ARYNews.tv | Urdu – Har Lamha Bakhabar

Tag: LOC

  • عالمی یوم امن کے موقع پر بھارتی جارحیت و بربریت ، 6معصوم شہری شہید،26زخمی

    عالمی یوم امن کے موقع پر بھارتی جارحیت و بربریت ، 6معصوم شہری شہید،26زخمی

    سیالکوٹ : عالمی یوم امن کے موقع پر بھارتی جارحیت و بربریت جاری ہے ، بھارتی بلااشتعال فائرنگ سے 6 معصوم شہری شہید جبکہ 26 افراد زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق بھارتی فوج نے ایک بار پھر ہٹ دھرمی کا مظاہرہ کرتے ہوئے ورکنگ باؤنڈری پر بلااشتعال فائرنگ کی ، جس کے نتیجے میں 6معصوم شہری شہید اور 26 زخمی ہوگئے۔

    ڈی جی آئی ایس پی آر میجر جنرل آصف غفور کا کہنا ہے کہ چاروا، ہڑپال ،چھپار سیکٹر پر بلااشتعال فائرنگ کی گئی، پاکستان رینجرز پنجاب کی جانب سے بھرپور جواب دیتے ہوئے دشمن کی بندوقیں خاموش کرادی۔

    میجر جنرل آصف غفور کا کہنا ہے کہ شہید ہونے والوں میں 4خواتین شامل ہیں جبکہ زخمیوں میں15خواتین اور 5بچے بھی شامل ہیں۔

    آئی ایس پی آر کے مطابق شہید ہونیوالوں میں کندن پورکا رہائشی اشرف مسعود، گاؤں بہینی سلیریاں کی رہائشی مریم اشفاق، چاروا سیکٹر کے رہائشی وسیم انور، شکیلہ ندیم اور نفیسہ محمود گنڈیال کی رہائشی خاتون شازیہ احمد شامل ہیں۔

    دوسری جانب مسلسل بھارتی شیلنگ کے بعد سول اسپتال ،سی ایم ایچ میں ایمرجنسی نافذ کردی گئی ہے ، ضلعی انتظامیہ نے سرحدی علاقوں میں متاثرین کیلئےامدادی کیمپ قائم کردیا جبکہ چوبارہ ورک دل والی اور پنڈی بھاگو میں بھی ریلیف کیمپ قائم کردیا گیا ہے۔

    صحت، لائیواسٹاک، ریونیو اور ریسکیو کا عملہ کیمپ میں موجود رہے گا، ریلیف کیمپس میں متاثرین کی رہائش کا بھی انتظام کیا گیا۔

    علاقے میں خوف وہراس کے باعث لوگوں نے نقل مکانی شروع کردی ہے۔

    یاد رہے گذشتہ روز بھارتی فوج نے سیز فائر کی خلاف ورزی کرتے ہوئے چاروا سیکٹر پر بلااشتعال فائرنگ اور گولہ باری کی، جس کے نتیجے میں  دو خواتین سمیت چار شہری شہید جبکہ چار افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارتی فوج کی گولہ باری، دوخواتین سمیت 4 شہری شہید

    بھارتی فوج کی گولہ باری، دوخواتین سمیت 4 شہری شہید

    راولپنڈی: بھارتی فوج نے لائن آف کنٹرول کی خلاف ورزی کرتے ہوئے چارواہ، ہرپال سیکٹر پر بلااشتعال فائرنگ اور گولہ باری کی، مکان کی چھت پر گولہ گرنے سے دو خواتین سمیت چار شہری شہید جبکہ 4 افراد زخمی ہوگئے، پنجاب رینجرزکی مؤثرجوابی کارروائی میں کئی بھارتی مورچےتباہ ہوگئے۔

