارتکاروں،میڈیا کو ایل اوسی لیجانےکی دعوت دی تھی اور کہا تھا دنیا کو دکھائیں گے زمینی حقائق کیا ہیں، بھارتی آرمی چیف کا آزادکشمیر میں تین کیمپ تباہ کرنے کا دعویٰ افسوسناک ہے، بھارتی آرمی چیف بہت اہم عہدے پر ہیں، آزادکشمیر میں کوئی کیمپ ہی نہیں تو کارروائی کیسی؟

    واضح رہے بھارت نے ایل او سی پر جورا، شاہ کوٹ،نوسیری سیکٹر میں شہری آبادی کو نشانہ بنایا تھا ، جس کے بعد پاک فوج کی جوابی کارروائی میں 9 بھارتی فوجی مارے گئے تھے جبکہ پاک فوج کے لانس نائیک سمیت 5 شہری شہید ہوگئے تھے۔

  • ایل او سی پر جارحیت کا جواب بھارت کے لیے سبق آموز ہے: علی امین گنڈاپور

    ایل او سی پر جارحیت کا جواب بھارت کے لیے سبق آموز ہے: علی امین گنڈاپور

    اسلام آباد: وزیرامور کشمیر علی امین گنڈاپور کا کہنا ہے کہ بھارتی جارحیت کشمیریوں کے عزم کو پست کرنے میں ناکام رہی، انتہاپسند مودی سرکارخود بھارت کا شیرازہ بکھیرنےپر تلی ہے۔

    تفصیلات کے مطابق اپنے ایک بیان میں علی امین گنڈاپور نے کہا کہ ایل او سی پر پاک فوج کی جانب سے بھارتی جارحیت کا جواب بھارت کے لیے سبق آموز ہے، بھارت کو اسی طرح منہ توڑ جواب دیا جاتا رہے گا۔

    انہوں نے کہا کہ فوجی اور سفارتی سمیت ہرمحاذ پر بھارت کو پسپائی ہورہی ہے، پلومہ حملے کے بعد بھارتی جارحیت کے نتائج سب کے سامنے ہیں۔

    وفاقی وزیر کا کہنا تھا کہ پاک فوج نے واضح کردیا ہر جارحیت کا منہ توڑ جواب دیں گے، جھوٹے پروپیگنڈے سے بھارت دنیا کو گمراہ نہیں کرسکتا۔

    انہوں نے کہا کہ پاکستانی قوم جذبہ ایمانی سے سرشار ہے، ملک کے دفاع کے لیے آخری سانس تک لڑیں گے، پاک افواج نے لازوال قربانیوں سے ملک کو مضبوط بنایا۔

    اپوزیشن کے دھرنے سے متعلق تبصرہ کرتے ہوئے علی امین گنڈاپور کا کہنا تھا کہ مولانا فضل الرحمان کے منفی عزائم سے پوری قوم آگاہ ہے، ذاتی مفاد کے لیے سازشیں دشمن کے ہاتھوں میں کھیلنے کے مترادف ہے۔

    خیال رہے کہ گذشتہ روز بھارتی فوج نے ایک بار پھر لائن آف کنٹرول پر جنگ بندی معاہدے کی خلاف ورزی کرتے ہوئے بلااشتعال فائرنگ کی تھی جس کا پاک فوج نے منہ توڑ جواب دیا اور 9 بھارتی فوجی ہلاک کردیے۔

    منہ کی کھانے کے بعد بھارتی میڈیا بھی بوکھلاہٹ کا شکار ہوگیا، اور پاکستان پر بےبنیاد الزامات عاید کیے جبکہ پاک فوج نے بھارتی ناپاک عزائم کو خاک میں ملانے کے عزم کا اظہار کیا ہے۔

