لندن: برطانوی دارالحکومت لندن کے ٹیوب اسٹیشن پرنامعلوم حملہ آور نے چاقو کے وار کرکے ایک شخص کو ہلاک اور دو کو زخمی کردیا۔
تفصیلات کے مطابق لندن میں پارسن گرین کے ٹیوب اسٹیشن کے باہر نامعلوم شخص نے تین لوگوں پر چھریوں سے حملہ کردیا،واقعے میں ایک شخص ہلاک اور دو شدید زخمی ہوگئے۔
واقعے کے بعد ٹیوب اسٹیشن کو بند کردیا گیا جبکہ پولیس نے علاقے کو گھیرے میں لے کرحملہ آور کی تلاش شروع کردی ہے۔
یاد رہے کہ رواں برس 23 مارچ کو مانچسٹر ایرینا میں کنسرٹ کے دوران ہونے والےخود کش دھماکے کے نتیجے میں 22 افراد ہلاک اور 59 سے زائد زخمی ہوگئے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
لاہور : پاکستان عوامی تحریک کے سربراہ ڈاکٹر طاہر القادری لاہور سے لندن کے لیے روانہ ہوگئے۔
تفصیلات کے مطابق سربراہ پاکستان عوامی تحریک ڈاکٹر طاہر القادری غیر ملکی پرواز سے لندن روانہ ہوگئے، وہ پروازکیو آر629 کے زریعے براستہ دوحہ لندن پہنچیں گے۔
ترجمان عوامی تحریک کے مطابق ڈاکٹر طاہرالقادری لندن اور برمنگھم میں دو ہفتے قیام کے دوران بین الاقوامی کانفرسز سے خطاب کریں گے اور طبی معائنہ بھی کروایں گے۔
ڈاکٹرطاہر القادری نے ایئرپورٹ روانگی سے قبل کارکنان سے ملاقات کی اور ملک وقوم کی امن و سلامتی کے لئے دعا بھی کی۔
گذشتہ روز پریس کانفرنس میں ڈاکٹر طاہرالقادری کا کہنا تھا کہ نوازشریف کےاندربھی بانی ایم کیوایم چھپا ہوا ہے، شریف برادران کا نام نہاد احتساب ہورہا ہے، موجودہ نظام کےتحت 20سال میں بھی احتساب نہیں ہوگا، یہ سپریم کورٹ کوسپریم کورٹ اورقانون کوقانون نہیں مانتے۔
طاہر القادری کا کہنا تھا کہ نوازشریف اداروں اورملک کی معیشت کوبربادکررہےہیں، لیگی وزیر پاکستان کے لئے ہر روز مشکلات پیدا کررہےہیں، ملک میں سازش کےتحت انتشار پھیلایا جارہاہے، سازش ملک کی سالمیت اور وجود کیخلاف ہورہی ہے، قانون جب مضبوط ہوگاتوجرح ہوگی اوربلایا جائےگا۔
انکا کہنا تھا کہ حکومت کوپاکستان کی سالمیت کی کوئی فکر نہیں، حلف نامےمیں تبدیلی سےان کی چوری پکڑی گئی، حلف نامےمیں تبدیلی نہیں بہت بڑی سازش کی گئی۔
سربراہ پاکستان عوامی تحریک کا مزید کہنا تھا کہ اس وقت سیاست اور ریاست کے درمیان جنگ شروع کر دی گئی ہے، یہ آئین کو نہیں مانتے‘ غیر آئینی، غیرقانونی غیراخلاقی اور دہشت گرد سیاست اور ریاست پر حملہ آور ہے اور، اس حملے میں تمام حکومتی ادارے سیاست کے ساتھ ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔
لاہور : سابق وزیراعظم میاں محمد نوازشریف آج لندن روانہ ہوگئے جہاں وہ اپنی اہلیہ کلثوم نوازکی عیادت کریں گے۔