    پاک فوج کے شعبہ تعلقات عامہ آئی ایس پی آر کے مطابق بھارتی فوج نے ایک بار پھر اپنی روایتی ہٹ دھرمی کا مظاہرہ کرتے ہوئے پاک بھارت سرحد پر بلااشتعال فائرنگ کی ہے، جس کے نتیجے میں دو خواتین سمیت چار شہری شہید جبکہ چار افراد زخمی ہوگئے۔

    بھارتی فوج نے سیز فائر کی خلاف ورزی کرتے ہوئے چارواہ، ہرپال سیکٹر پر بلااشتعال فائرنگ اور گولہ باری کی، اسسٹنٹ کمشنر ظہیر لیاقت نے کہا ہے کہ بھارتی فوج کی جانب سے فائرکیا گیا مارٹرگولہ ایک مکان کی چھت پر جا گرا۔

    مارٹرگولہ گرنے سے چھت پر موجود 8 افراد زخمی ہوگئے، جنہیں طبی امداد کے لیے  مقامی اسپتال پہنچایا گیا، جہاں 4 افراد زخموں کی تاب نہ لاتے ہوئے جاں بحق ہوگئے۔

    اسسٹنٹ کمشنر کا کہنا ہے کہ بھارتی بلا اشتعال فائرنگ اور گولہ باری کے باعث اسکول غیرمعینہ مدت کے لیے بند کردیا گیا ہے۔

    علاقے میں خوف وہراس کے باعث لوگوں نے نقل مکانی شروع کردی، انہوں نے بتایا کہ ضلعی حکومت کی جانب سے سبزپیر، پنڈی بھاگو اور چوبارہ میں ریلیف کیمپ قائم کردیئے گئے ہیں۔

    وزیراعظم شاہد خاقان عباسی کا شہداء کے لواحقین سے اظہار افسوس

    وزیراعظم شاہد خاقان عباسی نے ایل اوسی پر بھارتی فائرنگ کی شدید مذمت کرتے ہوئے اپنے غم و غصے کا اظہار کیا ہے، نیو یارک سے جاری اپنے بیان میں انہوں نے بھارتی فوج کی فائرنگ سے شہید ہونیوالوں کے ورثاء سے افسوس کا اظہار بھی کیا۔

  • عالمی برادری بھارت کوکشیدہ صورتحال کاذمہ دارٹھہرائے، دفتر خارجہ

    عالمی برادری بھارت کوکشیدہ صورتحال کاذمہ دارٹھہرائے، دفتر خارجہ

    اسلام آباد : ترجمان دفترخارجہ نے بھارتی فوج کی راولاکوٹ سیکٹر پر بلااشتعال فائرنگ کی شدید مذمت کرتے ہوئے مطالبہ کیا کہ عالمی برادری بھارت کوکشیدہ صورتحال کاذمہ دارٹھہرائے۔

    تفصیلات کے مطابق دفتر خارجہ نے بھارتی فوج کی لائن آف کنٹرول کی مسلسل خلاف ورزیوں کو امن کے لئے خطرہ قرار دے دیا، ترجمان دفترخارجہ نے راولاکوٹ سیکٹر پر بھارتی فوج کی بلااشتعال فائرنگ کی شدید مذمت کرتے ہوئے کہا کہ بھارتی انتہا پسند فوج مسلسل نہتے شہریوں کونشانہ بنارہی ہے۔

    نفیس زکریا نے مطالبہ کیا کہ عالمی برادری بھارت کو کشیدہ صورتحال کاذمہ دارٹھہرائے۔

    مزید پڑھیں :  بھارتی فوج کی ایل او سی پر پھرفائرنگ، خاتون سمیت چارشہری زخمی

    یاد رہے گذشتہ روز راولاکوٹ سیکٹرپربھارتی فوج کی بلااشتعال فائرنگ اورگولہ باری سے خاتون سمیت چار شہری زخمی ہوئے تھے جبکہ پاک فوج کی بھرپورجوابی کارروائی پر بھارتی بندوقیں خاموش ہوگئیں تھیں۔

