Tag: Lord Nazir

لندن: برطانوی دارالامراء کے رکن لارڈ نذیز کا کہنا ہے کہ روہنگیا مسلمانوں پر ظلم وستم قابل مذمت ہے، مسلم برادری روہنگیا مسلمانوں کی دل کھول کر مدد کرے۔

تفصیلات کے مطابق برطانوی دارالامراء کے رکن لارڈ نذیر احمد روہنگیا مسلمانوں کی مدد کیلئے وفد کے ہمراہ بنگلہ دیش روانہ ہوگئے ، روانگی سے قبل اے آر وائی نیوز سے خصوصی بات چیت کرتے ہوئے کہا کہ روہنگیا مسلمانوں پر ظلم وستم قابل مذمت ہے۔

لارڈ نذیز نے مزید کہا کہ مسلم برادری امریکی سیلاب زدگان کی مدد کرسکتی ہے تو  انہیں مشکل کی اس گھڑی میں روہنگیا مسلمانوں کی بھی جی کھول کرامداد کرنی چاہے۔

دوسری جانب یورپی پارلیمنٹ کے پاکستانی نژادبرطانوی رکن سجادکریم نے روہنگیا مسلمانوں کیخلاف قرارداد پارلیمنٹ میں جمع کرادی، سجادکریم کا کہنا ہے کہ میانمارحکومت فوری طور پر انسانی المیے کو روکے۔

مزید پڑھیں : میانمار سے ہجرت کرنے والے مسلمانوں کی تعداد چارلاکھ تک پہنچ گئی

دوسری جانب نگلہ دیش پہنچنے والے روہنگیا پناہ گزینوں کی تعداد 4لاکھ سے زائد ہوگئی ہے ، بنگلہ دیش میں سرچھپانے کے لئے کیمپوں میں عارضی رہائش بنانے کے لئے درکار چیزوں کے لئے بھی روہنگیا مسلمانوں سے بھاری قیمت مانگی جاررہی ہے۔

دشوارسفرطے کر کے بنگلہ دیش پہنچنے والی پناہ گزین کاکہنا تھا کہ دریا عبورکرانے کے لئے کشتی والے بہت پیسے وصول کررہے ہیں، خستہ حال کیمپوں میں پناہ گزین ابترحالات سے دوچار ہیں، غذا اوردواؤں کی کمی کا سامنا کرتے روہنگیا پناہ گزین گندگی اور ناکافی سہولتوں کے باعث بیماریوں کا شکار ہورہے ہیں۔

اقوام متحدہ کا کہنا ہے بنگلہ دیش پہنچنے والے روہنگیامسلمانوں کے لئے بڑے پیمانے پرامداد کی ضرورت ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