  • ایل او سی پر بھارتی جارحیت، پاکستان کا منہ توڑ جواب، 9 بھارتی فوجی ہلاک

    ایل او سی پر بھارتی جارحیت، پاکستان کا منہ توڑ جواب، 9 بھارتی فوجی ہلاک

    راولپنڈی: لائن آف کنٹرول پر سیزفائر کی خلاف ورزی کرنے پر پاکستان نے ایک بار پھر بھارت کو منہ توڑ جواب دیا، 9 بھارتی فوجی مارے گئے۔

    تفصیلات کے مطابق ڈی جی آئی ایس پی آر کا کہنا ہے کہ بھارتی فوج نے شاہ کوٹ، نوسیری اور جوڑا سیکٹر پر شہری آبادی کو نشانہ بنایا، جس پر پاک فوج نے جوابی کارروائی کرتے ہوئے 9 بھارتی فوجی اہلکار ہلاک کردیے۔

    ڈائریکٹر جنرل آئی ایس پی آر میجر جنرل آصف غفور نے کہا ہے کہ اس جوابی کارروائی میں دو بھارتی بنکرز تباہ اور کئی بھارتی فوجی زخمی بھی ہوئے۔ جبکہ بھارتی فائرنگ سے ایک جوان لانس نائیک زاہد اور 5شہری شہید گئے۔

    پاک فوج کا کہنا ہے کہ بھارتی اشتعال انگیزیوں کا پاکستان نے بھرپور جواب دیا، جوانوں نے ایل او سی پر بھارتی مورچوں کو مؤثر انداز میں نشانہ بنایا۔

    آئی ایس پی آر کا کہنا تھا کہ بھارتی فائرنگ سے 2جوان اور 5 شہری زخمی بھی ہوئے ہیں، بھارت مبینہ دہشت گرد کیمپس کا جواز بنا کر آبادی کو نشانہ بنا رہا ہے، بھارتی فائرنگ سے زخمی شہریوں کو اسپتال منتقل کردیا۔

    میجر جنرل آصف غفور نے واضح کیا کہ بھارتی فوج کو ہر سیز فائر خلاف ورزی کا مؤثر جواب دیا جائے گا، پاک فوج ایل اوسی پر شہری آبادی کا تحفظ یقینی بنائے گی۔

    ڈی جی آئی ایس پی آر کا مزید کہنا تھا کہ ہراشتعال انگیزی پر بھارتی فوج کو کاری ضرب پہنچاتے رہیں گے، یواین مبصر فوجی گروپ کا کوئی بھی رکن آزاد کشمیر میں کہیں بھی جاسکتا ہے، مقامی وغیرملکی میڈیا بھی آزادکشمیر میں کہیں بھی جاسکتا ہے، جبکہ مقبوضہ کشمیر میں کسی کو جانے کی آزادی نہیں ہے۔

    بھارتی فوج نے سفیدجھنڈا لہرا دیا

    ڈی جی آئی ایس پی آرمیجر جنرل آصف غفور کا کہنا ہے کہ بھارتی فوج نے سفید جھنڈا لہرانے کے بعد بھارتی فوج لاشیں اور زخمی اٹھانے میں مصروف ہیں، بھارتی فوج کو اشتعال انگیزیوں سے پہلے سوچنا چاہیے تھا۔

    ان کا کہنا تھا کہ بھارت کو فوجی آداب کا خیال رکھتے ہوئے آبادی کو نشانہ نہیں بنانا چاہئے تھا، پاک فوج کی جوابی کارروائی سے بھارتی بندوقیں خاموش ہوگئی ہیں، اشتعال انگیزی پر بھارتی فوج کو کاری ضرب پہنچاتے رہیں گے، بھارت کے جھوٹے دعوؤں اور جھوٹے فلیگ آپریشنز کی قلعی ہرسطح پر کھولتے رہیں گے۔

    منہ کی کھانے کے بعد بھارتی میڈیا جھوٹے پروپیگنڈے میں مصروف

    آئی ایس پی آر کے مطابق پاک فوج کے منہ توڑ جواب کے بعد بھارتی میڈیا جھوٹے پروپیگنڈے میں مصروف ہوگیا، بھارتی میڈیا نے مبینہ کیمپس کو نشانہ بنانے کا جھوٹا دعویٰ کیا ہے، بھارت اخلاقی جرات کا مظاہرہ کرے اور پاک فوج کی جوابی کارروائی کے نقصانات سامنے لائے۔

