لندن : پاکستان تحریکِ انصاف کے سربراہ عمران خان کا کہنا ہے کہ اب دھرنا نہیں ہوگا لیکن احتجاج ہوسکتا ہے، ان کا کہنا ہے کہ شادی کرنا کونساجرم ہے، وقت آیا تو سب کو بتاؤں گا۔
تحریکِ انصاف کے چیئرمین کا ہیتھرو ائیرپورٹ پر صحافیوں سے گفتگو میں کہنا تھا کہ آئین میں ترامیم اور فوجی عدالتوں پر تحفظات ہیں، جمہوریت میں ایسا نہیں ہوتا تاہم حکومت کو موقع نہیں دینا چاہتے کہ ہم نے مخالفت کی۔
کراچی میں فوجی آپریشن کے حوالے سے عمران خان کا کہنا تھا کہ کراچی کی پولیس کو غیر جانبدار کرنا پڑیگا۔
شادی کے حوالے سے عمران خان کا کہنا تھا کہ شادی کرنا کونسا جرم ہے، چھپانے کی کیا ضرورت وقت آیا تو سب کو بتاؤں گا، سربراہ تحریکِ انصاف نے کہا کہ اسمبلیوں میں جانے کا فیصلہ جوڈیشل کمیشن کا فیصلہ آنے کے بعد کرینگے ۔
انکا کہنا تھا کہ دھرنا دوبارہ نہیں ہوگا،احتجاج ہوسکتا ہے۔
