کوئٹہ : کمانڈرسدرن کمانڈ لیفٹیننٹ جنرل عاصم سلیم باجوہ نے طلبہ کوتعلیم اورپیشہ وارانہ مہارت پر توجہ دینے کا مشورہ دیدیا۔
پاک فوج کے تعلقاتِ عامہ آئی ایس پی آر کے مطابق کمانڈرسدرن کمانڈلیفٹیننٹ جنرل عاصم سلیم باجوہ نے آواران کادورہ کیا اور فوج کی جانب سے فراہم کی جانے والی تعلیمی سہولتوں کا جائزہ بھی لیا ۔
آئی ایس پی آر کے مطابق کمانڈرسدرن کمانڈلیفٹیننٹ جنرل عاصم سلیم باجوہ نے آواران میں گورنمنٹ گرلز ہائی اسکول گجرکابھی دورہ کیا۔
اس موقع پر کمانڈرسدرن کمانڈ کا کہنا تھا کہ طلبہ معیاری تعلیم اورپیشہ وارانہ مہارتوں کےحصول پرتوجہ دیں۔
لیفٹیننٹ جنرل عاصم سلیم باجوہ کو بریفنگ میں بتایا گیا کہ فوج نے علاقےمیں دو پرائمری اسکولوں کو دوبارہ تعمیرکیاہے، گرلز اسکول میں نیا فرنیچر اور دو اسکول وینز فراہم کی گئیں اور نئی لیب بھی تعمیرکی گئیں۔
یاد رہے چند روز قبل گورنربلوچستان محمدخان اچکزئی سے ملاقات میں لیفٹیننٹ جنرل عاصم سلیم باجوہ نے بلوچستان کی ترقی کیلئے ہرممکن تعاون کہ یقین دہانی کرائی تھی۔
مزید پڑھیں : لیفٹیننٹ جنرل عا صم سلیم باجوہ نے کمانڈر سدرن کمانڈ کا عہدہ سنبھال لیا
یال رہے لیفٹیننٹ جنرل عاصم سلیم باجوہ کو کمانڈر سدرن کمانڈ تعینات کیا گیا تھا، جس کے بعد گذشتہ ماہ ہی لیفٹیننٹ جنرل عاصم سلیم باجوہ نے عہدے کا چارج سنبھالا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