    آصف غفور کا کہنا ہے کہ بھارت مقبوضہ کشمیر میں صورت حال تک رسائی دینے کی بھی جرات کرے، بھارت کے تمام جھوٹے دعوے منطقی انجام تک پہنچ چکے ہیں، بھارت کا یہ جھوٹا دعویٰ بھی اپنے انجام تک پہنچے گا، بھارتی میڈیا پاکستانی میڈیا سے ذمہ دارانہ رپورٹنگ سیکھے۔

  • سیزفائر کی مسلسل خلاف ورزی، بھارتی ڈپٹی ہائی کمشنر طلب، پاکستان کا شدید احتجاج

    سیزفائر کی مسلسل خلاف ورزی، بھارتی ڈپٹی ہائی کمشنر طلب، پاکستان کا شدید احتجاج

    اسلام آباد: بھارت کی جانب سے ایل او سی پر سیزفائر کی مسلسل خلاف ورزی کرنے پر پاکستان نے بھارتی ڈپٹی ہائی کمشنرگورو اہلووالیا کو دفترخارجہ میں طلب کرکے شدید احتجاج کیا۔

    تفصیلات کے مطابق بھارتی ڈپٹی ہائی کمشنر کی طلبی ڈی جی ساؤتھ ایشیا ڈاکٹر محمد فیصل نے کی، اس موقع پر پاکستان نے ایل او سی پر سیز فائر معاہدے کی خلاف ورزی پر شدید احتجاج کیا۔

    ترجمان دفترخارجہ کا کہنا ہے کہ بھارتی ڈپٹی ہائی کمشنر کو سیزفائر کی مسلسل خلاف ورزیوں پر احتجاجی مراسلہ دیا گیا، بھارتی افواج نے نیزہ پیرسیکٹر میں شہری آبادی پر بلااشتعال فائرنگ کی، فائرنگ سے ایک بزرگ اور بچی شہید ہوئی۔

    ’بھارتی افواج کی فائرنگ سے 8بےگناہ شہری زخمی ہوئے، بھارتی فوج ایل اوسی پر تسلسل سے خودکار اور بھاری اسلحہ استعمال کررہا ہے، بھارت کی طرف سے2017سے جنگ بندی کی خلاف ورزیوں میں تیزی آئی‘۔

    بھارتی فوج کی ایک بار پھر ایل او سی کی خلاف ورزی، 3 افراد زخمی

    ترجمان ڈاکٹر فیصل کے مطابق بھارتی افواج کا بےگناہ شہریوں کو جان بوجھ کر نشانہ بنانا قابل مذمت ہے اور آبادی کو نشانہ بنانا انسانی حقوق اور عالمی قوانین کی خلاف ورزی ہے، بھارت کی مسلسل جنگ بندی خلاف ورزیاں امن وسلامتی کیلئے خطرہ ہیں۔

    ترجمان دفتر خارجہ کا مزید کہنا تھا کہ بھارت کی خلاف ورزیاں سنگین اسٹریٹجک غلط فہمی کا باعث بن سکتی ہیں، بھارت 2003کے جنگ بندی کے معاہدے کا احترام یقینی بنائے، دہلی حکام اپنی افواج کو جنگ بندی پر کاربند رہ کر عمل درآمد کی ہدایت کرے۔

  • بھارتی فوج کی ایک بار پھر ایل او سی کی خلاف ورزی، 3 افراد زخمی

    بھارتی فوج کی ایک بار پھر ایل او سی کی خلاف ورزی، 3 افراد زخمی

    راولاکوٹ: بھارتی فوج نے ایک بار پھر لائن آف کنٹرول کی خلاف ورزی کرتے ہوئے شدید فائرنگ اور گولہ باری کی جس کے نتیجے میں تین افراد زخمی ہوگئے۔

