ARYNews.tv | Urdu – Har Lamha Bakhabar

Tag: London mayor

  • میئر لندن کا ٹرمپ کے صدر بنتے ہیں بڑی خواہش کا اظہار

    میئر لندن کا ٹرمپ کے صدر بنتے ہیں بڑی خواہش کا اظہار

    میئر لندن صادق خان نے امریکی صدر ڈونلڈ ٹرمپ کے حلف اُٹھانے کے بعد اپنے بیان میں کہا ہے کہ امید ہے ٹرمپ اس مرتبہ پہلے سے مختلف صدر ہوں گے۔

    غیر ملکی ذرائع ابلاغ کے مطابق میئر لندن صادق خان نے امریکی صدر ٹرمپ کی تقریب حلف برداری کے بعد اپنے بیان میں کہا کہ اس مرتبہ صدر ٹرمپ کے ساتھ ’مل کر‘ کام کرنے کی خواہش ہے۔

    صادق خان کا مزید کہنا تھا کہ جمہوریت اور ووٹ پر یقین رکھنے والوں کو امریکی صدر کو منتخب صدر تسلیم کرنا ہوگا۔

    واضح رہے کہ ٹرمپ نے اپنے وعدے کے مطابق حلف اٹھاتے ہی کیپٹل ہل حملہ کیس میں ملوث تمام افراد کو عام معافی دینے کا اعلان کردیا۔

    نئے امریکی صدر نے صدارت کا عہدہ سنبھالنے کے بعد انتخابات میں قوم سے کیے گئے وعدوں کو پورا کرنا شروع کردیا۔

    امریکی صدر نے حلف اٹھاتے ہی اہم اعلانات کر دیے، ان کا کہنا تھا کہ 6 جنوری سمیت دیگر کئی ملزمان کی عام معافی کے اعلانات پر دستخط کرنے جارہے ہیں۔

    انہوں نے اپنے وعدے پر عمل درآمد کرتے ہوئے کپیٹل ہل حملہ کیس میں سزا پانے والے تمام افراد کیلئے معافی کا اعلان کردیا۔

    اس کے علاوہ امریکی صدر نے پیرس ماحولیاتی معاہدے سے علیحدگی کے آرڈرز کے علاوہ فیڈرل ملازمین کی بھرتیاں منجمد کرنے کے آرڈرز پر بھی دستخط کردیے۔

    امریکی سینیٹ نے مارکو روبیو کی بطور وزیر خارجہ تقرری کی توثیق کردی گئی، ٹرمپ نے (اے آئی) مصنوعی ذہانت کی پالیسی سے متعلق جوبائیڈن کا ایگزیکٹو آرڈر بھی منسوخ کردیا۔

    ترک صدر نے ٹرمپ کے صدر بننے پر کیا کہا؟

    ٹرمپ نے سابق امریکی صدر بائیڈن کا2030 تک الیکٹرک کاروں کی فروخت کا ہدف50 فیصد کرنے کا آرڈر بھی منسوخ کردیا، اس کے علاوہ انہوں نے اب تک پچھلی حکومت کے کم ازکم 80 ایگزیکٹو آرڈرز منسوخ کردیے۔

  • صادق خان ایک بار پھر بھاری اکثریت سے لندن کے مئیر منتخب

    صادق خان ایک بار پھر بھاری اکثریت سے لندن کے مئیر منتخب

    لندن : صادق خان دوسری مرتبہ لندن کے مئیر منتخب ہو گئے، انہوں نے مخالف امیدوار شان بیلی کو شکست دی، صادق خان کے والدین پاکستان سے ہجرت کر کے برطانیہ گئے تھے۔

    تفصیلات کے مطابق لندن میں منعقدہ بلدیاتی انتخابات میں لیبر پارٹی کے مسلمان امیدوار صادق خان دوسری دفعہ بلدیہ کے مئیر منتخب ہوگئے ہیں، لندن میں تقریباً6 ملین ووٹروں نے6 مئی کو بلدیہ مئیر اور بلدیاتی اسمبلی کے اراکین کے انتخاب کے لئے ووٹ کا استعمال کیا۔

