ARYNews.tv | Urdu – Har Lamha Bakhabar

Tag: London

  • پاکستان میں جمہوریت کا تسلسل خوش آئند ہے: برطانوی سیکریٹری خارجہ

    پاکستان میں جمہوریت کا تسلسل خوش آئند ہے: برطانوی سیکریٹری خارجہ

    لندن: برطانوی سیکریٹری خارجہ جیرمی ہنٹ نے کہا ہے کہ پاکستان میں جمہوریت کا تسلسل خوش آئند ہے، کامیاب انتخابات پر مبارک باد پیش کرتے ہیں۔

    ان خیالات کا اظہار انہوں پاکستان کے انتخابات 2018 کے کامیاب انعقاد پر ردعمل دیتے ہوئے کیا، برطانوی سیکریٹری خارجہ کا کہنا تھا کہ برطانیہ کی جانب سے پاکستان میں کامیاب الیکشن پر کروڑوں ووٹرز کو بھی مبارکباد پیش کی جاتی ہے۔

    جیرمی ہنٹ کا اپنے جاری کردہ بیان میں مزید کہنا تھا کہ پاکستانی عوام نےجمہوری تسلسل میں عزم کے ساتھ حصہ لیا، جمہوریت کا سفر یوں ہی چلتے رہنا چاہیے۔

    واضح رہے کہ ملک میں کامیاب الیکشن پر دنیا بھر سے نیک تمناؤں کا اظہار جاری ہے جبکہ پاکستان کے متوقع وزیر اعظم عمران خان کے لیے بھی ستائش جاری ہے۔

    برطانیہ کا پاکستان میں عام انتخابات کے انعقاد پر نیک خواہشات کا اظہار

    خیال رہے کہ پاکستان میں ہونے والے 11 ویں عام انتخابات کے غیر حتمی غیر سرکاری نتائج کا سلسلہ بھی جاری ہے، تحریک انصاف کو اب تک واضح برتری حاصل ہے۔

    الیکشن کمیشن کی جانب سے انتخابی نتائج موصول ہورہے ہیں، اب تک قومی اسمبلی کی 272 میں سے 251، جبکہ پنجاب کی 289، سندھ 118، خیبرپختونخواہ 95 اوربلوچستان کی 45 نشتوں کےحتمی نتائج کا اعلان کیا گیا۔

    الیکشن کمیشن کے مطابق پاکستان تحریک انصاف 115 نشستوں کے ساتھ سرفہرست ہے جبکہ مسلم لیگ ن 62 کے ساتھ دوسرے جبکہ پیپلزپارٹی 43 نشستوں کے ساتھ تیسرے نمبر پر ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • برطانیہ کا پاکستان میں عام انتخابات کے انعقاد پر نیک خواہشات کا اظہار

    برطانیہ کا پاکستان میں عام انتخابات کے انعقاد پر نیک خواہشات کا اظہار

    لندن: پاکستان میں آج عام انتخابات 2018 ہونے جارہے ہیں جس کے انعقاد پر برطانیہ کی جانب سے نیک خواہشات کا اظہار کیا گیا ہے۔

    تفصیلات کے مطابق برطانوی ہائی کمشنر تھامس ڈریو نے کہا ہے کہ انتخابات کا دن پاکستان کے لیے بڑا اہم ہے، کروڑوں پاکستانی مرد وخواتین حق رائے دہی استعمال کریں گے۔

    ان خیالات کا اظہار انہوں نے سماجی رابطے کی ویب سائٹ ٹویٹر پر جاری اپنے پیغام میں کیا، تھامس ڈریو کا کہنا تھا کہ ووٹرز جمہوری طریقے سے ملک کا مستقبل محفوظ اور ترقی یافتہ بنائیں گے۔

    London

    خیال رہے کہ ملک بھر کے 10 کروڑ 50 لاکھ سے زائد رجسٹرڈ ووٹرز آج مورخہ 25 جولائی بروز بدھ اپنا حقِ رائے دہی استعمال کریں گے، قومی اور صوبائی اسمبلیوں کے انتخابات ایک ساتھ منعقد ہوں گے۔