    تفصیلات کے مطابق لائن آف کنٹرول پر تیتری نوٹ میں بھارتی افواج نے شدید گولہ باری کی جس کے نتیجے میں تین پاکستانی شہری زخمی ہوگئے۔

    بھارتی فوج کی لائن کنٹرول پر سیز فائر کی خلاف ورزیوں اور بلااشتعال فائرنگ کا سلسلہ بدستور جاری ہے، جنگی جنون میں مبتلا بھارت اپنے ناپاک عزائم سے باز نہ آیا۔

    راولاکوٹ پولیس کا کہنا ہے کہ بھیروبازار میں گھر پر مارٹرگولہ گرنے سے 3افراد زخمی ہوگئے۔ گذشتہ روز بھی بھارتی فوج کی مختلف سیکٹرز پر بلااشتعال فائرنگ کے نتیجے میں سپاہی نعمت ولی شہید جبکہ دو خواتین زخمی ہوئیں۔

    خیال رہے کہ گذشتہ روز بھارتی اشتعال انگیزی پر پاک فوج کی جانب سے بھر پور جوابی کارروائی کی گئی، پاک فوج نے ان تمام بھارتی چوکیوں کو نشانہ بنایا جہاں سے پاکستانی علاقے میں فائرنگ کی گئی تھی۔

    بھارتی فوج کی ایل او سی پر بلااشتعال فائرنگ، سپاہی نعمت ولی شہید

    یاد رہے تین روز قبل بھارتی ناظم الامور گورو آہلو والیا کو دفتر خارجہ طلب کرکے بھارتی فوج کی سیز فائر کی مسلسل خلاف ورزیوں پر احتجاجی مراسلہ دیا گیا تھا۔

    دفتر خارجہ کا کہنا تھا کہ پاکستان کی جانب سے کہا گیا کہ بھارتی فوج نے 6 اور 7 اکتوبر کو ایل او سی پر شہری آبادی پر فائرنگ کی، ایل او سی کے چری کوٹ سیکٹر پر بلا اشتعال فائرنگ کی گئی، بھارتی فوج کی فائرنگ سے 69 سالہ نذیراں بی بی شہید ہوئیں جبکہ 3 معصوم شہری زخمی ہوئے۔

  • مارچ کرنےوالوں کا ایل اوسی کی طرف جاناہمارے لیے چیلنج ہے، فواد چوہدری

    مارچ کرنےوالوں کا ایل اوسی کی طرف جاناہمارے لیے چیلنج ہے، فواد چوہدری

    اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ مارچ کرنےوالوں کا ایل اوسی کی طرف جاناہمارے لیے چیلنج ہے، اقوام متحدہ کو آگے بڑھنا ہوگا۔

    تفصیلات کےمطابق وفاقی وزیر فواد چوہدری کا کہنا ہے کہ آزادکشمیرمیں لوگوں کےجذبات بہت بھڑکےہوئےہیں،وزیراعظم عمران خا ن نےکشمیرمعاملےسےجڑےخطرات سےاقوام متحدہ کوآگاہ کیا ہے ۔

    انہوں نے کہا کہ مارچ کرنےوالوں سے گزارش ہےامن کا موقع ہاتھ سےنہ جانیں دیں، ایل اوسی پارکرنانئےوارزون میں داخل ہونےجیسےہوگا ۔ ان کا یہ بھی کہنا تھا کہ معاملہ ہاتھ سے نکلا جا رہاہے ،اقوام متحدہ کوآگےبڑھناہوگا۔

    وفاقی وزیر نے کہا کہ ہم نے ہمیشہ امن کی بات کی ہے لیکن مودی کی حکومت ٹس سے مس نہیں ہورہی ہے۔دلی کی لائن فالوکرنےوالےسیاستدان بھی جیلوں میں ہیں۔