    واضح رہے کہ بھارت دوہزارتین سے مسلسل سیزفائرمعاہدے کی خلاف ورزی کررہا ہے جس کی وجہ سے شہریوں کی ایک بڑی تعداد شہید اور زخمی ہوچکی ہے‘ پاکستان اقوامِ متحدہ کی قرارد ادوں کی روشنی میں خطے میں امن کا حامی ہے لیکن بھارت کی جانب سےایسی کوششوں کا مثبت جواب نہیں دیا جاتا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آئی ایس پی آرنے ایل اوسی پربھارتی چوکیوں کی تباہی کی ویڈیوجاری کردی

    آئی ایس پی آرنے ایل اوسی پربھارتی چوکیوں کی تباہی کی ویڈیوجاری کردی

    راولپنڈی : آئی ایس پی آر نے ایل اوسی پر بھارتی چوکیوں کی تباہی کی ویڈیوجاری کردی، جس میں 5بھارتی فوجی ہلاک اور کئی زخمی ہوئے تھے۔

    ڈی جی آئی ایس پی آر میجر جنرل آصف غفور کی جانب سے بیان میں کہا گیا ہے کہ بھارتی فوج نے ایک بار پھر لائن آف کنٹرول کی خلاف ورزی کرتے ہوئے بھارتی فوج نےنیزاپیر،سبزکوٹ، کیانی سیکٹرز پر چوکیوں کونشانہ بنایا، بھارتی فوج کی فائرنگ سے ایک فوجی جوان شہید، دو شدید زخمی ہوئے۔

    پاک فوج کی جوابی کارروائی میں بھارتی چوکیوں کو نشانہ بنایا گیا تھا، جس میں پانچ بھارتی فوجی ہلاک اور کئی زخمی ہوئے جبکہ کئی بھارتی چوکیاں بھی تباہ کردی گئیں، آئی ایس پی آرنے جوابی کارروائی کی ویڈیو جاری کردی۔

    ڈی جی آئی ایس پی آر کا کہنا ہے کہ اور ہر سیزفائر کا ایسا جارحانہ اور مؤثرجواب دیا جائیگا، اسی طرح پاک فوج کے منہ توڑجواب پربھارتی توپیں خاموش ہوتی رہیں گی۔

    مزید پڑھیں : بھارتی فوج کی فائرنگ، دوجوان شہید، جواب میں5بھارتی فوجی ہلاک

    یاد رہے کہ رواں برس بھارتی فوج کی جانب سے متعدد بار لائن آف کنٹرول کی خلاف ورزی کی جاتی رہی ہے، بھارت اپنے داخلی اور سیاسی کشیدگی اور کشمیر میں جاری ظلم و بربریت سے توجہ ہٹانے کے لیے لائن آف کنٹرول پر بلااشتعال فائرنگ کا عمل جاری رکھے ہوئے ہے

    دوسری جانب بھارتی فورسز کی بلا اشتعال فائرنگ اور سیز فائر معاہدے کی خلاف ورزی پر بھارتی ڈپٹی ہائی کمشنر کو دفتر خارجہ طلب کرکے شدید احتجاج کیا گیا۔

  • ایل او سی کی خلاف ورزی‘ بھارتی ہائی کمشنر سے احتجاج

    ایل او سی کی خلاف ورزی‘ بھارتی ہائی کمشنر سے احتجاج

    اسلام آباد :دفترِخارجہ نے بھارتی ڈپٹی ہائی کمشنرکوطلب کرکے بھارتی فورسزکی بلااشتعال فائرنگ اورسیز فائرکی خلاف ورزی پراحتجاج کیا۔

    تفصیلات کے مطابق ا ٓج بھارتی ڈپٹی ہائی کمشنرجے پی سنگھ کودفترِخارجہ طلب کرکے بھارت کی جانب سے لائن آف کنٹرول کی مسلسل خلاف ورزی پر احتجاجی مراسلہ ان کے حوالے کیا گیا۔

