ARYNews.tv | Urdu – Har Lamha Bakhabar

Tag: lords test

  • ’بیٹا میرے لیے خوش قسمتی کا باعث ہے‘

    ’بیٹا میرے لیے خوش قسمتی کا باعث ہے‘

    لندن: قومی کرکٹ ٹیم کے کپتان سرفراز احمد نے اپنے صاحبزادے عبداللہ کو چیمپئن قرار دیتے ہوئے کہا ہے کہ میرے لیے عبداللہ بہت خوش قسمت ثابت ہوا۔

    تفصیلات کے مطابق لارڈز کرکٹ اسٹیڈیم میں ٹیسٹ میں تاریخی فتح حاصل کرنے کے بعد کپتان سرفراز احمد نے برطانوی میڈیا کے ساتھ اپنے صاحبزادے عبداللہ کے ہمراہ مختصر بات چیت کی جس کی ویڈیو سوشل میڈیا پر وائرل ہوگئی۔

    کپتان کا کہنا تھا کہ کرکٹ جس ملک کا قومی کھیل ہے اُس کے ہوم گراؤنڈ پر اُن ہی کی ٹیم کو شکست دینے میرے لیے بہت بڑی خوشی  ہے،  میرا بیٹا اصل چیمپئن اور خوش قسمتی کا باعث ہے۔

    مزید پڑھیں: لارڈز ٹیسٹ : پاکستان کی نو وکٹوں سے شاندار فتح

    سرفراز احمد کا کہنا تھا کہ لارڈز کے میدان میں فتح حاصل کرنا ناقابل بیان ہے، میں جہاں بھی جاؤں بیٹا ساتھ ہوتا ہے جو میرے لیے بہت اچھا اور پرسکون احساس ہے۔

    بات چیت کے دوران مزاحیہ منظر اُس وقت پیش آیا کہ جب کپتان کےصاحبزادے نے اینکر کا مائیک بھی پکڑا جس پر دونوں کی ہنسی نکل گئی۔

    یاد رہے کہ قومی کرکٹ ٹیم نے لارڈز ٹیسٹ میں انگلینڈ کو نو وکٹوں سے شکست دے کر شاندار فتح اپنے نام کرلی،   پاکستان نے64 رنز کا ہدف ایک وکٹ پرپورا کیا ، پاکستان کی یہ مسلسل دوسری فتح تھی۔

    واضح رہے کہ قومی کرکٹ ٹیم کے کپتان سرفراز احمد 19 نومبر 2015 کو سابق امپائر کی صاحبزادی خوش بخت سے رشتہ ازدواج میں منسلک ہوئے جس کے بعد اُن کے گھر میں بیٹے کی پیدائش ہوئی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لارڈ ٹیسٹ : پاکستان کی نو وکٹوں سے شاندار فتح، انگلینڈ کو شرمناک شکست

    لارڈ ٹیسٹ : پاکستان کی نو وکٹوں سے شاندار فتح، انگلینڈ کو شرمناک شکست

    لندن : قومی کرکٹ ٹیم نے لارڈز ٹیسٹ میں انگلینڈ کو نو وکٹوں سے شکست دے کر شاندار فتح اپنے نام کرلی،   پاکستان نے64 رنز کا ہدف ایک وکٹ پرپورا کیا ، پاکستان کی یہ مسلسل دوسری فتح ہے۔

    تفصیلات کے مطابق پاکستان اور انگلینڈ کی ٹیموں کے درمیان کھیلے جارہے پہلے ٹیسٹ میچ میں لارڈز کا میدان پاکستان کے نام رہا، انگلینڈ کی ٹیم کو ہوم گراؤنڈ پر بدترین شکست کا سامنا کرنا پڑا۔

    چوتھے روز جب کھیل کا آغاز ہوا تو انگلش بلے باز چند منٹ کے مہمان ثابت ہوئے، دوسرے ہی اوور میں محمد عباس نے بٹلر کو ٹھکانے لگادیا، نئی گیند ملتے ہی محمد عامر کی سوئنگ بھی واپس آگئی جس کے بعد اسٹورٹ براڈ اور ڈومینک بیس بھی جلد رخصت ہوگئے۔