    مولانا فضل الرحمن کے دھرنے پر تبصرہ کرتے ہوئے ان کا کہنا تھا کہ ن لیگ،پی پی کاایک مطالبہ ہےنواز،زرداری کوپلی بارگین کےبغیررہاکریں۔نواز،زرداری کےشطرنج کےکھیل میں مولاناپیادےکاکرداراداکررہےہیں۔

    فواد چوہدری نے یہ بھی کہا کہ ن لیگ،پیپلز پارٹی کےپاس اپنے لوگ نہیں ہیں لیکن جے یو آئی کےپاس مدارس کےلوگ ہیں۔پیپلزپارٹی اورن لیگ کوعوامی مسائل سےکوئی سروکارنہیں،فضل الرحمان مدرسوں کےطلباکوچارےکی طرح استعمال کرناچاہتےہیں۔ ان کا کہنا تھا کہ خواہش ہےکہ مولانا فضل الرحمان دھرنےکی تاریخ پرقائم نہ رہیں۔

    ان کا یہ بھی کہنا تھا کہ پیپلزپارٹی اورن لیگ بغیرپیسہ دیےقیادت کی رہائی چاہتی ہیں،ہم تو آج بھی کہتے ہیں کہ پیسے دواور ابولو، اپوزیشن کےلوگوں کےخلاف کیسز ہمارے دور میں نہیں بنائےگئے۔

    فواد چوہدری نے یہ بھی کہا کہ اپنی وزارت کی کارکردگی پر اعتماد میں لیناچاہتاہوں،پہلےہم نےرویت ہلال کاقمری کیلنڈرجاری کیاتھا،وہ تصویریں جاری کیں جس میں گوادرکےقریب چانددیکھاجاسکتاہے۔

    باشعورطبقےکوبتاناچاہتاہوں عقل اورعلم ہی ہمیں آگےلےجاسکتاہے،دوربین سےچانددیکھناغلط ہے تو پھرعینک بھی پہنناغلط ہے۔شرعی طورپر رویت ہلال کمیٹی کومعافی مانگنی چاہیے۔

    منسٹری آف سائنس اینڈٹیکنالوجی میں بڑی اصلاحات لے کرآیا ہوں ،جہلم میں بائیوٹیکنالوجی کابڑا پراجیکٹ بنارہے ہیں،ہم نے ایک بیٹری پراجیکٹ پرکام شروع کیاہے۔پاکستان کامستقبل بیٹری پرہے۔

  • 44 روز کے کرفیو کے باوجود بہادر کشمیریوں کے حوصلے بلند ہیں: راجہ فاروق حیدر

    44 روز کے کرفیو کے باوجود بہادر کشمیریوں کے حوصلے بلند ہیں: راجہ فاروق حیدر

    مظفر آباد: وزیر اعظم آزاد کشمیر راجہ فاروق حیدر کا کہنا ہے کہ کنٹرول لائن پر بسنے والے کشمیریوں کو سلام پیش کرتا ہوں، 44 روز کے کرفیو کے باوجود بہادر کشمیریوں کے حوصلے بلند ہیں۔

    تفصیلات کے مطابق وزیر اعظم آزاد کشمیر راجہ فاروق حیدر نے لائن آف کنٹرول کے حویلی فاروڈ کہوٹہ کا دورہ کیا۔ اس موقع پر ان کا کہنا تھا کہ کنٹرول لائن حویلی میں بسنے والے افراد کے حوصلے بلند ہیں، حویلی کے عوام سیسہ پلائی دیوار کی طرح سینہ سپر ہیں۔

    راجہ فاروق حیدر کا کہنا تھا کہ کنٹرول لائن پر بسنے والے کشمیریوں کو سلام پیش کرتا ہوں، 44 روز کے کرفیو کے باوجود بہادر کشمیریوں کے حوصلے بلند ہیں۔

