لندن میں وزیراعظم شہباز شریف اور مسلم لیگ (ن) کے قائد نواز شریف کے درمیان ہونے ولی اہم ملاقات میں فیصلہ کیا گیا ہے کہ ہے اسحاق ڈار وزیراعظم کے ہمراہ وطن واپس آئیں گے۔
اس حوالے سے ذرائع نے بتایا ہے کہ شہباز نواز ملاقات کے موقع پر اسحاق ڈار بھی موجود تھے، ذرائع نے امکان ظاہر کیا ہے کہ اسحاق ڈاربھی شہبازشریف کے ساتھ ہی پاکستان واپس روانہ ہوسکتے ہیں۔
ذرائع کے مطابق لندن ملاقات میں فیصلہ کیا گیا ہے کہ اسحاق ڈار نئے وزیرخزانہ ہوں گے جبکہ مفتاح اسماعیل بھی ان کی ٹیم کا اہم حصہ ہونگے۔
ذرائع کے مطابق نوازشریف اور شہبازشریف کی ہونے والی اہم ملاقات میں اسحاق ڈار بھی موجود تھے, پاکستان پہنچنے کےفوری بعد اسحاق ڈار وزیر خزانہ کا حلف اٹھائیں گے۔
دوسری جانب وزیراعظم اور نواز شریف کے درمیان ملاقات کو خفیہ رکھنے کی وجہ بھی سامنے آگئی ہے۔ ذرائع کا کہنا ہے کہ نواز شریف ایون فیلڈ اپارٹمنٹس سے روانہ ہوگئے، ان کی شہباز شریف سے ملاقات کو ابھی تک خفیہ رکھا جا رہا ہے۔
شہباز شریف کے دورے کو بھی ابھی تک خفیہ رکھا گیا ہے۔ لندن ہائی کمیشن یا پارٹی نے شہباز شریف کی آمد کی کوئی اطلاع یا پریس ریلیز جاری نہیں کی۔
ذرائع کا کہنا ہے کہ شہباز شریف کی آمد اور سرگرمیوں کو خفیہ رکھنے کا مقصد مظاہروں سے بچنا ہے۔