    اس طرح انگلینڈ کی پوری ٹیم 242 رنز آؤٹ ہوگئی، چوتھے روز صرف7 رنز کے اضافے سے انگلینڈ کے چار کھلاڑی پویلین واپس لوٹے۔ پاکستان کو جیت کیلئے معمولی 64 رنز کا ہدف ملا تو اظہرعلی چار رنز پر بولڈ ہوگئے، اس کے بعد حارث سہیل اور امام الحق نے اور کسی اور کھلاڑی کو وکٹ پر آنے کی زحمت نہ دی۔

    حارث سہیل نے وننگ شاٹ لگا کر کرکٹ کے گھر لارڈز میں پاکستان کو پانچویں فتح دلوائی، محمد عباس نے میچ میں آٹھ وکٹیں حاصل کیںاور مین آف دی میچ قرار پائے۔ محمد عامرنے 5 وکٹیں جبکہ حسن علی نے کل 4 اور شاداب خان دو وکٹیں حاصل کرنے میں کامیاب ہوئے۔

    یاد رہے کہ قومی کرکٹ ٹیم کی لارڈز میں یہ مجموعی طور پر پانچویں جبکہ مسلسل دوسری فتح ہے، اس سے قبل مصباح الحق کی قیادت میں پاکستان نے لارڈز کے میدان میں ٹیسٹ میچ جیتا تھا اور یادگار پش اپس بھی لگائے تھے۔

    انگلش ٹیم بیٹنگ بالنگ اور فیلڈنگ تینوں شعبوں میں آؤٹ کلاس ہوگئی، میچ میں پاکستان کے بالرز اور بلے باز چھائے رہے۔ پاکستان کی جانب سے پہلی اننگز میں ہی چار ففٹیز بنائی گئیں، اظہر علی، بابر اعظم، اسد شفیق اور شاداب خان نے انگلینڈ کو بیک فٹ پر دھکیل دیا۔

    مزید پڑھیں: لارڈز ٹیسٹ، تیسرا روز، انگلینڈ کے6وکٹوں کے نقصان پر235رنز

    ایک موقع پر انگلینڈ اننگز کی شکست سے بال بال بچا، میچ میں پاکستانی کھلاڑیوں کی فیلڈنگ بھی بہت بہترین رہی، عمدہ کیچز پکڑ کر میچ کو اپنی گرفت میں کیے رکھا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • لارڈز ٹیسٹ: تیسرا روز، انگلینڈ کے6وکٹوں کے نقصان پر235رنز

    لارڈز ٹیسٹ: تیسرا روز، انگلینڈ کے6وکٹوں کے نقصان پر235رنز

    لندن : انگلینڈ کی ٹیم 6وکٹوں پر235رنز بنا کر ایک اننگز کی شکست سے بچ گئی، انگلش ٹیم کو پاکستان پر56رنز کی برتری حاصل ہوگئی۔

    تفصیلات کے مطابق لارڈز کے میدان میں جاری پاکستان اور انگلینڈ کے درمیان کھیلے جارہے پہلے ٹیسٹ کے تیسرے روز کا کھیل ختم ہوگیا، آج کا دن بھی پاکستان کے نام رہا۔

    انگلینڈ نے کھیل کے اختتام پر چھ وکٹ پر دو سو پینتس رنز بنالئے۔ انگلینڈ کو پاکستان پر چھپن رنز کی برتری حاصل ہے، لارڈز ٹیسٹ میں انگلینڈ پر شکست کے بادل منڈلانے لگے، انگلینڈ نےپاکستان کا رنز کاخسارا تو ختم کردیا لیکن جیت اب بھی پاکستان کے قریب ہے ۔