    انہوں نے کہا کہ خونی لکیر کو کشمیری جلد روند ڈالیں گے، حویلی فاروڈ کہوٹہ 3 اطراف سے بارڈر لائن میں گھرا ہے۔ کنٹرول لائن پر بسنے والے افراد کو ریلیف دیا جائے گا۔

    راجہ فاروق حیدر نے مزید کہا کہ بھارت 72 سال سے کشمیریوں پر ظلم و ستم کر رہا ہے، مقبوضہ کشمیر میں مائیں بہنیں لازوال استقامت دکھا رہی ہیں۔ کشمیری اپنی پاک فوج کے شانہ بشانہ ہیں۔

    خیال رہے گزشتہ روز وزیر اعظم آزاد کشمیر نے نکیال سیکٹر کا دورہ کیا تھا جہاں انہوں نے فتح پور تھکیالہ میں عوامی اجتماع سے خطاب کیا تھا۔

    اپنے خطاب میں ان کا کہنا تھا کہ گزشتہ روز ایل او سی پر فائرنگ سے خاتون شہید اور 8 افراد زخمی ہوئے، ایل او سی آنے کا مقصد مقامی لوگوں کو سلام پیش کرنا ہے۔ مودی نے پلوامہ واقعے کو بنیاد بنا کر خطے میں انتہا پسندی کو فروغ دیا۔

    راجہ فاروق حیدر کا کہنا تھا کہ مودی نے بھارتی میڈیا سے مل کر اپنے لوگوں کو بیوقوف بنایا، بی جے پی پر آر ایس ایس کا قبضہ ہے وہ خطے کو اپنا غلام بنانا چاہتا ہے، پاکستان مودی اور اس کے حمایتی کے راستے کی رکاوٹ ہے۔

  • کشمیری اور پاکستانی مل کر ایل او سی پر لگی باڑ کو گرادیں گے، سراج الحق

    کشمیری اور پاکستانی مل کر ایل او سی پر لگی باڑ کو گرادیں گے، سراج الحق

    لاہور : امیر جماعت اسلامی پاکستان سینیٹر سراج الحق نے کہا ہے کہ مقبوضہ کشمیرمیں 30 سے زائد لڑکیوں کو اغواء کیا گیا، چھ اکتوبر کو لاہورمیں مظاہرہ کیا جائے گا، کشمیری اور پاکستانی مل کر ایل او سی پر لگی باڑ کو گرادیں گے۔

    ان خیالات کا اظہار انہوں نے سابق امیر جماعت اسلامی پنجاب و سابق رکن پنجاب اسمبلی ڈاکٹر سید وسیم اخترمرحوم کی یاد میں الحمراء میں ہونے والے تعزیتی ریفرنس سے خطاب کرتے ہوئے کیا۔

    ان کا کہنا تھا کہ حکومت کو کشمیر کے معاملے پر جو کرنا چاہیے تھا وہ نہیں کیا، ہم مظلوم کشمیریوں کے لئے بھرپور آواز بلند کریں گے۔

    جماعت اسلامی6اکتوبرکولاہورمیں بھرپورمظاہرہ کرےگی، ہمارے بزرگوں نے سومنات کا مندر گرا یا تھا ، ہم مودی سومنات گرائیں گے، ہماری منزل سری نگر نہیں،بھارت میں موجود22 کروڑ مسلمانوں کا تحفظ ہے۔

    ان کا مزید کہنا تھا کہ قوم بلند و بانگ دعوؤں اور خوشنما نعروں کی بجائے عملی اقدامات چاہتی ہے،34 دنوں سے ایک کروڑ کشمیری موت اور زندگی کی کشمکش میں ہیں۔

    اللہ کے بعد ان کی نظریں پاکستان پر لگی ہوئی ہیں مگر پاکستان اور عالم اسلام کو ابھی تک کشمیریوں کے لیے جو کچھ کرنا چاہیے تھا وہ نہیں ہوسکا ،حکومت نے کچھ نہ کیا تو اکتوبر میں کشمیری اور پاکستانی مل کر ایل او سی پر لگی باڑ کو گرادیں گے۔