Tag: lyari area

کراچی : لیاری کی کس گلی پر کس کا راج چلتا ہے، لیاری میں قبضے کی جنگ کئی دہائیوں سے جاری ہے۔

گیارہ یوسیز میں سے پانچ گینگسٹرز کا اکھاڑہ ہیں، تین میں عزیر جان بلوچ کا طوطی بولتا ہے تو دو میں بابا لاڈلہ کا پلہ بھاری ہے، عزیر بلوچ کے زیرِ اثر علاقوں میں کھڈہ مارکیٹ، شاہ بیگ لین، نوالین، موسیٰ لین، ریکسر لین، مین چاکیواڑہ شامل ہیں اور ان علاقوں کوکنٹرول کرتے ہیں۔

عزیر کے کمانڈرز میں استاد تاجو ، شیراز کامریڈ ، سرور ، ملا نثار ، نعیم لاہوتی، فاروق مایہ، عمرکچھی، جاسین گولڈن شامل ہیں جب کہ بابا لاڈلہ کے زیرِ اثرعلاقے میں دھوبی گھاٹ، گلستان کالونی، لیاری جنرل اسپتال، اولڈ کالونی، دبئی چوک، بہار کالونی، رانگی واڑہ شامل ہیں۔

ان علاقوں میں زاہد لاڈلہ، غفار ذکری، شیراز ذکری اور شفیق پٹھان دہشت پھیلاتے ہیں۔

لیاری میں گینگ وار میں اب تک تین سو جرائم پیشہ مارے جاچکے ہیں، ایک سال کے دوران مارے جانے والوں میں آصف نیازی، جھینگو، شاہد مکس پتی، لالہ اورنگی، ماما شعیب، فہیم بادشاہ، کالو کرنٹ، یونس مادی اور شاہجہاں بلوچ شامل ہیں۔