ARYNews.tv | Urdu – Har Lamha Bakhabar

Tag: LOC

  • ایل او سی: پاک فوج کا بھارتی اشتعال انگیزی کا بھرپور جواب، تین بھارتی فوجی ہلاک

    ایل او سی: پاک فوج کا بھارتی اشتعال انگیزی کا بھرپور جواب، تین بھارتی فوجی ہلاک

    راولپنڈی: بھارتی فوج نے ایک بار پھر لائن آف کنٹرول پر اشتعال انگیزی کا مظاہرہ کیا ہے، پاک فوج نے دشمن کے بزدلانہ اقدام کے جواب میں بھرپور کارروائی کی.

    پاک فوج کے شعبہ برائے تعلقات عامہ (آئی ایس پی آر) کے مطابق بھارتی فوج نے ایک بار  پھر اشتعال انگیزی کا مظاہرہ کرتے  ہوئے کھوئی رٹہ،کوٹ قدیر اسیکٹرز میں شہری آبادی پر فائرنگ کی.

    آئی ایس پی آر  کے مطابق اس موقع پر  پاک فوج نے بھرپور اور مؤثر جوابی کارروائی کی، پاک فوج نے بھارتی چیک پوسٹوں کو نشانہ بنایا.

    مزید پڑھیں: کور کمانڈر راولپنڈی لیفٹیننٹ جنرل بلال اکبر کا ایل او سی کا دورہ

    مزید پڑھیں: ایل او سی پر سیز فائر کی خلاف ورزی: بھارتی فوج کی فائرنگ سے ایک شہری زخمی

    جوابی کارروائی میں تین بھارتی فوجی مارے جانے کی اطلاعات ہیں، جب کہ دو بھارتی فوجی زخمی اور چوکی تباہ ہوگئی.

    یاد رہے کہ گذشتہ روز  بھی بھارت نے ورکنگ باؤنڈری لائن پر سیزفائر کی خلاف ورزی کرتے ہوئے کھوئی رٹہ سیکٹر  پر شہری آبادی کو نشانہ بنایا تھا، جس میں‌ایک شہری شدید زخمی ہوگیا.

  • لائن آف کنٹرول باگسر سیکٹر پر بھارت کی بلا اشتعال فائرنگ، شہری شہید

    لائن آف کنٹرول باگسر سیکٹر پر بھارت کی بلا اشتعال فائرنگ، شہری شہید

    اسلام آباد: پاک فوج کے شعبہ تعلقات عامہ آئی ایس پی آر کے مطابق بھارتی فوج نے لائن آف کنٹرول پر باگسر سیکٹر پر بلا اشتعال فائرنگ کی جس سے ایک شہری شہید اور ایک خاتون زخمی ہوگئیں۔

    پاک فوج کے شعبہ تعلقات عامہ آئی ایس پی آر کا کہنا ہے کہ بھارتی فوج نے لائن آف کنٹرول پر باگسر سیکٹر پر بلا اشتعال فائرنگ کی۔ بھارتی فوج نے جان بوجھ کر شہری آبادی کو نشانہ بنایا۔

    آئی ایس پی آر کا کہنا ہے کہ بھارتی فوج کی فائرنگ سے 26 سال کا عظیم شہید جبکہ 1 خاتون زخمی ہوگئیں۔

    آئی ایس پی آر کا کہنا ہے کہ پاک فوج نے بھرپور جوابی کارروائی کی اور بھارتی چیک پوسٹوں کو نشانہ بنایا۔

    دوسری جانب بلا اشتعال فائرنگ اور شہری کی شہادت پر دفتر خارجہ نے بھارتی ڈپٹی ہائی کمشنر کو طلب کرلیا اور شہری آبادی کو نشانہ بنانے پر شدید احتجاج کیا۔

    دفتر خارجہ نے کہا کہ بھارتی فائرنگ سے باگسر سیکٹر میں ایک شہری عظیم شہید ہوا جبکہ ایک خاتون زخمی بھی ہوئی۔ بھارٹی ڈپٹی ہائی کمشنر کو بلا اشتعال فائرنگ پر احتجاجی مراسلہ بھی تھمایا گیا۔

