ARYNews.tv | Urdu – Har Lamha Bakhabar

Tag: London

  • لندن میں دنیا کا مہنگا ترین سفارت خانہ

    لندن میں دنیا کا مہنگا ترین سفارت خانہ

    لندن: برطانیہ میں دنیا کا مہنگا ترین، پرتعیش  سفارت خانہ تیار کر لیا گیا ، جس کا افتتاح صدر ٹرمپ فروری میں کریں گے۔

    برطانوی میڈیا کے مطابق امریکا نے برطانیہ میں دنیا کا مہنگا ترین مہنگا ترین،   پرتعیش اور  جدید خصوصیات کا حامل سفارت خانہ بنا ڈالا ، جس پر ایک ارب ڈالر لاگت آئی اور مکمل ہونے میں 4 سال کا عرصہ لگا۔

    یہ سفارت خانہ لندن کے علاقے ’نائن المز‘ میں تعمیر کیا گیا ہے، دریائے ٹیمز کے کنارے واقع 12منزلہ عمارت کی بناوٹ میں جدید تقاضوں کو ذہن میں رکھا گیا ہے ۔

     

     

    عمارت کو ماحول دوست بنانے کے لیے اس کی ہر منزل کو درختوں سے سجایا گیا ہے، جس کا مقصد ایک خوشگوار  ماحول پیدا کرنا ہے۔

     

    حفاظتی اقدامات کے پیش نظر عمارت کے بیریئرز کے ڈیزائن میں قدرتی رکاوٹوں مثلا ٹیرسڈ باغات، گلیوں اور دیگر جدید اسالیب کا استعمال کیا گیا ہے۔

    امریکہ کے نئے سفارتخانے میں ویزا اور دیگر امور کے لیے روزانہ1ہزار افراد کی آمد متوقع ہے جبکہ اس عمارت میں8 سو افراد کام کریں گے

    امریکی صدرٹرمپ فروری میں دورہ برطانیہ میں نئے سفارت خانے کا افتتاح کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بیٹی کو ٹرین میں‌ کیوں‌ سوار نہیں‌ ہونے دیا؟ تاجر کی ٹویٹ نے برطانیہ میں نئی بحث چھیڑ دی

    بیٹی کو ٹرین میں‌ کیوں‌ سوار نہیں‌ ہونے دیا؟ تاجر کی ٹویٹ نے برطانیہ میں نئی بحث چھیڑ دی

    لندن: ایک کروڑ پتی تاجر نے اپنی پندرہ سالہ بیٹی کو ٹرین پر سفر ہونے کی اجازت نہ دینے پر لندن ایوسٹن ریلوے کے عملہ کر شدید تنقید کا نشانہ بنایا، جس کے بعد بچوں‌ کے سفری قوانین سے متعلق نئی بحث چھڑ گئی ہے۔

    تفصیلات کے مطابق گذشتہ دنوں‌ ایک معروف کمپنی کے چیف ایگزیکٹو جیمس ٹمسن نے ٹویٹ کیا کہ ریلوے افسر نے اس کی پندرہ سالہ بیٹی کے ٹکٹ پر "NOT A CHILD” لکھ کر اسے رد کر دیا ہے اور ٹرین پر سوار نہیں ہونے کی اجازت نہیں دی اور اب بچی اسٹیشن پر تنہا ہے۔

    انھوں نے ٹکٹ کی تصویر بھی ٹویٹ کی اور عملے کے رویے کو ہتک آمیز ٹھہرایا، جس نے ٹکٹ ہونے کے باوجود بچی کو سفر کی اجازت نہیں دی۔

    بچی کے والد نے لکھا،”آپ کہتے ہیں کہ اس کے پاس کوئی ایسی دستاویز نہیں، جو اس کی عمر کی تصدیق کرے۔ اس وقت شام کے سات بج رہے ہیں اور وہ اسٹیشن پر تنہا ہے، بچوں‌ کو اپنی کم عمری ثابت کرنے کی ضرورت بھلا کب پیش آتی ہے؟ یہ ہتک آمیز ہے۔“

    جیمس ٹمسن کے ٹویٹ پر بھرپورردعمل آیا۔ ہزاروں افراد نے اسے ری ٹویٹ کیا اور اس نے جلد ٹرینڈ کی شکل اختیار کر لی، جس کے بعد ریلوے کے عملے نے بچی کو ٹرین میں سوار ہونے کی اجازت دے دی۔

    کمپنی کے ترجمان کے مطابق سولہ سال سے کم عمر بچوں کو کرائے پر پچاس فی صد رعایت ملتی ہے، اسی لیے ہم مناسب سمجھتے ہیں کہ وہ اپنی عمر کی تصدیق کے لیے کوئی دستاویز، جیسے پاسپورٹ یا حکومتی آئی ڈی کارڈ اپنے پاس رکھیں۔

    Uk, London, Train

    البتہ انھوں نے اس تلخ تجربے کے لیے مسٹر ٹمسن اور ان کی بیٹی سے معذرت کی اور کہا کہ وہ ان سے رابطے میں ہیں اور اس مسئلے کو خوش اسلوبی سے حل کر لیا جائے گا۔

    اس واقعے نے برطانیہ کے سماجی حلقوں میں نئی بحث چھیڑ دی ہے۔ کئی افراد کی جانب سے یہ نکتہ اٹھایا گیا کہ بچے عام طور سے اپنی شناختی دستاویزات ساتھ لے کر نہیں چلتے اور انھیں اس کا پابند کرنے کا تصور شاید معاشرے کے لیے قابل قبول نہ ہو۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لندن میں ن لیگ کی بڑی بیٹھک، وزیر اعظم کی شرکت، اہم فیصلے متوقع

    لندن میں ن لیگ کی بڑی بیٹھک، وزیر اعظم کی شرکت، اہم فیصلے متوقع

    لندن : نواز شریف کی قیادت میں لندن میں ن لیگ کا اہم اجلاس ہوا۔ اجلاس میں وزیراعظم شاہد خاقان عباسی نے بھی شرکت کی۔

    تفصیلات کے مطابق شہبازشریف، خواجہ آصف، حسن نواز اور مریم نواز نے بھی اجلاس میں شرکت کی۔ یہ ملاقات نوازشریف کے صاحب زادے کے دفتر میں ہوئی۔

    ذرایع کے مطابق سابق وزیر اعظم میاں نوازشریف پر پارٹی صدارت چھوڑنے کا دباؤ بڑھ گیا ہے اور اس ملاقات کا مقصد انھیں اس فیصلے کے لیے قائل کرنا ہے۔

    البتہ وزیر اعظم شاہد خاقان عباسی نے اسے معمول کی ملاقات کردیا۔

    وزیر اعظم نے میڈیا سے بات کرتے ہوئے اسپیکر ایاز صادق کے بیان کو ان کی ذاتی رائے قرار دیا۔ ان کا کہنا تھا کہ وہ اسپیکر کے تمام تحفظات دور کریں گے۔ حکومت کو کوئی خطرہ نہیں۔ اسمبلی اپنی مدت پوری کرے گی، عبوری حکومت جون میں بنے گی۔

    یہ بھی پڑھیں: ہوسکتا ہے اسمبلی مدت پوری نہ کرے، ایاز صادق

    یاد رہے کہ اسپیکر ایاز صادق نے گذشتہ روز یہ خدشہ ظاہر کیا تھا کہ شاید حکومت اپنی مدت پوری نہ کرسکے۔

    وزیر اعظم کا یہ بھی کہنا تھا کہ مقبوضہ بیت المقدس سے متعلق اسرائیل اور امریکا کو او آئی سی کے پلیٹ فورم سے مضبوط بیان دیا گیا ہے۔

    اطلاعات کے مطابق اجلاس کے بعد وزیر اعظم نے اتوار کو پاکستان لوٹنے کا فیصلہ کیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں ۔

  • نیب ٹیم شریف خاندان کیخلاف مزیدثبوت اکھٹے کرنے کیلئے لندن پہنچ گئی

    نیب ٹیم شریف خاندان کیخلاف مزیدثبوت اکھٹے کرنے کیلئے لندن پہنچ گئی

    اسلام آباد : شریف خاندان کے خلاف ریفرنسز کے معاملہ پر نیب لاہور کی دو رکنی ٹیم لندن پہنچ گئی۔

    تفصیلات کے مطابق شریف خاندان کے خلاف ریفرنسز کا معاملہ نیب لاہور کی دو رکنی ٹیم لندن پہنچ گئی، تحقیقاتی ٹیم ایک ہفتہ لندن میں قیام کرے گی۔

    ذرائع کا کہنا ہے کہ نیب ٹیم کی جانب سے کرپشن ریفرنسز سے متعلق مزیدثبوت جمع کیے جائیں گے، نیب افسر لندن فلیٹس اور فلیگ شپ کمپنیز کے حوالے سے دستاویزات تلاش کریں گے۔

    جس کے بعد نئے ثبوت ثبوتوں کی بنیاد پر احتساب عدالت میں ضمنی ریفرنس بھی دائر کیا جا سکتا ہے۔

    نیب کی ٹیم شریف فیملی کے خلاف شواہد اکٹھے کرنے کیلئے لندن میں گورنمنٹ اور پرائیویٹ اداروں کے علاوہ مختلف افراد سے ملاقات کرے گی۔

    اس سے قبل نیب کی ٹیم نے دبئی، سعودی عرب اور لندن سے شریف خاندان کے خلاف مزید تصدیق شدہ دستاویزات حاصل کرلیں جن میں یو اے ای حکومت نے گلف اسٹیل فروخت کرنے کے دعویٰ کو جھوٹا قرار دیا تھا۔

    مزید پڑھیں : نیب کو شریف خاندان کے غیر قانونی اثاثوں کی تصدیق شدہ دستاویزات حاصل

    یاد رہے کہ احتساب عدالت شریف خاندان کیخلاف ریفرنسز میں سابق وزیراعظم کے بیٹوں حسن اورحسین نواز کو اشتہاری قرار دے چکی ہے اور ناقابل ضمانت وارنٹ جاتی کئے ہوئے ہیں ۔

    خیال رہے پاناما کیس میں نیب کو بھیجے گئے ریفرنسسز کی سماعت جاری ہے جہاں سابق وزیراعظم نواز شریف، ان کی صاحبزادی مریم نواز اور داماد کیپٹن صفدر پیش ہو چکے ہیں جب کہ حسین و حسن نواز تاحال لندن میں مقیم ہیں۔

    یاد رہے کہ 19 اکتوبر کو احتساب عدالت نے ایون فیلڈ ریفرنس میں نواز شریف، مریم نواز اور کیپٹن ریٹائرڈ صفدر پر فرد جرم عائد کی تھی جبکہ اسی روز عزیزیہ اسٹیل ریفرنس میں بھی نواز شریف پر فرد جرم عائد کردی گئی تھی۔

    بعد ازاں عدالت کا وقت ختم ہونے کے باعث اس سے اگلے روز 20 اکتوبر کو  فلیگ شپ انویسٹمنٹ ریفرنس میں بھی نامزد ملزم نواز شریف پر فرد جرم عائد کردی گئی تھی۔

    واضح رہے کہ کہ لندن فلیٹس سے متعلق ریفرنس میں سابق وزیراعظم نوازشریف ان کے دونوں بیٹے حسن اور حسین نواز، مریم نواز اور داماد کیپٹن ریٹائرڈ صفدر کوملزم نامزد کیا گیا دیگر دو ریفرنسز العزیزیہ اسٹیل ملزجدہ اور آف شور کمپنیوں سے متعلق فلیگ شپ انوسٹمنٹ ریفرنسز میں نوازشریف سمیت ان کے دونوں صاحبزادوں کو ملزم نامزد کیا گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نواز شریف کا مریم نواز کے ساتھ دسمبر کے پہلے ہفتے میں لندن جانے کا امکان

    نواز شریف کا مریم نواز کے ساتھ دسمبر کے پہلے ہفتے میں لندن جانے کا امکان

    اسلام آباد : سابق وزیر اعظم نواز شریف کا اپنی صاحبزادی مریم نواز کے ساتھ پانچ دسمبر کو لندن روانہ ہونے کا امکان ہے۔

    اکستان مسلم لیگ نون کے ذرائع کے مطابق نااہل نواز شریف کادسمبر کے پہلے ہفتے میں لندن جانے کا امکان ہے جہاں وہ ایک ہفتہ قیام کرینگے، مریم نواز بھی نواز شریف کے ہمراہ لندن جائیں گی۔

    اس دوران وہ نواز شریف اپنی اہلیہ کلثوم نواز کی عیادت کرینگے۔

    زرائع کا کہنا ہے کہ کلثوم نواز کی3کیمو تھراپی ہوچکی ہیں، دسمبر میں مزید ٹیسٹ ہوں گے۔

    اس سے قبل سابق وزیراعظم میاں محمد نوازشریف نے لندن نہ جانے کا فیصلہ کیا تھا اور محموداچکزئی سے ملاقات میں 2 دسمبر کے جلسے میں شرکت کی دعوت قبول کرلی تھی۔

    مزید پڑھیں : نوازشریف کا لندن نہ جانے کا فیصلہ

    نواز شریف 2دسمبر کو کوئٹہ میں عوامی جلسہ سے خطاب کریں گے۔

    خیال رہے کہ وزیراعظم نواز شریف کو اہلیہ کلثوم نواز کی ناساز طبیعت کے باعث 20 نومبر کو لندن روانہ ہونا تھا۔

    یاد رہے کہ سابق وزیراعظم نواز شریف نے پارٹی رہنماؤں اور کارکنوں سے گفتگو کرتے ہوئے کہا تھا کہ میرے خلاف فیصلہ حقائق کے خلاف تھا، عوام نے اس فیصلے کو قبول نہیں کیا، عوام اور کارکن میرے ساتھ کھڑے ہیں۔

    مزید پڑھیں : عوام اور کارکن میرے ساتھ کھڑے ہیں،نوازشریف

    نواز شریف کا کہنا تھا کہ کبھی وزیراعظم کو ہٹایا، کبھی پھانسی دی گئی، کبھی گرفتار کیاجاتا ہے تو کبھی جلاوطن کر دیا جاتا ہے، آمریت کے دور میں ملک نے کبھی ترقی نہیں کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • لندن : شہزادہ ہیری کی امریکی اداکارہ میگھن مرکل سے منگنی

    لندن : شہزادہ ہیری کی امریکی اداکارہ میگھن مرکل سے منگنی

    لندن : برطانوی شہزادے ہیری نے امریکی اداکارہ میگھن مارکل سے منگنی کرلی، آئندہ سال یہ جوڑا شادی کے بندھن میں بندھ جائے گا۔

    تفصیلات کے مطابق برطانیہ کے شہزادے اور لیڈی ڈیانا کے چھوٹے صاحبزادے پرنس ہیری نے امریکی اداکارہ میگھن مرکل سے منگنی کرلی۔ شاہی خاندان نے منگنی کی تصدیق کردی ہے اور اگلے سال شادی کا اعلان کردیا۔

    شہزادہ ہیری نے اپنی دلہن کیلئے کسی شہزادی کو نہیں چنا بلکہ بڑے بھائی کی طرح ایک عام سی اداکارہ کو اپنا شریک سفر بنانے کا اعلان کردیا۔

    پرنس ہیری اور ان کی منگیتر ایک ساتھ شاہی محل سے باہر آئے، ملکہ برطانیہ نے پرنس ہیری اور میگھن کو مبارکباد دیتے ہوئے نیک خواہشات کا اظہارکیا۔

    اس سے قبل پرنس ہیری کے بڑے بھائی پرنس ولیم نے بھی ایک عام سی لڑکی کیٹ مڈلٹن کواپنی شریک حیات بنا کر شاہی محل کی زینت بنایا تھا۔

    شاہی خاندان کی جانب سے اپنے آفیشل ٹوئٹر اکاؤنٹ پر پرنس ہیری اورمیگھن مرکل کی منگنی کا اعلان کرتے ہوئے کہا گیا کہ دونوں کی شادی دوہزاراٹھارہ کے موسم بہارمیں ہوگی۔

    برطانوی میڈیا کے مطابق شہزادہ ہیری کی عمر32سال ہے جبکہ ان کی منگیترامریکی اداکارہ میگھن مرکل ان سے چار سال بڑی ہیں، یہ دونوں آپس میں گہرے دوست بھی ہیں۔

    یاد رہے کہ دونوں شہزادوں کی والدہ لیڈی ڈیانا بھی کسی سلطنت کی شہزادی نہ تھیں۔

  • پاکستان جاؤں گا،وہاں جائے بغیرحالات تبدیل نہیں ہوں گے،پرویزمشرف

    پاکستان جاؤں گا،وہاں جائے بغیرحالات تبدیل نہیں ہوں گے،پرویزمشرف

    لندن : سابق صدر پروز مشرف نے کہا ہے کہ پاکستان جاؤں گا، وہاں جائے بغیر حالات تبدیل نہیں ہوں گے، ملک کے موجودہ مسائل کاحل عبوری حکومت کا قیام ہے۔

    تفصیلات کے مطابق لندن میں جلسے سے خطاب میں سابق صدر پرویز مشرف نے کہا کہ ملک قیادت کے بحران اور بدانتظامی کا شکار ہے، اداروں میں اختلافات ہیں جن کا فائدہ بھارت اٹھارہا ہے۔

    نواز شریف پر تنقید کرتے ہوئے پرویز مشرف کا کہنا تھا کہ پارلیمنٹ نےنااہل شخص کوپارٹی صدربنانےکی راہ ہموارکی، نااہل شخص کوپارٹی صدربنانےکی راہ ہموارکرنا آئین کیساتھ ظلم ہے، امید ہےکہ سپریم کورٹ ایسی قانون سازی کےنفاذ کو روکےگی ۔

    کراچی کے حالات کے حوالے سے سابق صدر نے کہا کہ کراچی میں سیاسی خلاموجود ہے، کراچی میں ایم کیوایم کے علاوہ کوئی سیاسی قوت نہیں ، پاکستان میں ایم کیوایم اورمہاجرلفظ منفی سمجھا جارہا ہے۔

    مزید پڑھیں :  کراچی کی سیاست میں بلا وجہ میرا نام لیا جا رہا ہے، پرویز مشرف

    انکا مزید کہنا تھا کہ مسئلہ کشمیرکے حل تک بھارت کو افغانستان تک رسائی نہیں ملے گی، موجودہ مسائل کاحل عبوری حکومت کا قیام ہے، پاک سرزمین پارٹی کی قیادت سے کوئی تعلق نہیں۔

    پرویز مشرف نے کہا کہ سندھ میں تمام قومیتوں پرمشتمل پارٹی ہی پی پی کو شکست دے سکتی ہے، پاکستان جاؤں گا،وہاں جائے بغیر حالات تبدیل نہیں ہوں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈاکٹر عاصم حسین کا لندن جانے کا امکان، این او سی جاری

    ڈاکٹر عاصم حسین کا لندن جانے کا امکان، این او سی جاری

    کراچی : انسداد دہشت گردی عدالت نے ڈاکٹر عاصم حسین کو بیرون ملک جانے کا این او سی جاری کردیا جبکہ احتساب عدالت نے بھی حاضری سے استثنیٰ کی درخواست منظور کرلی ہے۔

    تفصیلات کے مطابق انسداد دہشت گردی کی عدالت میں دہشت گردوں کا علاج کرانے کے معاملہ پر سماعت ہوئی، کراچی احتساب عدالت نے ڈاکٹر عاصم کی حاضری سے استثنیٰ کی درخواست منظور کرلی، جس کے بعد نسداد دہشت گردی عدالت نے ڈاکٹر عاصم حسین کو 24نومبر سے 6جنوری 2018تک بیرون ملک جانے کی اجازت دے دی اور این او سی جاری کردیا ۔

    عدالت نے کہا کہ ڈاکٹر عاصم کوسپریم کورٹ سےاجازت پہلےہی مل چکی ہے، ڈاکٹر عاصم کو بیرون ملک جانے کے لیے این او سی کی ضرورت نہیں، ڈاکٹر عاصم کی غیر موجودگی میں کیسز چلتے رہیں گے۔

    ڈاکٹر عاصم کو بیرون ملک جانے کی اجازت سپریم کورٹ کی جانب سے ای سی ایل سے نام خارج کرنے کے بعد دی گئی۔

    دوسری جانب سپریم کورٹ میں ڈاکٹر عاصم کا نام ای سی ایل سے نکالنے سے متعلق کیس کی سماعت ہوئی، عدالت نےسیکریٹری داخلہ کو توہین عدالت کا نوٹس جاری کردیا۔

    مزید پڑھیں :  سپریم کورٹ نے ڈاکٹر عاصم کو علاج کیلئے بیرون ملک جانے کی اجازت دیدی

    جسٹس مشیرعالم ،جسٹس قاضی فائزعیسیٰ پر مشتمل دو رکنی بینچ نے کی، جسٹس مشیر عالم نے کہا کہ اخبار میں پڑھا ڈاکٹرعاصم کانام ای سی ایل سے نکال دیا گیا ہے، جس پر ڈاکٹر عاصم کے وکیل سردار لطیف کھوسہ نے کہا کہ کل شام تک نام ای سی ایل میں موجودہ تھا۔

    بعد ازاں سماعت منگل تک ملتوی کردی گئی۔

    ذرائع کے مطابق ڈاکٹر عاصم آج رات علاج کیلئے بیرون ملک روانہ ہونگے۔

    خیال رہے اس سے قبل سندھ ہائی کورٹ کے حکم کے بعد ڈاکٹر عاصم حسین کا نام ایگزٹ کنٹرول لسٹ ( ای سی ایل) سے نکال دیا گیا تھا جس کے بعد وہ علاج کے سلسلے میں بیرون ملک روانہ ہوگئے تھے اوراکتوبر کی چھ تاریخ کو وطن لوٹ آئے تھے۔

    ڈاکٹر عاصم نے میڈیا سے گفتگو میں کہا تھا جو لوگ کہتے تھے میں نہیں آؤں گا دیکھ لو میں آگیا ہوں، بے بنیاد مقدمات کا سامنا کیا ہے اور کروں گا، جنہوں نے جھوٹے کیسز کرائے آج خود کیسز کا سامنا کر رہے ہیں۔

    مزید پڑھیں : بھاگنے والوں میں سے نہیں، ڈاکٹر عاصم

    انکا کہنا تھا کہ ہم پاکستان سے بھاگنےوالوں میں سے نہیں ہیں، نوازشریف یہ غلط فہمی میں نہ رہے کہ پاکستان اس کا ہے، شریف خاندان پہلے بھی 10سال ملک سے باہر تھا، شریف خاندان اب بھی ملک سے بھاگ سکتا ہے، ن لیگ ملک کو 200سال پیچھے لےجانا چاہتی ہے۔

    واضح رہے کہ رواں سال 29 مارچ کو سندھ ہائی کورٹ نے طبی بنیادوں پر ڈاکٹرعاصم حسین کے خلاف 479 ارب روپے کی کرپشن کے 2 مقدمات میں 25،25 لاکھ روپے کے 2 ضمانتی مچلکوں کے عوض ضمانت منظور کی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایم کیو ایم لندن اور پاکستان کے کارکن گرفتار، گٹرسے اسلحہ برآمد

    ایم کیو ایم لندن اور پاکستان کے کارکن گرفتار، گٹرسے اسلحہ برآمد

    کراچی : پولیس اور رینجرز نے شہر میں بڑی کارروائیاں کرکے ایم کیو ایم لندن اور ایم کیوایم پاکستان کے کارندوں کو گرفتار کرکے ملزمان کے قبضے سے بھاری تعداد میں اسلحہ برآمد کرلیا۔

    تفصیلات کے مطابق کراچی میں دہشت گردوں اور جرائم پیشہ عناصر کے گرد قانون کا گھیرا تنگ ہوگیا، سیکیورٹی اداروں نے مختلف مقامات پر تابڑ توڑ کارروائیاں کیں۔

    رینجرز نے ایم کیوایم لندن اور پاکستان کے دو کارندے دھرلیے، ترجمان رینجرز کے مطابق ملزمان ٹارگٹ کلنگ، بھتہ خوری کی وارداتوں میں ملوث ہیں۔

    علاوہ ازیں سی ٹی ڈی نے ایم کیوایم لندن کا کارندہ اور کے ایم سی کے گھوسٹ ملازم ارشد مغل کو گرفتار کرکے ملزم کی نشاندہی پرایم کیوایم لندن کا پارک کے گٹر میں چھپایا گیا اسلحہ برآمد کرلیا۔

    بریگیڈ پولیس نے لائنز ایریا میں کارروائی کرکے چار اسٹریٹ کرمنل دھرلیے۔ ملزمان کے قبضے سے چار پستول، گولیاں اور دو موٹرسائیکلیں برآمد کرلیں۔ پولیس کے مطابق ملزمان پہلے بھی جیل جاچکےہیں اور اب منظم گروہ چلارہے تھے۔

  • اسحاق ڈار نے وزارت سے سبکدوشی کیلئے وزیراعظم کو آگاہ کردیا

    اسحاق ڈار نے وزارت سے سبکدوشی کیلئے وزیراعظم کو آگاہ کردیا

    لندن : وزیر خزانہ اسحاق ڈار نے اپنی ذمہ داریوں سے سبکدوش ہونے کیلئے وزیراعظم کو خط لکھ دیا ہے، ان کا کہنا ہے کہ بیماری کے سبب وزارت خزانہ کے فرائض انجام نہیں دے سکتا۔

    تفصیلات کے مطابق اےآروائی نیوزکی خبرکی تصدیق ہوگئی، اپنی تجوریاں بھرنے کے بعد اسحاق ڈار نے قومی خزانہ کی چابی واپس کردی۔

    ذرائع کا کہنا ہے کہ وزیر خزانہ اسحاق ڈار نے وزیراعظم شاہد خاقان عباسی کو خط لکھا ہے، جس میں کہا گیا ہے کہ میں اپنی بیماری کی وجہ سے وزارت خزانہ کی ذمہ داریاں نہیں سنبھا ل نہیں سکتا لہٰذا مجھے اس ذمہ داری سے سبکدوش کر دیا جائے۔

    اسحاق ڈار نے استعفی کا خط لکھنے سے پہلے نواز شریف کو بھی اعتماد میں لیا، خط میں ذمہ داریوں سے الگ ہونے کی وجہ خرابی صحت بیان کی گئی۔

    یاد رہے کہ کرپشن الزامات کے بوجھ تلے دبے اسحاق ڈار کو شدید تنقید کا سامنا تھا، اس کے باوجود کئی عرصے تک عہدے سےچپکے رہے۔ استعفٰی کے بعد ایک اور تنازع کھڑا ہو گیا۔

    ذرائع کا کہنا ہے کہ نئے وزیر خزانہ کے انتخاب پر سابق نااہل وزیر اعظم نواز شریف اور شاہد خاقان عباسی میں اختلاف ہیں، جب تک کوئی حتمی نام سامنے نہیں آتا، وزیر اعظم شاہد خاقان عباسی یہ قلمدان اپنے پاس رکھ سکتے ہیں۔

    اس حوالے سے اے آر وائی نیوز سے گفتگو کرتے ہوئے سینیئر سیاستدان شیخ رشید نے کہا کہ اسحاق ڈار کا کیس نااہل وزیراعظم اور وزیراعظم کے درمیان تنازع ہے۔

    وزیراعظم شاہد خاقان کئی دن سے کہہ رہے ہیں نیا وزیر خزانہ لانا ہے، نیا وزیر خزانہ لانے میں صرف اور صرف نواز شریف رکاوٹ ہیں۔

    مزید پڑھیں: اسحاق ڈار کا استعفی، فیصلے پر سیاستدانوں کا ردعمل

    ان کا مزید کہنا تھا کہ اسحاق ڈار کا استعفیٰ جلدی منظور کر لینا چاہیئے، مسلم لیگ ن کی حکومت سے کوئی چیزنہیں سنبھل رہی، شاہد خاقان کے پاس وزیرخزانہ کیلئے اوربھی کئی نام موجود ہیں، دیکھتے ہیں نوازشریف کسی اور کو وزیرخزانہ آنے دیں گے یا نہیں۔