    دوسری اننگز میں بھی انگلش بیٹنگ لائن لڑکھڑا گئی،179رنز خسارے میں جانے کے بعد انگلش بلے باز کے ہاتھ پاؤں پھول گئے، اوپنرز کےجلد آؤٹ ہونے کےبعد جو روٹ اور ڈیوڈ ملان کی شراکت خطرہ بننے ہی والی تھی کہ محمد عامر نے اوپر تلے دو وکٹیں اڑا دیں، ایک سو دس رنز پر انگلینڈ کی چھ وکٹیں گرچکی تھیں۔

    تیسرے د ن کے کھیل میں انگلینڈ کی اننگ ایک لمحہ ایسابھی آیا جہاں ایسالگ رہا تھا کہ پاکستان ٹیم انگلینڈ کو ایک اننگ کی شکست دے کر نیاریکارڈ قائم کرلے گا کیونکہ آج تک کسی بھی ایشائی ٹیم نے انگلینڈ کو لارڈز میں ایک اننگ کی شکست نہیں دی لیکن اس وقت جوز بٹلر اور ڈومینک بیس کی سنچری شراکت نے انگلینڈ کو اننگز کی شکست سے بچایا۔

    دونوں کھلاڑیوں نے بالترتیب66اور55رنز بنائے۔ کھیل کے اختتام پر انگلینڈ نے235 رنزبنالئے، انگلینڈ کو پاکستان پر56رنز کی برتری حاصل ہے اوراس کی چار وکٹیں باقی ہیں، محمد عامر، محمد عباس اور شاداب خان نے2،2 وکٹیں حاصل کیں۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • لارڈز ٹیسٹ: دوسرا دن پاکستان کے نام، شاہنوں نے 8 وکٹ پر 350 رنز بنالیے

    لارڈز ٹیسٹ: دوسرا دن پاکستان کے نام، شاہنوں نے 8 وکٹ پر 350 رنز بنالیے

    لندن: پاکستان اور انگلینڈ کے درمیان جاری لارڈز ٹیسٹ میچ کے دوسرے روز پاکستان نے 8 وکٹوں کے نقصان پر 350 رنز بنالیے، اظہر علی، اسد شفیق، بابر اعظم اور شاداب خان نے نصف سنچریاں بنائیں۔

    تفصیلات کے مطابق لارڈز ٹیسٹ میچ کے دوسرے روز پاکستانی بلے باز چھا گئے، قومی ٹیم نے 8 وکٹوں کے نقصان پر 350 رنز بنالیے، پاکستان کو انگلینڈ کے خلاف 166 رنز کی برتری حاصل ہوگئی ہے۔

    پاکستان کی جانب سے اظہر علی، اسد شفیق، بابر اعظم اور شاداب خان نے شاندار نصف سنچریاں اسکور کیں، بابر اعظم 68 رنز پر بین اسٹوکس کی گیند ہاتھ پر لگنے کے سبب ریٹائر ہرٹ ہوگئے، محمد عامر 19 اور محمد عباس بغیر کسی رن کے ساتھ کریز پر موجود ہیں۔

    انگلینڈ کی جانب سے بین اسٹوکس اور جیمز اینڈرسن نے تین، تین کھلاڑیوں کو پویلین کی راہ دکھائی جبکہ اسٹورٹ براڈ اور ووڈ کے حصے میں ایک، ایک وکٹ آسکی۔

    قبل ازیں دوسرے روز کھیل کا آغاز ہوا تو پاکستان کو پہلے سیشن میں دو وکٹوں کا نقصان اٹھانا پڑا، پاکستان کے دوسرے آؤٹ ہونے والے بلے باز حارث سہیل تھے وہ 39 رنز بناکر وکٹوں کے پیچھے کیچ دے بیٹھے۔

    گرین کیپس کی تیسری وکٹ 119 رنز پر گری جب اظہرعلی 50 رنز بنا کر اینڈرسن کی گیند پر ایل بی ڈبلیو آؤٹ ہوگئے، کھانے کے وقفے تک پاکستان نے 3 وکٹوں کے نقصان پر 136 رنز بنائے تھے۔