تفصیلات کے مطابق سابق وزیراعظم میاں محمد نوازشریف آج پی آئی اے کی پرواز پی کے757 کے ذریعےلندن روانہ ہوگئے جہاں وہ اپنی اہلیہ کلثوم نواز کی عیادت کریں گے۔
سابق وزیراعظم نوازشریف کے ہمراہ ان کے سیکریٹری محمد حنیف خان بھی لندن روانہ ہوگئے۔
یاد رہے کہ گزشتہ روز سابق وزیراعظم نواز شریف نے کہا تھا کہ میں ووٹ کے تقدس کی جنگ لڑ رہا ہوں اور کسی جماعت نے اپنے منشورپر عمل درآمد نہیں کیا لیکن ہم نے حکومت میں آکر اپنے وعدوں کو پورا کیا شاید اسی لیے ہمیں حکومت سے باہر کیا گیا۔
واضح رہے کہ دو روز قبل مسلم لیگ ن کے بلا مقابلہ صدر منتخب ہونے کے بعد سابق وزیراعظم نواز شریف نے کہا تھا پاناما میں کچھ نہیں ملاتھا تو قوم کو صاف صاف بتا دیتے، بتا دیتے پاناما میں کچھ نہیں ملا،اقامے پر نکال رہے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: سابق وزیر اعظم نواز شریف کا طیارہ رن وے پر روک لیا گیا، نواز شریف اپنی اہلیہ کلثوم نواز کی عیادت کیلئے لندن جارہے ہیں۔
تفصیلات کے مطابق نااہل وزیراعظم نواز شریف اپنی اہلیہ کلثوم نواز کی عیادت کیلئے لندن روانہ ہوئے تو انکا طیارہ رن وے پر روک لیا گیا ، بتایا جارہا ہے کہ جہاز میں سوار ایک مسافر کی طبیعت خراب ہو گئی، جس کے باعث طیارے کو روکا گیا ، خاتون مسافر کو ایمبولینس کے ذریعے جہاز سے ٹرمینل منتقل کر دیا گیا ہے ، سی اے اے میڈیکل آفیسر مسافر کو ابتدائی طبی امداد دے رہی ہیں۔
نااہل وزیراعظم پرواز پی کےسیون فائیوسیون کی بزنس کلاس کیٹیگری پرسفر کر رہے ہیں، ان کی ٹکٹ پرواپسی کی تاریخ چارجنوری دو ہزاراٹھارہ لکھی ہے۔ جبکہ نواز شریف کے ساتھی حنیف خان ان کے ہمراہ ہیں۔
ذرائع کے مطابق سابق وزیراعظم اہلیہ کےعلاج کے لئے کچھ عرصہ لندن میں قیام کریں گے۔
واضح رہے کہ نواز شریف پچیس ستمبر کو لندن سے وطن واپس پہنچے تھے، نیب عدالت نے فردجرم کے لئے انھیں بچوں سمیت نو اکتوبر کو طلب کر رکھا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لندن : سابق وزیر اعظم نواز شریف کی صاحبزادی مریم نواز نے اعلیٰ عدلیہ پر طنز کرتے ہوئے کہا ہے کہ نواز شریف کو نکالنےکیلئے پٹیشن پاناماکی، فیصلہ اقاما پر، انہوں نے کہا کہ آج ثابت ہوگیا کہ نوازشریف کے پیچھے پوری پارٹی متحد ہوکر کھڑی ہے۔
یہ بات انہوں نے سماجی رابطے کی ویب سائٹ ٹوئٹر پر اپنے تازہ پیغام میں کہی،تفصیلات کے مطابق مریم نواز جو آج کل ٹوئٹر کے محاذ پر کافی سرگرم دکھائی دیتی ہیں۔
انہوں نے سپریم کورٹ پر کھل کر طنز کرتے ہوئے اپنی پوسٹ میں عمران خان نااہلی کیس کی سماعت کے موقع پر اعلی عدلیہ کے ججز اور اکرم شیخ کے درمیان ہونے والی گفتگو کے اسکرین شاٹس لگائے ہیں۔
جس میں لکھا ہے کہ ’’جس تناظرمیں بات ہوئی اسی تناظرمیں پڑھیں،چیف جسٹس‘‘ جس کے جواب مریم نواز نے لکھا کہ ’’جی! جیسے پاناما کے تناظر میں اقاما پر نااہلی،‘‘
ایک اور ٹوئٹ میں دکھایا گیا کہ ’’جوآپ کہہ رہے ہیں وہ آپ کی پٹیشن میں نہیں،چیف جسٹس کےریمارکس‘‘ جس پر انہوں نے لکھا کہ ’’لیکن نوازشریف کو نکالنے کیلئےپٹیشن پاناما کی، فیصلہ اقاما پر‘‘ کیا گیا۔
Lekin Nawaz Sharif ko nikalnay ke liye petition Panama ki, faisla iqama per ! pic.twitter.com/WHoF1shhBZ
انہوں نے کہا کہ اگر 6 اعشاریہ 5 فیصد رقم کی ٹریل ثابت نہ ہونا کوئی جرم نہیں تو نوازشریف کے ظاہر کردہ اثاثوں میں دس ہزار درہم کا اوسط کیوں نہیں نکالا گیا؟
اگر 6 اعشاریہ 5 فیصد رقم کی ٹریل ثابت نا ھونا کوئی جرم نہیں تو نوازشریف کے ظاہر کردہ اثاثوں میں دس ہزار درہم کا اوسط کیوں نہیں نکالا گیا؟
مریم نواز نے اپنے ایک اور ٹوئٹ میں نواز شریف کو مسلم لیگ کا بلامقابلہ صدر منتخب کرنے کے حوالے سے کہا کہ آج ثابت ہوگیا کہ نوازشریف کے پیچھے پارٹی متحد ہوکر کھڑی ہے۔
نوازشریف کے پارٹی صدر بننے سے خوف میں مبتلا لوگوں کو تکلیف ہے، یہ تکلیف ان لوگوں کو ہے جن کا نون لیگ سےدور کا بھی تعلق نہیں ہے، نوازشریف کے مخالف ان کے چاہنے والوں کے آگے بےبس ہیں۔
اج ثابت ھوگیا کہ نوازشریف کے پیچھے پارٹی یکجہت ھوکر کھڑی ھے۔ نوازشریف کے مخالف کے نوازشریف کے چاہنے والوں کے سامنے بے بس ہیں….
انہوں نے کہا کہ اس سے ثابت ہوتا ہے کہ یہ کتنے بے بس ہیں کہ وہ نواز شریف کیخلاف کتنے ہی منصوبے بنا لیں مگر کامیاب نہیں ہوتے جبکہ وہ پاکستانی سیاست پر مسلسل راج کررہے ہیں۔
Shows how frustrated they are that no amount of plotting & scheming against MNS has worked. He continues to dominate Pakistani politics. https://t.co/lntr7EoEeq
لندن : مریم نواز نے کہا ہے کہ بچہ جمہورا عمران خان اپنے آقاؤں کے اشاروں پر پھر بےشرمی سےناچ رہے ہیں۔
تفصیلات کے مطابق سابق وزیر اعظم کی صاحبزادی مریم نواز نے عمران خان کو بچہ جمہورا قرار دے دیا، ان کا کہنا ہے کہ عمران خان اپنے آقاؤں کے اشاروں پر پھر بےشرمی سےناچ رہے ہیں۔
یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی۔ پی ٹی آئی کے چیئرمین عمران خان کے اس بیان پر کہ رینجرز نیب عدالت کے باہر چلی گئی تو کیا غلط ہوا؟۔
مریم نواز نے جواب میں ٹوئٹ کردیا، جس میں انہوں نے عمران خان کو اشاروں پر ناچنے والوں کا خطاب دے ڈالا، انہوں نے مزید کہا کہ یادرکھو پارلیمنٹ سب سے اعلیٰ ادارہ ہے۔
مریم نواز پاکستانی سیاست میں نابالغ ہیں، فواد چوہدری
اس حوالے سے پی ٹی آئی رہنما فواد چوہدری نے اپنے رد عمل میں کہا کہ مریم نواز پاکستانی سیاست میں نابالغ ہیں، انہوں نے ابھی ملکی سیاست کو پڑھا بھی نہیں ہے۔
اگر انہوں نے یہ جاننا ہے کہ کس طرح آئی ایس آئی سے پیسے لیے جاتے ہیں؟ اسٹیبلشمنٹ کا بچہ کسے کہتے ہیں؟ کس طرح جمہوری حکومتوں کے تختے الٹے جاتے ہیں؟ تو انہیں اپنے والد نواز شریف کی ہسٹری کو دیکھنا ہوگا۔
انہوں نے کہا کہ عمران خان نے جمہوریت کی بقا اور سالمیت کیلئے عوام کے ساتھ مل کر جو جدوجہد کی ہے وہ سب کے سامنے ہے مریم نواز کے اس طرح کے بیانات سے کوئی فرق نہیں پڑتا۔
الیکشن جیتنے کے بعد سے مریم نواز اب تک حلقے میں نہ جا سکیں
این اے ایک سو بیس کا الیکشن جیتنے کے بعد سے مریم نواز حلقے میں نظر نہیں آئیں، بڑے بڑے دعوے کرنے والی لیڈر الیکشن کے اگلے روز ہی لندن روانہ گئیں، اپنا کام بنتا، بھاڑ میں جائے جنتا، کے مصداق مریم نواز نے بھی یہی کیا۔
این ایک سو بیس میں ووٹ لینے کیلئے گلی گلی محلہ محلہ گئیں، عوام سے ووٹ مانگے، ووٹ دینے کے وعدے لیے، بڑےبڑے دعوے کیے۔
مریم نواز نے حلقے کے لوگوں سے لاہور سے نہ جانے کا بھی کہاتھا لیکن نتیجہ آنے کے اگلے روز ہی مریم نواز لندن اڑان بھر گئیں، این اے ایک سو بیس کے الیکشن میں نون لیگ کی فتح کے بعد سے اب تک مریم نواز لندن میں ہیں اور ان کے ووٹرز ان کی راہ تک رہے ہیں۔
مریم نواز اپنے پہلے ہی وعدے کو وفا نہ کرسکیں۔ سوال یہ ہے کہ حلقے کی ترقی کے بڑے بڑے دعوؤں کا کیا ہوگا؟ کیا این اے ایک سوبیس کے لوگوں کے ساتھ ایک بار پھر ہاتھ ہوگیا؟
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لندن: شیر نے برطانوی رگبی ٹیم کے کھلاڑی کا ہاتھ چبا ڈالا، کھلاڑی کو علاج کے لیے اسپتال منتقل کردیا گیا۔
تفصیلات کے مطابق شیر کو پیار کرنا آپ کو مہنگا بھی پڑ سکتا ہے، ایسے کئی واقعات اس سے پہلے دنیا بھر میں پیش آچکے ہیں جس میں شیر یا چیتے کو کسی نے پالا اور اس نے اپنے ہی مالک کو شکار کرلیا یا زخمی کردیا۔
اسی طرح کسی شخص نے چڑیا گھر یا کسی اور شخص کے گھر پالے گئے جنگلے میں رکھے شیر کو پیار کرنے کی کوشش اور اسے نقصان پہنچا۔
ایسا ہی واقعہ برطانیہ میں پیش آیا کہ جب رگبی کے برطانوی کھلاڑی نے پنجرے میں قید شیر کو پیار کرنے کی نیت سے اس کے سرپر ہاتھ پھیرا تو ایک دم سے شیر نے رخ بدل کر اس کا ہاتھ اپنے جبڑوں میں دبالیا اور چباڈالا۔
موقع پر موجود لوگ اور خود کھلاڑی بھی چیخ اٹھا، ایک شخص ویڈیو بنا رہا تھا تو اتفاق سے یہ منظرکیمرے کی آنکھ نے قید کرلیا۔
اسلام آباد : سابق وزیراعظم میاں نواز شریف کی آج لندن روانہ ہونے کا امکان ہے جبکہ کلثوم نواز کو طبیعت میں بہتری پر ایمرجنسی سے کمرے میں منتقل کردیا گیا ہے۔
تفصیلات کے مطابق سابق وزیراعظم نوازشریف کی آج لندن روانگی کا امکان ہے، لندن واپسی کے لیے ویزے کی مدت میں دس سال کی توسیع کرالی جبکہ احتساب عدالت نے انہیں تاحال حاضری سے استثنی نہیں دیا ہے۔
کلثوم نواز کی طبعیت تاحال خراب ہے جس کے باعث امکان ہے کہ نواز شرف آج ہی لندن روانہ ہوجائیں گے۔
یاد رہے کہ سابق وزیر اعظم نوازشریف کی اہلیہ بیگم کلثوم نواز کی طبیعت ناساز ہونے پر دوبارہ اسپتال منتقل کیا گیا، طبیعت میں بہتری پر ایمرجنسی سے کمرے میں منتقل کردیا گیا ہے۔
حسین نواز نے اے آر وائی نیوز سے گفتگو میں بتایا کہ والدہ کا علاج چل رہا ہے، صورتحال ایسی ہے کہ نواز شریف لندن آئیں گے۔
مزید پڑھیں : ڈاکٹرز والدہ کی طبیعت کی بہتری کیلئے کوشاں ہیں ،مریم نواز
گذشتہ روز مریم نواز نے ٹوئٹ میں بتایا تھا کہ امی کی طبیعت پھر خراب ہوگئی، مریم نواز نے دعاؤں کی درخواست کرتے ہوئے کہا کہ ڈاکٹرز کوشش کر رہے ہیں کہ کلثوم نواز کی طبیعت بہتر ہوجائے۔
دوسری جانب احتساب عدالت نےنواز شریف اور انکے بچوں کے خلاف مقدمات کا تحریری فیصلہ جاری کردیا ہے، جس میں بتایا کہ نواز شریف کی جانب سے دی گئی حاضری سے استثنیٰ کی درخواست پر فیصلہ کیا جانا باقی ہے۔
نیب ریفرنسز میں پیش ہونا ہے احتساب عدالت سےحاضری کا استثنیٰ نہ ملنے کے باوجود سابق وزیراعظم دوبارہ لندن جانے کا فیصلہ کیا ہے
واضح رہے گزشتہ روزسابق وزیراعظم میاں محمد نوازشریف پر فرد جرم عائد کرنے کے لیےاحتساب عدالت نے 2 اکتوبر کی تاریخ دی تھی جبکہ حسن، حسین اور مریم نواز کے ناقابل ضمانت وارنٹ گرفتاری جاری کرتے ہوئے کہا تھا کہ انہیں گرفتار کرکے 2 اکتوبرکو پیش کیا جائے۔
جس کے بعد سابق وزیراعظم نواز شریف نے صحافیوں سے گفتگو کرتے ہوئے عدلیہ پر شدید تنقید کرتے ہوئے کہا تھا کہ 2018 میں بڑا فیصلہ آئے جو مولوی تمیز الدین سمیت تمام فیصلوں کو بہا کرلےجائے گا۔
سابق وزیراعظم کا کہنا تھا کہ کھلی آنکھوں سے دیکھ رہے ہیں انصاف اور قانون کے تقاضے پامال ہورہے ہیں،آخرمیں فیصلہ یہ آیا ہے کہ ایک روپے کی بھی کرپشن ثابت نہیں ہوئی۔ مجھےنااہل کرنا ہی تھا اسی لیے اقامہ کی آڑلی گئی، یہ اعتراف ہی کرلیا جاتا کہ پانامامیں سزانہیں دی جاسکتی، اسی لیے اقامہ پر نااہل کیا گیا، پانامامیں سزانہیں دی جاسکتی تھی اسی لیے اقامہ پر نااہل کردیا گیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لندن : ن لیگ کی رہنما مریم نواز نے کہا ہے کہ نواز شریف کو علم ہے ان کے ساتھ جو کچھ ہورہا ہے وہ احتساب نہیں، پھر بھی انہوں نے وطن واپسی کا فیصلہ کیا ہے یہ بات انہوں نے اپنے ٹوئٹر پیغام میں کہی۔
تفصیلات کے مطابق سابق وزیر اعظم کی صاحبزادی مریم نواز ایک بار پھر ٹویٹر محاذ پر سرگرم ہوگئیں، سماجی رابطے کی ویب سائٹ ٹوئٹر پر اپنے پیغام میں ان کا کہنا ہے کہ نواز شریف جانتے ہیں کہ انہیں احتساب نہیں کسی اور چیز کا سامنا ہے۔
یہ جانتے ہوئے بھی انہوں نے وطن واپسی کا فیصلہ کیا ہے، سابق وزیراعظم اسی لئے وطن واپس آرہےہیں،انہوں نے کہا کہ نوازشریف اپنی ذات کیلئے نہیں بلکہ بیس کروڑعوام کی جنگ لڑنے آرہےہیں۔
Knowing what he faces is NOT accountability, the man decides to return. It is not about his person anymore. It is the battle of 200 million.
مریم نواز کا اپنے ٹوئٹ میں کہنا ہے کہ تبدیلی کیلئے چیلنج دینا پھرقیمت ادا کرناجرات و بہادری کا کام ہے، خوشی سے اپنے چیلنج کی بڑی قیمت ادا کرنےکی ہمت ہرشخص میں نہیں ہوتی۔
It takes great amount of courage & valour to be willing to pay the price for challenging what needs to be changed. Not everyone can do that.
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لندن: سابق وزیر اعظم نواز شریف نے کہا ہے کہ بات پاناما کی تھی تو سزا اقامہ پر کیوں ہوئی، نیب میں کس قسم کا ریفرنس دائر کیا گیا ہے۔ ہمارے 1972 کے معاملات پر کس قسم کا احتساب ہورہا ہے۔
ہیتھرو ایئرپورٹ روانگی سے قبل میڈیا سے گفتگو کرتے ہوئے نواز شریف نے کہا کہ ہم نے کوئی کرپشن نہیں کی، سرکاری پیسہ نہیں کھایا، یہ کیسا احتساب ہورہا ہے۔
سابق وزیر اعظم نے کہا کہ عوام کے پیسے میں بدعنوانی یا خیانت نہیں کی، بار بار کہا کرپشن کک بیک یا کمیشن کا کیس نہیں، بات پاناما کی ہوئی تھی تو سزا اقامہ پر کیوں ہوئی، سوچنے کی بات ہے۔
نواز شریف نے کہا کہ اپنی اہلیہ کے علاج کے لیے لندن آیا ہوں، ایسا ارادہ نہیں تھا کہ لندن بیٹھا رہوں گا اور واپس نہیں جاؤں گا۔
سابق وزیر اعظم نواز شریف نے کہا کہ فیصلہ بھی انہوں نے دیا، اپیل بھی انہوں نے سنی، نگراں جج بھی وہی بن گئے ہیں، جب یہ معاملہ اپیل میں جائے گا تو آگے بھی خود ہی موجو ہوں گے۔
واضح رہے کہ نواز شریف کل صبح پی آئی اے کی پرواز پی کے 786 سے اسلام آباد پہنچیں گے، نواز شریف کے احتساب عدالت میں بھی پیش ہونے کا امکان ہے، نواز شریف کو دوبارہ مسلم لیگ کا صدر بنانے کا بھی فیصلہ کیا گیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