    دفترِ خارجہ کے مطابق بھارتی فورسزکی بلااشتعال فائرنگ اورسیزفائرمعاہدے کی مسلسل خلاف ورزی پراحتجاج کیا گیا۔دو شہریوں کی شہادت پر بھارت کی بلااشتعال فائرنگ کی مذمت کی گئی۔

    ذرائع کا کہنا ہے کہ دفترِ خارجہ نے احتجاج کرتے ہوئے موقف اختیار کیا کہ بھارت جان بوجھ کرشہری آبادی کونشانہ بنا رہا ہے۔

     لائن آف کنٹرول پر بھارتی فوج کی گولہ باری، خاتون سمیت 2 افراد شہید 

    یاد رہے کہ بھارت دوہزارتین سے مسلسل سیزفائرمعاہدے کی خلاف ورزی کررہا ہے جس کی وجہ سے شہریوں کی ایک بڑی تعداد شہید اور زخمی ہوچکی ہے‘ پاکستان اقوامِ متحدہ کی قرارد ادوں کی روشنی میں خطے میں امن کا حامی ہے لیکن بھارت کی جانب سےایسی کوششوں کا مثبت جواب نہیں دیا جاتا۔

    یاد رہے کہ رواں ماہ کے اوائل میں بھی بھارتی فورسز نے چڑی کوٹ اور ستوال سیکٹر میں سیز فائر معاہدے کی خلاف ورزی کرتے ہوئے بلااشتعال فائرنگ کرکے شہری آبادی کو نشانہ بنایا جس کے نتیجے میں ایک لڑکی سمیت 2 شہری شہید ہوئےتھے۔

    اس موقع پر بھی بھارتی ڈپٹی ہائی کمشنر کو دفترخارجہ طلب کرکے احتجاج کیا گیا تھا اور انہیں باور کرایاگیا تھا کہ ہماری امن پسندی کو ہماری کمزور ی نہ سمجھا جائے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • ایل اوسی کی خلاف ورزی کا مقصد مقبوضہ کشمیرمیں بھارتی مظالم سے توجہ ہٹانا ہے، دفتر خارجہ

    ایل اوسی کی خلاف ورزی کا مقصد مقبوضہ کشمیرمیں بھارتی مظالم سے توجہ ہٹانا ہے، دفتر خارجہ

    اسلام آباد : دفترخارجہ کا کہنا ہے کہ بھارت کی جانب سے ایل اوسی اورورکنگ باؤنڈری کی مسلسل خلاف ورزی کی جارہی ہے، ایل اوسی کی خلاف ورزی کا مقصد مقبوضہ کشمیرمیں ابترانسانی حقوق کی صورتحال سے توجہ ہٹانا ہے۔

    ترجمان دفترخارجہ نفیس زکریا نے میڈیا بریفنگ میں کہا کہ بھارت نے رواں برس ایل اوسی اور ورکنگ باؤنڈری کی پانچ سو بیالس مرتبہ خلاف ورزی کی، ان خلاف ورزیوں میں اٹھارہ پاکستانی شہری شہید ہوئے، بھارت بلاجوازشہری ودیہی آبادی کونشانہ بنا رہا ہے۔

    نفیس زکریا کا کہنا تھا کہ دس برس گزرنے کے بعد بھی سمجھوتہ ایکسپریس دہشت گردی پر کوئی پیش رفت نہیں ہوئی، سمجھوتہ ایکسپریس دہشتگردی میں چالیس سے زائد پاکستانی شہید ہوئے تھے۔

    انھوں نے کہا کہ بھارت دنیا کی توجہ کشمیر میں مظالم سے ہٹانا چاہتا ہے، بھارت جان بوجھ کر شہری آبادی کو نشانہ بناتاہے، بھارت کو لائن آف کنٹرول پر بھرپور جواب دیا گیا جبکہ بھارتی ہائی کمشنر، ڈپٹی ہائی کمشنر کو متعدد بار طلب کرکے احتجاج بھی کیا گیا۔