    قومی ٹیم کے چوتھے آؤٹ ہونے والے کھلاڑی اسد شفیق تھے وہ 59 رنز بناسکے، کپتان سرفراز احمد صرف 9 رنز بنا کر بین اسٹوکس کی گیند پر کیچ آؤٹ ہوئے، بابر اعظم 68 رنز بناکر ریٹائرڈ ہوئے جبکہ چھٹے آؤٹ ہونے والے کھلاڑی فہیم شرف 37 رنز بناسکے۔

    لیگ اسپنر شاداب خان نے شاندار نصف سنچری اسکور کی، وہ 52 رنز بناکر اینڈرسن کی گیند پر آؤٹ ہوئے، حسن علی بغیر کوئی رن بنائے پویلین لوٹ گئے۔

    واضح رہے لارڈز ٹیسٹ میچ کے پہلے روز انگلینڈ کی پوری ٹیم 184 رنز پر ڈھیر ہوگئی تھی، پاکستان کی جانب سے حسن علی اور محمد عباس نے چار،چار وکٹیں حاصل کی تھیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لارڈز ٹیسٹ: انگلینڈ کی ٹیم 184 رنز پر ڈھیر، پاکستان نے ایک وکٹ کے نقصان پر 50 رنز بنالیے

    لارڈز ٹیسٹ: انگلینڈ کی ٹیم 184 رنز پر ڈھیر، پاکستان نے ایک وکٹ کے نقصان پر 50 رنز بنالیے

    لارڈز: پاکستان اور انگلینڈ کے درمیان جاری لارڈز ٹیسٹ میچ کے پہلے روز انگلینڈ کی ٹیم 184 رنز پر ڈھیر ہوگئی، دن کے اختتام پر پاکستان نے ایک وکٹ کے نقصان پر پچاس رنز بنالیے۔

    تفصیلات کے مطابق لارڈز ٹیسٹ میچ کے پہلے روز انگلینڈ کی ٹیم 184 رنز بنا کر آؤٹ ہوگئی، محمد عباس اور حسن علی نے چار، چار وکٹیں حاصل کیں، پاکستان نے دن کے اختتام پر ایک وکٹ کے نقصان پر 50 رنز بنالیے، قومی ٹیم کو انگلینڈ کی برتری ختم کرنے کے لیے 134 رنز درکار ہیں ان کی 9 وکٹیں باقی ہیں۔

     اظہر علی 18 اور حارث سہیل 21 رنز بناکر کریز پر موجود ہیں جبکہ اوپنر امام الحق 4 رنز بنا کر براڈ کی گیند پر ایل بی ڈبلیو آؤٹ ہوگئے تھے۔

    قبل ازیں لندن کے تاریخی میدان لارڈز میں جاری پاکستان اور انگلینڈ کے درمیان پہلے ٹیسٹ میچ میں انگلینڈ کے کپتان جوئے روٹ نے ٹاس جیت کر بیٹنگ کا فیصلہ کیا جو صحیح ثابت نہ ہوسکا اور انگلینڈ کی پوری ٹیم 184 رنز پر آؤٹ ہوگئی۔

    انگلینڈ کی جانب سے ایلسٹر کک اور بین اسٹوکس کے علاوہ کوئی بھی بلے باز اچھی کارکردگی نہ دکھا سکا، کک نے نصف سنچری اسکور کرتے ہوئے 70 رنز بنائے جبکہ بین اسٹوکس 38 رنز بناسکے۔

    انگلینڈ کے کپتان جوئے روٹ صرف چار رنز بنا کر حسن کی گیند پر سرفراز احمد کو کیچ دے بیٹھے، ڈیوڈ ملان کو بھی 6 رنز پر حسن علی نے اپنا شکار بنایا، بریسٹو 27 رنز بناسکے انہیں فہیم اشرف نے بولڈ کیا۔

    پاکستان کی جانب سے محمد عباس اور حسن علی نے چار، چار کھلاڑیوں کو پویلین کی راہ دکھائی، محمد عامر اور فہیم اشرف نے ایک، ایک وکٹ حاصل کی، لیگ اسپنر شاداب خان کوئی وکٹ حاصل نہ کرسکے۔

    واضح رہے کہ پاکستان اور انگلینڈ کے درمیان دو سال بعد ٹیسٹ سیریز کھیلی جارہی ہے، آخری مرتبہ مصباح الحق کی قیادت میں قومی ٹیم نے اوول ٹیسٹ میچ انگلینڈ کو شکسست دے کر پہلی مرتبہ آئی سی سی رینکنگ میں پہلی پوزیشن حاصل کی تھی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لارڈزمیں شکست : انگلش کرکٹ بورڈ نے سلیکشن کمیٹی کو فارغ کرنیکا فیصلہ کرلیا

    لارڈزمیں شکست : انگلش کرکٹ بورڈ نے سلیکشن کمیٹی کو فارغ کرنیکا فیصلہ کرلیا

    لندن : ڈائریکٹر انگلش کرکٹ بورڈ نے جیمز اینڈرسن کو فٹ ہونے کے باوجود لارڈز ٹیسٹ میں نہ کھلانے پرسلیکشن کمیٹی کو فارغ کرنے کا فیصلہ کرلیا۔

    لارڈز ٹیسٹ میں ہارکی سزا انگلش سلیکشن کمیٹی کو ملےگی۔ ڈائریکٹر انگلش کرکٹ بورڈ نےفٹ جیمز اینڈرسن کو نہ کھلانے پر سلیکشن کمیٹی کی برطرفی کافیصلہ سنادیا۔

    فاسٹ بولر جیمز اینڈرسن فٹ تھے یانہیں۔ نئی بحث چھڑ گئی ہے۔ برطانوی میڈیا کےمطابق اینڈرسن لارڈز ٹیسٹ کھیلنا چاہتے تھے۔ انگلش کوچ اورکپتان ایلسٹر کک بھی اینڈرسن کوٹیم کا حصہ بنانا چاہتے تھے، لیکن سلیکشن پینل نےاسکواڈ کا حصہ نہیں بنایا۔

    سلیکشن کمیٹی کا کہنا ہے کہ ٹیم کا میڈیکل پینل اینڈرسن کی فٹنس سے مطمن نہیں تھا، اینڈرسن کو کھلا کر رسک نہیں لے سکتے تھے۔

    انگلش بورڈ کے ڈائریکٹر اینڈریو سٹراس نےنوٹس لیتے ہوئےشکست کا سارا ملبہ سلیکشن کمیٹی پرڈال دیا۔ پاکستان کے ساتھ سیریز ختم ہوتے ہی سلیکشن کمیٹی کو مکمل طور پر فارغ کرنے کا پروانہ بھی تھما دیا جائے گا۔

  • لارڈز ٹیسٹ کا تیسرا دن، پاکستان کے 214 رنز، 8 کھلاڑی آؤٹ

    لارڈز ٹیسٹ کا تیسرا دن، پاکستان کے 214 رنز، 8 کھلاڑی آؤٹ

    لندن : لارڈز ٹیسٹ میں انگلینڈ کی ٹیم مشکلات کا شکار ہوگئی۔ پاکستان کو انگلینڈ کے خلاف دوسو اکیاسی رنز کی برتری حاصل ہوگئی۔ کھیل کے اختتام پر پاکستان نے آٹھ وکٹ پر دو سو چودہ رنز بنالیے اور اس کی دو وکٹیں باقی ہیں۔

    eng-post-1

    تفصیلات کے مطابق پاکستان اورانگلینڈ کی کرکٹ ٹیموں کے درمیان جاری لارڈ ٹیسٹ کے تیسرے دن کے اختتام پر دوسری اننگز میں پاکستان نے آٹھ وکٹوں کے نقصان پر دوسو چودہ رنز بنا لیے۔

    پاکستان کو مجموعی طور پر دوسو اکیاسی رنز کی برتری حاصل ہے۔ دوسرےروز انگلینڈ نے پہلی نامکمل اننگز شروع کی تو بلے بازصرف انیس رنز کا اضافہ کرسکے۔

    eng-post-2

     

    انگلینڈ کی پوری ٹیم دو سو باہتر رنز پر آؤٹ ہوگئی۔ پاکستان کو پہلی اننگز میں سرسٹھ رنزکی برتری ملی، برتری کے باوجود بلےباز دغا دے گئے۔

    eng-post-3

     

    محمد حفیظ  کھاتہ ہی نہ کھول سکے، شان مسعود اوراظہرعلی ایک بارپھرفلاپ رہے۔ پہلی اننگز کےہیرو مصباح الحق دوسری اننگز میں زیرو پر آؤٹ ہوئے۔ مصباح الحق سنچری اورصفر پر آؤٹ ہونےوالے پاکستان کے پہلے کپتان ہیں۔

    eng-post-4

    لڑکھڑاتی بیٹنگ لائن کو یونس اوراسد شفیق نے سہارا دیا۔ یونس پچیس رنز پر معین علی کی گیند پربولڈ ہوگئے۔ پہلی اننگز کے بعد دوسری اننگز میں بھی اسد شفیق ففٹی بنانےوالے تھے لیکن ووکس نے انہیں انچاس رنز پربولڈ کردیا۔

    eng-post-5

     

    کھیل کےاختتام پرکرس ووکس نے دو اہم وکٹیں دلوا کر دوسری اننگز میں بھی پانچ وکٹیں لیں۔ پاکستان کی برتری دو سو اکیاسی رنزکی ہوگئی ہے۔ پاکستان کے بیس رنز اور بن گئے تو انگلینڈ کے لئے ہدف کا حصول مشکل ہوگا۔

     

  • لارڈزٹیسٹ: دوسرا دن، انگلینڈ کے 253 رنز، سات کھلاڑی آؤٹ

    لارڈزٹیسٹ: دوسرا دن، انگلینڈ کے 253 رنز، سات کھلاڑی آؤٹ

    لندن : لارڈز ٹیسٹ کی پہلی اننگز میں دوسرے روز کے اختتام پر پاکستان کاپلڑا بھاری ہے، انگلینڈ کی ٹیم مشکلات کا شکار ہوگئی۔ پاکستان کی برتری ختم کرنے کیلئے مزید چھیاسی رنز درکارہیں اور اس کی صرف تین وکٹیں باقی ہیں۔

    تفصیلات کے مطابق لارڈز ٹیسٹ میں پہلی اننگز کے دوسرے روز کا کھیل ختم ہو گیا ہے ،انگلینڈ نے پہلی اننگز میں پاکستان کے 339 رنز کے جواب میں 253رنز بنا لئے ہیں اور اس کے 7 کھلاڑی آﺅٹ ہو گئے ہیں۔

    انگلینڈ کے اوپنر ابتدا میں ہی مشکلات کا شکار رہے۔ ایلکس ہیلز 6 رنز بنا کر پویلین لوٹ گئے، اوپنر ایلکس ہیلز راحت علی کا شکار بنے۔ تاہم کپتان الیسٹر کک اور جو روٹ نے دوسری وکٹ کی شراکت میں 110 رنز جوڑ کر ٹیم کی پوزیشن کو مضبوط کر دیا۔

    جوروٹ 48 رنز کے اسکور پر یاسر شاہ کی بال پر کیچ آؤٹ ہوگئے۔ محمد عامر کی گیند پر محمد حفیظ اور وکٹ کیپر سرفراز احمد نے کیچ ڈراپ کئے۔

    جیمز ونس 16 ، گیری بیلنس 6، جونی بیرسٹو 29 جبکہ معین علی 23رنز پر پویلین لوٹ گئے۔ محمد عامر نے اپنی وکٹوں کا آغاز اللسٹرکک کی 81 رنز کی وکٹ گراکر دیا۔

    دوسرے روز کے کھیل کے اختتام پر کرس ووکس 31 اور اسٹورٹ براڈ 11 رنز کے ساتھ ناٹ آؤٹ رہے۔

     

  • پاکستان اورانگلینڈ آج لارڈزمیں مدمقابل، سب کی نظریں محمد عامرپر

    پاکستان اورانگلینڈ آج لارڈزمیں مدمقابل، سب کی نظریں محمد عامرپر

    لندن : پاکستان اور انگلینڈ کے درمیان لندن کے لارڈزکرکٹ گراؤنڈ پر آج سے پہلا ٹیسٹ میچ شروع ہو رہا ہے۔ محمد عامر کی واپسی پر سب کی توجہ ہوگی۔