    ملک بھرکے ووٹرز آج اپنا حقِ رائے دہی استعمال کریں گے

    پاکستان میں 25 جولائی 2018 کو منعقد ہونے والے عام انتخابات ملکی تاریخ کے مہنگے ترین انتخابات ہوں گے۔

    یاد رہے کہ الیکشن کمیشن آف پاکستان نے محتاط اندازہ ظاہرکیا ہے کہ انتخابی اخراجات 21 ارب روپے سے زائد کے ہوں گے۔

    واضح رہے کہ عام انتخابات کے لیے پولنگ صبح 8 بجے سے شام 6 بجے تک جاری رہے گی، ملکی تاریخ میں پہلی مرتبہ پولنگ کے وقت میں ایک گھنٹے کا اضافہ کیا گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • برطانیہ: کروڑوں کی جائیداد ملتے ہی اولاد نے ماں باپ کو بے دخل کردیا

    برطانیہ: کروڑوں کی جائیداد ملتے ہی اولاد نے ماں باپ کو بے دخل کردیا

    لندن: برطانیہ میں 87 سالہ مینی ڈیوڈسن اور ان کی 82 سالہ اہلیہ بریجیٹا کو ان کے بیٹے اور بیٹی نے 60 کروڑ پاؤنڈ مالیت کی میراث حاصل کرنے کے بعد عالیشان گھر سے بے دخل کردیا۔

    غیر ملکی خبررساں ادارے کے مطابق 87 سالہ مینی ڈیوڈسن اور ان کی اہلیہ اپنی اولاد کے خلاف عدالت میں قانونی جنگ لڑ رہے ہیں، اس گھرانے کے بیٹے اور بیٹی کو ملنے والی میراث میں ایک عالیشان بنگلا، کروڑوں پاؤنڈ کی جائیداد، بھاری مقدار میں سونا اور 1.7 کروڑ پاؤنڈ سے زیادہ کے نوادرات اور فن پارے شامل ہیں۔

    مینی ڈیوڈسن اور ان کی اہلیہ بریجیٹا نے اپنی تمام تر دولت پراپرٹی کے شعبے میں دن رات محنت کرکے کمائی تھی تاہم اب یہ دونوں اپنی 57 سالہ بیٹی میکسین اور 55 سالہ بیٹے جیرالڈ سے عدالت میں نبرد آزما ہیں۔

    والدین نے اپنی بیٹی اور بیٹے کے خلاف مقدمہ دائر کررکھا ہے تاکہ وہ اپنے نوادرات اور پرانے فن پاروں کا شاندار مجموعہ واپس حاصل کرلیں جو جملہ املاک کے ساتھ ان کی اولاد کے پاس چلا گیا ہے۔

    لیگروف ہاؤس کے حوالے سے معاملہ یہ ہے کہ والدین اس گھر کو خاندان کے نسل در نسل مکان کے طور پر دیکھنے کے خواہش مند تھے، تاہم 2011ء میں ڈیوڈسن اور ان کی اہلیہ موناکو منتقل ہونے کے بعد جب 2015ء میں واپس لوٹے تو ان کو اس عالیشان گھر سے بے دخل کیا جاچکا تھا۔

    اس تنازع کا مرکزی پہلو دو اختیاری ٹرسٹ کو بتایا جاتا ہے جو ڈیوڈسن نے 1967ء میں بنائے تھے اور اپنے بیٹے اور بیٹی کو اس کے مرکزی مستفیدین کے طور پر نامزد کردیا تھا۔

    خاندانی تعلقات میں بگاڑ 2011ء میں آنا شروع ہوا جبکہ زیادہ تر مال و دولت قانونی طور پر ڈیوڈسن کے بیٹے اور بیٹی کے حصے میں آتی رہی، ان اختیاری ٹرسٹ کے حوالے سے اختلاف کا تصفیہ آخرکار بیٹے اور بیٹی کے حق میں ہوا اور دونوں والدین خسارے کے حق دار ٹھہرے۔

    مذکورہ خاندان ایک بار پھر اختلاف کی زد میں ہے اور اس مرتبہ اس کی بنیاد 600 کے قریب نوادرات اور فن پارے ہیں، ڈیوڈسن اور بریجیٹا کے بیٹا اور بیٹی اپنے والدین کی خاطر 1.7 کروڑ پاؤنڈ مالیت کی ان اشیاء سے کسی طور پر بھی دستبردار ہونے کے لیے تیار نہیں ہیں جبکہ یہ رقم دونوں اولاد کو حاصل ہونے والی مجموعی دولت 60 کروڑ پاؤنڈ کے مقابلے میں کچھ حیثیت نہیں رکھتی۔