    ترجمان کا کہنا تھا مقبوضہ کشمیرمیں بھارتی مظالم میں اضافہ ہورہا ہے، رواں ہفتے بھارتی فورسز نے مقبوضہ کشمیرمیں 6 کشمیریوں کو شہید کیا، مقبوضہ کشمیرمیں احتجاج کرنے والوں پر بھی تشدد کیا گیا، دنیا بھر میں یوم شہدا کے موقع پر کشمیریوں سے اظہار یکجہتی کرتے ہیں۔

    نفیس زکریا نے مزید کہا کہ کرنل(ر)حبیب ظاہر سے متعلق نیپالی انتظامیہ سے رابطےمیں ہیں، نیپالی حکومت نے مطلع کیا ہے، معاملے پر تحقیقات جاری ہیں، کرنل حبیب (ر)سےمتعلق معاملے میں تاحال پیشرفت نہیں ہوئی، بھارتی ہائی کمشنر کو بلا کر معاملے پر تشویش سے آگاہ کیا ہے۔

    ترجمان دفترخارجہ کا کہنا تھا کہ بھارت کا مریضوں کیلئے ویزہ کے اجرا میں شرائط رکھنا افسوسناک ہے، مقبوضہ کشمیرمیں بھارتی مظالم میں اضافہ ہورہا ہے، بین الاقوامی برادری بھارتی مظالم کا نوٹس لے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بھارت کی ننگی جارحیت کامنہ توڑجواب دیتے رہیں گے،ڈی جی آئی ایس پی آر

    بھارت کی ننگی جارحیت کامنہ توڑجواب دیتے رہیں گے،ڈی جی آئی ایس پی آر

    راولپنڈی : ڈی جی آئی ایس پی آر میجر جنرل آصف غفور نے کہا ہے کہ مسلح افواج بھارتی اشتعال انگیزی کےخلاف معصوم شہریوں کے ساتھ کھڑی ہیں، بھارت کی ننگی جارحیت کا منہ توڑجواب دیتے رہیں گے۔

    ڈی جی آئی ایس پی آر میجر جنرل آصف غفور کا کہنا ہے کہ مسلح افواج بھارتی اشتعال انگیزی کےخلاف معصوم شہریوں کےساتھ کھڑی ہیں،بھارت کی ننگی جارحیت کامنہ توڑجواب دیتے رہیں گے۔

    ڈی جی آئی ایس پی آرکا کہنا ہے کہ بھارتی فوج نے کنٹرول لائن پرشہری آبادی کونشانہ بنایا، جس سے خواتین سمیت پانچ معصوم شہری شہید اور چار زخمی ہو گئے، پاک فوج نے بھارتی اشتعال انگیزی کابھرپورجواب دیا۔

    مزید پڑھیں : پاک فوج کا بھارتی اشتعال انگیزی کا منہ توڑ جواب‘ 4 بھارتی فوجی ہلاک

    انہوں نے کہا کہ جوابی کاروائی میں بھارت کی دو چوکیاں تباہ اورکئی بھارتی فوجی ہلاک وزخمی ہوئے، سول آبادی کے تحفظ کےلئےبھرپورکارروائیاں کی جاتی رہیں گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لائن آف کنٹرول پر بھارتی فوج کی گولہ باری، خاتون سمیت 2 افراد شہید

    لائن آف کنٹرول پر بھارتی فوج کی گولہ باری، خاتون سمیت 2 افراد شہید

    راولا کوٹ: لائن آف کنٹرول پر راولا کوٹ کے علاقے میں بھارتی فوج کی نہتے شہریوں پر فائرنگ و گولہ باری سے خاتون سمیت 2 افراد شہید ہوگئے۔ پاک فوج کی بھرپور جوابی کارروائی نے بزدل بھارتی فوجیوں کو بھاگنے پر مجبور کردیا۔

