Tag: lucknow

نئی دہلی: بھارتی ریاست اترپردیش میں مودی سرکار کے کارندوں نے تاریخی شہر لکھنؤ کے نام کی تبدیلی کا شور ایک بار پھر سے اٹھا دیا ہے۔

بھارتی میڈیا رپورٹس کے مطابق اتر پردیش کے وزیر اعلیٰ یوگی ادتیہ ناتھ نے ایک ٹوئٹ کیا ہے جس نے لکھنؤ شہر کا نام تبدیل کر کے لکشمن رکھنے کی بحث کو تازہ کر دیا ہے۔

یوگی ادتیہ ناتھ نے پیر کو ایک ٹوئٹ میں بھارتی وزیر اعظم نریندر مودی کو مخاطب کرتے ہوئے لکھا تھا کہ ’بھگوان لکشمن کی سرزمین لکھنؤ میں آپ کا پرتپاک استقبال ہے۔‘

یوگی کے اس ٹوئٹ کے بعد سیاسی حلقوں کے ساتھ ساتھ سوشل میڈیا پر بھی لکھنؤ کا نام تبدیل کرنے کے حوالے سے چہ مگوئیاں ہو رہی ہیں، بے جے پی رہنما راجیو مشرا کا کہنا ہے کہ ’لکھنؤ کا نام تبدیل کر کے لکشمن کے نام پر رکھنے کا مطالبہ بہت پرانا ہے، کافی ثبوت موجود ہیں جو لکھنؤ کو لکشمن جی سے جوڑتے ہیں۔‘

انھوں نے کہا جس طرح فیض آباد کا نام ایودھیا اور الہ آباد کا نام بدل کر پریاگ راج رکھا گیا، اسی طرح ہم چاہتے ہیں کہ لکھنؤ کا نام بدل کر لکھن پوری یا لکشمن پوری رکھا جائے۔

دوسری طرف کانگریس رہنما ڈی پی سنگھ نے مطالبے کی مخالفت کرتے ہوئے کہا ہے کہ لکھنؤ میں پہلے ہی کئی مقامت لکشمن جی کے نام پر ہیں، لکشمن جی کے نام کا ایک مندر بھی بن رہا ہے، پھر لکھنؤ کا نام بدلنے کے لیے شور کیوں مچایا جا رہا ہے، حکومت تعمیری کام کی بجائے معاشرے کو تقسیم کر رہی ہے۔

لکھنؤ: بھارتی ریاست اتر پردیش میں کرونا کے پھیلاؤ کی صورت حال بد تر ہو گئی ہے، اسپتال مریضوں سے بھر گئے، کرونا میں مبتلا ایک معمر مریض آکسیجن سلنڈر کے ساتھ ایک سے دوسرے اسپتال جاتا رہا لیکن کوئی جگہ نہ ملی۔

تفصیلات کے مطابق بھارتی شہر لکھنؤ میں رونگٹے کھڑے کر دینے والا واقعہ پیش آیا، ایک بیٹا کرونا انفیکشن سے متاثرہ 70 سالہ والد کو آکسیجن سلنڈر کے ساتھ لیے اسپتال اسپتال پھرتا رہا لیکن انھیں کسی اسپتال نے داخل نہیں کیا۔

رپورٹس کے مطابق کسی اسپتال میں جگہ نہ ملنے کے بعد علی گنج کے رہائشی سشیل کمار کو ان کا بیٹا واپس گھر لے آیا، جہاں وہ خود والد کی تیمار داری کر رہا ہے۔

سشیل کمار ذیابیطس اور بلڈ پریشر کے بھی مریض ہیں، بدھ کو انھیں اچانک سانس لینے میں مشکل پیش آنے لگی، مقامی اسپتال لے جائے جانے پر ڈاکٹرز نے کرونا ٹیسٹ کے بغیر انھیں دیکھنے سے انکار کر دیا، جب کہ ان کا آکسیجن لیول گر رہا تھا، جب ٹیسٹ ہوا تو وہ کرونا پازیٹو نکلے۔

میڈیا رپورٹس کے مطابق جس اسپتال میں مریض کا ریگولر علاج ہو رہا تھا، اس نے بزرگ شہری کو داخل کرنے سے انکار کردیا کہ کوئی بستر خالی نہیں ہے، جس پر بیٹا آکسیجن سلنڈر کار میں رکھ کر انھیں شہر کے دیگر اسپتالوں پر گھمانے لگا، لیکن کہیں جگہ نہ ملی۔

سشیل کمارے کے بیٹے نے فون پر بھی کئی ڈاکٹرز سے منتیں کیں لیکن کوئی مدد نہ ملی، والد کو اسپتال در اسپتال گھمانے کے دوران آکسیجن سلنڈر بھی ختم ہونے لگا، جس پر اسے ایک آکسیجن سینٹر سے مہنگے داموں آکسیجن سلنڈر بھی خریدنا پڑا۔

کرونا مریض کے بیٹے اشیش کا کہنا تھا کہ وہ اب گھر پر ہی والد کی دیکھ بھال کر رہا ہے، اور اس واقعے نے ان کی پوری فیملی کو صدمے سے دوچار کر دیا ہے۔