    تفصیلات کے مطابق انتظار کی گھڑیاں ختم ہوگئیں۔ پاکستان اور انگلینڈ کی ٹیمیں چھ سال بعد ایک بار پھر لارڈز کے تاریخی میدان میں مد مقابل ہونگی۔ دونوں ٹیموں میں چار میچوں کی سیریز کا پہلا ٹیسٹ آج سے شروع ہوگا۔

    ٹیسٹ کرکٹ کی رینکنگ میں نمبر تین پاکستان کا نمبر چار انگلینڈ سے کانٹے کا مقابلہ متوقع ہے اور سب کی نظریں ٹیسٹ کرکٹ میں واپس آنے والے محمد عامر کی دھواں دھار بولنگ پر ہوں گی۔

    اس ٹیسٹ کو محمد عامر یادگار بنانے کیلئے پرعزم ہیں۔ وہ کرکٹ میں اپنا ادھورا سفر لارڈز سے ہی شروع کرینگے۔ اسی گراؤنڈ پر تیزی سے اوپر جانیوالے باؤلر محمد عامر پراسپاٹ فکسنگ کے الزام میں پابندی کا سامنا کرنا پڑا۔

    پاکستان کے کپتان مصباح الحق کو امید ہے کہ محمد عامر مرد میداں بن سکتا ہے، انگلش ٹیم کو نہ صرف محمد عامر کا خوف ہے بلکہ اپنے اہم بولر ان فٹ جمی اینڈرسن کے نہ ہونے کا بھی دباؤ ہے۔

    انگلش کپتان ایلیسٹر کک نے کہا ہے کہ محمد عامر کی باتیں بہت ہو گئیں اب کرکٹ پر توجہ مرکوز ہے، لارڈز کے میدان میں ٹاس اہم ہو تا ہے۔ دیکھا یہ گیا ہے کہ زیادہ تر جیت اسی ٹیم کی ہوتی ہے جو ٹاس جیت کر درست فیصلہ کرے۔

    ریکارڈ پر نظر ڈالیں تو ٹیسٹ کرکٹ میں انگلینڈ کا پاکستان کیخلاف پلڑا بھاری ہے لیکن پاکستان انگلینڈ کیخلاف ٹیسٹ سیریز چار صفر یا تین صفر سے جیت کر آسٹریلیا سے پہلی پوزیشن چھین سکتا ہے۔

    شاہینوں کے پاس دنیا کی بہترین ٹیسٹ ٹیم بننے کا سنہری موقع ہے۔ ٹیسٹ سیریز تین ایک یا دو ایک سے جیتنے کی صورت میں پاکستان بھارت کو پیچھے چھوڑ دوسری پوزیشن پر قبضہ کرلے گا۔

    انگلینڈ کسی بھی مارجن سے سیریز جیتنے میں کامیاب ہوا تو پاکستان ایک درجہ تنزلی کے بعد چوتھے نمبر پر چلاجائے گا۔اورانگلینڈ تیسرے نمبر پر آجائے گا۔

    مجموعی طور پر ستتر میچز میں سے اکیس انگلینڈ کے نام رہے تو اٹھارہ میں پاکستان فاتح رہا۔ اڑتیس میچز ڈرا ہوئے۔ پاکستان کوانگلینڈ کیخلاف آخری ناکامی دوہزاردس کے لارڈز ٹیسٹ میں ہوئی تھی۔ جس کےبعد یو اےای میں کھیلے گئے چھ میں پانچ میچز پاکستان نے جیتے تھے۔

     

  • لارڈز ٹیسٹ: سری لنکا نے سات وکٹوں پر چارسو پندرہ رنزبنالیے

    لارڈز ٹیسٹ: سری لنکا نے سات وکٹوں پر چارسو پندرہ رنزبنالیے

    sri-lanka-Eng-01