    لیبر پارٹی کے امیدوار صادق خان نے کنزر ویٹو کے امیدوار شان بیلی کو شکست دی۔ صاد ق خان نے12لاکھ6ہزار34ووٹ حاصل کیے جبکہ شان بیلی کو9لاکھ77ہزار601ووٹ ملے۔

    ووٹنگ کے بعد میڈی اسے گفتگو کرتے ہوئے صادق خان نے کہا کہ میں ایک امیگرینٹ کا بیٹا اور ورکنگ کلاس سے تعلق رکھتا ہوں۔ ہم سب کی ذمہ داری ہے کہ مل جل کر رہیں۔ انہوں نے کہا کہ کورونا وائرس کو ہم سب مل کر شکست دے سکتے ہیں۔

    دوسری بار منتخب ہونے والے لندن کے میئر نے کہا کہ وہ پورے شہر کے میئر ہیں اور ہر شہری کی زندگی بہتر بنانے کیلئے کام کریں گے۔ صادق خان نے وعدہ کیا کہ وہ مختلف قومیتوں کو قریب لائیں گے اس موقع پر انہوں نے اپنی اہلیہ اور اپنے خاندان کا بھی شکریہ ادا کیا۔

    واضح رہے کہ صادق خان پہلی بار2016 میں یورپی یونین کے دارالحکومت لندن کے مئیر منتخب ہوئے تھے2016 میں انہوں نے دو لاکھ28ہزار ووٹوں کی برتری سے الیکشن جیتا تھا۔

    سال 1970 میں لندن میں پیدا ہونے والے صادق خان کے والدین پاکستان سے ہجرت کر کے برطانیہ گئے تھے۔ ان کے والد بس ڈرائیور تھے اور ان کی ابتدائی پرورش کونسل کی جانب سے فراہم کردہ فلیٹ میں ہوئی تھی۔

    صادق خان نے پندرہ برس کی عمر میں لیبر پارٹی میں شمولیت اختیار کی تھی، انہوں نے انسانی حقوق کے وکیل کے طور پر بھی فرائض سرانجام دیئے ہیں۔

    سن 1994 میں انہوں نے کنزرویٹو پارٹی کا گڑھ سمجھے جانے والے علاقے میں پہلی بار کونسلر کا الیکشن جیتا اور پھر سن 2005 میں پارلیمنٹ کے رکن منتخب ہوئے۔

    صادق خان اپنے سات بہن بھائیوں میں پانچویں نمبر پر ہیں۔ سابق برطانوی وزیر اعظم گورڈن براؤن کے دور میں وہ ٹرانسپورٹ اور کمیونیٹیز کے وزیر مقرر کیے گئے تھے۔ وہ برطانوی حکومت میں پہلے مسلمان وزیر تھے جو کابینہ کے اجلاس میں شریک ہوتے تھے۔

    پیشے کے اعتبار سے وہ ایک وکیل ہیں۔ انہوں نے قانون کی ڈگری نارتھ لندن یونیورسٹی سے حاصل کی ہے۔ صادق خان کی اہلیہ سعدیہ صادق بھی وکیل ہیں۔

  • میئر لندن صادق خان نے بریگزٹ معاملے پر دوبارہ ریفرنڈم کا مطالبہ کردیا

    میئر لندن صادق خان نے بریگزٹ معاملے پر دوبارہ ریفرنڈم کا مطالبہ کردیا

    لندن: میئر لندن صادق خان نے کہا ہے کہ بریگزٹ کے معاملے پر دوبارہ ریفرنڈم ہونا چاہئے۔

    غیرملکی خبررساں ادارے کے مطابق میئرلندن صادق خان نے کہا کہ وزیراعظم تھریسامے کا بریگزٹ کا فیصلہ ملک و قوم کے لیے درست ثابت نہیں ہوا لہٰذا بریگزٹ کے معاملے پر دوبارہ ریفرنڈم ہونا چاہئے۔

    میئر لندن نے کہا کہ یورپی یونین سے نکلنے کی کوئی شرائط طے نہیں کی جاسکیں، برطانوی عوام اور یورپی یونین کو اندھیرے میں رکھ کر نہیں چھوڑا جاسکتا۔

    صادق خان کا کہنا تھا کہ وہ اس بات پر یقین رکھتے ہیں کہ لوگوں کو بریگزٹ کو مسترد کرنے کا موقع ملنا چاہئے، میئرلندن کے مطابق برطانیہ کے حصے میں یا تو ایک بڑی ڈیل آئے گی یا پھر ڈیل ہوگی ہی نہیں، جس کا اثر طرز رہائش اور نوکریوں پر پڑے گا۔

    ان کا کہنا تھا کہ بریگزٹ معاملے پر تھریسامے اپنا موقف پیش کرچکی ہیں، ان کے مطابق برطانیہ کے یورپی یونین سے اخراج سے متعلق کوئی نیا ریفرنڈم ناممکن ہے، بریگزٹ کا فیصلہ ہوچکا ہے اور اس پر عمل نہ کرنا سیاست دان پر عوامی اعتماد کے لیے تباہ کن ہوگا۔

    قبل ازیں گزشتہ سال برطانوی سپریم کورٹ نے بریگزٹ سے متعلق حکومتی اپیل مسترد کردی تھی، جس کے تحت یورپی یونین چھوڑنے کے مذاکرات شروع کرنے کے لیے پارلیمان کی منظوری ضروری قرار دی گئی ہے۔

    سپریم کورٹ نے حکم دیا تھا کہ بریگزٹ پر عملدرآمد شروع کرنے کا فیصلہ پارلیمان میں ووٹنگ کے ذریعے کیا جائے۔

  • میئرلندن صادق خان کی آج کراچی آمد ، مزارقائدپرحاضری دینگے

    میئرلندن صادق خان کی آج کراچی آمد ، مزارقائدپرحاضری دینگے

    لاہور : میئرلندن صادق خان آج کراچی پہنچیں گے اور مزارقائد پر حاضری دینگے۔

    تفصیلات کے مطابق میئر لندن صادق خان آج کراچی پہنچیں گے اور مزارقائد پر حاضری دینگے جبکہ گورنرسندھ اوروزیراعلیٰ سندھ ملاقات کریں گے۔

    برطانوی ڈپٹی ہائی کمیشن کی جانب سے میئرلندن کے اعزازمیں استقبالیہ دیا جائے گا۔

    یاد رہے گذشتہ روز میئر لندن صادق خان 9 رکنی وفد کے ساتھ بھارت سے براستہ واہگہ بارڈرلاہور پہنچے تھے ، مئیر لاہور مبشر جاوید اوربرطانوی ہائی کمشنر تھامس انڈریو نےاستقبال کیا تھا۔

    بعد ازاں میئر لندن صادق خان ماڈل ٹاؤن پہنچے اور وزیراعلیٰ پنجاب شہبازشریف سے ملاقات کی، ملاقات میں باہمی دلچسپی کےامور،دوطرفہ تعلقات اورمختلف شعبوں پرتبادلہ خیال کیا گیا۔

    مزید پڑھیں : میئرلندن صادق خان کی وزیراعلیٰ پنجاب شہبازشریف سے ملاقات

    اس موقع پر شہباز شریف نے کہنا تھا کہ آپ کو تاریخی شہرلاہور آمد پر خوش آمدید کہتے ہیں، پاکستان اوربرطانیہ کےدرمیان بہترین دوستانہ تعلقات ہیں، آپ کے دورے سے ان تعلقات میں مزید اضافہ ہوگا۔

    میئر لندن صادق خان نے بادشاہی مسجد اور شاہی قلعےکا بھی دورہ کیا۔

    بادشاہی مسجد کے دورے کے موقع پر میڈیا سے گفتگو کرتے ہوئے صادق خان کا کہنا تھا کہ پاکستان میں جمہوریت آگے بڑھ رہی ہے، داعش کا اسلام سے کوئی تعلق نہیں، یورپی یونین سے نکلنے کے بعد برطانیہ اور بالخصوص لندن کو نئے تجارتی دوستوں کی ضرورت ہے۔

    مزید پڑھیں :  داعش کا اسلام سے کوئی تعلق نہیں ہے، میئر لندن

    میئر لندن کا کہنا تھا کہ لندن میں ہرشخص کیلئےمواقع موجودہیں، میرےدورے کا مقصد لندن سب کیلئے کھلا ہے، لندن میں ہرشخص کوسیاسی ومذہبی آزادی حاصل ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