لندن : ایم کیو ایم کے رہنماء طارق میر کا لندن پولیس کو دیا گیا انٹرویو منظر عام پر آ گیاایم کیو یم کے رہنماء طارق میر نے لندن پولیس کو انٹرویو میں بھارت سے فنڈنگ کا اعتراف کیا اور کہا کہ ابتداء میں بھارت سے سالانہ آٹھ لاکھ پونڈزرقم ملتی تھی۔
متحدہ قومی موومنٹ کے رہنما طارق میر نے لندن پولیس کو انٹرویو میں بھارت سے فنڈنگ کااعتراف کرتے ہوئے کہا ہے کہ فنڈنگ کا علم الطاف حسین سمیت چار افراد کو تھا، ابتدا میں بھارت سے سالانہ آٹھ لاکھ پونڈزرقم ملتی تھی۔
ایم کیوایم کے طارق میرنے لندن پولیس کو تیس مئی دوہزار بارہ میں دیے گئے انٹرویو میں بھارت سے فنڈنگ کا اعتراف کیا، طارق میر نے لندن پولیس کو بتایا بھارت نے فنڈنگ کیلئے ایم کیوایم سے خود رابطہ کیا، الطاف حسین کو بھارت سے فنڈنگ کا علم تھا۔ بھارتی حکومت کا خیال تھا ایم کیوایم کی حمایت ان کے حق میں ہے ۔
طارق میر نے لندن پولیس کے سامنے اعتراف کیا کہ ابتدا میں بھارت سے سالانہ8لاکھ پونڈزرقم ملتی تھی۔ بھارت سے ایم کیوایم کو پیسے کوریئر کے ذریعے ملتے تھے، دس ہزار پونڈ کیش لمٹ کی وجہ سے بزنس مین یہ رقم وصول کرتے پھر ایم کیوایم کیلئے ادائیگی کرتےتھے۔
طارق میر نے لندن پولیس کو بتایا بھارتیوں سے پہلی ملاقات ویانا یا روم میں ہوئی۔ جس میں محمد انور موجود تھے۔ بھارتیوں سے ملاقات ویانا،روم،زیورچ،پراگ اور آسٹریا کے شہر سالٹس برگ میں ہوئی۔
طارق کے مطابق ایم کیوایم سے ملنے والے بھارتیوں کا تعلق را سے تھا اور بھارتی افسر کی پہنچ اپنے وزیراعظم تک تھی، بھارتی جب چاہتے ایم کیوایم رہنماؤں سے ملاقات کر لیتے۔
طارق نے بتایا کہ انہیں یقین ہے بھارتیوں نے اپنے اصل نام، رینک اور عہدے نہیں بتائے۔
طارق میر نے لندن پولیس کو بتایا کہ بھارتیوں سے فنڈنگ کا صرف چار افراد کو علم تھا، جس میں الطاف حسین،محمد انور،ڈاکٹرعمران فاروق اور میں (طارق میر) شامل تھا۔
MQM’s Tariq Mir admits recieving funds from India by arynews