    خیال رہے کہ گزشتہ ہفتے ترجمان دفتر خارجہ نے واضح طور پر کہا تھا کہ پاکستان کسی بھی جارحیت کا منہ توڑ جواب دے گا، پاکستان بھارت کے ساتھ تمام مسائل پر مذاکرات کا کہتا ہے، بھارت مذاکرات سے بھاگ رہا ہے۔

  • لائن آف کنٹرول : پاک فوج نے ایک اور بھارتی جاسوس ڈرون مار گرایا

    لائن آف کنٹرول : پاک فوج نے ایک اور بھارتی جاسوس ڈرون مار گرایا

    راولپنڈی: پاک فوج نے پاکستانی حدود میں داخل ہونے والا ایک اور بھارتی جاسوس ڈرون مار گرایا۔

    پاک فوج کے شعبہ تعلقاتِ عامہ (آئی ایس پی آر) کے ترجمان میجر جنرل آصف غفور نے سماجی رابطے کی ویب سائٹ پر نشانہ بنائے گئے ڈرون کی تصویر شیئر کی اور آگاہ کیا کہ لائن آف کنٹرول ستوال سیکٹر پر پاک فوج نے بھارتی جاسوس ڈرون (کواڈ کاپٹر) کو نشانہ بنایا۔

    خیال رہے کہ گذشتہ روز بھارت کا جاسوسی ڈرون ناپاک عزائم لیے پاکستانی سرحد میں داخل ہوگیا تھا جسے پاک فوج کے جوانوں نے بروقت کارروائی کرکے مار گرایا تھا، یعنی 2 روز میں بھارت کا دوسرا ڈرون پاک فوج کا نشانہ بنا۔

    مزید پڑھیں: لائن آف کنٹرول: پاک فوج نے بھارتی جاسوس ڈرون مار گرایا

    پاک فوج کے شعبہ تعلقات عامہ (آئی ایس پی آر) کے ڈائریکٹر جنرل کا کہنا تھا کہ ’انشااللہ کسی ایک بھارتی ڈرون کو بھی سرحدپار نہیں کرنےدیں گے‘۔

    واضح رہے کہ پاک فوج نے پاکستانی حدود میں داخل ہونے والے ڈرون کو باغ سیکٹر کے قریب نشانہ بنایا تھا۔ بعد ازاں بھارتی وزیراعظم نریندر مودی نے پاکستان کے خلاف ہرزہ سرائی کی تھی جس کا دفتر خارجہ نے بھرپور انداز میں جواب دیا اور پاک فوج نے سرحد پر بھارتی فوج کے عزائم کو خاک میں ملایا۔

    ہاک فوج نے کب کب بھارتی ڈرونز کو سرحد کے قریب نشانہ بنایا؟

    قبل ازیں پاک فوج نے 19 نومبر 2016 کو پاکستانی حدود میں داخل ہونے والے ڈرون کو مار گرایا تھا، آئی ایس پی آر کا کہنا تھا کہ ڈرون 60 میٹر تک پاکستانی حدود میں داخل ہوگیا تھا۔

    یہ بھی پڑھیں: بھارتی فوج کا ڈرون گرانے پر پاک فوج کو خراج تحسین پیش کرنے کی قرارداد جمع

    بعد ازاں 27 اکتوبر 2017 کو بھی بھارت نے پاکستان کے خلاف گھناؤنی سازش کرنے کی کوشش کی تھی جسے پاک فوج نے بروقت ناکام بناتے ہوئے لائن آف کنٹرول کے علاقے رکھ چکری سیکٹر پر بھارتی ڈرون کو مار گرایا تھا۔

    اس سے قبل 2015 میں پاک فوج نے بھارتی ڈرون مارا گرایا تھا جس کے تکنیکی تجزیے کے دوران جاسوسی کے ناقبل تردید شواہد سامنے آئے تھے۔

  • لائن آف کنٹرول: پاک فوج نے بھارتی جاسوس ڈرون مار گرایا

    لائن آف کنٹرول: پاک فوج نے بھارتی جاسوس ڈرون مار گرایا

    روالپنڈی: پاک فوج نے پاکستانی حدود میں داخل ہونے والے  بھارت کے جاسوس ڈرون کو مار گرایا۔

