لندن: برطانوی دارالحکومت لندن میں ٹریفک جام کی وجہ سے گزشتہ روز انگلینڈ اور ویسٹ انڈیز کی ٹیمیں میچ سے قبل ٹریفک میں پھنسی رہی تھیں، یہاں تک کہ انگلینڈ کی ٹیم کو کرائے کی سائیکلوں پر گراؤنڈ پہنچنا پڑا۔
تفصیلات کے مطابق اوول کے میدان میں گزشتہ روز ویسٹ انڈیز کے خلاف میچ کے لیے انگلینڈ کے کھلاڑیوں کو بس کی جگہ سائیکلوں پر گراؤنڈ پہنچنا پڑ گیا، کیوں کہ لندن میں شدید ٹریفک جام ہو گیا تھا۔
انگلینڈ کے کھلاڑی بس سے اُترے اور اپنے خرچے پر سائیکلیں کرائے پر لے کر اوول گراؤنڈ پہنچے، دوسری طرف جب ٹاس کا وقت ہو گیا تھا، تو ویسٹ انڈیز کی ٹیم تب بھی گراؤنڈ نہیں پہنچ سکی تھی، وہ 2 گھنٹے تک ٹریفک میں پھنسی رہی۔
ویسٹ انڈیز کی ٹیم کے تاخیر سے پہنچنے کے باعث ٹاس 40 منٹ تاخیر کا شکار ہوا۔ کپتان ویسٹ انڈیز نے صورت حال پر تبصرہ کرتے ہوئے کہا تھا کہ اگر انھیں بھی پتا ہوتا تو وہ پیدل چلے آتے۔
واضح رہے کہ انگلینڈ اور ویسٹ انڈیز کے مابین تیسرا ون ڈے گزشتہ روز اوول میں کھیلا گیا تھا، اور انگلینڈ نے ویسٹ انڈیز سے یہ سیریز 3 سفر سے جیت لی ہے۔