    تفصیلات کے مطابق کشمیر کی جدوجہد آزادی سے توجہ ہٹانے کے لیے بھارتی فوج نے لائن آف کنٹرول پر بزدلانہ کارروائی کر ڈالی۔

    شہری آبادی پر فائرنگ اور گولہ باری سے خوف و ہراس پھیلانے کی ناکام کوشش کی۔

    بھارتی فوج نے راولا کوٹ میں ایل او سی عباس پور اور تتری نوٹ پر فائرنگ کی۔ پولیس کے مطابق شہید ہونے والوں میں ایک خاتون بھی شامل ہیں۔ پاک فوج نے بھرپور جوابی کارروائی کرتے ہوئے بھارتی بندوقیں خاموش کروا دیں۔

    یاد رہے کہ مقبوضہ کشمیر میں آج نوجوان حریت لیڈر برہان وانی کی پہلی برسی بھی منائی جارہی ہے جس پر ہونے والا احتجاج روکنے کے لیے بھارتی فوج نے گرفتاریوں و چھاپوں کا سلسلہ شروع کر رکھا ہے۔

    مقبوضہ وادی میں انٹرنیٹ سروس بھی معطل کردی گئی ہے۔

    دوسری جانب لائن آف کنٹرول پر شہری آبادی کو فائرنگ سے نشانہ بنا کر مقبوضہ کشمیر کے حالات سے توجہ ہٹانے کی کوشش کی گئی ہے۔

    بھارتی ڈپٹی ہائی کمشنر کی دفتر خارجہ طلبی

    لائن آف کنٹرول پر بھارتی فوج کی جارحیت کے بعد بھارتی ڈپٹی ہائی کمشنر کو دفتر خارجہ طلب کرلیا گیا۔

    دفتر خارجہ نے بھارت کی جانب سے شہری آبادی کو نشانہ بنائے جانے اور 2 شہریوں کی شہادت پر سخت احتجاج کیا۔

    ترجمان کے مطابق ڈی جی ساؤتھ ایشیا نے بھارتی ڈپٹی ہائی کمشنر کو احتجاجی مراسلہ دیا۔ اس موقعے پر پاکستان نے بھارت سے واقعے کی تحقیقات کر کے آگاہ کرنے کا مطالبہ بھی کیا۔

    ڈپٹی ہائی کمشنر کی طلبی کے دوران ترجمان دفتر خارجہ نفیس زکریا کا کہنا تھا کہ بھارت کا شہری علاقوں کو جان بوجھ کر نشانہ بنانا قابل مذمت ہے۔ ایسے واقعات انسانی حقوق کے عالمی قوانین کی خلاف ورزی ہیں۔

    ترجمان نے مطالبہ کیا کہ بھارت جنگ بندی کے معاہدے کا احترام کرے اور واقعے کی تحقیقات کر کے اس سے آگاہ کرے۔

    دفتر خارجہ کی جانب سے مزید کہا گیا کہ بھارت ایل او سی پر قیام امن کے لیے اس کی روح کے مطابق عمل کرے اور اقوام متحدہ کے ملٹری آبزرورز کو رسائی کی اجازت دے۔

  • بھارتی فوج کی تتہ پانی سیکٹر پر بلا اشتعال فائرنگ، 2 شہری شہید

    بھارتی فوج کی تتہ پانی سیکٹر پر بلا اشتعال فائرنگ، 2 شہری شہید

    سیالکوٹ: بھارتی فوج نے لائن آف کنٹرول پر سیز فائر کی ایک بار پھر خلاف ورزی کرتے ہوئے جند روٹ اور تتہ پانی سیکٹرز پر بلا اشتعال فائرنگ کی جس سے 2 شہری شہید اور 3 زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق بھارت فوج نے جند روٹ اور تتہ پانی سیکٹرز پر شہری آبادی کو نشانہ بنایا۔