    سماجی رابطے کی ویب سائٹ پر پاک فوج کے شعبہ تعلقات عامہ ( آئی ایس پی آر )کے ڈائریکٹر جنرل میجر جنرل آصف غفور نے بتایا کہ ’پاک فوج نے لائن آف کنٹرول کے قریب پرواز کرنے والے بھارتی جاسوس ڈرون کو نشانہ بنایا‘۔

    اُن کا کہنا تھا کہ ’انشااللہ کسی ایک بھارتی ڈرون کو بھی سرحدپار نہیں کرنےدیں گے‘۔ پاک فوج نے پاکستانی حدود میں داخل ہونے والے ڈرون کو باغ سیکٹر کے قریب نشانہ بنایا۔

    قبل ازیں پاک فوج نے 19 نومبر 2016 کو پاکستانی حدود میں داخل ہونے والے ڈرون کو مار گرایا تھا، آئی ایس پی آر کا کہنا تھا کہ ڈرون 60 میٹر تک پاکستانی حدود میں داخل ہوگیا تھا۔

    مزید پڑھیں: گرائے گئے بھارتی ڈرون سے پاکستان میں جاسوسی کے ثبوت مل گئے

    بعد ازاں 27 اکتوبر 2017 کو بھی بھارت نے پاکستان کے خلاف گھناؤنی سازش کرنے کی کوشش کی تھی جسے پاک فوج نے بروقت ناکام بناتے ہوئے لائن آف کنٹرول کے علاقے رکھ چکری سیکٹر پر بھارتی ڈرون کو مار گرایا تھا۔

    اس سے قبل 2015 میں پاک فوج نے بھارتی ڈرون مارا گرایا تھا جس کے تکنیکی تجزیے کے دوران جاسوسی کے ناقبل تردید شواہد سامنے آئے تھے۔

    یہ بھی پڑھیں: پاکستان نے بھارتی ڈرون مار گرایا، ملبہ تحویل میں

    بھارتی ڈرون نے پاکستانی علاقوں کی تصاویر بنائی تھیں۔ جن میں لائن آف کنٹرول کا بھارتی علاقہ واضح نظر آرہا تھا، ماہرین کا یہ بھی کہنا تھا کہ ڈرون کو مقبوضہ کشمیر کے علاقے چوڑیاں سے اڑا کر پاکستانی حدود میں داخل کیا گیا۔

    تصاویر میں ایل او سی پر بھارتی علاقہ بھی واضح نظر آرہا ہے۔ جاسوسی طیارہ مقبوضہ کشمیرکےعلاقےچوڑیاں سےاڑایاگیا۔

    اب سے کچھ دیر قبل بھارتی وزیراعظم نریندر مودی نے پاکستان کے خلاف ہرزہ سرائی کی تھی جس کا دفتر خارجہ نے بھرپور انداز میں جواب دیا اور پاک فوج نے سرحد پر بھارتی فوج کے عزائم کو خاک میں ملایا۔

  • ایل او سی: بھارتی فائرنگ سے پانچ شہری زخمی، پاک فوج کا بھرپور جواب

    ایل او سی: بھارتی فائرنگ سے پانچ شہری زخمی، پاک فوج کا بھرپور جواب

    راولپنڈی: بھارتی فوج نے ایک بار پھر لائن آف کنٹرول پراشتعال انگیزی کا مظاہرہ کیا، جس کا پاک فوج کی جانب سے بھرپور جواب دیا گیا۔

    پاک فوج کے شعبہ برائے تعلقات عامہ (آئی ایس پی آر) کے مطابق ایل او سی پر بھارتی اشتعال انگیزی کا سلسلہ جاری ہے.

    آئی ایس پی آر کے مطابق بھارتی فورسز نے لیپہ سیکٹر اور باگسرسیکٹرپربھاری ہتھیاروں سے شہری آبادی کو نشانہ بنایا، بھارتی فائرنگ سے بجل دار اور باٹلیاں گاؤں کے چار شہری، جب کہ گجراکھ گاؤں کی 20سالہ خاتون  زخمی ہوگئیں.

    پاک فوج کی جانب سے بھارتی اشتعال انگیزی کا بھرپور جواب دیا گیا، پاک فوج نے جوابی کارروائی میں بھارتی چیک پوسٹوں کو مؤثرانداز میں نشانہ بنایا.

    مزید پڑھیں: بھارتی فوج کی ایک مرتبہ پھر بلااشتعال فائرنگ، پاک فوج کا جوان ظہیر احمد شہید

    یاد رہے کہ 8 نومبر 2018 کو بھارتی فوج کی لائن آف کنٹرول پر بلااشتعال فائرنگ کے نتیجے میں پاک فوج کا سپاہی ظہیر احمد شہید ہوگیا تھا۔

    یاد رہے 2 نومبر کو بھی بھارتی فوج کی جانب سے لائن آف کنٹرول پر اشتعال انگیزی کا مظاہرہ کیا گیا، جس سے 2 بچوں کی ماں منزہ بی بی شہید ہوگئی تھی۔

  • بھارتی فوج کی ایک مرتبہ پھر بلااشتعال فائرنگ، پاک فوج کا جوان ظہیر احمد شہید

    بھارتی فوج کی ایک مرتبہ پھر بلااشتعال فائرنگ، پاک فوج کا جوان ظہیر احمد شہید

    راولپنڈی : بھارتی فوج کی جانب سے ایک مرتبہ پھر کنٹرول آف لائن پر بلااشتعال فائرنگ کے نتیجے میں پاک فوج کا سپاہی ظہیر احمد شہید ہوگیا۔

    پاک فوج کے شعبۂ تعلقات عامہ (آئی ایس پی آر) کے مطابق کہ بھارتی فوج نے ایک بار پھر ایل اوسی کی خلاف ورزی کرتے ہوئےتھب سیکٹر پربلااشتعال فائرنگ کی، بلااشتعال فائرنگ سے پاک فوج کا سپاہی ظہیراحمد شہید ہوگیا، شہید سپاہی ظہیر احمد کا تعلق سلطان پور بھمبر سے ہے۔

    آئی ایس پی آر کے مطابق پاک فوج نے مؤثر اور جوابی کارروائی کی، جس میں دشمن کی چوکیوں کو نشانہ بنایا گیا، جوابی کارروائی کے بعد بھارتی فوج کی توپیں خاموش ہوگئیں۔

    یاد رہے 2 نومبر کو بھی بھارتی فوج کی جانب سے لائن آف کنٹرول پر اشتعال انگیزی کی گئی تھی، فائرنگ سے 2 بچوں کی ماں منزہ بی بی شہید ہوگئیں تھیں، جس کے بعد پاکستان نے بھارتی ڈپٹی ہائی کمشنر جے پی سنگھ کو دفترِ خارجہ طلب کیا اور واقعے پر شدید احتجاج ریکارڈ کرایا تھا۔

    خیال رہے ترجمان دفترِ خارجہ نے اپنے بیان میں کہا تھا کہ بھارتی فوج مسلسل شہری آبادی کو نشانہ بنا رہی ہے، بھارت رواں سال 2312 بار سیز فائر کی خلاف ورزی کر چکا ہے۔

    مزید پڑھیں :  بھارت 2018 میں 2312 بار سیز فائر کی خلاف ورزی کر چکا ہے، دفتر خارجہ 

    واضح رہے 14 اکتوبر کو بھی بھارتی فوج نے کنٹرول لائن پر بلا اشتعال فائرنگ کی تھی جس کے نتیجے میں 8 سالہ بچہ شدید زخمی ہوگیا تھا۔

    اس سے قبل 11 اکتوبر کو بھارتی فوج نے سیالکوٹ سیکٹر پر بلا اشتعال فائرنگ کی تھی، جس میں بھارتی فورسز نے سکھیال گاؤں کو نشانہ بنایا تھا، بلا اشتعال فائرنگ سے محمد حنیف نامی شہری شدید زخمی ہوا تھا۔

    بھارتی فوج نے لائن آف کنٹرول کے قریب  وزیرِ اعظم آزاد کشمیر راجہ فاروق حیدر  کے ہیلی کاپٹر پر بھی بلا اشتعال فائرنگ کی تھی لیکن خوش قسمتی سے کوئی جانی و مالی نقصان نہیں ہوا۔

  • کور کمانڈر راولپنڈی لیفٹیننٹ جنرل بلال اکبر کا لائن آف کنٹرول کا دورہ

    کور کمانڈر راولپنڈی لیفٹیننٹ جنرل بلال اکبر کا لائن آف کنٹرول کا دورہ

    راولپنڈی: کورکمانڈر راولپنڈی لیفٹیننٹ جنرل بلال اکبر نے لائن آف کنٹرول کادورہ کیا، جہاں انھوں نے جوانوں سے ملاقات کی۔

    پاک فوج کے شعبہ برائے تعلقات عامہ (آئی ایس پی آر) کے مطابق کورکمانڈر نے اگلے مورچوں پر تعینات جوانوں سے ملاقاتیں کی۔

    کورکمانڈرراولپنڈی نے اس موقع پر افسروں اور جوانوں سے ملاقاتیں کیں اور ان کے عزم و حوصلےاور تیاریوں کوسراہا۔

    یاد رہے کہ لائن آف کنٹرول پر بھارتی اشتعال انگیزیوں کا سلسلہ ایک عرصے سے جاری ہے، جس کے باعث شہریوں کو جانی و مالی نقصان اٹھانا پڑتا ہے.

    مزید پڑھیں: بھارتی فوج کی لائن آف کنٹرول پر بلا اشتعال فائرنگ، 65 سالہ شہری شہید

    اگلے مورچوں پر تعینات پاکستانی جوانوں کی جانب سے ان اشتعال انگیزیوں کا بھرپور جواب دیا جاتا ہے.

    آئی ایس پی آر کے مطابق کورکمانڈر  نے ان مورچوں پر تعینات افسروں اور جوانوں سے ملاقاتیں کیں اور ان کا حوصلہ بڑھایا.

    واضح رہے کہ لیفٹیننٹ جنرل بلال اکبر نے ڈی جی رینجرز کی حیثیت سے کراچی میں قیام امن میں کلیدی کردار ادا کیا تھا.

  • بھارتی فوج کی خنجر سیکٹر پر فائرنگ، شہری شہید

    بھارتی فوج کی خنجر سیکٹر پر فائرنگ، شہری شہید

    راولپنڈی: بھارتی فوج نے کنٹرول لائن پر خنجر سیکٹر میں فائرنگ کی جس سے 51 سالہ شہری گفتار حسین شہید ہوگیا۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کا کہنا ہے کہ بھارتی فوج نے کنٹرول لائن کے خنجر سیکٹر میں شیلنگ اور فائرنگ کی۔

    بھارتی گولہ باری سے 51 سالہ شہری گفتار حسین شہید ہوگیا، گفتار جھمرہ گاؤں کا رہائشی تھا۔

    آئی ایس پی آر کا کہنا ہے کہ پاک فوج کی جانب سے بھر پور جوابی کارروائی کی گئی اور بھارتی چیک پوسٹ کو نشانہ بنایا گیا۔

    یاد رہے کہ اس سے قبل بھارتی فوج نے کوٹ کوٹیرا سیکٹر پر بلا اشتعال فائرنگ کی تھی جس کے نتیجے میں عبدالرؤف نامی شہری شہید ہوگیا تھا۔

    مزید پڑھیں: کوٹ کوٹیرا سیکٹر پر بھارتی فوج کی بلا اشتعال فائرنگ

    عبدالرؤف ایل او سی پر مویشیوں کی دیکھ بھال کررہا تھا، بھارتی فوج نے اس وقت بھی کوٹ کوٹیرا سیکٹر میں شہری آبادی پر فائرنگ کی۔

    خیال رہے کہ رواں برس بھارت 150 سے زائد مرتبہ سیز فائر کی خلاف ورزی کر چکا ہے۔ دفتر خارجہ نے اپنی ایک بریفنگ میں بتایا تھا کہ بھارت کی جانب سے مسلسل بھاری ہتھیار استعمال کیے جارہے ہیں۔

  • ایل او سی پر فائرنگ: بھارتی ڈپٹی ہائی کمشنر دفتر خارجہ طلب

    ایل او سی پر فائرنگ: بھارتی ڈپٹی ہائی کمشنر دفتر خارجہ طلب

    اسلام آباد: لائن آف کنٹرول پر بھارتی فورسز کی طرف سے بلا اشتعال فائرنگ پر پاکستان نے بھارتی ڈپٹی ہائی کمشنر کو دفتر خارجہ طلب کر لیا۔

    تفصیلات کے مطابق ایل او سی پر بھارتی فوج کی بلا اشتعال فائرنگ سے ایک پاکستانی شہید اور ایک بچہ زخمی ہوا، پاکستان نے بھارتی ڈپٹی ہائی کمشنر کو دفتر خارجہ میں طلب کرتے ہوئے واقعے کی شدید مذمت کی۔

    ترجمان دفتر خارجہ کا کہنا ہے کہ بھارتی افسر کو دفتر خارجہ طلب کر کے بھارتی فورسز کی جانب سے بلا اشتعال فائرنگ پر شدید مذمت کی گئی۔

    ترجمان کے مطابق بھارتی فائرنگ سے ایک 65 سالہ ذوالفقار نامی پاکستانی شہری شہید ہوا، جب کہ ایک بچہ بھی فائرنگ کی زد میں آ کر شدید زخمی ہوا ہے۔

    ترجمان دفترخارجہ ڈاکٹر فیصل نے کہا کہ شہری آبادی کو نشانہ بنانا عالمی انسانی حقوق کی خلاف ورزی ہے، لیکن بھارت ایک عرصے سے کنٹرول لائن پر شہریوں کو نشانہ بنا رہا ہے۔

    یہ بھی پڑھیں:  بھارتی فوج کی لائن آف کنٹرول پر بلا اشتعال فائرنگ، 65 سالہ شہری شہید

    ترجمان کے مطابق 2018 میں بھارتی فائرنگ سے 31 شہری شہید جب کہ 122 زخمی ہو چکے ہیں، اور بھارت ایک سال میں ایک ہزار 400 بار لائن آف کنٹرول کی خلاف ورزی کر چکا ہے۔

  • بھارتی فوج کی لائن آف کنٹرول پر بلا اشتعال فائرنگ، 65 سالہ شہری شہید

    بھارتی فوج کی لائن آف کنٹرول پر بلا اشتعال فائرنگ، 65 سالہ شہری شہید

    سیالکوٹ: بھارتی فوج کی لائن آف کنٹرول کے دانا سیکٹر پر بلا اشتعال فائرنگ سے 65 سالہ ذوالفقار نامی شہری شہید ہوگیا۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ بھارتی فوج نے لائن آف کنٹرول کے دانا سیکٹر پر بلا اشتعال فائرنگ کی ہے۔

    آئی ایس پی آر کے مطابق بھارتی فوج نے ایل او سی پر آباد بے گناہ شہریوں کو نشانہ بنایا۔ بھارتی فوج کی بلا اشتعال فائرنگ سے 65 سالہ ذوالفقار نامی شہری شہید ہوگیا۔

    مزید پڑھیں: بھارت کی 14 سو بار لائن آف کنڑول کی خلاف ورزی

    آئی ایس پی آر کا کہنا ہے کہ پاک فوج کی جانب سے بھرپور جوابی کارروائی کی گئی جس میں بھارتی چیک پوسٹوں کو نشانہ بنایا گیا۔

    خیال رہے کہ ترجمان دفترخارجہ ڈاکٹر فیصل کے مطابق بھارت ایک سال میں 14 سو بار لائن آف کنٹرول کی خلاف ورزی کر چکا ہے۔

    دفتر خارجہ کے مطابق بھارتی فائرنگ سے 30 پاکستانی شہری شہید اور 100 سے زائد زخمی ہوئے ہیں۔