    جائیداد ہاتھ سے جانے کے بعد اب ڈیوڈسن افسردہ ہیں کہ انہوں نے میراث پر ٹیکس کے اندیشے کے سبب اپنی اولاد کے لیے اختیاری ٹرسٹ کیوں بنائے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • یورپی یونین سے اخراج کا معاملہ، برطانیہ اہم تفصیلات آج جاری کرے گا

    یورپی یونین سے اخراج کا معاملہ، برطانیہ اہم تفصیلات آج جاری کرے گا

    لندن: برطانیہ کی جانب سے یورپی یونین سے اخراج سے متعلق اہم تفصیلات آج جاری کی جائیں گی، جس میں مستقبل کا لائحہ عمل زیر غور ہوگا۔

    تفصیلات کے مطابق یورپی یونین سے اخراج (بریگزٹ) کے حوالے سے اہم تفصیلات آج 24 جولائی کو برطانوی حکام کی جانب سے جاری کر دی جائیں گی جس میں مستقبل کی حکمت موضوع ہوگا۔

    برطانیہ کے جونیئر بریگزٹ وزیر مارٹن کالانن کی جانب سے جارہ کردی بیان میں کہا گیا ہے کہ یورپی یونین سے اخراج کے حوالے سے منصوبے کی مزید تفصیلات منگل کو جاری کر دی جائیں گی۔

    مارٹن کالانن کا کہنا تھا کہ برطانیہ یورپی یونین سے کس طرح نکلے گا، کیا کیا تجاویز ہیں اور ان تجاویز پر کس طرح عمل کیا جائے گا، اس بابت تفصیلات بتائی جائیں گی۔

    بریگزٹ کے بعد برطانیہ کی نئی پالیسی پر مشتمل دستاویز جاری

    خیال رہے کہ رواں ماہ کے آغاز پر برطانوی وزیر اعظم تھریسا مے نے بریگزٹ کے بعد برطانیہ اور یورپی یونین کے باہمی تعلقات کے بارے میں اپنی حکومتی ترجیحات پر مشتمل ایک تحریری دستاویز شائع کی تھی۔

    واضح رہے کہ رواں ماہ کے آغاز میں ہی سابق وزیر خارجہ بورس جانسن بریگزٹ کے معاملے پر اپنے عہدے سے مستعفی ہوگئے تھے جس کے بعد سے ہی برطانوی وزیر اعظم تھریسا مے کی حکومت بحران کی زد میں ہے۔

    یاد رہے کہ بورس جانسن کے مستعفی ہونے پر جیریمی ہنٹ کا بطور وزیر خارجہ تقرر کیا گیا ہے، بورس جانسن بریگزٹ معاملے پر اختلافات کے باعث وزارت سے مستعفی ہوئے تھے وہ یورپی اتحاد سے برطانیہ کے اخراج کی تحریک کے پُرزور حامی تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لندن: 3 سالہ بچے پر تیزاب ڈالنے کے الزام میں 3 نوجوان گرفتار

    لندن: 3 سالہ بچے پر تیزاب ڈالنے کے الزام میں 3 نوجوان گرفتار

    لندن : برطانوی پولیس نے کم سن بچے پر تیزاب پھیکنے کے الزام میں تین نوجوانوں کو گرفتار کرلیا ہے، تیزاب گردی کے نتیجے میں بچے کا چہرہ اور بازو بری طرح جھلس گیا تھا۔

    تفصیلات کے مطابق برطانیہ کے دارالحکومت لندن میں 3 مشتبہ افراد نے ایک روز قبل 3 سالہ کم سن بچے کو تیزاب گردی کا نشانہ بنایا تھا، پولیس نے واقعے کا نوٹس لیتے ہوئے تین نوجوانوں کو تیزاب گردی کرنے کے الزام میں گرفتار کیا ہے۔

    برطانوی پولیس کا کہنا تھا کہ گرفتار ملزمان کی عمر 22، 25 اور 26 برس ہے۔ جنہیں لندن کے علاقے والٹ ہیسٹو سے گرفتار کیا گیا تھا۔

    پولیس کا کہنا ہے کہ تیزاب گردی کے واقعے میں متاثرہ بچے کا چہرہ اور بازو بری طرح جھلس گیا تھا، جسے اسپتال میں طبی امداد دینے کے بعد ڈسچارج کردیا گیا ہے۔

    پولیس ترجمان نے میڈیا کو بتایا کہ مذکورہ حملے کی وجوہات کیا تھی اس بارے میں کچھ معلوم نہیں ہوسکا ہے، تاہم بچے کے چہرے اور بازو پر آنے والے زخموں کے اثرات کب تک باقی رہتے ہیں اس کے بارے میں کچھ نہیں کہا جاسکتا۔

    پولیس ترجمان کا کہنا تھا کہ متاثرہ بچہ ہفتے کے روز اپنے والدین کے ہمراہ گھر کے قریب واقع پارک میں موجود تھا کہ اچانک ملزمان نے بچے پر تیزاب پھینک دیا۔

    برطانیہ کے ایم پی رابن والکر کا نے واقعے کو المناک قرار دیتے ہوئے کہا تھا کہ ’مجھے بہت حیرت ہوئی کہ دنیا میں ایسے افراد بھی موجود ہیں ججو ایک چھوٹے بچے پر حملہ کریں‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • لندن : برطانوی شہری نے اڑنے والا جیٹ سوٹ تیار کرلیا

    لندن : برطانوی شہری نے اڑنے والا جیٹ سوٹ تیار کرلیا

    لندن : ہالی ووڈ فلم آئرن مین سے متاثر برطانوی شہری نے حقیقی زندگی میں اڑنے والا لباس تیار کرلیا ہے، جسے پہن کر 32 میل فی گھنٹہ کی رفتار کی اڑا جاسکتا ہے۔

    تفصیلات کے مطابق رچرڈ براؤنی نامی برطانوی شہری نے ہالی ووڈ کی مشہور زمانہ فلم آئرن مین سے متاثر ہوکر حقیقی زندگی میں ایسا انوکھا لباس تیار کرلیا ہے، جسے پہن کر آئرن مین کی طرح ہوا میں اڑا جاسکتا ہے۔

    غیر ملکی خبر رساں ادارے کا کہنا تھا کہ برطانوی انوکھے لباس کے موجد رچرڈ براؤنی نے اپنا تیار کردہ جیٹ سوٹ پہن کر جھیل کے اوپر فضا میں 10 فٹ تک اڑن بھرکے نیا ورلڈ ریکارڈ قائم کرلیا ہے، جس کے بعد اس کا نام گنیز بک آف ورلڈ ریکارڈ میں شامل کرلیا گیا ہے۔

    برطانوی خبر رساں اداروں کا کہنا تھا کہ آئرن مین کے جیٹ سوٹ میں دونوں بازوں پر 4 گیس ٹربائنز لگائی ہیں اور ہر ٹربائنز آٹھ سو ہارس پاور قوت کی حامل ہے۔

    غیر ملکی خبر رساں ادارے کے مطابق مذکووہ جیٹ سوٹ کا وزن 59 پاؤنڈ (26 کلو) ہے اور جس میں برقی اور تھری ڈی اشیاء بھی نصب کی گئی ہیں، جیٹ سوٹ پیٹرول اور ڈیزل کے ذریعے 32 میل فی گھنٹہ کی رفتار سے اڑان بھر سکتے ہیں، جس کا عملی مظاہرہ بھی رچرڈ پیش کرچکے ہیں۔

    جیٹ سوٹ کے موجد رچرڈ براؤنی نے مذکورہ لباس پہن کر 6 سے 10 فٹ اونچائی پر 30 میل فی گھنٹہ کی رفتار سے پرواز کرکے کامیاب ٹیسٹ کیا۔

    غیر ملکی خبر رساں ادارے کا کہنا تھا کہ مذکورہ جیٹ سوٹ کی قیمت 3 لاکھ 40 ہزار پاؤنڈ معین کی گئی ہے، جو بہت جلد مارکیٹ میں میسر ہوگی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • لندن برج حملہ، جان بچانے والے ہیروز کو بہادری ایوارڈ دینے کا اعلان

    لندن برج حملہ، جان بچانے والے ہیروز کو بہادری ایوارڈ دینے کا اعلان

    لندن : برطانوی حکام نے گذشتہ برس لندن برج حملے میں شہریوں کی جان بچانے والے آٹھ افراد کی خدمات کا اعتراف کرتے ہوئے برطانیہ کے بڑے بہادری ایوارڈ سے نوازنے کا اعلان کیا ہے۔

    تفصیلات کے مطابق برطانوی دارالحکومت لندن میں گذشتہ برس لندن برج پر ہونے والے دہشت گردانہ حملے میں لوگوں کی جان بچانے والے اور دہشت گردوں کا مقابلہ کرنے والے تین پولیس اہلکاروں اور 5 عام شہریوں کو بہادری کا مظاہرہ کرنے پر’سولین گیلنٹری‘ لسٹ میں شامل کرلیا گیا ہے۔

    برطانوی خبر رساں ادارے کا کہنا تھا کہ ملکہ برطانیہ نے کل 20 افراد کو ’ناقابل فراموش بہادری‘ دکھانے پر برطانیہ کے بڑے بہادری ایوارڈ دینے کی منظوری دی ہے۔

    غیر ملکی خبر رساں ادارے کا کہنا تھا کہ ہسپانوی سیاح ’اگناکیو اچیویرا‘ اور ’کرسٹی بوڈن‘ نے لندن برج حملے کے دوران دیگر متاثرین کی جان بچاتے ہوئے اپنی جان قربان کی تھی، حکام کی جانب سے انہیں بھی گیلنڑی لسٹ میں شامل کیا گیا ہے۔

    برطانوی خبر رساں ادارے کا کہنا تھا کہ ملکہ برطانیہ نے ہسپانوی بینکر ’اچیویرا‘ کو برطانیہ کا بہادری ایوارڈ ’جارج میڈل‘ دینے کا اعلان کیا ہے، جنہوں نے لندن برج حملے کے دوران چاقو بردار شخص سے مقابلہ کرتے ہوئے اپنی جان قربان کی تھی۔

    برطانیہ کی ایوارڈ دینے والی کمیٹی کا کہنا ہے کہ ہسپانوی شخص کی بہادری ناقابل فراموش ہے، جس کی ہمت و شجاعت نے کئی جانیں ضائع ہونے سے بچائی اور جائے حادثہ پر موجود دیگر افراد کو اپنی جان بچانے کا موقع ملا۔

    ایوارڈ کمیٹی کا کہنا تھا کہ لندن برج حملے کے دوران مقامی اسپتال کی نرس ’کرسٹی بوڈن‘ کو بھی ’جارج میڈل‘ دینے کا فیصلہ کیا ہے، جو حملے میں متاثرہ افراد کی جان بچانے کی کوشش کررہی تھی اور خود دہشت گردی کا نشانہ بن گئی۔

    برطانوی میڈیا کے مطابق بوڈن کے اہل خانہ کا کہنا ہے کہ وہ ’بوڈن‘ پر فخر محسوس کررہے ہیں، کیوں کہ ملکہ برطانیہ کی جانب سے جارج میڈل دے کر اس کی بہادری کا اعتراف کیا جارہا ہے۔

    لندن برج حملے میں شدید زخمی ہونے والے برطانوی ٹرانسپورٹ پولیس اہلکاروں کو بھی جارج میڈل دینے کا اعلان کیا ہے، جنہوں نے فوری کارروائی کرتے ہوئے کہ دہشت گردوں کا مقابلہ کیا تھا۔ جبکہ دیگر افراد کو ’کوئن کامنڈیٹشن‘ ایوارڈ دینے کا اعلان کیا ہے۔

    برطانوی حکام کے مطابق سول ایواڈ کے لیے نامزد کیے جانے والے افراد میں چاقو کے وار سے زخمی ہونے والے متاثرین کو طبی امداد فراہم کرنے والا عملہ اور دو بحری جہاز ڈوبنے کے بعد 63 افراد کو ریسکیو کرنے والے 4 مرد بھی شامل ہیں۔

    غیر ملکی خبر رساں ادارے کا کہنا تھا کہ برطانوی حکام نے مختلف حادثات لوگوں جان بچاتے اپنی جان قربان کرنے والے ایک سیاح اور بزرگ کو بھی برطانیہ کا سول ایواڈ دینے کا فیصلہ کیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • لندن رائل شو، پاک فضائیہ کی دوسری پوزیشن

    لندن رائل شو، پاک فضائیہ کی دوسری پوزیشن

    لندن: پاک فضائیہ نے برطانیہ میں منعقد ہونے والے رائل انٹرنیشنل شو میں شاندار کارکردگی کا مظاہرہ کرتے ہوئے دوسری پوزیشن کا اعزاز اپنے نام کرلیا۔

    ترجمان پاک فضائیہ کے مطابق برطانیہ میں منعقد ہونے والے 3 روزہ رائل انٹرنیشنل ایئر ٹیٹو شو 2018 میں پاک فضائیہ کے ہرکولیس سی 130 طیارے نے دنیا بھر سے آئے 300 جہازوں میں دوسری پوزیشن اپنے نام کی۔

    پاک فضائیہ کے ترجمان کا کہنا ہے کہ لندن میں مستقبل کی فضائیہ کے عنوان سے کانفرنس کا انعقاد کیا گیا جس میں ائیرچیف مارشل نے شرکت کی اور میگا ایونٹ میں شاندار کارکردگی دکھانے پر ٹیم کو مبارک باد بھی دی۔

    لندن میں منعقد ہونے والے 3 روزہ رائل انٹرنیشنل شو میں دنیا بھر سے آئے 300 طیاروں نے حصہ لیا جس میں  پاکستان ایئر فورس کا سی 130 ہرکولیس سی بھی شامل تھا جس نے دوسری پوزیشن حاصل کی۔

    مزید پڑھیں: رائل شو، پاک فضائیہ کا طیارہ برطانیہ پہنچ گیا

    ائیرچیف نے پاک فضائیہ کے طیارے کا معائنہ کیا اور عالمی اعزاز جیتنے پر پورے ملک کو مبارک باد دیتے ہوئے کہا کہ ’یہ اعزاز عالمی سطح پر پاکستان کے مثبت پہلو کو اجاگر کرے گا اور شو میں شرکت سے دونوں ممالک کی افواج میں ہم آہنگی پیدا ہوگی’۔

    برطانوی دارالحکومت میں ہونے والی کانفرنس میں 60 سے زائد بین الاقوامی فضائیہ کے سربراہان نے شرکت کی۔

    واضح رہے کہ پاک فضائیہ کا سی 130 طیارہ رائل ٹیٹو شو کے مختلف مقابلوں میں حصہ لینے کے لیے 12 جولائی کو لندن پہنچا تھا، خوبصورت رنگوں سے پینٹ کیا گیا تھا۔

    شہرہ آفاق نمبر6 اسکواڈ رن سے تعلق رکھنے والا یہ طیارہ Concurs D’ Elegance ٹرافی مقابلے کے لئے لندن پہنچا تھا،  ائیر شو کے انعقاد کا مقصدرائل ائیر فورس کی صد سالہ خدمات کو خراجِ تحسین پیش کرنا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • امریکی صدر ٹرمپ کا دورہ برطانیہ، عوام کا شدید احتجاج

    امریکی صدر ٹرمپ کا دورہ برطانیہ، عوام کا شدید احتجاج

    لندن: امریکی صدر ڈونلڈ ٹرمپ کے دورہ برطانیہ کے موقع پر عوام کی جانب سے شدید احتجاج کیا جارہا ہے، مظاہرین نے احتجاجاً بے بی ٹرمپ غبارے کو بھی اڑایا۔

    غیر ملکی خبررساں ادارے کے مطابق امریکی صدر ڈونلڈ ٹرمپ کے دورہ برطانیہ کے موقع پر عوام کی جانب سے شدید احتجاج کیا گیا، مظاہرین کی جانب سے تیار کردہ بے بی ٹرمپ غبارے کو اڑا کر احتجاج ریکارڈ کرایا گیا۔

    برطانوی پولیس کی جانب سے مظاہروں کے خدشے کے پیش نظر سیکیورٹی انتہائی سخت کی گئی ہے جبکہ بعض مقامات پر مظاہرین جمع ہوئے اور انہوں نے امریکی صدر کے خلاف نعرے بازی کی۔

    واضح رہے کہ امریکی صدر ڈونلڈ ٹرمپ نے اپنے پہلے دورہ برطانیہ کے دوران بریگزٹ ڈیل کے حوالے سے برطانوی حکومت کو شدید تنقید کا نشانہ بناتے ہوئے کہا تھا کہ بریگزٹ ڈیل پر عمل درآمد کے بعد برطانیہ اور امریکا کے درمیان تجارت مشکل میں پڑ جائے گی۔

    امریکی صدر ڈونلڈ ٹرمپ نے برطانوی خبر رساں اداروں سے گفتگو کرتے ہوئے کہا تھا کہ ’بریگزٹ ڈیل کے حوالے سے برطانوی وزیر اعظم تھریسا مے کو بہت سمجھایا تھا مگر انہوں نے میرے مشورے پر عمل نہیں کیا‘۔

    دوسری جانب برطانوی وزیر اعظم کا کہنا تھا کہ ’بریگزٹ ڈیل کے بعد برطانیہ اور امریکا کو اپنے تعلقات مزید آگے بڑھانے کا موقع ملا گا۔

    مزید پڑھیں: امریکی صدر ڈونلڈ ٹرمپ سرکاری دورے پر برطانیہ پہنچ گئے

    خیال رہے کہ امریکی صدر ڈونلڈ ٹرمپ اہلیہ میلانیا ٹرمپ کے ہمراہ چار روزہ سرکاری دورے پر لندن کے اسٹینسٹیڈ ایئرپورٹ پہنچے جہاں مظاہروں کے پیش نظر انہیں سڑک کے بجائے بذریعہ ہیلی کاپٹر امریکی سفیر کی رہائش گاہ لے جایا گیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • بدمعاشی مہنگی پڑ‌گئی، مریم اور حسین نواز کے بیٹے لندن میں‌ گرفتار

    بدمعاشی مہنگی پڑ‌گئی، مریم اور حسین نواز کے بیٹے لندن میں‌ گرفتار

    لندن: سابق وزیر اعظم نواز شریف کی صاحبزادی مریم نواز کی پاکستان میں گرفتاری سے قبل ان کے بیٹے جنید صفدر کو لندن میں  گرفتار کرلیا گیا ہے۔ لندن پولیس نے حسین نواز کے بیٹے زکریا کو بھی گرفتار کرلیا ہے۔

    تفصیلات کے مطابق مریم اور حسین نواز کے بیٹے جنید صفدر اور زکریا کو لندن میں گرفتار کرلیا گیا ہے، زکریا اور جنید صفدر کو لندن پولیس نے مظاہرین سے جھگڑا کرنے پر گرفتار کیا ہے۔

    مریم نواز کے بیٹے کو لندن پولیس نے گرفتار کرکے ہتھکڑی لگادی ہے، جنید صفدر کو نوجوان کو مکا مارنے پر گرفتار کیا گیا ہے، جنید صفدر کو گھر کے باہر سے گرفتار کیا گیا ہے۔

    نمائندہ اے آر وائی نیوز فرید قریشی کے مطابق جنید صفدر اور زکریا کو چیئرنگ کراس پولیس اسٹیشن منتقل کردیا گیا ہے جبکہ جنید صفدر کا مکا لگنے سے زخمی ہونے والے شخص کو اسپتال منتقل کردیا گیا ہے۔

    دوسری جانب جنید صفدر کا کہنا ہے کہ ایون فیلڈ ہاؤس کے باہر مظاہرین نے مجھ پر تھوکا اور حملہ کرنے کی کوشش کی۔

    مریم نواز نے اپنے ٹویٹر پیغام میں کہا ہے کہ لندن فلیٹ کے باہر پی ٹی آئی کارکن جنید کو دیکھتے ہی برے الفاظ سے پکارتے، ان کی جگہ کوئی بھی ہوتا تو ردعمل دیتا۔

    واضح رہے جنید صفدر کی گرفتاری سے کچھ دیر قبل ہی نواز شریف اور مریم نواز پاکستان روانگی کے لیے لندن ایئرپورٹ کے لیے روانہ ہوئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں