کراچی: پی ایس ایل 7 کے 12ویں میچ میں لاہور قلندرز نے اسلام آباد یونائیٹڈ کو سنسنی خیز مقابلے کے بعد 8 رنز سے شکست دے دی، زمان خان کو آخری اوور میں شاندار بولنگ پر میچ کا بہترین کھلاڑی قرار دیا گیا۔
تفصیلات کے مطابق کراچی کے نیشنل اسٹیڈیم میں کھیلے گئے میچ میں لاہور قلندرز کی جانب سے دیے گئے 175 رنز کے تعاقب میں اسلام آباد یونائیٹڈ کی ٹیم مقررہ اوورز میں 5 وکٹوں کے نقصان پر 166 رنز بناسکی۔
😲#HBLPSL7 l #LevelHai l #IUvLQ pic.twitter.com/Nfih3Z1UGv
— PakistanSuperLeague (@thePSLt20) February 5, 2022
کولن منرو کی 60 اور کپتان شاداب خان کی 52 رنز کی اننگز بھی یونائیٹڈ کو شکست سے نہ بچاسکی، اوپنرز پال اسٹرلنگ 14 اور الیکس ہیلز 11 رنز بنا کر پویلین لوٹ گئے۔
آصف علی 14 رنز بنا کر زمان خان کا نشانہ بنے، اعظم خان 10 رنز کے ساتھ ناٹ آؤٹ رہے۔
Catch of the match? @HarisRauf14 got @manuz05 👏🏼 #HBLPSL7 l #LevelHai l #IUvLQ pic.twitter.com/yfDOOxu443
— PakistanSuperLeague (@thePSLt20) February 5, 2022
لاہور قلندرز کے فاسٹ بولر زمان خان نے آخری اوور میں 12 رنز نہ بننے دیے، زمان نے 4 اوورز میں 29 رنز دے کر ایک وکٹ حاصل کی۔
حارث رؤف نے دو کھلاڑیوں کو پویلین کی راہ دکھائی، کپتان شاہین آفریدی اور راشد خان ایک، ایک وکٹ حاصل کرسکے۔
An outstanding knock by @76Shadabkhan comes to an end. @rashidkhan_19 gets the big man. #HBLPSL7 l #LevelHai l #IUvLQ pic.twitter.com/4fGfVxAYF0
— PakistanSuperLeague (@thePSLt20) February 5, 2022
اس سے قبل لاہور قلندرز نے اسلام آباد یونائیٹڈ کو جیت کے لیے 175 رنز کا ہدف دیا تھا۔
لاہور قلندرز کے عبداللہ شفیق 44 رنز بنا کر نمایاں رہے، ہیری بروک نے 37 اور فخر زمان نے 38 رنز بنائے۔
یونائیٹڈ کے شاداب خان نے شاندار بولنگ کرتے ہوئے 4 وکٹیں حاصل کیں، فاسٹ بولر وقاص مقصود نے بھی 4 کھلاڑی آؤٹ کیے۔
💁🏻♂️#HBLPSL7 l #LevelHai l #IUvLQ pic.twitter.com/xKZFJBOBfb
— PakistanSuperLeague (@thePSLt20) February 5, 2022
پوائنٹس ٹیبل پر اس وقت اسلام آباد یونائیٹڈ 3 میں سے 2 میچز جیت کر 4 پوائنٹس کے ساتھ دوسرے نمبر پر ہے، جبکہ لاہور قلندر بھی اسی صورتحال کے ساتھ تیسرے نمبر پر ہے۔
گزشتہ روز کے میچ میں پشاور زلمی نے کراچی کنگز کو 9 رنز سے شکست دی تھی، گزشتہ روز کے میچ میں شعیب ملک کو میچ کا بہترین کھلاڑی قرار دیا گیا تھا۔