    بھارتی فوج کی بلا اشتعال فائرنگ سے 2 شہری شہید جبکہ 3 زخمی ہوئے۔ شہدا میں 18 سال نوجوان وقار یونس اور 19 سالہ اسد علی شامل ہیں۔

    زخمی ہونے والوں میں محمد شہباز، شمائلہ خورشید اور حفضہ شبیر شامل ہیں۔

    ڈپٹی ہائی کمشنر کی دفتر خارجہ طلبی

    بھارتی فوج کی سیز فائر کی خلاف ورزی اور بلا اشتعال فائرنگ کے کچھ ہی دیر بعد دفتر خارجہ نے بھارتی ڈپٹی ہائی کمشنر کو طلب کرلیا۔

    ایل او سی پر 2 شہریوں کی شہادت پر پاکستان نے سخت مذمت کی۔ پاکستان کی جانب سے شہری آبادی کو نشانہ بنائے جانے پر ڈپٹی ہائی کمشنر سے شدید احتجاج کیا گیا۔

    یاد رہے کہ صرف 2 دن قبل بھی بھارتی فوج کی چیری کوٹ سیکٹر پر بلا اشتعال فائرنگ سے 70 سالہ شہری شہید ہوگئے تھے۔ پاک فوج نے بھرپور جوابی کارروائی کی تو دشمن کی بندوقیں خاموش ہوگئیں۔

    ترجمان دفتر خارجہ نفیس زکریا کے مطابق دسمبر 2016 سے لے کر مارچ 2017 تک بھارت نے 1400 بار ایل او سی کی خلاف ورزی کی جن میں اب تک 400 سے زائد افراد شہید ہوچکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کیانی سیکٹر میں بھارتی فوج کی بلااشتعال فائرنگ‘4شہری زخمی

    کیانی سیکٹر میں بھارتی فوج کی بلااشتعال فائرنگ‘4شہری زخمی

    راولپنڈی: لائن آف کنٹرول پر بھارتی فورسز کی بلااشتعال فائرنگ کے نتیجے میں چار افراد زخمی ہوگئے،پاک فوج نے بھر پور جوابی کارروائی کرتے ہوئے بھارتی فائرنگ کا بھرپور جواب دیا۔

    پاک فوج کے شعبہ تعلقات عامہ آئی ایس پی آر سے جاری ہونے والے بیان کے مطابق بھارتی سرحدی فوج نے لائن آف کنٹرول کے نکیال اور کیانی سیکٹرز پر بھاری اسلحے اور مارٹر گولوں کا بلااشتعال استعمال کرکے سیز فائر معاہدے کی خلاف ورزی کی۔

    آئی ایس پی آر کا کہنا تھا کہ پاکستان آرمی نے موثر جواب دیتے ہوئے عوام کو نشانہ بنانے والی بھارتی بندوقوں کو خاموش کرادیا۔

    ایل او سی پربھارتی فوج کی بلااشتعال فائرنگ‘خاتون زخمی

    دوسری جانب دفتر خارجہ کے ترجمان نفیس ذکریا نے بھی کیانی سیکٹر میں بھارتی اشتعال انگیزی سے زخمی ہونے والے افراد کی تعداد کی تصدیق کی۔

    ترجمان دفتر خارجہ نفیس ذکریا نے سماجی رابطےکی ویب سائٹ ٹویٹر پراپنی ٹوئیٹ میں کہا کہ بھارت کی جانب سے شہریوں کو جان بوجھ کر نشانہ بنایا جانا افسوس ناک ہے، بین الاقوامی برادری اور اقوام متحدہ اس صورت حال کا نوٹس لے، بھارت کی جانب سے خطے کے امن کو خطرے میں ڈالنے کا سلسلہ جاری ہے۔

    واضح رہےکہ گذشتہ ہفتے 2جون کو بھی بھارتی فورسز کی ایل او سی کے نیزہ پیر سیکٹر پر بلااشتعال فائرنگ کے نتیجے میں 2 افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں