باکسنگ ایک ایسا کھیل ہے جس کا شمار انسانی فطرت کے قریب ترین کھیلوں میں کیا جاتا ہے وہ اس لیے کہ لوگ اکثر لڑائی کے دوران مکے بازی ہی کرتے ہیں۔
یہ کھیل اولمپکس گیمز کا اہم ایونٹ اور دنیا کے مقبول ترین کھیلوں میں سے ایک ہے، اس میں تکنیک، توانائی، ذہانت اور قوت برداشت کا بھرپور استعمال ہوتا ہے۔
ویسے تو دنیا میں نامور باکسرز کے درمیان بڑے سنسنی خیز مقابلے ہوئے لیکن آج سے تقریباً 130 سال پہلے دو باکسرز کے درمیان ہونے والی لڑائی یادگار بن گئی، مقابلے کی خاص بات یہ تھی کہ انہوں نے ایک دوسرے پر مسلسل 7 گھنٹے تک مکوں کی بارش جاری رکھی۔
On April 6, 1893, the boxing world witnessed one of the most extraordinary and grueling fights in history—Jack Burke vs. Andy Bowen. Held in New Orleans, this bout would go down as the longest gloved boxing match ever, lasting a staggering 110 rounds over 7 hours and 19 minutes.…
— Past To Present History (@PastToPresentH1) July 30, 2025
اس لڑائی کے دوران ان کی حالت قابل دید بلکہ قابل رحم تھی لیکن زخموں سے چُور باکسرز کے عزم اور حوصلے کی بات کی جائے تو وہ کم ہونے کا نام ہی نہیں لے رہا تھا۔
6اپریل 1893 کو نیو اورلینز میں باکسنگ کے شائقین نے ایک ایسا تاریخی اور تھکا دینے والا مقابلہ دیکھا جو ہمیشہ یاد رکھا جائے گا۔ یہ مقابلہ جیک برک اور اینڈی بووین کے درمیان ہوا جو تاریخ کا سب سے طویل گلوز باکسنگ میچ قرار پایا۔
دونوں باکسرز کے درمیان یہ مقابلہ رات 9 بجے شروع ہوا اور اگلی صبح تقریباً 4 بجے تک جاری رہا، حیران کن طور پر یہ مقابلہ 110 راؤنڈز تک گیا جو 7 گھنٹے 19 منٹ پر محیط تھا۔ دونوں باکسرز نے ہمت نہ ہاری اور لگا تار ایک دوسرے پر تابڑ توڑ حملے کرتے رہے۔
andy bowen vs jack burke pic.twitter.com/1ilOPl64BW
— Guildamesh (@FlyerGuild) April 12, 2025
مقابلہ اس قدر سخت اور جان لیوا تھا کہ 110 راؤنڈز تک ایک دوسرے پر مکوں کی بارش کرنے کے بعد دونوں باکسر اتنے تھک گئے کہ کرسی سے اٹھنے کی بھی سکت نہ رہی۔
مقابلے کے اختتام پر جیک برک کے دونوں ہاتھوں کی ہڈیاں ٹوٹ چکی تھیں جبکہ اینڈی بووین اتنے نڈھال ہوگئے کہ رنگ میں گر پڑے۔
دونوں باکسرز کے مزید لڑنے کے قابل نہ رہنے پر ریفری نے مقابلے کو "نو کانٹیسٹ” قرار دے دیا، کیونکہ دونوں میں سے کوئی بھی ناک آؤٹ نہیں ہوا تھا لیکن بعد میں اسے ڈرا میں تبدیل کر دیا گیا اور انعامی رقم دونوں میں برابر تقسیم کی گئی۔